Translate

Thursday, October 4, 2018

സഭയിൽ ഇരട്ടനീതീ നടപ്പിലാക്കുന്നത് വിശ്വാസികൾ ചോദ്യം ചെയ്യേണ്ടതുണ്ട്

റോസി തമ്പി 

(ഫേസ് ബുക്കിൽനിന്ന്)

പള്ളികളിലെ നേർച്ചപ്പെട്ടികളും വഴിപാടുകളും ഒഴിവാക്കേണ്ടതാണ്. പകരം അതാത് ഇടവകക്കാർ വരിയിട്ടെടുത്ത് പള്ളിച്ചെലവുകൾ സമയാസമയങ്ങളിൽ നടത്തുക. ഇങ്ങനെയെങ്കിൽ സമ്പത്തിന്റെ സുവിശേഷത്തിന് ഒരു നിയന്ത്രണമുണ്ടാകുകയും ആ പണം കൊണ്ട് പുരോഹിതർ മെത്രാൻമാർ തുടങ്ങിയവർ വിശ്വാസികളുടെ മേൽ കുതിര കയറുന്നത് അവസാനിക്കുകയും ചെയ്യും. ദൈവത്തിന്,അഥവ വിശുദ്ധർക്ക് ജീവിക്കാൻ നമ്മുടെ നേർച്ചപ്പണം കിട്ടിയിട്ടു വേണ്ടല്ലോ?
വൈദികനും (റോബിൻ) മെത്രാനും (ഫ്രാങ്കോ )കേസു വാദിക്കാൻ ചെലവഴിക്കുന്ന പണം വിശ്വാസികളുടെ നേർച്ച പണം ആണെന്ന ബോധ്യമുണ്ടാകേണ്ടതുണ്ട്.
ഒരേ സഭയിൽ പെട്ട മെത്രാനും കന്യാസ്ത്രികളും തമ്മിൽ അഭിപ്രായ വ്യത്യാസമുണ്ടാകുകയും പോലീസ് കേസായി മാറുകയും ചെയ്യുമ്പോൾ മെത്രാനെ രക്ഷിക്കാനും കന്യാസ്ത്രീകളെ ശിക്ഷിക്കാനും സഭ കാണിക്കുന്ന വഴിവിട്ട പരാക്രമങ്ങൾ പരിഹാസ്യമാണ്. തങ്ങൾ അടിമകളെല്ലെന്ന് കന്യാസ്ത്രീകളെ കൊണ്ട് ലേഖനം എഴുതിച്ചതുകൊണ്ട് കന്യാസ്ത്രീകളുടെ അടിമത്വം ഇല്ലാതാകുന്നതെങ്ങിനെ?
അങ്ങനെ എങ്കിൽ ഈ സമരം ചെയ്യുന്ന കന്യാസ്ത്രീകളെ എന്തുകൊണ്ട് ഒറ്റപ്പെടുത്തുന്നു?
ജയിലിൽ പോയി മെത്രാനെ കാണുന്ന അതേ നീതീ തന്നെയല്ലെ സമരപന്തലിൽ പോയി കന്യാസ്ത്രീകളെ ആശ്വാസിപ്പിച്ചവരും ചെയ്തത്.
കുറ്റാരോപിതനായ മെത്രാനെ ആശ്വസിപ്പിക്കാനും അദ്ദേഹം നിരപരാധിയാണെന്നും ക്രിസ്തുവാണന്നും മറ്റൊരു മെത്രാനു പറയാമെങ്കിൽ എന്തു കൊണ്ടാണ് കന്യാസ്ത്രീകൾ, പീഡിപ്പിക്കപ്പെട്ടു എന്നു പരാതിപ്പെട്ട കന്യാസ്ത്രിയെ സന്ദർശിക്കാത്തത്? അവർ വ്യാകുലമാതാവാണ് എന്നു പറയാത്തത്?അതു തന്നെയല്ലേ കന്യാസ്ത്രീകളുടെ അടിമത്വത്തിന് തെളിവ്.കുറ്റാരോപിതൻ നിരപരാധിയെന്നു തെളിയിക്കും വരെ പരാതിക്കാരിയെ അവിശ്വസിക്കേണ്ട കാര്യമെന്ത്? അങ്ങനെയെങ്കിൽ പോലീസ് കേസ് എടുക്കേണ്ടതില്ലല്ലോ?
മെത്രാൻ നിരപരാധി എന്നു തെളിയും വരെ പരാതിക്കാരിയായ കന്യാസ്ത്രീ കളവ് പറയുന്നു എന്ന് എങ്ങനെയാണ് മെത്രാൻ സംഘം തീരുമാനിക്കുന്നത്. അവരെ ഇങ്ങനെ ഒറ്റപ്പെടുത്തുകയും അപകീർത്തിപ്പെടുത്തുകയും ചെയ്യുന്നത്എന്തുകൊണ്ടാണ് ?
ഇത്ര പ്രത്യക്ഷമായി മെത്രാൻ സംഘം സഭയിൽ ഇരട്ടനീതീ നടപ്പിലാക്കുന്നത് വിശ്വാസികൾ ചോദ്യം ചെയ്യേണ്ടതുണ്ട്.

Tuesday, October 2, 2018

ദൈവനാമത്തില്‍ - മഹാപുരോഹിതരുടെ കാര്‍മ്മികത്വത്തില്‍ നടന്ന രണ്ടാം ക്രൂശിക്കല്‍


ജെ.പി. ചാലി


(ഉടന്‍ പ്രസിദ്ധീകരിക്കുന്ന 'ദൈവനാമത്തില്‍' എന്ന പുസ്തകത്തില്‍നിന്ന്) 

ആഗോളകത്തോലിക്കാസഭയുടെ സര്‍വ്വാധികാരിയായി മഹാഭൂരിപക്ഷം കര്‍ദ്ദിനാളന്മാരുടെ അംഗീകാരത്തോടെ തിരഞ്ഞെടുക്കപ്പെട്ട 'ദൈവത്തിന്റെ സ്വന്തം സ്ഥാനാര്‍ത്ഥി'യായിരുന്നു പോപ്പ് ജോണ്‍പോള്‍ ഒന്നാമന്‍. അധികാരമേറ്റ് 33-ാം ദിവസം നിസ്സഹായനായി. ഏകനായി അദ്ദേഹം മരിച്ചു. ആ മരണം ദുരൂഹമായിട്ടും പോസ്റ്റുമോര്‍ട്ടം നടത്താന്‍പോലും സഭാധികാരികള്‍ തയ്യാറായില്ല. മൃതദേഹം കണ്ടെത്തുന്നതിനുമുമ്പേ, അത് 'എംബാം' ചെയ്യാനുള്ളവരെ അവര്‍ തയ്യാറാക്കി നിറുത്തിയിരുന്നു. എന്നിട്ട്, പോപ്പിനെയും മരണത്തെയുംപറ്റി അവര്‍ കള്ളങ്ങള്‍തന്നെ ആവര്‍ത്തിച്ചു പറഞ്ഞുകൊണ്ടിരുന്നു.
1978 സെപ്റ്റംബര്‍ 29 രാവിലെ 7.30-ന് വത്തിക്കാന്‍ റേഡിയോ പ്രഖ്യാപിച്ചു:
''ഇന്നലെ അര്‍ദ്ധരാത്രിക്കുമുമ്പായി പോപ്പ് ജോണ്‍പോള്‍ ഒന്നാമന്‍ മരിച്ചു. ഹൃദയത്തിലുണ്ടായ Myocardial Infarction ആണ് മരണകാരണം. ഇന്നു രാവിലെ 6.30 ന് പോപ്പിന്റെ സെക്രട്ടറി മാഗിയാണ് ആദ്യം പോപ്പിന്റെ മൃതദേഹം കണ്ടെത്തിയത്. പതിവനുസരിച്ച് രാവിലെ ചാപ്പലില്‍ കാണാതിരുന്ന പോപ്പിനെത്തേടി ചെന്നപ്പോഴാണ് മരിച്ചനിലയില്‍ കണ്ടെത്തിയത്. ബെഡ്‌ലാമ്പ് തെളിഞ്ഞുനിന്നിരുന്നു. പകല്‍ സമയത്ത് ധരിക്കുന്ന ഔദ്യോഗികവേഷമായിരുന്നു പാപ്പായുടേത്. കണ്ണട ധരിച്ച് വായിച്ചുകൊണ്ടിരിക്കുകയായിരുന്നു. ''Imitation of Christ'' എന്ന ഗ്രന്ഥം കൈകളില്‍ വിടര്‍ത്തിപ്പിടിച്ചിരുന്നു.....''
ഈ വാര്‍ത്ത കേട്ട് വൈദ്യശാസ്ത്രലോകം ഞെട്ടി. ഒരു നിമിഷം വൈകാതെ ഇറ്റാലിയന്‍ മെഡിക്കല്‍ സൊസൈറ്റി പ്രസ്താവനയിറക്കി:
''മരണത്തിന് ദൃക്‌സാക്ഷിയല്ലാത്ത ഒരു ഡോക്ടര്‍ മരണകാരണം ഹൃദയസ്തംഭനമാണെന്നു രേഖപ്പെടുത്തുന്നത് നിരുത്തരവാദപരമാണ്. പോസ്റ്റുമോര്‍ട്ടം നടത്താതെ അദ്ദേഹം എങ്ങനെ തീരുമാനമെടുത്തു? പ്രത്യേകിച്ച് ഹൃദ്രോഗിയല്ലാത്ത ഒരാളിന്റെ കാര്യത്തില്‍. അദ്ദേഹത്തിന്റെ കുടുംബത്തില്‍പോലും ഹൃദ്രോഗികളില്ല!''
മൃതശരീരം എംബാം ചെയ്ത വ്യക്തികള്‍ അചടഅ എന്ന വാര്‍ത്താ ഏജന്‍സിയോടു പറഞ്ഞത്,  മരിച്ച പോപ്പിന്റെ കൈകളില്‍ എന്തൊക്കെയോ നോട്ടുകള്‍ കുറിച്ച പേപ്പറുകള്‍ ഉണ്ടായിരുന്നു എന്നാണ്.
അവര്‍ മറ്റൊരു കാര്യംകൂടി പറഞ്ഞു: വത്തിക്കാന്‍ മൃതശരീരം കണ്ടെത്തിയെന്ന വാര്‍ത്താപ്രക്ഷേപണം നടത്തിയതിന് ഒരു മണിക്കൂര്‍ മുമ്പ,5.30-ഓടുകൂടി വത്തിക്കാന്റെ ഒരു വാന്‍ പാഞ്ഞെത്തി തങ്ങളെ കൂട്ടിക്കൊണ്ടു പോരുകയായിരുന്നുവെന്ന്.
എന്നാല്‍, വത്തിക്കാനിലെ സ്വിസ്സ് ഗാര്‍ഡുകള്‍ പറഞ്ഞത് പോപ്പിന്റെ മൃതശരീരം ആദ്യം കണ്ടെത്തിയത് ഒരു കന്യാസ്ത്രീയാണെന്നാണ്. മാത്രമല്ല, എംബാം ചെയ്യാനെത്തിയവരുടെ അഭിപ്രായത്തില്‍ പോപ്പ് ജോണ്‍പോള്‍ മരിച്ചിട്ട് ഒന്നോ രണ്ടോ മണിക്കൂറില്‍ കൂടുതല്‍ ആയിരുന്നില്ല. അതൊരു തണുത്ത രാത്രിയായിരുന്നു. ജനാലകളെല്ലാം തുറന്നിരുന്നു. എന്നിട്ടും ശരീരത്തില്‍നിന്ന് ചൂട് നിശ്ശേഷം പോയിരുന്നില്ല.
****
മൃതശരീരം ആദ്യം കണ്ടെത്തിയ സി. വിന്‍സെന്‍സ പത്രക്കാരോട് പറഞ്ഞു: ''പതിവുപോലെ രാവിലെ 4.30-നുതന്നെ ബെഡ് കോഫിയുമായി ഞാന്‍ പോപ്പിന്റെ മുറിയുടെ വാതില്‍ക്കല്‍ എത്തി. വാതിലില്‍ മുട്ടിയെങ്കിലും മറുപടിയുണ്ടായില്ല. ഒരു നിമിഷം നിന്നിട്ട് വീണ്ടും മുട്ടി, അല്പം കൂടി ശക്തിയോടെ, എന്നിട്ടും മറുപടിയില്ല.
പാപ്പാ പതിവായി 4 മണിക്കുതന്നെ ഉണരും. ഒരു കാരണവശാലും വൈകാതിരിക്കാന്‍ 4.30-ന് അല്പം മുമ്പുതന്നെ ക്ലോക്കിന്റെ അലാം ശബ്ദിക്കും. അഥവാ, ഉണര്‍ന്നിട്ടില്ലെങ്കിലും ശക്തമായ അലാം കേട്ട് പാപ്പാ ഞെട്ടിയുണരും.
അതായത്, പാപ്പാ 4 മണിക്കുതന്നെ ഉണര്‍ന്നിട്ടുണ്ടെന്ന് സിസ്റ്റര്‍ ഊഹിച്ചു. ഉണര്‍ന്നാലുടന്‍ അലാം  ഓഫ് ചെയ്യും. അദ്ദേഹം ബാത്ത് റൂമിലായിരിക്കുമെന്ന ധാരണയില്‍ സിസ്റ്റര്‍ വാതില്‍ തള്ളിത്തുറന്നു. മുറിയില്‍ കയറി ട്രേ മേശപ്പുറത്തുവച്ചിട്ട് തിരികെ പോകാനായിരുന്നു ഉദ്ദേശിച്ചത്.
അതാ, ലൈറ്റ് തെളിഞ്ഞു നില്‍ക്കുന്നു. പോപ്പ് പകല്‍ ധരിക്കുന്ന വേഷത്തില്‍, അദ്ദേഹം എന്തോ പേപ്പറുകള്‍ കൈകളില്‍ പിടിച്ച് വായിച്ചുകൊണ്ടിരിക്കുന്നു! സിസ്റ്റര്‍ പതുക്കെ പറഞ്ഞു: ഗുഡ് മോര്‍ണിംഗ്! പക്ഷേ സിസ്റ്ററിനെ കബളിപ്പിക്കാനെന്നമട്ടില്‍ അദ്ദേഹം വായനയില്‍ മുഴുകി അനങ്ങാതെയിരുന്നു.
ഇരുപതു വര്‍ഷമായി സി. വിന്‍സെന്‍സ അദ്ദേഹത്തെ അനുഗമിക്കുന്നു. രസികനും സദാ സുസ്‌മേരവദനനുമായ അദ്ദേഹം പതിവായി തമാശപറഞ്ഞു പൊട്ടിച്ചിരിക്കും. പക്ഷേ അന്ന്, ഔദ്യോഗിക വേഷമണിഞ്ഞ് ബെഡ്ഡിലിരുന്ന് വായിക്കുന്ന പോപ്പ്!
തന്നെ കബളിപ്പിക്കാനുള്ള തമാശയാണെന്നാണ് സിസ്റ്റര്‍ ആദ്യം കരുതിയത്. കാരണം, അദ്ദേഹത്തിന്റെ ചുണ്ടത്ത് പുഞ്ചിരിയുണ്ട്. മാത്രമല്ല, കണ്ണടയും ധരിച്ചിരിക്കുന്നു. പോപ്പിന് വായിക്കാന്‍ കണ്ണട ആവശ്യമില്ല, നടന്നുപോകുമ്പോഴേ കണ്ണട ധരിക്കാറുള്ളൂ.
എന്നാല്‍, അദ്ദേഹത്തെ അടുത്തറിയാന്‍ വയ്യാത്ത ആര്‍ക്കോ അബദ്ധം പിണഞ്ഞിരിക്കുന്നു. പ്രസംഗപീഠത്തില്‍ നില്‍ക്കുമ്പോള്‍ അദ്ദേഹം കണ്ണട ഉപയോഗിക്കുന്നത് പ്രേക്ഷകരെ ശ്രദ്ധിക്കാന്‍ വേണ്ടിയാണെന്ന് അറിയാന്‍ വയ്യാത്ത ആര്‍ക്കോ!
അസ്വസ്ഥയായ സി. വിന്‍സെന്‍സ ബഡ്ഡിനെ സമീപിച്ചു.
'എന്താണിതു പിതാവേ! തമാശ കളയൂ'.
ട്രേ മേശമേല്‍ വച്ചപ്പോഴേക്കും എന്തോ പ്രശ്‌നം സിസ്റ്റര്‍ മണത്തു.
സിസ്റ്ററിന്റെ സാക്ഷ്യവും എംബാം ചെയ്യാനെത്തിയവരുടെ സാക്ഷ്യവുമായി പൊരുത്തമുണ്ട്. പോപ്പിന്റെ കൈകളില്‍ പേപ്പറുകളുണ്ടായിരുന്നു. പുസ്തകം ആയിരുന്നില്ല. അതിനേക്കാള്‍ പ്രധാനം, മൃതദേഹം കണ്ടെത്തിയത് 4.30-നാണ്, 6.30 -നല്ല. ക്ലോക്കിന്റെ അലാറം അടിക്കേണ്ടതായിരുന്നു, പക്ഷേ, അടിച്ചില്ല. ഒന്നുകില്‍ പോപ്പുതന്നെ അത് ഓഫാക്കിയിരിക്കാം. അല്ലെങ്കില്‍ അദ്ദേഹത്തിന്റെ ശീലം അറിയാവുന്ന ആരെങ്കിലും അതു ചെയ്തിരിക്കാം. സിസ്റ്റര്‍ വാതില്ക്കലെത്തിയ സമയത്ത് ആ ഇലക്ട്രിക് ക്ലോക്കിന്റെ അലാറം അടിക്കേണ്ടതായിരുന്നു.
****
സിസ്റ്ററിന്റെയും എംബാം ചെയ്യാനെത്തിയവരുടെയും സാക്ഷ്യങ്ങള്‍ പ്രചരിക്കുമ്പോള്‍ മറ്റൊരു അഭ്യൂഹവും പരക്കുന്നുണ്ടായിരുന്നു. പോപ്പിന്റെ കൈയിലിരുന്ന പേപ്പറുകള്‍, സഭയുടെ ഔദ്യോഗിക സ്ഥാനങ്ങളിലുള്ളവരില്‍ മാറ്റി പ്രതിഷ്ഠിക്കേണ്ട കര്‍ദ്ദിനാളന്മാരുടെ ലിസ്റ്റായിരുന്നത്രേ! ഹയരാര്‍ക്കിയെ ഇളക്കി പ്രതിഷ്ഠിക്കാനുള്ള തീരുമാനം പാപ്പാ എടുത്തുകഴിഞ്ഞെന്ന വാര്‍ത്ത, തിരഞ്ഞെടുപ്പു കഴിഞ്ഞതേ പ്രചരിച്ചിരുന്നു.
****
എംബാം ചെയ്യുന്നവരെ രാത്രിയുടെ അന്ത്യയാമങ്ങളില്‍ വിളിച്ചുണര്‍ത്തുകയായിരുന്നു എന്ന വാര്‍ത്ത മരണത്തിനുപിന്നില്‍ വിഷത്തിന്റെ സാന്നിദ്ധ്യത്തെപ്പറ്റിയുള്ള സംശയം ജനിപ്പിച്ചു. മാഫിയായുടെ ഒരു സ്ഥിരം പ്രോഗ്രാമായിരുന്നു അത്. വിഷം ഉള്ളില്‍ ചെലുത്തിയാണ് വധം നടപ്പാക്കിയതെങ്കില്‍ ഉടന്‍ എംബാം ചെയ്യുന്നു. അതോടെ ശരീരത്തിലെ വിഷത്തിന്റെ സാന്നിദ്ധ്യം കണ്ടെത്താന്‍ വയ്യാതാകുന്നു. അതുകൊണ്ട്, ഒരു വ്യക്തി മരിച്ച് ഇരുപത്തിനാലു മണിക്കൂറിനുള്ളില്‍ മൃതദേഹം എംബാം ചെയ്യുന്നത് ഇറ്റലി നിയമംമൂലം നിരോധിച്ചിട്ടുണ്ട്.
ശരിയാണ്, ഇറ്റലിയുടെ നിയമം വത്തിക്കാനു ബാധകമല്ല. എങ്കിലും, 1946-ല്‍ ഈ നിയമം പ്രാബല്യത്തില്‍ വന്നതിനുശേഷം, പാപ്പാമാരുടെ മൃതദേഹങ്ങള്‍ മരിച്ച് 24 മണിക്കൂറിനുശേഷം മാത്രമേ വത്തിക്കാന്‍ എംബാം ചെയ്തിരുന്നുള്ളൂ. പന്ത്രണ്ടാം പീയൂസ്, ജോണ്‍ 23-ാമന്‍, പോള്‍ ആറാമന്‍ ഇവരുടെയൊക്കെ കാര്യത്തില്‍ ഈ നിയമം കാത്തിരുന്നു.
എന്നാല്‍, അചടഅ റിപ്പോര്‍ട്ടു ചെയ്യുന്നു; ജോണ്‍പോള്‍ ഒന്നാമന്റെ കാര്യത്തില്‍ എംബാം ചെയ്യുന്നവര്‍ അതിരാവിലെ അഞ്ചുമണിക്ക് വിളിച്ചു
ണര്‍ത്തപ്പെട്ടു. അതായത്, മൃതദേഹം കണ്ടെത്തിയെന്നു വത്തിക്കാന്‍ പ്രഖ്യാപിച്ച സമയത്തിന് ഒന്നരമണിക്കൂര്‍ മുമ്പ്. ജോണ്‍പോള്‍ മരിച്ച ദിവസം രാവിലെ 5.30-ന്, എംബാം ചെയ്യുന്നവരെ കൊണ്ടുവരാന്‍ ഒരു വത്തിക്കാന്‍ വാഹനം പോയതായുള്ള വ്യക്തമായ രേഖയുണ്ട്.
****
പോപ്പിന്റെ വലതുകൈ നീട്ടിയാല്‍ എത്തുന്ന ദൂരത്തില്‍ ബെല്‍കോഡ് ഉണ്ടെങ്കിലും അത് എത്തിപ്പിടിക്കാന്‍ കഴിയുന്നതിനുമുമ്പേ മരണം കഴിഞ്ഞിരുന്നു. ബെല്ലടിക്കാന്‍ സാധിച്ചിരുന്നെങ്കില്‍, താഴെ കോറിഡോറിന്റെ വാതില്‍ക്കല്‍ നില്‍ക്കുന്ന കാവല്‍ക്കാരന്‍ പാഞ്ഞെത്തുമായിരുന്നു. മാത്രമല്ല, ഇന്റര്‍കോമിന്റെ സര്‍വ്വീസ് ബട്ടണുകള്‍ അമര്‍ത്താനും പോപ്പിനു സാധിച്ചില്ല. സാധിച്ചിരുന്നെങ്കില്‍, വത്തിക്കാന്‍ കൊട്ടാരത്തില്‍ പലയിടങ്ങളിലായി കഴിയുന്ന ആരെങ്കിലും അവിടെ പാഞ്ഞെത്തുമായിരുന്നു. ഇവയ്ക്കുപുറമേ, ഒരു എമര്‍ജന്‍സി ബട്ടണുമുണ്ടായിരുന്നു. ബെഡ്ഡിനോടു ചേര്‍ന്നുള്ള ആ ബട്ടണ്‍ അമര്‍ത്തിയാല്‍ പോപ്പിന്റെ ക്വാര്‍ട്ടേഴ്‌സിനു വെളിയിലുള്ള കോറിഡോറില്‍ ഒരു ഫ്‌ളാഷ് ലൈറ്റ് മിന്നുകയും 'ബുസ്സ്' ശബ്ദം പുറപ്പെടുവിച്ച് കാവല്‍ക്കാരനെ ഉണര്‍ത്തുകയും ചെയ്യുമായിരുന്നു.
വത്തിക്കാന്റെ വാര്‍ത്താപത്രികയില്‍ രസകരമായ ഒരു വാര്‍ത്ത വന്നു. പോപ്പിന്റെ മരണം നടന്നതിന്റെ തലേന്നു രാവിലെ, ഇലക്ട്രീഷ്യന്‍മാര്‍ ബെല്‍കോര്‍ഡ് എടുത്ത് പരിശോധിച്ചു. പോപ്പ് പോള്‍ പതിവായി ഇന്റര്‍കോം ഉപയോഗിച്ചിരുന്നതിനാല്‍ ബെല്‍കോര്‍ഡിന്റെ കാര്യം എല്ലാവരും മറന്നിരുന്നു. വര്‍ഷങ്ങളായി മറന്നുകിടന്ന ബെല്‍കോര്‍ഡ് പരിശോധിച്ചുകൊണ്ടിരുന്നപ്പോള്‍ വളരെ ഉച്ചത്തില്‍ മണി മുഴങ്ങി. അതുകേട്ട് ഫയര്‍ എഞ്ചിനാണെന്നു കരുതി കൊട്ടാരത്തിലുള്ളവരെല്ലാം സ്റ്റെയര്‍കേസിന്റെ അടുത്ത് പാഞ്ഞെത്തിയത്രേ!
****
പോപ്പിന്റെ മരണസമയം വളരെ പ്രധാനപ്പെട്ടതാണ്, അതൊരു സാധാരണ മരണമാണെങ്കിലും കൊലപാതകമാണെങ്കിലും. വത്തിക്കാന്‍ റിപ്പോര്‍ട്ടുചെയ്തപോലെ, മരണം അര്‍ദ്ധരാത്രിക്കുമുമ്പാണ് നടന്നതെങ്കില്‍, അത് ഒരു സാധാരണ മരണമാണെന്നു കരുതാം. എന്നാല്‍, മരണം രാവിലെയാണു നടന്നതെങ്കില്‍, എംബാം ചെയ്യാനെത്തിയവര്‍ ഉറപ്പിച്ചുപറഞ്ഞതുപോലെ, ഒരു കൊലപാതകത്തിന്റെ സാന്നിദ്ധ്യമാണ് അനുഭവപ്പെടുന്നത്.
അര്‍ദ്ധരാത്രിക്കുമുമ്പാണു മരിച്ചതെങ്കില്‍, പാപ്പാ പകല്‍ സമയത്തു ധരിക്കുന്ന വേഷം രാത്രിയില്‍ എന്തിനു ധരിക്കണം? ഉറങ്ങുന്നതിനുമുമ്പ് അല്പനേരം എന്തെങ്കിലും വായിക്കാന്‍ ശ്രമിക്കുന്ന വ്യക്തി രാത്രിവേഷമല്ലേ ധരിക്കൂ?
 1978 ഒക്‌ടോബര്‍ 10-ന് വത്തിക്കാന്‍ റേഡിയോ തിരുത്തിയ ബുള്ളറ്റിന്‍ ഇറക്കി:
''ജോണ്‍ പോളിന്റെ അവിചാരിത മരണത്തെക്കുറിച്ച് ഓര്‍ക്കുമ്പോള്‍ അദ്ദേഹം low blood pressure കാരണം ബുദ്ധിമുട്ടിയിരുന്നു എന്ന കാര്യം മറക്കരുത്. അങ്ങനെ അദ്ദേഹം തീര്‍ത്തും ക്ഷീണിതനും അവശനുമായിരുന്നു. അവസാനനാളുകളില്‍ അദ്ദേഹത്തിന്റെ കാലുകള്‍ നീരുവന്നു വീര്‍ത്തിരുന്നു നടക്കാന്‍പോലും ബുദ്ധിമുട്ടിയിരുന്നു....
''വത്തിക്കാന്‍ ഹയരാര്‍ക്കിയില്‍ എന്തെങ്കിലും മാറ്റങ്ങള്‍ ആവശ്യമാണെന്ന് ജോണ്‍പോള്‍ ചിന്തിച്ചിട്ടുപോലുമില്ല....
''ഒരു കാര്യം തിരുത്താന്‍ ഞങ്ങള്‍ ആഗ്രഹിക്കുന്നു. പോപ്പിന്റെ സെക്രട്ടറി മാഗിയാണ് മൃതദേഹം ആദ്യം കണ്ടെത്തിയതെന്നു ഞങ്ങള്‍ പറഞ്ഞിരുന്നു. പക്ഷേ, അതു ശരിയല്ല. പതിവായി ബെഡ് കോഫി കൊണ്ടുപോയി നല്‍കുന്ന സിസ്റ്ററാണ് മൃതദേഹം ആദ്യം കണ്ടെത്തിയത്. അസ്വാഭാവികമായി എന്തോ അനുപ്പെട്ടപ്പോള്‍ അവര്‍ ഫാ. മാഗിയെ വിളിച്ചുവരുത്തു കയായിരുന്നു....
''മറ്റൊരു തിരുത്തുകൂടിയുണ്ട്. പരിശുദ്ധ പിതാവ് ''കാശമേശേീി ീള ഇവൃശേെ'' വായിച്ചുകൊണ്ടിരുന്നപ്പോഴാണ് മരണം സംഭവിച്ചതെന്നു റിപ്പോര്‍ട്ടുചെയ്തതും തെറ്റാണ്. പുസ്തകം വായിക്കുകയായിരുന്നില്ല; ചില കുറിപ്പുകള്‍ പരിശോധിക്കുകയായിരുന്നു. കുറിപ്പുകളെല്ലാം കൈകളില്‍ പിടിച്ചു പരിശോധിച്ചുകൊണ്ടിരുന്നപ്പോഴാണ് ദൈവസഹായത്താല്‍ ഹൃദയസ്തംഭനമുണ്ടായതും....
പരിശുദ്ധ പിതാവിനെ ആരാണ് ആദ്യം കണ്ടെത്തിയതെന്നത് ഒരു പ്രാധാന്യവുമില്ലാത്ത കാര്യമാണല്ലോ. എപ്പോഴാണ് മൃതശരീരം കണ്ടെത്തിയതെന്നതും അപ്രധാനമാണ്. മരിച്ചത് എപ്പോഴാണെന്നത് അതിനേക്കാള്‍ അപ്രധാനമാണ്. ഇപ്പോള്‍ ഏറ്റവും പ്രധാനകാര്യം അദ്ദേഹം മരിച്ചു എന്നതാണ്...''
(തുടരും)    


NB
പ്രസിദ്ധ പത്രപ്രവര്‍ത്തകന്‍ ഡേവിഡ് യാലപ്പ് (David Yallop) രചിച്ച 'In God’s Name' എന്ന കോളിളക്കം സൃഷ്ടിച്ച ബെസ്റ്റ് സെല്ലറിന് ജെ.പി. ചാലിയുടെ പരിഭാഷ.
മാര്‍പാപ്പയായി 33-ാം ദിവസം ദുരൂഹസാഹചര്യത്തില്‍ മരണമടഞ്ഞ ജോണ്‍പോള്‍ ഒന്നാമന്റെ മരണത്തെയും ജീവിതത്തെയുംകുറിച്ചുള്ള സാഹസിക അന്വേഷണത്തിലെ കണ്ടെത്തലുകള്‍!
ഡമി 1/8, 400 പേജ്, മുഖവില : Rs.360/
മുന്‍കൂര്‍ ബുക്കുചെയ്യുന്നവര്‍ക്ക് : Rs.250നു ലഭിക്കുന്നു.
പ്രകാശനം 2018 ഡിസംബറില്‍
ബുക്കുചെയ്യേണ്ട വിലാസം:
സത്യജ്വാല മാസിക, C/o പ്രിന്റ് ഹൗസ്
കൊട്ടാരമറ്റം, പാലാ, കോട്ടയം - 686575

ബന്ധപ്പെടാന്‍: ഫോണ്‍: 9846472868

Sunday, September 30, 2018

ജോണ്‍ പോള്‍ ഒന്നാമന്റെ ചിന്തകളെയും ഓര്‍മ്മകളെയും ഉയിര്‍പ്പിച്ചെടുക്കുക!


എഡിറ്റോറിയല്‍, സത്യജ്വാല, സെപ്റ്റംബര്‍ 2018) 

ജോര്‍ജ് മൂലേച്ചാലില്‍


സത്യത്തെ ക്രൂശിക്കുകയും കുഴിച്ചുമൂടുകയും ചെയ്യുകയെന്നത് സെമിറ്റിക് മതങ്ങളുടെ ഒരു പാരമ്പര്യമാണ്. ക്രിസ്തുമതവും അതിലൊന്നാണല്ലോ. ഈ പാരമ്പര്യത്തിന്റെ വക്താക്കളും പ്രയോക്താക്കളുമായിരുന്ന വേദജ്ഞരെയും ഫരിസേയരെയും, പ്രവാചകരെ കല്ലെറിയുന്നവരും കൊല്ലുന്നവരും അവര്‍ക്കു കല്ലറതീര്‍ക്കുന്നവരുമെന്ന് യേശുതന്നെ വിശേഷിപ്പിച്ചുട്ടുണ്ട് (മത്താ.23:20-27). സത്യത്തിന്റെ കുത്തകചമഞ്ഞും ദൈവത്തിന്റെയും മതത്തിന്റെയുംപേരിലും അരങ്ങുവാഴാനാഗ്രഹിക്കുന്ന പൗരോഹിത്യമെന്ന മനുഷ്യവിരുദ്ധസ്ഥാപനത്തിനൊരിക്കലും തങ്ങളുടേതില്‍നിന്ന് ഭിന്നമായുള്ള സത്യത്തിന്റെ സ്വരങ്ങള്‍ സഹിക്കാനാവില്ല. മറുത്തുപറയുവാനുള്ള ബൗദ്ധികശേഷിയോ ധാര്‍മ്മികശക്തിയോ ഇല്ലെന്നതിനാല്‍ അങ്ങനെ ശബ്ദിക്കുന്നവരെ കായികമായിത്തന്നെ കൈകാര്യംചെയ്ത് ഇല്ലാതാക്കുന്നു. യേശുവിനെ സഹിക്കാന്‍ കഷ്ടിച്ചു മൂന്നു വര്‍ഷമേ യഹൂദ പൗരോഹിത്യത്തിനു കഴിഞ്ഞുള്ളൂ. പിന്നെ ക്രൂശിലേറ്റി കൊന്നു. യേശുവിന്റെ സത്യസ്വരം ആയിരങ്ങളുടെ നാവുകളില്‍ ഉയിര്‍ത്തെണീറ്റപ്പോള്‍ ആ നാവുകളെയും പിഴുതെറിയാന്‍ നോക്കി. അതായിരുന്നു, ബൈബിള്‍ നിരോധനവും ഇന്‍ക്വിസിഷനുമെല്ലാം.
പ്രവാചകരെ കൊല്ലുകയെന്ന ഈ സെമിറ്റിക് പാരമ്പര്യം ഇന്നും തുടരുന്നു എന്നതിന്റെ ഏറ്റവും വലിയ ഉദാഹരണമാണ് വത്തിക്കാനിലെ മഹാപുരോഹിതര്‍ചേര്‍ന്ന് അതീവനിഗൂഢമായി ജോണ്‍ പോള്‍ ഒന്നാമന്‍ മാര്‍പാപ്പയെ വിഷംകൊടുത്തു കൊന്ന സംഭവം. യേശുവിന്റെ പരസ്യജീവിതത്തിന് അന്നത്തെ യഹൂദപൗരോഹിത്യം 3 കൊല്ലം അനുവദിച്ചെങ്കില്‍, പോപ്പെന്നനിലയില്‍ ജോണ്‍ പോള്‍ ഒന്നാമന് വത്തിക്കാനിലെ മഹാപൗരോഹിത്യം അനുവദിച്ചത് വെറും 33 ദിവസം മാത്രമാണ്!
അദ്ദേഹത്തിന്റെ ദുരൂഹമരണം നടന്നിട്ട് ഈ മാസം (2018 സെപ്റ്റംബര്‍) 29-ന് 40 വര്‍ഷം തികയുകയാണ്. അദ്ദേഹത്തെ ഇല്ലാതാക്കാന്‍ നടന്ന ഗൂഢാലോചനപോലെതന്നെ അദ്ദേഹത്തെക്കുറിച്ചുള്ള ഓര്‍മ്മകളെപ്പോലും ഇല്ലായ്മചെയ്യാനുള്ള ആസൂത്രിതനീക്കങ്ങളും നടക്കുകയുണ്ടായത്രേ! അദ്ദേഹം മുമ്പു താമസിച്ചിരുന്ന ഇടങ്ങളില്‍വരെ ചെന്ന് അദ്ദേഹവുമായി ബന്ധപ്പെട്ട സകല രേഖകളും, അതിപ്രധാനമായ അദ്ദേഹത്തിന്റെ വില്‍പ്പത്രമുള്‍പ്പെടെ, ഗൂഢസംഘങ്ങളെ ഏര്‍പ്പാടാക്കി വത്തിക്കാന്‍ അരിച്ചുപെറുക്കി നശിപ്പിച്ചു.
സഭയിലെ ഈ ദുഷ്ടശക്തികള്‍ക്ക് പക്ഷേ, അദ്ദേഹത്തിന്റെ ദീപ്തസ്മരണകളെയോ ഉജ്ജ്വലങ്ങളായ ആശയങ്ങളെയോ നശിപ്പിക്കാനായില്ല. എല്ലാം നശിപ്പിക്കപ്പെട്ടുകൊണ്ടിരുന്നപ്പോഴും 'പുഞ്ചിരിക്കുന്ന പാപ്പ' (ടാശഹശിഴ ജീുല) എന്നറിയപ്പെട്ടിരുന്ന അദ്ദേഹത്തിന്റെ ഓര്‍മ്മകളും ആശയങ്ങളും വിജയസ്മിതം (winning smile) ചൂടി, ജനഹൃദയങ്ങളിലും പ്രത്യാശയുടെ വെള്ളിനക്ഷത്രമെന്നപോലെ സഭാനഭസ്സിലും ഇന്നും വെളിച്ചംവിതറി നില്‍ക്കുന്നു.
ഇപ്രകാരം അദ്ദേഹം ഒരു അദൃശ്യസാന്നിദ്ധ്യമായും സഭാപരിവര്‍ത്തനത്തിനാവശ്യമായ ഒരു പ്രവര്‍ത്തനവ്യ ഊര്‍ജ്ജമായും (potential energy) നിലകൊള്ളുമ്പോഴും, ഈ സാധ്യതയെ ചാലകോര്‍ജ്ജ(സശിലശേര ലിലൃഴ്യ)മായിപ്രവഹിപ്പിക്കാന്‍പോരുംവിധം, അദ്ദേഹത്തെക്കുറിച്ചും അദ്ദേഹത്തിന്റെ സഭാപരവും അല്ലാത്തതുമായ കാഴ്ചപ്പാടുകളെക്കുറിച്ചും ആ വ്യക്തിത്വത്തെക്കുറിച്ചും വളരെ കുറഞ്ഞ അറിവുമാത്രമേ ഇന്നു കത്തോലിക്കര്‍ക്കുപോലുമുള്ളൂ എന്നതാണു വസ്തുത. കത്തോലിക്കാപുരോഹിതഗണത്തില്‍ അത്യപൂര്‍വ്വമായിമാത്രം കാണപ്പെടുന്ന സ്വതന്ത്രചിന്തയും കര്‍മ്മശേഷിയും നീതിബോധവും പ്രവാചകധീരതയും കൈമുതലായുണ്ടായിരുന്ന അല്‍ബീനോ ലൂസിയാനി (Albino Luciani) എന്ന ജോണ്‍പോള്‍ ഒന്നാമന്‍ മാര്‍പാപ്പയുടെ ചിന്തകളെയും അദ്ദേഹത്തെക്കുറിച്ചുള്ള ഓര്‍മ്മകളെയും ഉയിര്‍ത്തെണീപ്പിക്കേണ്ടത്, സഭ സ്വയം ദാരിദ്ര്യംവരിച്ച് ദരിദ്രരോട് പക്ഷംചേരണമെന്നും സഭയ്ക്ക് യേശുവിന്റെ മുഖഭാവം കൈവരണമെന്നും ആഗ്രഹിക്കുന്ന മുഴുവന്‍ കത്തോലിക്കരുടെയും ആവശ്യമാണ്.  അതിനുള്ള നീക്കങ്ങള്‍ക്കും മുന്‍കൈകള്‍ക്കും അദ്ദേഹത്തിന്റെ ഈ 40-ാം ചരമവാര്‍ഷികത്തില്‍ത്തന്നെ തുടക്കമാകാന്‍ ഇടവരട്ടെ!
എതിര്‍നില്‍ക്കുന്നത് എത്രവലിയ ശക്തിയാണെങ്കിലും ശരിയെന്നു ബോദ്ധ്യപ്പെട്ട കാര്യങ്ങള്‍ക്കുവേണ്ടി ഭയലേശമില്ലാതെ നിലകൊള്ളണം എന്നു ശഠിക്കുന്ന ഒരു വ്യക്തിത്വമായിരുന്നു അദ്ദേഹത്തിന്റേതെന്ന്, അദ്ദേഹത്തെ പഠിക്കാന്‍ ശ്രമിക്കുന്നവര്‍ക്കു കാണാന്‍ കഴിയും. അദ്ദേഹം കര്‍ദ്ദിനാളായ ദിവസം വെനീസിലെ ഒരു ചടങ്ങില്‍വച്ച്, ഒരുപറ്റം യുവാക്കളോട് അദ്ദേഹം പറഞ്ഞവാക്കുകള്‍ അദ്ദേഹത്തിന്റെ ഈ വിട്ടുവീഴ്ചയില്ലാത്ത നിലപാടു വ്യക്തമാക്കാന്‍പോന്നതാണ്. അദ്ദേഹം പറഞ്ഞു: ''ശരിക്കുവേണ്ടി നിലകൊള്ളുന്നതില്‍ ഒരിക്കലും ഭയപ്പെടരുത്; ഒരുപക്ഷേ, നിങ്ങള്‍ക്കെതിരെ പ്രതിയോഗികളായി നിലയുറപ്പിക്കുന്നത് നിങ്ങളുടെ മാതാപിതാക്കളാകാം, നിങ്ങളുടെമേല്‍ അധികാരപദവിയുള്ള പ്രഭുസമാനരാകാം നിങ്ങളുടെ അദ്ധ്യാപകരാകാം, നിങ്ങളുടെ രാഷ്ട്രീയ നേതാവാകാം, മതപ്രഭാഷകനാകാം, നിങ്ങളുടെ ഭരണഘടനയാകാം, നിങ്ങളുടെ ദൈവംതന്നെയാകാം- എങ്കിലും ഒരിക്കലും ഭയപ്പെടരുത്'' (ഉദ്ധരണി: Lucien Gregoire എഴുതിയ 'The Vatican Murders' എന്ന ഗ്രന്ഥം, പേജ്: 17 - സ്വന്തം തര്‍ജ്ജമ).
മാര്‍പാപ്പാസ്ഥാനം ഒരിക്കലും ആഗ്രഹിച്ചിരുന്നില്ലെങ്കിലും, ആ സ്ഥാനം ഏറ്റെടുക്കേണ്ടിവന്ന നിമിഷംമുതല്‍ സഭയില്‍ മാറ്റത്തിനുള്ള നീക്കങ്ങള്‍ അദ്ദേഹം ആരംഭിച്ചു. പൂര്‍ത്തീകരിക്കപ്പെട്ടിരുന്നുവെങ്കില്‍ സഭയിലാകമാനം ഗുണപരമായ വന്‍ചലനങ്ങള്‍ സൃഷ്ടിക്കാന്‍പോന്ന അനേകം സംരംഭങ്ങള്‍ക്കാണ്, അദ്ദേഹത്തിന് ആകെ ലഭിച്ച 33 ദിവസത്തിനുള്ളില്‍ അദ്ദേഹം തുടക്കംകുറിച്ചത്.
അമിതമായ സമ്പത്താണ് സഭയെ ദുഷിപ്പിക്കുന്നതെന്ന് പോപ്പ് ജോണ്‍ പോള്‍ ഒന്നാമനു നിശ്ചയമുണ്ടായിരുന്നു. 4-ാം നൂറ്റാണ്ടില്‍ കോണ്‍സ്റ്റന്റൈന്‍ ചക്രവര്‍ത്തി അന്നത്തെ പോപ്പായിരുന്ന സില്‍വെസ്റ്റര്‍ ഒന്നാമന് കണക്കില്ലാത്ത വസ്തുവകകള്‍ നല്‍കി സഭയെ സമ്പന്നമാക്കിയപ്പോള്‍ മുതല്‍ ആരംഭിച്ചതാണ് സഭയിലെ ജീര്‍ണതയെന്ന് അല്പമെങ്കിലും ചിന്തിക്കുന്ന എല്ലാവര്‍ക്കും ഇന്നറിയാം. ഡാന്റെ തന്റെ 'Inferno' എന്ന കാവ്യം ഈ വസ്തുതയിലേക്ക് വിരല്‍ ചൂണ്ടിക്കൊണ്ട് ഇങ്ങനെയാണ് അവസാനിപ്പിച്ചിരിക്കുന്നത്:
''കഷ്ടം, കോണ്‍സ്റ്റന്റൈന്‍,
എന്തെന്തു ദൗര്‍ഭാഗ്യങ്ങളാണ് നിങ്ങള്‍ വരുത്തിവച്ചത്,
ക്രിസ്ത്യാനിയായി നിങ്ങള്‍ മാറിയതുകാരണം
കണക്കില്ലാത്ത ധനം നല്‍കി
ആദ്യത്തെ ധനവാനായ പാപ്പായെ നിങ്ങള്‍ സൃഷ്ടിച്ചു'' (ഡേവിഡ് യാലപ്പ് എഴുതിയ പ്രസിദ്ധമായ 'In God's Name' എന്ന ഗ്രന്ഥത്തിന്റെ മലയാളപരിഭാഷയായി അടുത്തുതന്നെ പ്രസിദ്ധീകരിക്കുന്ന 'ദൈവനാമത്തില്‍' എന്ന ഗ്രന്ഥത്തില്‍നിന്ന്).
ഒന്നാം ലോകമഹായുദ്ധത്തോടെ പോപ്പിന്റെ അധീനതയിലുണ്ടായിരുന്ന രാജ്യങ്ങള്‍ പൂര്‍ണ്ണമായി നഷ്ടപ്പെട്ട സഭയെ സംബന്ധിച്ച് അതിന്റെ ഇന്നത്തെ സമ്പത്തിന്റെ അടിസ്ഥാനം ഇറ്റാലിയന്‍ ഫാസിസ്റ്റ് ഭരണാധികാരിയായിരുന്ന മുസ്സോളിനിയുടെ ഔദാര്യമാണ്. 108.70 ഏക്കര്‍മാത്രം വിസ്തീര്‍ണ്ണമുള്ള വത്തിക്കാന്‍ എന്ന പരമാധികാര രാഷ്ട്രം അദ്ദേഹത്തിന്റെ ഗവണ്മെന്റ് 1929-ല്‍ വത്തിക്കാനുായി ഉണ്ടാക്കിയ 'ലാറ്ററന്‍ ഉടമ്പടിയുടെ ഫലമാണ്. ഈ ഉടമ്പടി സാമ്പത്തിക സഹായവും നികുതിയിളവുകളുമെല്ലാം ഉള്‍പ്പെട്ട ഒരു പായ്‌ക്കേജായിരുന്നു. 1929-ലെ നിരക്കനുസരിച്ച് ഈ പാക്കേജിന്റെ ആകെ മൂല്യം 81 ദശലക്ഷം ഡോളറായിരുന്നു.
ഈ പണം വര്‍ദ്ധിപ്പിക്കുന്നതിനായി 'വത്തിക്കാന്‍ ഇന്‍കോര്‍പ്പറേറ്റഡ്' എന്ന കോര്‍പ്പറേറ്റ് ലോകം 11-ാം പീയൂസിന്റെ കാലത്തു രൂപംകൊണ്ടു. അതിനുവേണ്ടി, 'ഏതുതരം പലിശയും നിഷിദ്ധമാണെ'ന്ന 1800 വര്‍ഷം നിലനിന്ന സഭയുടെ ഉറച്ചനിലപാടു തിരുത്തി, അന്യായപ്പലിശമാത്രമാണു നിഷിദ്ധം എന്നു വരുത്തിത്തീര്‍ത്തു. ഈ പ്രത്യേക ഭരണസംവിധാനത്തിനു നേതൃത്വം നല്‍കാന്‍ നിയോഗിക്കപ്പെട്ട നോഗര എന്നയാള്‍ മുന്നോട്ടുവച്ച രണ്ടു നിബന്ധനകള്‍ ഇവയായിരുന്നു:
1. ഏതെങ്കിലും ധനനിക്ഷേപം നടത്തേണ്ടിവന്നാല്‍ അതിനുള്ള പൂര്‍ണ്ണസ്വാതന്ത്യം തനിക്കു വേണം.
2. വത്തിക്കാന്റെ പണം ലോകത്തെവിടെയും നിക്ഷേപിക്കാനുള്ള സ്വാതന്ത്ര്യവും വേണം.
നിബന്ധനകള്‍ മാര്‍പാപ്പ അംഗീകരിച്ചു. അതനുസരിച്ച് സ്വതന്ത്രമായി ഊഹക്കച്ചവടങ്ങള്‍ നടത്താനും സ്റ്റോക്ക് എക്‌സ്‌ചേഞ്ചുകളില്‍ പണമിറക്കാനും, ഏതു കമ്പനിയുടെയും ഷെയറുകള്‍ വാങ്ങിക്കൂട്ടാനുമുള്ള അനുവാദം ഈ പ്രത്യേക ഭരണസംവിധാനത്തിനു ലഭിച്ചു. അങ്ങനെ, ബോംബുകളും ടാങ്കുകളും തോക്കുകളും ഗര്‍ഭനിരോധന ഉപകരണങ്ങളും വര്‍ജ്യമാണെന്ന് സഭ പ്രസംഗപീഠങ്ങളില്‍ ശക്തമായി പ്രസംഗിച്ചുകൊണ്ടിരിക്കുമ്പോള്‍ത്തന്നെ, അവയൊക്കെ ഉല്പാദിപ്പിക്കുന്ന കമ്പനികളുടെ ഷെയറുകള്‍ വന്‍തോതില്‍ സഭയ്ക്കുവേണ്ടി നോഗര വാങ്ങിക്കൂട്ടി.
അദ്ദേഹത്തിന്റെ ബിസിനസ്സ്‌വഴി വത്തിക്കാന്റെ സ്വാധീനത്തിലും നിയന്ത്രണത്തിലും വന്നുചേര്‍ന്ന ബാങ്കുകളാണ് റോമന്‍ ബാങ്ക്, ഹോളിസ്പിരിറ്റ് ബാങ്ക്, കാസ്സാമിസ് പാര്‍മിയോ റോമ എന്നിവ. കച്ചവടകൗശലവുമായി നോഗര കടന്നുചെല്ലാത്ത മേഖലകളില്ല. 1935-ല്‍ മുസ്സോളിനിക്ക് എത്യോപ്യയെ കീഴടക്കാന്‍ ആവശ്യമായ യുദ്ധോപകരണങ്ങള്‍ വത്തിക്കാന്റെപേരില്‍ എത്തിച്ചുകൊടുത്തത് അദ്ദേഹം സ്വന്തമാക്കിയിരുന്ന യുദ്ധോപകരണ ഫാക്ടറിയില്‍ നിന്നായിരുന്നു. അദ്ദേഹംവഴി വത്തിക്കാന്‍ ചെയ്തുകൂട്ടിയ സാമ്പത്തിക ഇടപാടുകളും തട്ടിപ്പുകളും എല്ലാ ധാര്‍മ്മികനിയമങ്ങളെയും കാനോന്‍ നിയമങ്ങളെയും സിവില്‍ നിയമങ്ങളെയും ലംഘിക്കുന്നവയായിരുന്നു. 'വത്തിക്കാന്‍ ഇന്‍കോര്‍പ്പറേറ്റഡ്' തന്നെയാണ് ഹിറ്റ്‌ലറുമായി ഉടമ്പടിയുണ്ടാക്കാന്‍ സഭയ്ക്കു വഴിവെട്ടിക്കൊടുത്തതും.
വത്തിക്കാന്റെ 'നോഗര യുഗം' കഴിഞ്ഞപ്പോള്‍, ഇടപാടുകളെല്ലാം  വിപുലമാക്കാന്‍ 'ഫ്രീമേസണ്‍' മാഫിയാ ഗ്രൂപ്പും അമേരിക്കന്‍ CIA യും കൂടുതല്‍ ഉള്‍പ്പെടുന്ന പുതിയ സംഘമുണ്ടായി. കത്തോലിക്കാസഭയെ നശിപ്പിക്കുകയെന്ന ലക്ഷ്യത്തോടെ പ്രവര്‍ത്തിക്കുന്ന ദൈവവിശ്വാസമില്ലാത്തവരുടെ ഒരു മതമായിട്ടാണ് 'ഫ്രീ മേസണ്‍' എന്ന പ്രസ്ഥാനത്തെ സഭ കാണുന്നത്. അതുകൊണ്ടുതന്നെ ഇതിന്റെ അംഗമാണെന്നു കണ്ടെത്തുന്നപക്ഷം ഏതു കത്തോലിക്കനും അപ്പോള്‍ത്തന്നെ സഭാഭ്രഷ്ടനാക്കപ്പെടുകയും ചെയ്യുന്നു. പക്ഷേ, പോപ്പ് പോള്‍ ആറാമന്റെ കാലംമുതല്‍ ഈ പ്രസ്ഥാനത്തിന്റെ ആളുകള്‍ വത്തിക്കാന്റെ ഇടനാഴികളില്‍ സ്ഥിരസാന്നിദ്ധ്യമായി. ചിലര്‍ താക്കോല്‍സ്ഥാനങ്ങളിലും കയറിപ്പറ്റി.
മാമോന്‍ സേവയ്ക്കായി സഭ രൂപംകൊടുത്ത ഈ പ്രത്യേക സംവിധാനത്തിന്റെ നേതൃത്വം ഫ്രീമേസണ്‍ മാഫിയാഗ്രൂപ്പുമായോ വലതുപക്ഷ അമേരിക്കന്‍ CIA -യുമായോ ബന്ധമുള്ള ബിഷപ്പ് പോള്‍ മാര്‍സിങ്കസ്, മൈക്കിള്‍ സിണ്ടോന, ലിസ്സിയോ ജെല്ലി റോബെര്‍ട്ടോ കാല്‍വി തുടങ്ങിയവര്‍ക്കായിരുന്നു. സമ്പത്തു വര്‍ദ്ധിപ്പിക്കാന്‍ അവര്‍ നടത്തിയ വഞ്ചനനിറഞ്ഞ അനേകം പ്രവൃത്തികളിലൊന്ന് കള്ളപ്പണം വെളുപ്പിച്ചുകൊടുക്കുകയെന്നതായിരുന്നു. വെളുപ്പിച്ച കള്ളപ്പണം മൈക്കിള്‍ സിണ്ടോനയുടെ ഇറ്റലിയിലുള്ള ബാങ്കുകളില്‍നിന്ന് സ്വിസ് ബാങ്കുകളിലേക്ക് ഒഴുകി. പോപ്പ് പോള്‍ 6-ാമന്‍ തന്റെ 'Populorum Progression' എന്ന ചാക്രികലേഖനത്തിലൂടെ, ''നിങ്ങള്‍ സ്വന്തമാക്കി കൈയടക്കിവച്ചിരിക്കുന്നത്, സത്യത്തില്‍ മറ്റെല്ലാവരുടെയും ആവശ്യത്തിനുവേണ്ടിയുള്ളതാണ്. ഭൂമി ധനവാനുവേണ്ടി മാത്രമുളളതല്ല, എല്ലാവര്‍ക്കും വേണ്ടിയുള്ളതാണ്'' എന്ന് ഉദ്‌ബോധിപ്പിച്ചുകൊണ്ടിരുന്ന അതേ സമയത്താണ് ഇതെല്ലാം വത്തിക്കാന്റെതന്നെപേരില്‍ നിര്‍ബാധം നടന്നതെന്നോര്‍ക്കുക.
വത്തിക്കാനുമായി ബന്ധപ്പെട്ടു നടന്ന ധനാര്‍ത്തിയുടെയും വഞ്ചനകളുടെയും കഥ ഏറെ വിപുലവും സങ്കീര്‍ണ്ണവുമാണ്. എന്തായാലും, സഭയെ കാര്‍ന്നുതിന്നുകൊണ്ടിരിക്കുന്ന ഈ മാമോന്‍പൂജയ്ക്ക് എന്തു വില കൊടുത്തും അറുതിവരുത്തണമെന്ന നിശ്ചയദാര്‍ഢ്യത്തോടെ അതിനുള്ള കാര്യപരിപാടികള്‍ക്കു രൂപംകൊടുക്കുന്നതില്‍ മനസ്സര്‍പ്പിക്കുകയാണ്, മാര്‍പാപ്പാസ്ഥാനം ഏറ്റെടുത്ത 1978 ആഗസ്റ്റ് 26-ാം തീയതിമുതല്‍ പോപ്പ് ജോണ്‍പോള്‍ ഒന്നാമന്‍ ചെയ്തത്. ഗര്‍ഭനിരോധനമാര്‍ഗങ്ങളെ കഠിനപാപമാക്കിയും നഖശിഖാന്തം എതിര്‍ത്തുമുള്ള സഭയുടെ നിലപാട് അഴിച്ചുപണിത് ജനസംഖ്യാവര്‍ദ്ധനവിലൂടെ ലോകത്തു വ്യാപിക്കുന്ന പട്ടിണിക്കു തടയിടണമെന്ന ലക്ഷ്യവും അദ്ദേഹത്തിനുണ്ടായിരുന്നു. ഒപ്പം, ദരിദ്രര്‍ക്കുവേണ്ടി സഭയെ ദരിദ്രമാക്കണമെന്ന വിശാലലക്ഷ്യവും.
അദ്ദേഹം തനിക്കു ലഭിച്ച ചുരുങ്ങിയ ദിവസങ്ങള്‍ക്കുള്ളില്‍ തുടക്കമിട്ട കാര്യപരിപാടികള്‍ നിരീക്ഷിച്ചാല്‍ത്തന്നെ അദ്ദേഹത്തിന്റെ ലക്ഷ്യബോധവും കാര്യക്ഷമതയും ആര്‍ക്കും മനസ്സിലാക്കാനാകും:
1. സ്ഥാനമേറ്റ് ഒരാഴ്ചയ്ക്കകം 1978 സെപ്റ്റംബര്‍ 1-ന്, വത്തിക്കാന്‍ ബാങ്കിനെക്കുറിച്ചും സഭയ്ക്ക് ലോകമെമ്പാടുമുള്ള വസ്തുവകകളെയും ആസ്തിയെയുംകുറിച്ചു വിശദമായ പഠനവും പുനരവലോകനവും നടത്തും എന്ന് പ്രഖ്യാപിച്ചു.
(സഭയുടെ ആസ്തികള്‍ ലിക്വിഡേറ്റ്‌ചെയ്ത് മദ്ധ്യഅമേരിക്കയിലെ ദരിദ്രരുടെ പോരാട്ടങ്ങളെ പിന്തുണയ്ക്കുകയാവാം ഇതിന്റെ ലക്ഷ്യമെന്ന്, വലതുപക്ഷ അമേരിക്കന്‍ ഇകഅ കരുതാന്‍ ഇതു കാരണമായിട്ടുണ്ടാകാം.)
2. സെപ്റ്റംബര്‍ 3-ന് റോമിന്റെ ഒരു കമ്മ്യൂണിസ്റ്റ് മേയറെ സെന്റ് പീറ്റേഴ്‌സ് സ്‌ക്വയറില്‍ 'പിതാവിനടുത്ത രീതിയില്‍' ആലിംഗനം ചെയ്തു.
3, സെപ്റ്റംബര്‍ 5-ന് റഷ്യന്‍ ഓര്‍ത്തോഡക്‌സ് സഭയിലെ KGB ഏജന്റെന്ന് അപ്പോള്‍ ആരോപിക്കപ്പെട്ടിരുന്ന യുവമാര്‍ക്‌സിസ്റ്റ് അനുയായി നിക്കോഡിന്‍ മെത്രാപ്പോലീത്ത (Metropolitan Nikodin) പോപ്പിനെ സന്ദര്‍ശിച്ചു.
(കത്തോലിക്കാസഭയുടെ ശത്രുസഭയായ ഓര്‍ത്തഡോക്‌സ് സഭയുമായി ഐക്യപ്പെടാനുള്ള നീക്കമായി വത്തിക്കാന്‍ ഭരിക്കുന്ന സഭാഐക്യവിരോധികള്‍ ഇതിനെ കണ്ടിരിക്കാനിടയുണ്ട്. അതുകൊണ്ടാകാം ലഭിച്ച കാപ്പി കുടിച്ചയുടന്‍തന്നെ അദ്ദേഹം പോപ്പിന്റെ കാല്‍ച്ചുവട്ടില്‍ മരിച്ചുവീണത്. ആ കപ്പിലെ കാപ്പി മാപാപ്പയെ അപായപ്പെടുത്താന്‍ തയ്യാറാക്കിയതായിരുന്നു എന്ന അഭ്യൂഹവുമുണ്ട്.) 
4. സെപ്റ്റംബര്‍ 14-ന് ഇറ്റാലിയന്‍ കമ്മ്യൂണിസ്റ്റ് പാര്‍ട്ടി അദ്ധ്യക്ഷന്‍ എന്റിക്കോ ബെര്‍ലിംഗ്വര്‍ (Enrieo Berlinguer) പോപ്പിനെ സന്ദര്‍ശിച്ചു.
(ഇറ്റാലിയല്‍ പാര്‍ലമെന്റിനുമേല്‍ കമ്മ്യൂണിസ്റ്റ് മന്ത്രിമാരുടെ സ്വാധീനശക്തിയും നിയന്ത്രണവും കൊണ്ടുവരാനുദ്ദേശിച്ചുള്ള ഒരു നീക്കമാണിതെന്ന് CIA കരുതാന്‍ ഇതിടയാക്കിയിട്ടുണ്ടാകാം. ഇതേത്തുടര്‍ന്ന്, അദ്ദേഹത്തിനു 'ബോള്‍ഷെവിക് പൊന്തിഫ്' എന്ന പേരുവീണു.)
5. സെപ്റ്റബര്‍ 22-ന് അദ്ദേഹം നടത്തിയ പ്രഖ്യാപനം, അടുത്തുതന്നെ നടക്കാനിരുന്ന 'പ്യൂബ്‌ള കോണ്‍ഫ്രന്‍സു' (Puebla Conference) മായി ബന്ധപ്പെട്ടതായിരുന്നു. അതിലെ 'വിമോചന ദൈവശാസ്ത്രം' എന്ന വിഷയം 'പാവങ്ങളുടെ വിമോചന'മെന്നാക്കി മാറ്റുകയും കോണ്‍ഫ്രന്‍സില്‍ താന്‍തന്നെ ആദ്ധ്യക്ഷ്യം വഹിക്കുമെന്ന്  പ്രഖ്യാപിക്കുകയും ചെയ്തു, അദ്ദേഹം
6. സെപ്റ്റംബര്‍ 26-ന് ഗര്‍ഭനിരോധനഗുളികകളുടെ ഉപയോഗത്തോട് അനുഭാവമുള്ള 'Scheuer group' എന്ന പേരോടുകൂടിയ ഒരു അമേരിക്കന്‍ സംഘവുമായി ഒക്‌ടോ. 24-ന് ഒരു മുഴുവന്‍ദിവസ കൂടിക്കാഴ്ചയ്ക്ക് ഏര്‍പ്പാടുചെയ്തു. ജനസംഖ്യാവര്‍ദ്ധനവാണ് പട്ടിണിയുടെയും  ദാരിദ്ര്യത്തിന്റെയും മുഖ്യേസ്രാതസ്സ് എന്നു മനസ്സിലാക്കിയിരുന്ന അദ്ദേഹം, തീര്‍ച്ചയായും ഗര്‍ഭനിരോധന ഗുളികകളുടേതടക്കമുള്ള കുടുംബാസൂത്രണമാര്‍ഗ്ഗങ്ങള്‍ അനുവദിക്കുമായിരുന്നു.
7. സെപ്റ്റംബര്‍ 27-ന് ലോകമെമ്പാടുംനിന്നുള്ള ടെലിവിഷന്‍ ക്യാമറകള്‍ക്കു മുമ്പില്‍ വത്തിക്കാന്‍ മ്യൂസിയത്തില്‍നിന്നുള്ള രത്‌നങ്ങള്‍ പതിച്ച ഒരു സ്വര്‍ണ്ണക്കാസ ഉയര്‍ത്തിക്കാട്ടി  അദ്ദഹം ഇങ്ങനെ പറഞ്ഞു: ''ഈ കാസയില്‍ ലോകത്തിലെ ഏറ്റവും മുന്തിയ 122 രത്‌നങ്ങളുണ്ട്. അതേസമയം ലോകമെമ്പാടും കുട്ടികള്‍ പട്ടിണികിടന്നു മരിക്കുന്നു.''
ജോണ്‍പോള്‍ ഒന്നാമന്‍ മാര്‍പാപ്പയായി തുടര്‍ന്നിരുന്നെങ്കില്‍ സഭയിലുണ്ടാകുമായിരുന്ന വമ്പിച്ച മാറ്റങ്ങളുടെ സൂചനകളായി അദ്ദേഹത്തിന്റെ ഈ നീക്കങ്ങളെയും വാക്കുകളെയും മനസ്സിലാക്കാം.
ഇതുപറഞ്ഞതിനുപിറ്റേന്നു രാത്രിതന്നെ, അദ്ദേഹം കിടക്കയില്‍ മരിച്ച് ഇരിക്കുന്നതായി കാണപ്പെടുന്നു! അതും പകല്‍സമയത്തുമാത്രം ധരിക്കാറുളള ഔദ്യോഗിക വേഷത്തില്‍! കൈയിലിരുന്ന കുറിപ്പ് വായിച്ചുക്കുന്ന അവസ്ഥയില്‍! രാവിലെ 4.30-ന് കണ്ട കണ്ണടയും കുറിപ്പും ഉടന്‍തന്നെ അപ്രത്യക്ഷമാകുകയുംചെയ്തു.
ആ കുറിപ്പ് കൂരിയതലത്തിലുള്ള വലിയൊരു അഴിച്ചുപണിയെക്കുറിച്ചുള്ള നക്കലും, പ്രധാന പോസ്റ്റുകളില്‍ നിന്നു പറിച്ചുമാറ്റേണ്ട കര്‍ദ്ദിനാളന്മാരുടെ ലിസ്റ്റുമായിരുന്നു എന്നാണ് അനുമാനിക്കപ്പെടുന്നത്. സഭയുടെ പുണ്യപ്രസംഗങ്ങള്‍ക്കു സമാന്തരമായി വത്തിക്കാനില്‍ നടന്നുപോന്ന അധാര്‍മ്മികമായ വന്‍സാമ്പത്തിക ഇടപാടുകളെക്കുറിച്ചും, ലോകമെമ്പാടുമായി ചിതറിക്കിടക്കുന്ന സഭയുടെ വിപുലമായ ആസ്തിയെക്കുറിച്ചും അന്വേഷണവും കണക്കെടുപ്പും അതിലെല്ലാം അഴിച്ചുപണിയും നിശ്ചയിച്ചിരുന്ന അദ്ദേഹത്തിന് അതു സുഗമമായി നടത്തണമെങ്കില്‍ വത്തിക്കാന്റെ താക്കോല്‍സ്ഥാനങ്ങളില്‍നിന്ന് അനേകരെ മാറ്റിപ്രതിഷ്ഠിക്കണമായിരുന്നു. പക്ഷേ നിഗൂഢതയൊന്നുമില്ലാതെ കാര്യങ്ങള്‍ പരസ്യമായി പ്രഖ്യാപിച്ചുകൊണ്ട് ധീരമായി മുന്നോട്ടുപോയ പോപ്പ് ജോണ്‍പോളിന്റെ ത്വരിതനീക്കങ്ങളെ, നിഗൂഢതയുടെ ഇരുട്ടില്‍ കൈകോര്‍ത്ത് അതിലും വേഗത്തില്‍ വത്തിക്കാനിലെ മഹാപുരോഹിതരും മാഫിയാസംഘവും നേരിട്ടു എന്നുവേണം അനുമാനിക്കാന്‍.
എന്തായാലും കത്തോലിക്കാസഭയ്ക്ക്, അവള്‍ ജന്മംനല്‍കിയവരില്‍വച്ച് ഏറ്റവും ഉന്നതശീര്‍ഷനായിരുന്ന ഒരു ഉത്തമപുത്രനെയാണ് 40 വര്‍ഷംമുമ്പ് നഷ്ടമായത് എന്ന കാര്യത്തില്‍ സംശയമില്ല. ലാളിത്യത്തിലും മനുഷ്യസ്‌നേഹത്തിലും നീതിബോധത്തിലും ധിഷണയിലും കര്‍മ്മകുശലതയിലും അദ്വിതീയനായിരുന്ന പോപ്പ് ജോണ്‍പോള്‍ ഒന്നാമന്റെ സഭാദര്‍ശനങ്ങളെയും നിലപാടുകളെയും, അവഗണനയുടെയും ബോധപൂര്‍വ്വം തുടരുന്ന തമസ്‌കരിക്കലിന്റെയും പുല്ലുമൂടിയ കബറിടത്തില്‍നിന്ന് ഉയിര്‍പ്പിച്ചെടുക്കേണ്ടതുണ്ട്. നീതിയും കരുണയും ദരിദ്രരോടു പക്ഷപാതിത്വവുമുള്ള ഒരു ദരിദ്രസഭ സ്വപ്നംകാണുന്ന സഭാനവീകരണപ്രവര്‍ത്തകരുടെയിടയിലെങ്കിലും അദ്ദേഹം കൂടുതല്‍ വായിക്കപ്പെടുകയും ചര്‍ച്ചചെയ്യപ്പെടുകയും സ്വീകരിക്കപ്പെടുകയും ചെയ്യേണ്ടതുണ്ട്.
മഹാന്മാര്‍ നിത്യം ജീവിക്കുകയും മനുഷ്യജീവിതത്തെ നിരന്തരം പുനര്‍നിര്‍മ്മിച്ചുകൊണ്ടിരിക്കുകയുംചെയ്യുന്നത് അവരുടെ ആശയങ്ങളിലൂടെയാണല്ലോ.
                                -എഡിറ്റര്‍
NB
ഇതില്‍കൊടുത്തിരിക്കുന്ന പല വിവരങ്ങള്‍ക്കും Lucien Gregoire --ന്റെ  'The Vatican Murders' എന്ന ഗ്രന്ഥത്തോടും David Yallop ന്റെ 'In God's Name'എന്ന ഗ്രന്ഥത്തിന്റെ പരിഭാഷയായ 'ദൈവനാമത്തില്‍' എന്ന ഗ്രന്ഥത്തോടും (പരിഭാഷകന്‍ ശ്രീ. ജെ. പി. ചാലി) കടപ്പാട്. KCRM ഉടന്‍ പ്രസിദ്ധീകരിക്കുന്ന ഗ്രന്ഥമാണ് 'ദൈവനാമത്തില്‍'.) പുസ്തകം മുന്‍കൂര്‍ ബുക്കുചെയ്യുന്നവര്‍ക്ക് : Rs.250--നു ലഭിക്കുന്നു.
പ്രകാശനം 2018 ഡിസംബറില്‍
ബുക്കുചെയ്യേണ്ട വിലാസം: സത്യജ്വാല മാസിക, C/o പ്രിന്റ് ഹൗസ് കൊട്ടാരമറ്റം, പാലാ, കോട്ടയം - 686575 ബന്ധപ്പെടാന്‍: 9846472868

Thursday, September 27, 2018

CCV editor Kottoor reacts to Padanamakkal





My heart-felt congrats to Jose Padanamakal, for the extremely comprehensive report on Franco Mulakkal, now in Pala Jail for alleged criminal accusation of raping a Nun under his protection. 

 You are doing an unparalled service of enlightening millions trapped in the dark cover-up of silence and cover-ups indulged indulged in by the Pastors in the Catholic church who turned out to become wolves in sheep’s clothing to fatten themselves with the fat of their sheep. 

The only way to enlighten simple believers is through articles like yours which will never come in Church publications but only in independent websites like Almayasabdam and CCV. So continue to convice readers(ignorant) about the urgency of jumping out of the sinking Titanic --  call it Bark of Peter, divided churches or organized religions – and follow the divine light in all of us in the form of “Sathyagraha and Snehagraha” (passionate search for Truth and Love) in built in every human mind and heart as Jesus told the woman at Jacob’s well: “Time has come to worship God, not in this mountain or that, but in the cave of one’s heart in SPIRIT and TRUTH. 

Today the whole discussion is about following Mother Church and its authorities which is different for different people and different God men with different titles to suit their needs. 

The ONE PERSON these people  and all of us have to follow is the Carpenter of Narareth who never became even a Christian, but was born Jew, lived Jew and died a Jew.  Think of INRI placed on his cross. Christ or anointed was given by those who wanted to see him the anointed of God and even that many years after his death. Original Kerala Christians were called “MARGAM KUDIYVAR” those who followed the path of Jesus who alone is no where in all present discussions. 

He is not discussed in all controversies raging today. So we  have to bury a lot of out  blind beliefs and practices first.  There is a long list of outdated blind belifs or stupidities to be thrown from the ship we are travelling in. 

Litany of Must-goes 
As far long as fifty years ago I had suggested to stop calling a mere human “Your Holiness” which must go, being ‘blasphamy‘ par excellence; all ascending and descending offices must go, being Caste system at its worst and racism; all honorific appellations from Rev. to Your Eminence must gobeing diametrically opposite ofJesus’ teachings, all humans equals as brothers and sisters only; all competing organized churches proliferating as “Churchianities” (is Christ divided?) must go, being the opposite of unity, universality and self-emptying of Jesus; all business of church building from village chapels to eye-catching posh  cathedrals in  brick and mortar  as concrete wonders in city centers to world capitals for God of all creation who needs no rented house to reside here on earth except the minds and hearts of humans as Sathyagrha and Snehagraha (passionate craving for Truth in too many closed minds  and love in closed hearts), all  of which must go! There are many more which I don’t list here.  

I tried to post this as my reaction to your inforfmative and educative article but could not succeed.  So sending to you, to kindly post  in the Almayasabdam for all to think over and act constructively. Or get it rendered in Malayalam and post anywhere. Thank you and God bless your work of enlightening the BLIND. Any number of such articles are in CCV,  so visit www.almayasabdam.com   james 

Post script: Personally I consider Mulakkal espisode as an heaven sent BLESSING IN DISGUISE, a wake up call to all blind believers in Kerala. Jesus the hound of heaven has dropped a bomb, like the Kerala Floods. God, if there is one, he is the one who WRITIES STRAIGHT WITH CROOKED LINES, like you and me and Franco Mulakkal. So wake up and rejoice and even thank Mulakkal for giving us sleepless nights to reflect and WAKE UP before we are drowned or instead of getting outselves drowned! 

The HERO in those whole episode is the raped NUN  (think of the woman at the Jacob’s well who had 6 husbands, the woman caught in adultery and Mary who anointed Jesus feet with ointments all of whom Jusus used to teach unforgettable lessons 



If the Catholic church in Kerala and India has any name, fame and glory to boast of it is all due to the self-emptying slavish day to nigh work done by the  battalion of Kerala Nuns following the footsteps of Mother Theresa.  They all should be honered with Nobal prices – ALL FIVE OF THEM -- for their SIT IN STRIKE! The “Hypocritical Episcopal High Priestly Class” instead  should be showered with every sentence of WOES Jesus utters in  Mathew Chapter 23, starting with: “You Hypocrites, white washed sepulchers, brood  of vipers” etc. Thank God who writes straight with crooked lines. All honor and glory to God alone! jk
https://almayasabdam.blogspot.com/2018/09/blog-post_30.html