Translate

Tuesday, August 7, 2018

ബിഷപ്പ് ഫ്രാങ്കോയും ദിലീപും; ചില ചോദ്യങ്ങൾ മാത്രം !!!

http://achayatharangal.blogspot.com/2018/08/


ബിഷപ്പ് ഫ്രാങ്കോ മുളക്കലിന്റെ കേസും ദിലീപിന്റെ കേസും ഓരോ സ്ത്രീകൾ പീഡിപ്പിക്കപ്പെട്ട കേസ് ആയിരുന്നില്ലേ ?

രണ്ടിലും ഇരയുടെ പരാതിയും വൈദ്യപരിശോധനയിലെ തെളിവുകളും മറ്റ് ഇലക്ട്രോണിക്ക് തെളിവുകളും മാത്രമല്ലെ ഉണ്ടായിരുന്നുള്ളൂ ?

മുളക്കലിന്റെ കേസിൽ നിന്ന് കൂടുതലായി എന്ത് തെളിവുകളായിരുന്നു ദിലീപിന്റെ കേസിൽ ഉണ്ടായിരുന്നത് ?

ദിലീപ് അകത്തു പോയതും ഫ്രാങ്കോ ചോദ്യം ചെയ്യപ്പെടുക പോലും ചെയ്യാതെ സ്വതന്ത്രനായി നടക്കുന്നതും ഈ രാജ്യത്തെ ഒരേ നിയമസംവിധാനത്തിന്റെ കീഴിലല്ലേ ?

ദിലീപ് എന്ന സെലിബ്രിറ്റി പൗരനേക്കാൾ ബിഷപ്പിന് എന്തെങ്കിലും പ്രത്യേക നിയമ പരിരക്ഷ ഉണ്ടോ ?

ഒത്തുതീർപ്പിനും കേസ് രാജിയാക്കലിനും വഴിവയ്ക്കാവുന്ന ഇഴച്ചിൽ എന്തിനാണ് ?


ബിഷപ്പ് കേസിൽ ഒത്തുതീർപ്പിന് ശ്രമിച്ച വൈദികനെതിരെ കേസെടുത്തിട്ടും ബിഷപ്പിനെതിരെ കേസെടുക്കാത്തതെന്താണ് ?

ബിഷപ്പിനെ ഒന്ന് ചോദ്യം ചെയ്യാൻ പോലും കേരളാ പോലീസിനും അതിനെ നയിക്കുന്ന മുഖ്യമന്ത്രിയ്ക്കും ധൈര്യം വരാത്തത് ? 

ദിലീപിന്റെ കേസിൽ നേരിട്ടന്വേഷണം നടത്തിയിരുന്ന മുന്തിയ പോലീസേമാന്മാരൊന്നും ഫ്രാങ്കോയുടെ കേസിൽ Available അല്ലെ ?

പേരുദോഷം കേൾപ്പിക്കാതെ ഇത് വരെ തൊഴിലെടുത്ത പാവം വൈക്കം DySP-യെ ഈ കേസന്വേഷണം ഏൽപ്പിച്ച് ബലിയാടാക്കുകയല്ലേ ?

ഞാൻ നിരന്തരം പീഡിപ്പിക്കപ്പെട്ടു എന്ന് ഉറച്ച ശബ്ദത്തിൽ തെളിവുകളോടെ ഒരു സ്ത്രീ വിളിച്ചു പറഞ്ഞിട്ട് ഇവിടെ ജീവിക്കുന്ന സാംസ്കാരികബുദ്ധിജീവികളും വനിതാ ശാക്തീകരണ പ്രവർത്തകരും എന്തെങ്കിലും രീതിയിൽ പ്രതികരിച്ചോ ?

ഭരണപക്ഷമോ പ്രതിപക്ഷമോ ഇത് രണ്ടുമല്ലാത്ത പാർട്ടികളോ ഒരക്ഷരം ഇക്കാര്യത്തിൽ മിണ്ടിയോ ?

ആ കന്യാസ്ത്രീ മറ്റൊരഭയ ആകാതെ ഇപ്പോഴും ജീവിച്ചിരിക്കുന്നത് ഭാഗ്യം; ഭാവിയിലും സുരക്ഷിതയായിരിക്കട്ടെ എന്ന് പ്രത്യാശിക്കാം ...

3 comments:

  1. http://achayatharangal.blogspot.com/2018/02/blog-post_16.html

    ReplyDelete
  2. https://www.youtube.com/watch?v=rp5hC3FVw5Q&feature=youtu.be

    ReplyDelete
  3. http://www.marunadanmalayali.com/news/investigation/fr-franco-mulakkal-in-deep-trouble-118043

    ReplyDelete