Translate

Thursday, June 5, 2014

IÀ±n\mÄ amÀ tPmÀPv Bet©cn Pq¬ 13\v hnb¶ kµÀin¡pw

ദീപിക, 04.06-2014

വnb¶: kotdm ae_mÀ k`bpsS taPÀ BÀ¨v _nj]pw FdWmIpfwA¦amen AXncq]XbpsS sa{Xmt]meo¯bpamb IÀ±n\mÄ amÀ tPmÀPv Bet©cn Pq¬ 13\v hnb¶ kµÀin¡pIbpw aebmfn It¯men¡ kaqlt¯msSm¸w Znhy_en AÀ¸n¡pIbpw sN¿pw.

Pq¬ 13\v (shÅn) hnb¶ A´cm{ã hnam\ Xmhf¯n F¯p¶ At±ls¯ C´y³ Im¯en¡v IayqWnänbpsS ]pXnb `mchmlnIÄ FbÀt]mÀ«n kzoIcn¡pw. Pq¬ 14 (i\n) cmhnse F«n\v At±lw ssaUvenwKv tZhmeb¯n hnip² IpÀ_m\ AÀ¸n¡pw.

kzImcy kµÀi\¯ns\¯p¶ IÀ±n\mÄ Pq¬ 14\v cmhnse Xs¶ asämcp kt½f\¯n ]s¦Sp¡m³ bm{XbmIpw.

dnt¸mÀ«v: tPm_n BâWn

കർദ്ദിനാൾ ആലഞ്ചേരിയുടെ വിദേശ യാത്ര ദുരൂഹത നിറഞ്ഞത്‌ തന്നെ. ദീപികയുടെ പ്രവാസി വാർത്തയിൽ കർദ്ദിനാൾ എവിടെയോ പോകുന്ന വഴിക്കു വിയന്നയിൽ ആരെയൊക്കെയോ രഹസ്യമായി സന്ദർശിക്കുവാൻ പോകുന്നതായാണ് മനസ്സിലാക്കുവാൻ കഴിയുന്നത്‌. വത്തിക്കാനിൽ കുറെയേറെ ബാങ്ക് അക്കൌണ്ടുകൾ ഉള്ള കാര്യവും രണ്ടു മില്യൻ യൂറോ ജര്മ്മനിയിലെ മലയാളികളോട്  പിരിച്ചെടുത്തു കർദ്ദിനാൾ ആലഞ്ചേരിക്ക്  നല്കണം എന്ന് അദ്ദേഹം തന്നെ എഴുതിയ കഥ ഉണ്ടായിട്ടു അധിക നാളായില്ല. ഇപ്പോൾ വിയന്നയിൽ രഹസ്യ സന്ദർശനം നടത്തുന്നതിൽ വളരെയേറെ ദുരൂഹതയുണ്ട്. വിയന്നയിൽ നിന്നും  എങ്ങോട്ട് പോകുന്നു എന്നത് രഹസ്യമാണ്. ഇത്തരം രഹസ്യ സന്ദർശനം കത്തോലിക്ക സഭയുടെ നേതൃത്വത്തിന് ചേർന്നതല്ലല്ലോ. വാർത്തകളിൽ സുതാര്യത ഉണ്ടായിരിക്കുന്നത് നല്ലതാണ്.
 Thomas maathew




കോതമംഗലം രൂപതയുടെ ഇടയലേഖനത്തോട് ഒരു പ്രതികരണം


ഫാ. എ. അടപ്പൂര്‍ എസ്.ജെ.
(2014 മെയ് ലക്കം സത്യജ്വാലയില്‍ നിന്ന് ) 

നാലുകൊല്ലം ദീര്‍ഘിച്ച കഠിനയാതനകളും വിലമതിക്കാനാവാത്ത ഒരു മനുഷ്യജീവനുമുള്‍പ്പെടെ ഒട്ടേറെ നാശനഷ്ടങ്ങളും സഹിക്കേണ്ടിവന്ന പ്രൊഫ. ടി.ജെ. ജോസഫിനു ന്യൂമാന്‍ കോളേജില്‍ പുനഃപ്രവേശനം നല്‍കിയതിനെപ്പറ്റി കോതമംഗലം രൂപത പുറത്തിറക്കിയ രണ്ടു ഔദ്യോഗികരേഖകളോടുള്ള പ്രതികരണമാണിത്. കേരളത്തിലെ മുഖ്യധാരാമാധ്യമങ്ങളെല്ലാം ഈ രേഖകള്‍ പ്രാധാന്യം നല്‍കി പ്രസിദ്ധീകരിക്കുകയുണ്ടായി.
എത്ര വലിയ ദുരന്തത്തിന്റെയും മുറിവുകള്‍ കാലക്രമത്തില്‍ ഉണങ്ങിക്കൊളളും. സമൂഹം അതൊക്കെ മറക്കുകയും ചെയ്യും. പൊതുജനത്തിന്റെ ഓര്‍മ്മശക്തി ഹ്രസ്വായുസ്സാണെന്നത്രേ ചൊല്ല്. ജോസഫ് സാറിനും അദ്ദേഹത്തിന്റെ രണ്ടു മക്കള്‍ക്കും പ്രശാന്തവും പ്രത്യാശാനിര്‍ഭരവുമായ ഒരു പുതുജീവിതം കെട്ടിപ്പടുക്കാന്‍ അവസരമുണ്ടാകട്ടെ-ഇതാണ് ഇപ്പോള്‍ എല്ലാവരുടെയും ആഗ്രഹം. പ്രാര്‍ത്ഥനയും അതുതന്നെ. പക്ഷേ, ആശ്ചര്യജനകം എന്നു പറയട്ടെ, ഇതിനൊക്കെ കടകവിരുദ്ധമായ ചേതോവികാരങ്ങളാണു കോതമംഗലം മെത്രാനും അദ്ദേഹത്തിന്റെ സ്റ്റാഫംഗങ്ങളും ചേര്‍ന്നു സമൂഹമദ്ധ്യത്തിലേക്ക് വിക്ഷേപിച്ചിരിക്കുന്നത്. ആരോപണവിധേയനായ അദ്ധ്യാപകന്റെ 'വിവേകശൂന്യമായ നടപടികള്‍' രൂപതാധികാരികള്‍ക്കും പ്രിന്‍സിപ്പലിനും കനത്ത മനോവ്യഥയും മാനഹാനിയും ഉളവാക്കിയിരിക്കയാണത്രേ! ഇടയലേഖനത്തിലുടനീളം പ്രൊഫ. ടി. ജെ. ജോസഫ് കടുത്ത കലാപകാരിയായും കോതമംഗലം രൂപത നന്മമാത്രം അനുഷ്ഠിക്കുന്ന മഹദ്സ്ഥാപനമായും ചിത്രീകരിക്കപ്പെട്ടിരിക്കുന്നു!
തനിക്കെതിരെ ഉയരുന്ന ആരോപണങ്ങളുടെ മുമ്പില്‍ ഈ അദ്ധ്യാപകന്‍ പതറാതെ, പ്രകോപിതനാകാതെ നില്‍ക്കുന്നു. 'ഞാന്‍ പ്രതികരിക്കുന്നില്ല' -ഇതുമാത്രമാണ് അദ്ദേഹത്തിന്റെ പ്രതികരണം. തന്നെ ജോലിയില്‍ തിരിച്ചെടുത്ത മെത്രാനോടും മാനേജ്‌മെന്റിനോടുമുള്ള ആഴമേറിയ കടപ്പാട് വ്യക്തമാക്കാനും അദ്ദേഹം മറക്കുന്നില്ല. ഈ സംഭവപരമ്പരയുടെ ആദ്യനാളുകളില്‍ കോതമംഗലം അരമനയില്‍ പോയി അന്നത്തെ മെത്രാന്‍ മാര്‍ ജോര്‍ജ്ജ് പുന്നക്കോട്ടിലിന്റെ കാലുപിടിച്ച്, പലതവണ ക്ഷമചോദിച്ച ആളാണ് പ്രൊഫ ജോസഫ്. താന്‍ കുറ്റക്കാരനാണെന്ന ബോധ്യത്തിന്റെ പേരിലല്ല; മറിച്ച്, തന്റെ പെരുമാറ്റം ബിഷപ്പിനും മാനേജ്‌മെന്റിനും മാനസികവൈഷമ്യത്തിനു കാരണമായല്ലോ എന്നോര്‍ത്തുള്ള ക്ഷമാപണം. വിനീതവും കുലീനവുമായ ഈ നിലപാടില്‍നിന്ന് അദ്ദേഹം നാളിതുവരെ വ്യതിചലിച്ചിട്ടില്ല.
വേറൊരു വൈരുദ്ധ്യവും ചൂണ്ടിക്കാട്ടാനുണ്ട്. ലോകത്താകെയുള്ള മുന്നൂറുകോടി ക്രൈസ്തവ വിശ്വാസികള്‍ യേശുക്രിസ്തുവിന്റെ പീഡാസഹനവും കുരിശുമരണവും ധ്യാനവിഷയമാക്കുന്ന കാലയളവായിരുന്നു അത്. സ്വന്തം തെറ്റുകുറ്റങ്ങള്‍ ഏറ്റുപറഞ്ഞ് ദൈവത്തോടും മനുഷ്യരോടും മാപ്പിരക്കുകയും യേശുവിന്റെ നിസ്തുല വിശുദ്ധിയിലുള്ള സജീവപങ്കാളിത്തത്തിലേക്ക് ഉയിര്‍ത്തെഴുന്നേല്‍ക്കാന്‍ തയ്യാറെടുക്കുകയും ചെയ്യുന്ന കാലഘട്ടം. ഈ വലിയ വിശ്വാസസത്യവുമായി ബന്ധപ്പെട്ട ഒരു വാക്കുപോലും ബിഷപ്പിനോ വികാരി ജനറാളിനോ ഈ അവസരത്തില്‍ പറയാനുണ്ടായില്ല. വിവാദചോദ്യപേപ്പറിനെത്തുടര്‍ന്നുണ്ടായ സംഭവങ്ങള്‍ 'നമ്മുടെ നാട്ടിലെ വ്യത്യസ്ത ജനവിഭാഗങ്ങളുടെയിടയില്‍ ആഴമേറിയ അകല്‍ച്ച ഉളവാക്കി'യെന്നും, 'വിശദമായ അന്വേഷണങ്ങള്‍ക്കുശേഷം കുറ്റക്കാരനെന്നു കണ്ടെത്തിയശേഷമാണ് അദ്ദേഹത്തെ പിരിച്ചുവിട്ടതെ'ന്നും ഇടയലേഖനം അവകാശപ്പെടുന്നു.
സഹാനുഭൂതിയുടെയോ കാരുണ്യത്തിന്റെയോ സ്പര്‍ശമേല്‍ക്കാത്ത വാക്കുകള്‍! നോയമ്പുകാലത്തിന്റെ പരിസമാപ്തിയില്‍ ഒരു കത്തോലിക്കാ മെത്രാന്റെ അരമനയില്‍ നിന്നുവരുന്ന ഇമ്മാതിരി ആരോപണശരങ്ങള്‍ ആരെയും അമ്പരപ്പിക്കും. സാര്‍വ്വത്രികസഭയുടെ തലവനായ പോപ്പ് ഫ്രാന്‍സീസ് തന്റെ വാക്കുകളിലൂടെയും ജീവിതമാതൃകവഴിയും പ്രകടമാക്കുന്നത് യേശുവിന്റെ കരുണാര്‍ദ്രമായ മുഖമാണ്.
'കാരുണ്യവും വാത്സല്യവുമാണല്ലോ അങ്ങയുടെ പ്രസംഗങ്ങളുടെ സത്ത' എന്നു ചൂണ്ടിക്കാട്ടിയ ഇറ്റാലിയന്‍ പത്രലേഖകനോട് അദ്ദേഹം പ്രതികരിച്ചതിങ്ങനെ:'എന്റെ പ്രസംഗങ്ങളുടെയല്ല, സുവിശേഷത്തിന്റെ സത്തയാണത്. അങ്ങനെയല്ലാതെ ആര്‍ക്കും യേശുക്രിസ്തുവിനെ മനസ്സിലാക്കാനാവില്ല.'
പോപ്പ് ഫ്രാന്‍സീസ് പുറത്തിറക്കിയ 'സുവിശേഷത്തിന്റെ സന്തോഷം' എന്ന പ്രബോധനരേഖയുടെ കേന്ദ്രബിന്ദു വിശ്വാസിസമൂഹം - മെത്രാന്മാരും സാധാരണ ജനങ്ങളും-നിരന്തരമെന്നോണം ക്രിസ്തുവിനെ തേടിപ്പോകണമെന്ന ആഹ്വാനമാണ്. ഏഴു പ്രാവശ്യം ക്ഷമിക്കണമെന്ന് നമ്മെ പഠിപ്പിച്ച ക്രിസ്തു (മത്താ. 18:22) നമുക്ക് ഒരു മാതൃക നല്‍കിയിരിക്കുന്നു. മാര്‍ഗ്ഗമദ്ധ്യേ കാലിടറിയവരോടൊപ്പമാണ് സഭ നില്‌ക്കേണ്ടത്.
ഇടയലേഖനമാകട്ടെ, ഹതഭാഗ്യനായ ജോസഫ് സാറിനോട് കരുണ കാണിക്കുന്നതിനുപകരം അദ്ദേഹത്തിനെതിരെ വീണ്ടും വീണ്ടും ആരോപണങ്ങള്‍ നിരത്തുന്നു. അദ്ദേഹത്തെ കുറ്റവിമുക്തനാക്കാനാവില്ലെന്നതിനു ഉപോല്‍ബലകമായി അതില്‍ ചേര്‍ത്തിട്ടുള്ള വാദമുഖങ്ങളൊന്നും ശരിയല്ല.
വിശദമായ ഒരന്വേഷണത്തില്‍ ആള്‍ കുറ്റക്കാരനാണെന്നു കണ്ടെത്തിയതിനെത്തുടര്‍ന്നാണ് മാനേജ്‌മെന്റ് ജോസഫ് സാറിനെ പിരിച്ചുവിട്ടതെന്ന ഇടയലേഖനത്തിലെ അവകാശവാദം സത്യവിരുദ്ധമാണ്. ചോദ്യപേപ്പറിലെ പരാമര്‍ശത്തിലൂടെ പ്രവാചകനെ അധിക്ഷേപിച്ചു എന്നാക്രോശിച്ചുകൊണ്ട് തൊടുപുഴ ന്യൂമാന്‍ കോളേജിലേക്കു മാര്‍ച്ചുചെയ്ത തീവ്രവാദി സംഘത്തെ ഭയന്നാണ് കോളേജധികൃതര്‍ പ്രൊഫ. ജോസഫിനെതിരെ ശിക്ഷണനടപടികള്‍ പ്രഖ്യാപിച്ചത്. അതു ശരിയായ നടപടി ആയിരുന്നില്ല. സാധാരണഗതിയില്‍, പ്രശ്‌നത്തിന്റെ എല്ലാവശങ്ങളും സശ്രദ്ധം പഠിച്ച് അതിലെ ശരിതെറ്റുകള്‍ വിവേചിച്ചറിയാന്‍ പക്വമതികളും പരിചയസമ്പന്നരുമായ ഒരു വിദഗ്ദ്ധസമിതിക്കു രൂപംനല്‍കുകയാണ് ചെയ്യേണ്ടിയിരുന്നത്. പക്ഷേ, അതുണ്ടായില്ല. അതിനുപകരം അദ്ധ്യാപകന്‍ ശിക്ഷാര്‍ഹനാണെന്നു മുന്‍കൂട്ടി വിധിച്ച്, പരമാവധി ശിക്ഷ അദ്ദേഹത്തിന്റെമേല്‍ ചുമത്താന്‍ പറ്റിയ കാരണങ്ങള്‍ എഴുതിയുണ്ടാക്കുന്നതില്‍ വിദഗ്ധനായ ഒരഭിഭാഷകനെ ഏല്പിക്കുകയാണുണ്ടായത്. ഭീമമായ ഒരു തുക ഫീസായി വാങ്ങിക്കൊണ്ട് ഇയാള്‍ എഴുതിക്കൊടുത്ത കുറ്റപത്രവും പിരിച്ചുവിടല്‍ കല്പനയുമാണ് മാനേജ്‌മെന്റിനു തുണയായത്. ഈ അന്വേഷണപ്രഹസനത്തെത്തുടര്‍ന്ന് അദ്ധ്യാപകന്‍ കുറ്റക്കാരനാണെന്നു മാര്‍ ജോര്‍ജ്ജ് പുന്നക്കോട്ടില്‍ നടത്തിയ പ്രഖ്യാപനം, പ്രൊഫ. ടി.ജെ. ജോസഫിനെ ശാരീരികമായി ഉന്മൂലനം ചെയ്യാന്‍ മതതീവ്രവാദികള്‍ക്കു കളമൊരുക്കുകയും കരുത്തേകുകയും ചെയ്തു. കൈകാലുകളില്‍ മാരകമായ വെട്ടേറ്റ് എറണാകുളത്തെ സ്‌പെഷ്യലിസ്റ്റ് ആശുപത്രിയില്‍ അര്‍ദ്ധപ്രാണനായി കിടക്കുന്ന ജോസഫ് സാറിനെയാണ് നാം പിന്നീട് കാണുന്നത്.
കേരളാ പോലീസ് അദ്ദേഹത്തിന്റെമേല്‍ ക്രിമിനല്‍ കുറ്റം ചുമത്തി തൊടുപുഴ മജിസ്‌ട്രേറ്റ് കോടതിയില്‍ ഫയല്‍ ചെയ്ത കേസിനു 2013 നവംബറില്‍ ചീഫ് മജിസ്‌ട്രേറ്റ് വിധി പ്രഖ്യാപിച്ചു. അതിന്‍പ്രകാരം, ആരോപണം അടിസ്ഥാനരഹിതമാണെന്നും അദ്ധ്യാപകന്‍ കുറ്റവിമുക്തനാണെന്നും തെളിഞ്ഞു. ആ വിധിന്യായം പ്രാബല്യത്തിലിരിക്കെയാണു പ്രൊഫ. ജോസഫ് ഇപ്പോഴും കുറ്റക്കാരനാണെന്ന് പുതിയ ഇടയലേഖനം ആവര്‍ത്തിച്ചുപറയുന്നത്. പണ്ടേ വിവാദഗ്രസ്തനായ മാര്‍ പുന്നക്കോട്ടിലിന്റെ പിന്‍ഗാമി സാത്വികനും സത്യസന്ധനും ദയാലുവുമാണെന്ന പൊതുധാരണയ്ക്ക് ഇതോടെ ഇളക്കം തട്ടിയിരിക്കുന്നു. മാത്രമല്ല, ജോസഫ് സാറിനെതിരെ വേറൊരു ഭീകരാക്രമണം നടത്താന്‍ തീവ്രവാദിസംഘത്തിനു പ്രചോദനം നല്‍കുന്ന സ്ഥിതിവിശേഷം വീണ്ടും സംജാതമായിരിക്കുന്നുതാനും.
കോതമംഗലം രൂപത പുറപ്പെടുവിച്ച പ്രസ്താവനകളിലൊന്നും ടി.ജെ. ജോസഫിന്റെമേല്‍ മതതീവ്രവാദികള്‍ നടത്തിയ പൈശാചികമായ ആക്രമണത്തെ അപലപിച്ചതായി കാണുന്നില്ല. മുസ്ലീം തീവ്രവാദികളോടും അവരുടെ പ്രത്യയശാസ്ത്രത്തോടും ഐക്യദാര്‍ഢ്യം പുലര്‍ത്തുകയാണവര്‍.
കുടുംബാംഗങ്ങളോടൊപ്പം ദിവ്യബലിയില്‍ പങ്കെടുത്തശേഷം വീട്ടിലേക്കു മടങ്ങുമ്പോഴാണു ജോസഫ് സാര്‍ ആക്രമിക്കപ്പെട്ടത്. ഭാര്യയും മക്കളും വൃദ്ധമാതാവും മൂത്ത സഹോദരി സിസ്റ്റര്‍ സ്റ്റെല്ലയും അദ്ദേഹത്തോടൊപ്പം കാറിലുണ്ടായിരുന്നു. തലനാരിഴയുടെ വ്യത്യാസത്തിലാണ് അദ്ദേഹം മരണത്തില്‍ നിന്നു രക്ഷപ്പെട്ടത്. വ്യാപകമായ ജനശ്രദ്ധ പിടിച്ചുപറ്റിയ ഈ കൊടുംപാതകം കൈകാര്യം ചെയ്തതില്‍ രൂപതയ്ക്കു ഗുരുതരമായ തെറ്റുപറ്റി. അതിന്റെ പ്രതിഫലനമാണ് സഭാനേതൃത്വത്തിനും മെത്രാന്മാര്‍ക്കുമെതിരെ ലോകമെങ്ങും സോഷ്യല്‍ മീഡിയയില്‍ ഉയര്‍ന്നുപടരുന്ന വിമര്‍ശനപ്പെരുപ്പം. ഇടയലേഖനവും വിശദീകരണക്കുറിപ്പും ഇറക്കി അതിനു തടയിടാനുള്ള നീക്കം ഫലിച്ചില്ല. മുറംകൊണ്ട് നയാഗ്ര വെള്ളച്ചാട്ടം തടഞ്ഞുനിര്‍ത്താന്‍ ശ്രമിക്കുന്നതുപോലുള്ള മൗഢ്യമായിരുന്നു അത്. വേണ്ടത്ര പഠനമോ കൂടിയാലോചനയോ നടത്താതെ ഏകപക്ഷീയമായി പുറപ്പെടുവിച്ച ആ പുറത്താക്കല്‍ കല്പന ബൂമെറാങ്ങുപോലെ അരമനയേയും അതിലെ നിവാസികളെയും തിരിഞ്ഞുകുത്താന്‍ തുടങ്ങിയിരിക്കുന്നു.
പക്ഷേ, തങ്ങള്‍ക്ക് ഒരബദ്ധം പറ്റിയെന്നു സമ്മതിക്കാന്‍ ബിഷ പ്പോ അദ്ദേഹത്തിന്റെ സഹപ്രവര്‍ത്തകരോ തയ്യാറല്ല. ജോസഫ് സാറിനെതിരെ മാര്‍ പുന്നക്കോട്ടില്‍ സ്വീകരിച്ച തെറ്റായ തീരുമാനം തിരുത്തിയാല്‍ മാധ്യമങ്ങള്‍ അക്കാര്യം വലിയ വാര്‍ത്തയായി കൊട്ടിയാഘോഷിക്കുമെന്നും, അതു രൂപതയുടെ സല്‍പേരിനു ക്ഷതമേല്പിക്കുമെന്നും അവര്‍ ഭയപ്പെടുന്നു. ഈ വിഷയത്തെപ്പറ്റി നടന്ന ടി.വി. ചര്‍ച്ചകളില്‍ കോതമംഗലം ബിഷപ്പിന്റെ വക്താക്കളായി പ്രത്യക്ഷപ്പെട്ട വൈദികരുടെ വാക്കുകളിലും ശരീരഭാഷയിലും ഭയപ്പാടിന്റെ ലക്ഷണങ്ങള്‍ പ്രകടമായിരുന്നു.
കത്തോലിക്കാസഭ ഇത്തരം കാര്യങ്ങളില്‍ അപ്രമാദിത്വമൊന്നും അവകാശപ്പെടുന്നില്ല. കഴിഞ്ഞ നൂറ്റാണ്ടിന്റെ രണ്ടാംപാതിയില്‍ ആയിരക്കണക്കിനു വൈദികര്‍ക്കെതിരെ ലൈംഗിക സദാചാരപരമായ കുറ്റാരോപണങ്ങള്‍ ഉണ്ടായി. അവയില്‍ പലതും വസ്തുനിഷ്ഠമെന്ന് തെളിയിക്കപ്പെട്ടിട്ടുമുണ്ട്. കോടിക്കണക്കിനു ഡോളറാണ് ഇരകള്‍ക്ക് നഷ്ടപരിഹാരമായി നല്‍കേണ്ടിവന്നത്. ഇതെല്ലാം ഏറ്റുപറയാനും പരസ്യവേദിയില്‍ ക്ഷമാപണം ചെയ്യാനും ജോണ്‍ പോള്‍ രണ്ടാമന്‍, ബനഡിക്ട് 16-ാമന്‍, ഇപ്പോഴത്തെ പോപ്പ് ഫ്രാന്‍സീസ് എന്നീ മാര്‍പ്പാപ്പാമാര്‍ സന്നദ്ധരായി. സഭയുടെ സല്‍പ്പേരിന്റെ സംരക്ഷണത്തിനായി അവര്‍ ഒന്നും ഒളിച്ചുവയ്ക്കുന്നില്ല.
യൂണിവേഴ്‌സിറ്റി അപ്പലേറ്റ് ട്രൈബ്യൂണലില്‍ സമര്‍പ്പിച്ചിരുന്ന കേസിന്റെ വിധി വൈകിക്കുന്നത് പ്രൊഫ. ജോസഫിന്റെ വക്കീല്‍ തന്നെയാണെന്ന അതിവിചിത്രമായ വാദം സാമാന്യബുദ്ധിക്കോ വസ്തുതകള്‍ക്കോ നിരക്കുന്നതല്ലെന്നു ഏതു കൊച്ചുകുട്ടിക്കും തിരിച്ചറിയാന്‍ കഴിയും. അദ്ധ്യാപകന്റെ ശമ്പളമല്ലാതെ മറ്റ് ഉപജീവനമാര്‍ഗ്ഗമൊന്നുമില്ലാത്ത തന്നെയും കുടുംബത്തെയും മാനേജ്‌മെന്റിന്റെ നടപടി സാമ്പത്തികമായി തകര്‍ക്കുമെന്നു കണ്ടിട്ടാണ് ജോസഫ് ട്രൈബ്യൂ
ണലിന്റെ മുമ്പില്‍ അപ്പീല്‍ സമര്‍പ്പിച്ചത്.
2010 ഒക്‌ടോബറില്‍ സമര്‍പ്പിച്ച അപ്പീലിന്റെ വിചാരണ നാല്പതിലേറെ അവധി പിന്നിട്ടിട്ടും തീരുമാനമാകാതെ തുടരുകയാണിപ്പോഴും. ഓരോ തവണ വിളിക്കുമ്പോഴും അരമന വക്കീല്‍ തടസവാദങ്ങള്‍ ഉന്നയിച്ച് വിചാരണ നീട്ടിവയ്പ്പിക്കും. അദ്ധ്യാപകന്‍ ജോലിയില്‍നിന്നു വിരമിക്കേണ്ട തീയതിയായ 2014 മാര്‍ച്ച് 31 വരെ നീട്ടിക്കൊണ്ടുപോവുക എന്നതായിരുന്നിരിക്കാം രൂപതാധികൃതരുടെ ലക്ഷ്യം. ഓരോ അവധിക്കും വക്കീലന്മാരുടെ തിരുവനന്തപുരത്തേക്കുള്ള യാത്ര, ഹോട്ടല്‍
വാസം തുടങ്ങിയവയ്ക്കായി പതിനായിരക്കണക്കിനു രൂപ ചെലവാക്കേണ്ടിവന്നു. അതു താങ്ങാന്‍ വേണ്ട ശേഷി ഇല്ലാത്ത അദ്ധ്യാപകനെ തറപറ്റിക്കാന്‍ ഏറ്റവും ഫലപ്രദമായ ഉപാധി ആണിതെന്നും മാനേജ്‌മെന്റ് കണക്കുകൂട്ടുന്നുണ്ടാവാം. സ്വന്തം കക്ഷിയുടെ ഉത്തമതാല്പര്യങ്ങള്‍ക്കു വിപരീതമായി കേസ് വാദിക്കുന്ന അഭിഭാഷകന്‍ ഏതു ലോകത്തിലാണുള്ളത്!
ഇതിനകം വല്ലാതെ കുഴഞ്ഞുമറിഞ്ഞുകഴിഞ്ഞ ഈ കേസിന്റെ വിശദാംശങ്ങള്‍ തുടക്കം മുതല്‍ പഠിച്ച് വസ്തുനിഷ്ഠമായി വിലയിരുത്തിപ്പോന്ന ഒരാളുണ്ട്-ചങ്ങനാശ്ശേരി സെന്റ് ബെര്‍ക്ക്‌മെന്‍സ് കോളേജിലെ മലയാള വകുപ്പു അദ്ധ്യക്ഷനായി വിരമിച്ച പ്രൊഫ. ടി.ജെ. മത്തായി. ചോദ്യക്കടലാസ് വിവാദത്തിന്റെ അക്കാദമികവും നിയമപരവുമായ എല്ലാവശങ്ങളും സൂക്ഷ്മമായി അപഗ്രഥിച്ചുകൊണ്ട് അദ്ദേഹം എഴുതിയ ലേഖനങ്ങള്‍ ഏറെ ശ്രദ്ധേയമായിരുന്നു. സാഹിത്യത്തിന്റെ വിവിധ മേഖലകളില്‍ മാത്രമല്ല, ബൈബിള്‍ വിജ്ഞാനീയത്തിലും 'കത്തോലിക്കാസഭയുടെ മതബോധനം' എന്ന ആധികാരിക ദൈവശാസ്ത്രഗ്രന്ഥത്തിലും അദ്ദേഹത്തിനുള്ള പാണ്ഡിത്യം കിടയറ്റതത്രേ. ജോസഫ് സാറിന്റെ ഭാര്യ സലോമിയുടെ ആത്മഹത്യയെത്തുടര്‍ന്ന് പ്രൊഫ. ടി.ജെ. മത്തായി 2014 ഏപ്രില്‍ ലക്കം 'സത്യജ്വാല' യില്‍ പ്രസിദ്ധീകരിച്ച 'കൈവെട്ടിന്റെ ബാക്കിപത്രം' എന്ന ലേഖനം അദ്ദേഹത്തിന്റെ സൂക്ഷ്മനിരീക്ഷണത്തിനും നീതിബോധത്തിനും നിദര്‍ശനമാണ്. അതിലദ്ദേഹം കോതമംഗലം ബിഷപ്പിനെതിരെ മൂന്നുകുറ്റങ്ങള്‍ വ്യക്തമായി അക്കമിട്ട് ആരോപിക്കുന്നുണ്ട് (കാണുക, കഴിഞ്ഞലക്കം സത്യജ്വാല പേജ് 5,6 -എഡിറ്റര്‍). തുടര്‍ന്നദ്ദേഹം സഭാധികാരികളോട് ഇങ്ങനെ അഭ്യര്‍ത്ഥിക്കുന്നു:
'സീറോ-മലബാര്‍ സഭാധികാരികളുടെ നയശൂന്യവും വിവേകരഹിതവും അക്രൈസ്തവവുമായ ഇടപെടലുകളിലൂടെ വിശ്വാസികള്‍ക്ക് ഉതപ്പും വിശ്വാസക്ഷയവും സംഭവിച്ചിരിക്കുന്നു എന്ന യാഥാര്‍ത്ഥ്യം മനസ്സിലാക്കണമെന്ന് സഭാധികാരികളോട് അഭ്യര്‍ത്ഥിക്കുന്നു.'
'ശുദ്ധാത്മാക്കളും സാധാരണക്കാരും' എന്നു മുദ്രകുത്തി മാറ്റിനിര്‍ത്തിയിരിക്കുന്നവരുടെ കൂട്ടത്തില്‍പ്പെട്ട മത്തായി സാറിന്റെ അഭ്യര്‍ത്ഥന സ്വീകരിക്കപ്പെടാന്‍ സാധ്യത കുറവാണ്. പക്ഷേ, ലോകജനത അത്ഭുതാദരങ്ങളോടെ ശ്രവിക്കുന്ന പോപ്പ് ഫ്രാന്‍സീസിന്റെ ശബ്ദത്തിന് അവര്‍ ചെവികൊടുക്കും എന്നുവേണം കരുതാന്‍. സുവിശേഷത്തിന്റെ സന്തോഷം സമകാലികസമൂഹവുമായി പങ്കുവയ്ക്കാന്‍ മെത്രാന്മാരെയും വൈദികരെയും അഭിസംബോധന ചെയ്തുകൊണ്ട് അദ്ദേഹം എഴുതുന്നു:
'നിങ്ങള്‍ മറ്റുള്ളവരെ തേടിപ്പോകണം. ലക്ഷ്യബോധമില്ലാതെ അലഞ്ഞുനടക്കണം എന്നല്ല ഇതിനര്‍ത്ഥം...... വലിയ തിരക്കുള്ളവരെന്നു ഭാവിക്കാതെ മറ്റുള്ളവര്‍ പറയുന്നതു കേള്‍ക്കാ ന്‍ സന്നദ്ധരാകുവിന്‍..... സര്‍വ്വോപരി വഴിയില്‍ വീണുകിടക്കുന്നവരോടൊപ്പം സമയം ചെലവഴിക്കുക..... ധൂര്‍ത്തപുത്രന്റെ പിതാവിനെപ്പോലെ വീടിന്റെ വാതില്‍ എപ്പോഴും തുറന്നിടുക. മടങ്ങിവരുന്ന മകന് എളുപ്പം അകത്തുകടക്കാന്‍ അതുപകരിക്കും. സുഹൃത്തുക്കളുടെയും സമ്പന്നരായ അയല്‍വാസികളുടെയും അടുക്കലേക്കല്ല; മറിച്ച്, ദരിദ്രരുടെയും രോഗികളുടെയും അവഗണിക്കപ്പെടുന്നവരുടെയും അടുക്കലേക്കാണ് നാം പോകേണ്ടത്.'
പോപ്പ് ഫ്രാന്‍സീസിന്റെ വാക്കുകളുടെ കൃത്യമായ തര്‍ജ്ജമയല്ല ഇത്. അദ്ദേഹത്തിന്റെ ചിന്തകളുടെ ഒരു ഏകദേശപരാവര്‍ത്തനംമാത്രം. അതിലെ സന്ദേശത്തിന് ഈ പ്രതികരണത്തിലെ മുഖ്യവിഷയവുമായുള്ള ബന്ധം വ്യക്തമാണല്ലോ. ഫോണ്‍: 994665742
ഫോണ്‍: 9946661742

N B
ഈ ലേഖനത്തോടുള്ള ശ്രദ്ധേയമായ ഒരു പ്രതികരണം 
നാളെ പ്രസിദ്ധീകരിക്കുന്നതാണ് 
വികാരിയെ മാറ്റിയ സംഭവം: വിശ്വാസികളുടെ പള്ളി ഉപരോധം തുടരുന്നു 
Posted on: Saturday, 31 May 2014 

കൊല്ലം: കുരീപ്പുഴ സെന്റ് ജോസഫ് പള്ളിവികാരി ഫാ. ജോസഫ് ഡാനിയലിനെ സ്ഥലം മാറ്റിയതിൽ പ്രതിഷേധിച്ച്  വിശ്വാസികൾ നടത്തുന്ന പള്ളി ഉപരോധം തുടരുന്നു. ഫാ. ജോസഫ് ഡാനിയൽ അല്ലാതെ മറ്റൊരു വികാരിയെ പള്ളിയിൽ പ്രവേശിപ്പിക്കില്ല എന്ന്  പ്രഖ്യാപിച്ചാണ്  കുരീപ്പുഴ ഇടവക സംരക്ഷണസമിതിയുടെ  നേതൃത്വത്തിൽ വിശ്വാസികൾ പള്ളിക്ക് ചുറ്റും ഉപരോധം തീർത്തിരിക്കുന്നത്. ഫാ. ജോസഫ് ഡാനിയലിന് പകരക്കാരനായി  മറ്റൊരു വികാരിയെ ബിഷപ്പ് ഹൗസ് നിയമിച്ചിട്ടുണ്ടെങ്കിലും അദ്ദേഹം ഇതുവരെ കുരീപ്പുഴ പള്ളിയിൽ എത്തിയിട്ടില്ല. ഈ വികാരിയെ പള്ളിയിൽ പ്രവേശിപ്പിക്കുകയില്ലെന്നും പഴയ വികാരി തന്നെ തുടരണമെന്നും ഉള്ള നിലപാടിലാണ് വിശ്വാസികൾ എന്ന് ഇടവക സംരക്ഷണസമിതി ഭാരവാഹികൾ അറിയിച്ചു. അതേസമയം ,ഫാ. ജോസഫ് ഡാനിയൽ ഹൃദ്രോഗബാധയെത്തുടർന്ന് സ്വകാര്യ ആശുപത്രിയിലാണ്.
http://news.keralakaumudi.com/news.php?nid=e274a23ba07844c30d7d4c96e69fd130

Latest News:
ഉപരോധം തുടരുകയാണ്. അല്മായർക്ക്  അഭിപ്രായം പറയാനും പ്രതിഷേധിക്കാനും അവകാശമുണ്ട്.  പോലീസിനെ ആരാണ് വിന്യസിപ്പിച്ചത് എന്ന  ചോദ്യത്തിന്  ബിഷപിന്റെ സെക്രടറി   
ഫാ. സന്തോഷ്‌  മറുപടി പറയാതെ ഒഴിഞ്ഞു മാറി. ഇടവകക്കാർ 
ചിലർ റിമാണ്ടിലാണ് . സോൾ  ആൻഡ്‌ വിഷൻ 


ഒരുവേള മൌനമാണവിടെ!!!

സുവിശേഷം നിറയെ കരുണയുടെ പാഠങ്ങളാണ്, നിരുപാധികമായ ക്ഷമയുടെയും. കടമകളെയും അവകാശങ്ങളെയും കുറിച്ചൊക്കെ നമ്മൾ ഏറെ ബോധവാന്മാരെങ്കിലും ഇനിയും അത്രകണ്ട് വഴങ്ങാത്ത രണ്ടു പദങ്ങങ്ങളാണ് അവ. ചില മനുഷ്യർക്ക്‌ ഇങ്ങനെ ചില ഉൾവിളികൾ ഉണ്ടാകുന്നുണ്ട്; സുവിശേഷത്തിൽ നിന്ന് കരുണയെ എടുത്തു മാറ്റിയാൽ ശേഷിക്കുന്നത് കുറെ വൈരുദ്ധ്യങ്ങൾ മാത്രമാണെന്ന്. അപ്പോൾ കാതൽ അതാണ്‌; കരുണ. മൂല്യങ്ങളുടെ മൂല്യമെന്ന് വിശേഷിപ്പിക്കുന്ന നീതിബോധത്തിനും മേലെയാണ് കരുണയുടെ പ്രതലമെന്നു തോന്നുന്നു. അപൂർണ്ണചേതനയുടെ അസ്ഥിത്വത്തെയും നിലനിൽപ്പിനെയുമൊക്കെ ന്യായീകരിക്കുന്ന സംപൂർണ്ണതയുടെ യുക്തിയാണ് കരുണ. തന്റെ അസ്തിത്വത്തിന്റെ അടിയൊഴുക്കുകൾ അപരനിലേക്കു കൂടി നീളുന്നുണ്ടെന്നു കണ്ടെത്തുന്ന ഒരുതരം പരകായപ്രവേശ സിദ്ധിയാണത്. തീർച്ചയായും ആ വാക്കും അതിന്റെ അർത്ഥവും ഇനിയും നമ്മൾ കണ്ടെത്തിയിട്ടില്ല. ആ അന്വേഷണത്തിൽ, ക്രിസ്തുപാഠം ഉൾക്കൊണ്ടവരാരും കരുണയുടെ ഈ കൂടാരത്തിന് പുറത്തുണ്ടാവരുത്.

ഇത്രയും ചിന്തിക്കേണ്ടി വന്നത്, അല്മായശബ്ദത്തിന്റെ സമകാലിക ചർച്ചാവിഷയങ്ങൾ പലതും നീതിബോധം പുലർത്തുന്നവയാണോ എന്നൊരു നേരിയ സന്ദേഹം ഉള്ളിൽ തോന്നിയത് കൊണ്ടാണ്. ഞാൻ അതു പങ്കുവെക്കാതിരിക്കുന്നില്ല. കത്തോലിക്കാ സഭയോടുള്ള വിരോധമല്ല അല്മായശബ്ദം ബ്ലോഗിന്റെ അടിസ്ഥാന ചാലകശക്തി. ആ പ്രമാണരേഖക്കും അതിന്റെ പ്രഖ്യാപിത നയത്തിനും ഒരൽപം മുറിവേൽക്കുന്ന രീതിയിലാണ്‌ ഇപ്പോൾ കണ്ടു വരുന്ന ചില പോസ്റ്റുകൾ. അതായത്, സെൻസേഷൻ ഉണ്ടാക്കുന്ന വാർത്തകളോട് ആഭിമുഖ്യം പുലർത്തുന്ന ഒരു മനോഭാവം ഇവിടെ ശക്തമാകുന്നുണ്ട് എന്നു കാണുന്നു. ബ്ലോഗിന്റെ സജീവത അടിക്കടി വന്നുകൂടുന്ന പോസ്റ്റുകൾ ആണെന്നും ധരിച്ചിരിക്കുന്നു. ആരോപണങ്ങൾക്കു വേണ്ടിയുള്ള ആരോപണങ്ങളോ വാർത്താ പ്രാധാന്യമുള്ള വിഷയങ്ങളോ അല്ല അല്മായശബ്ദത്തിന്റെ ചർച്ചാപരിധിയിൽ വരേണ്ടുന്നത്. മൂല്യച്യുതിക്കെതിരെ പ്രതികരിക്കേണ്ടത് വാർത്തകളിലെ സെൻസേഷണൽ ഉള്ളടക്കത്തെ ഉപയോഗപ്പെടുത്തി ആവരുത് എന്നും പറയാൻ ആഗ്രഹിക്കുന്നു. ഇവിടെയൊക്കെ സംഭവിക്കുന്നത്‌ നാം ക്രിസ്തു ചൈതന്യത്തിൽ നിന്നും മാറി നടക്കുകയാണ്.      

"നിങ്ങളിൽ പാപം ചെയ്യാത്തവൻ കല്ലെറിയട്ടെ". ഒരുവേള മൌനമാണവിടെ. കുറ്റാരോപിതയും ആരോപിച്ചവരും എന്തൊക്കെയോ തിരിച്ചറിഞ്ഞു. ഇടറാനുള്ള സാദ്ധ്യതകൾ ഇരുകൂട്ടരും തുല്യമായി തിരിച്ചറിയുന്നിടത്തുനിന്നാണ് കരുണയുടെ പാഠമാരംഭിക്കുന്നത്. ഇനിമേലിൽ പാപം ചെയ്യരുത് എന്നായിരുന്നു പിന്നീടുള്ള കരുണയുടെ ശാസനം. ഇതിനപ്പുറമുള്ളതൊന്നും ക്രിസ്തുവിനോട്, അവൻ കൈമാറാൻ ശ്രമിച്ച മൂല്യബോധത്തോട് ചേർന്നു നിൽക്കുന്നില്ല. അവൻ തർക്കിക്കുകയോ ബഹളം കൂട്ടുകയോ ചെയ്യില്ല. തെരുവീഥികളിൽ അവന്റെ ശബ്ദം ആരും കേൾക്കുകയുമില്ല (മത്തായി 12: 19). സർവതിനോടും പുലർത്താവുന്ന ഏറ്റവും വലിയ അനുഭാവമാണ്‌ മൌനം. ഇതിന്റെ അർഥം മിണ്ടരുത് എന്നല്ല, മിണ്ടാം. നിങ്ങളുടെ വാക്കുകൾക്ക് മൌനത്തെക്കാൾ സുഗന്ധവും പ്രകാശവും ഉണ്ടെങ്കിൽ.               

Wednesday, June 4, 2014

വിദേശത്ത് കുർബാനയ്ക്ക് പണപ്പിരിവ്!

കൂരിപ്പുഴ ഇടവകക്കാർ കുർബാന ചൊല്ലുവാൻ വന്ന വൈദികനെ തിരിച്ചയച്ചു. പാവങ്ങളെ സഹായിക്കുന്ന മഹാ ഇടയൻ: പണ്ടത്തെ സാഹചര്യമാണോ ഇന്ന്?

തല്ലി പഠിപ്പിച്ചാലേ വചനം തലയിൽ കയറുകയുള്ളു. ഈ ഇരട്ടി ചെലവുകൾ രൂപത എങ്ങനെ നേരിടും? ഇതിനെല്ലാം പണം വിദേശത്തുനിന്നു കിട്ടണം.
  
റിപ്പോർട്ട്‌: ജോണ്‍  തോമസ്‌ , USA

വചനം തല്ലി പഠിപ്പിക്കുന്ന രംഗം 

പരുക്ക് പറ്റിയ  കുട്ടികൾ 



റിപ്പോർട്ട്‌: ജോണ്‍  തോമസ്‌, USA

ഏതു തരം ദൈവമാണ് നിങ്ങളുടെ മതത്തിന്റേത്?

മതങ്ങള്‍ നല്‍കുന്ന ദൈവത്തിന്റെ രസകരമായ ചില ലക്ഷണങ്ങള്‍..... 
ശ്രീ. സി. രാധാകൃഷ്ണന്‍ 

വര്‍ഷങ്ങള്‍ക്കു മുന്പ് മാധ്യമം വാരികയില്‍ എഴുതിയ ഒരു കുറിപ്പാണിത്. 
ഈ അടുത്ത കാലത്ത് ഒരു അദ്ധ്യാപകനുണ്ടായ അനുഭവമാണ് ഇത്. കുട്ടികള്‍ക്ക് ലോകപരിചയം കിട്ടണം എന്നു കരുതുന്ന ഒരു നല്ല അദ്ധ്യാപകനാണദ്ദേഹം. അതിനുതകുന്ന കാര്യങ്ങള്‍ ക്ളാസ്സില്‍ പറയുകയും ചോദിക്കുകയും ചെയ്യും. ഒരു ദിവസം ഉപന്യാസം എഴുതാന്‍ അദ്ദേഹം നിര്‍ദ്ദേശിച്ച വിഷയം 'ദൈവത്തെക്കുറിച്ച് നിങ്ങൾക്ക് എന്തറിയാം' എന്നായിരുന്നു. ദൈവത്തെക്കുറിച്ച് നിങ്ങള്‍ക്കറിയാവുന്ന കാര്യങ്ങള്‍ സത്യസന്ധമായി എഴുതിയാല്‍ മതി എന്ന വിശദീകരണവും അദ്ദേഹം നല്‍കി. 


കുട്ടികള്‍ എഴുതിയ കുറിപ്പുകളിലെ സംഗതികള്‍ എകോപിപ്പിച്ച്
അക്കമിട്ട് കുറിച്ചാല്‍ ഇങ്ങനെ ഇരിക്കും.


1. ദൈവത്തിന് സാരമായ കേള്‍വിക്കുറവുണ്ട്. ഉച്ചഭാഷിണികളിലൂടെ വളരെ ഉറക്കെ പറഞ്ഞാലല്ലാതെ ഒന്നും ചെവിയില്‍ കേറില്ല.
2. ദൈവം വലിയ പണക്കാരനാണ് സ്വര്‍ണ്ണവും വെള്ളിയും മേഞ്ഞ കൊട്ടാരങ്ങളിലും മിനാരങ്ങളിലും താമസിക്കുന്നു.
3. ദൈവത്തിന് കാറ്റും വെളിച്ചവും ഇഷ്ടമല്ല. ജനാലകളില്ലാത്ത അറകളിലാണ് മിക്കവാറും ഇരിപ്പ്.
4. കാര്യം നിറവേറ്റിക്കൊടുക്കുന്നതിന് ദൈവം നിശ്ചിത നിരക്കുകളില്‍ കൈക്കൂലി വാങ്ങും.
5. ദൈവം ഭക്ഷണ പ്രിയനാണ്. ദിവസത്തില്‍ പല നേരവും നന്നായി തിന്നണം. അതും പാലും തേനും പഞ്ചസാരയും നെയ്യും ഒക്കെയേ വേണ്ടു. പക്ഷേ ഒരിക്കലും ദഹനക്കേടോ ഹൃദ്രോഗമോ വരില്ല, വിസര്‍ജ്ജനങ്ങള്‍ ഇല്ല !
6. ദൈവത്തിന് വൃത്തിയും വെടിപ്പും പിടിക്കില്ല. ചുറ്റും ദുര്‍ഗ്ഗന്ധം വേണം.
7. തന്‍റെ പേരില്‍ മനുഷ്യര്‍ തമ്മില്‍ തല്ലിച്ചാകുന്ന കാഴ്ചയാണ് ദൈവത്തിന് ഏറ്റവും പ്രിയപ്പെട്ട വിനോദം.
8. വെടിയും അമിട്ടും ഗുണ്ടും റോക്കറ്റും ബോംബും ഒക്കെയാണ് ദൈവത്തിന് ഹരം.
9. തന്നെ ചുമലിലേറ്റി ആളുകള്‍ തെരുവിലൂടെ നടക്കണമെന്നാണ് ദൈവം ആശിക്കുന്നത്.
10. തനിക്ക് ജയ് വിളിക്കാത്തവര്‍ക്ക് ദൈവം സഹായം നല്‍കില്ല.
11. ദൈവത്തിന്‍റെ കണ്ണും ശരിയല്ല. ആരെയും കാണില്ല. അരികിലേക്കു വന്നാലല്ല്ലാതെ.
12. ദൈവത്തിന് മുഖസ്തുതി പ്രിയമാണ്.
13. ഓരോ മതത്തിലെ ദൈവത്തിനും ഓരോ പ്രത്യേക ഭാഷയേ അറിയൂ.
14.ഏറ്റവും വലിയ മോഷ്ടാക്കളെ തെരഞ്ഞുപിടിച്ചാണ് ദൈവം തന്‍റെ കാര്യസ്ഥന്മാരായി നിയമിക്കുക.
15. മുട്ടും വിളിയും തട്ടും കൊട്ടും കുഴലൂത്തുമില്ലെങ്കില്‍ ദൈവം ഉണരില്ല.
(ശ്രീ അലെക്സ് കെ. Facebookൽ ഇട്ടത്)

"എന്റെ ദൈവം കത്തോലിക്കാ ദൈവമല്ല" എന്നു് കത്തോലിക്കാസഭയുടെതന്നെ പോപ്പ് അടുത്ത കാലത്ത് കുമ്പസാരിച്ചപ്പോൾ അദ്ദേഹത്തിൻറെ മനസ്സിലും ആ ദൈവത്തിന് ഈ (ദുർ)ഗുണങ്ങൾ ഉണ്ടെന്നുള്ള ചിന്ത നിലനിന്നിരിക്കണം.

ഇടുക്കി കര്ഷകര്‍ ചതിക്കപ്പെടുമോ?

കേന്ദ്ര/കേരള സര്‍ക്കാരുകളുമായി വിലപേശാനുള്ള ചിലരുടെ ഗൂഢശ്രമമായിരുന്നോ ഇടുക്കി വിപ്ലവം? ഈ ചോദ്യത്തിന് അധികം താമസിയാതെ മറുപടി ലഭിച്ചേക്കാം. അടുത്ത ദിവസങ്ങളില്‍ വന്ന ചില റിപ്പോര്‍ട്ടുകള്‍ ഇങ്ങിനെ: ഗാട്ഗില്‍ റിപ്പോര്‍ട്ട് നടപ്പാക്കണമെന്ന് BJP; മോഡി ഗവ. ന്‍റെ എല്ലാ ക്രിയാത്മക പ്രവര്‍ത്തനങ്ങള്‍ക്കും പിന്തുണ നല്‍കുമെന്ന് KCBC; പശ്ചിമഘട്ട സംരക്ഷണ പദ്ധതി അടിച്ചേല്‍പ്പിക്കുന്നതാവരുതെന്നു CPI(M); ജനങ്ങള്‍ക്ക്‌ ബുദ്ധിമുട്ടുണ്ടാവാതെയുള്ള പദ്ധതികളെ നടപ്പാക്കാവൂയെന്നു മുഖ്യമന്ത്രി; ഇന്ത്യന്‍ പ്രസിഡണ്ടിനു നിവേദനം കൊടുക്കുമെന്ന് ഇടുക്കി മെത്രാന്‍, 34 വര്‍ഷമായി കോണ്ഗ്രസ്സ് നടപ്പാക്കാതിരിക്കുന്ന പട്ടയ വിതരണം ഉടന്‍ നടത്തണമെന്ന് പശ്ചിമഘട്ട സമരസമിതി (ഇതിനിടയില്‍ കമ്മ്യുണിസ്റ്റ്കാരും ഇവിടുണ്ടായിരുന്നു!); ഗാട്ഗില്‍ റിപ്പോര്‍ട്ട് നടപ്പാക്കണമെന്ന് ആവശ്യപ്പെട്ട് ഒരു ലക്ഷം പേര്‍ ഒപ്പിട്ട നിവേദനം തയ്യാറാക്കുമെന്ന് സംസ്ഥാന പരിസ്ഥിതി സംരക്ഷകര്‍; ഗാട്ഗില്‍ റിപ്പോര്‍ട്ട് നടപ്പാക്കണം CSI സഭ; പരിസ്ഥിതി സംരക്ഷണം പരമപ്രധാനമാണെന്ന് യാക്കൊബായാ-ഓര്‍ത്തഡോക്സ് സഭകള്‍.
ഇതെല്ലാം കൂട്ടിച്ചേര്‍ത്തു വായിച്ചാല്‍ ഗാട്ഗില്‍ റിപ്പോര്‍ട്ട് നടപ്പാക്കുന്നതിന് കാര്യമായി  എതിരില്ലെന്നും, അത് തടയാനാവുമെന്ന പ്രതീക്ഷ പശ്ചിമഘട്ട സമരസമിതിക്ക് ഇപ്പോളില്ലെന്നും ഏതാണ്ട് സ്പഷ്ടം. ഗാട്ഗില്‍ റിപ്പോര്‍ട്ട് നടപ്പാക്കാന്‍ പാടില്ലായെന്ന ഇലക്ഷന്‍കാല മുദ്രാവാക്യം മാറി, സമരസമിതിയുടെ ഊന്നല്‍ പട്ടയ വിതരണത്തിലേക്ക്  മാറിയോയെന്നും സംശയിക്കണം. ഇന്ത്യന്‍ പ്രസിഡണ്ടിനു നിവേദനം കൊടുക്കുന്നതിലൂടെ, സുദീര്ഘകാലം എടുത്തേക്കാവുന്ന ഒരു പരിഹാരസാദ്ധ്യത കാണിച്ചു വിശ്വാസികളെ തണുപ്പിക്കാനുള്ള ഒരു ശ്രമത്തിനല്ലേ തുടക്കമിടുന്നതെന്നും സംശയിക്കാം. പട്ടയ വിതരണം കേരള ഗവ.ന് സ്വമേധയാ എളുപ്പത്തില്‍ നടപ്പാക്കാവുന്ന ഒന്നല്ലെന്ന് അറിയാത്തവര്‍ ഇടുക്കിയില്‍ അധികമാരും കാണില്ല.

പടക്കമേറു കേസിലെ പ്രതിയോട് മെത്രാന്‍ എങ്ങിനെയാണ് ക്ഷമിച്ചതെന്നും ഇന്നത്തെ പത്രത്തിലുണ്ട്. ‘സംസ്കാര ശൂന്യര്‍’ എന്നാണ് മെത്രാന്‍ അവരെ വിശേഷിപ്പിച്ചിരിക്കുന്നത്. അതിന്‍റെ അവസാനത്തെ തെളിവാണ് മെത്രാനോട് കാല്‍ക്കല്‍ വീണ് ഒന്നാം പ്രതി ക്ഷമ ചോദിച്ചതെന്നുമെന്നത് എങ്ങിനെ വായിക്കാതിരിക്കാനാവും? (മെത്രാന്‍ ഭയങ്കരമായി  ക്ഷമിച്ചെന്ന വാര്‍ത്ത പത്രങ്ങളില്‍ വന്നിരുന്നു. ക്ഷമയുടെ വലിപ്പം മനസ്സിലായത്‌ ഇപ്പോഴാണെന്നെയുള്ളൂ). പ്രൊഫ. ജോസഫിന്‍റെ വീട്ടില്‍ സ്വമേധയാ പോയി അനുരജ്ഞന ശുശ്രൂഷ ചെയ്ത കോതമംഗലം തിരുമേനി താമസിയാതെ എല്ലാത്തിനും ഉത്തരവാദി അദ്ദേഹം തന്നെയെന്ന് ഇടയലേഖനം ഇറക്കിയത് ജനശ്രദ്ധ ആകര്‍ഷിച്ചിരുന്നല്ലോ. ഒരു മെത്രാന്‍റെ ക്ഷമാശക്തിയെപ്പറ്റിയും വാക്കിന്‍റെ ബലത്തെപ്പറ്റിയും കൂടുതല്‍ അറിയേണ്ടവര്‍ കൊല്ലത്തെ ക്രിസ്ത്യാനികളോട് ചോദിച്ചാലും മതി. ഏതായാലും ഇടുക്കിയിലെ കര്‍ഷകര്‍ പ്രതീക്ഷിച്ച സ്വര്‍ഗ്ഗരാജ്യം അകലെയാണെന്ന് വ്യക്തം. 

ഗാഡ്‌ഗില്‍: ക്രൈസ്‌തവ സഭകള്‍ക്കിടയില്‍ ഭിന്നത


കോട്ടയം: ഗാഡ്‌ഗില്‍ കമ്മിറ്റി റിപ്പോര്‍ട്ട്‌ നടപ്പാക്കുന്നതുമായി ബന്ധപ്പെട്ട്‌ കേരളത്തിലെ ക്രൈസ്‌തവ സഭകള്‍ കടുത്ത ഭിന്നതയിലേക്ക്‌.
സീറോ മലബാര്‍ സഭ ഉള്‍പ്പടെയുളള കത്തോലിക്കാ സഭകള്‍ ഗാഡ്‌ഗില്‍ റിപ്പോര്‍ട്ട്‌ നടപ്പാക്കുന്നതിനെ എതിര്‍ക്കുമ്പോള്‍ സി.എസ്‌.ഐ. സഭയുള്‍പ്പടെയുള്ള ക്രൈസ്‌തവ വിഭാഗങ്ങള്‍ റിപ്പോര്‍ട്ട്‌ പൂര്‍ണമായും നടപ്പാക്കണമെന്നാവശ്യപ്പെട്ട്‌ പരസ്യമായി രംഗത്ത്‌ വന്നുകഴിഞ്ഞു. ഗാഡ്‌ഗില്‍ റിപ്പോര്‍ട്ട്‌ നടപ്പാക്കണമെന്ന നിലപാടാണു ബി.ജെ.പി. നേതൃത്വത്തിനുളളത്‌. ഇതിന്റെ ഫലമായി റിപ്പോര്‍ട്ട്‌ നടപ്പാക്കുന്നത്‌ സംബന്ധിച്ചുളള നടപടി ക്രമങ്ങള്‍ കേന്ദ്ര പരിസ്‌ഥിതി മന്ത്രാലയം തുടങ്ങുകയും ചെയ്‌തു.
സി.എസ്‌.ഐ. മധ്യകേരള മഹായിടവകയാണു ഗാഡ്‌ഗില്‍ റിപ്പോര്‍ട്ട്‌ നടപ്പാക്കണമെന്ന ആവശ്യവുമായി പരസ്യമായി രംഗത്ത്‌ വന്നത്‌. കഴിഞ്ഞ ഞായറാഴ്‌ച സി.എസ്‌.ഐ. പളളികളില്‍ ഇതു സംബന്ധിച്ച്‌ ഇടയലേഖനവും വായിച്ചിരുന്നു. "ജീവന്റെ നിലനില്‍പ്പിനായി നമുക്ക്‌ ശബ്‌ദം ഉയര്‍ത്താം" എന്ന പേരിലുള്ള ഇടയലേഖനത്തില്‍ ഗാഡ്‌ഗില്‍ റിപ്പോര്‍ട്ടിന്റെ പ്രസക്‌തിയും പശ്‌ചിമഘട്ടം സംരക്ഷിക്കപ്പെടാതെ പോയാലുള്ള വിപത്തും ചൂണ്ടിക്കാട്ടിയിരുന്നു. മാര്‍ത്തോമ്മാ സഭയും ഗാഡ്‌ഗില്‍ റിപ്പോര്‍ട്ട്‌ നടപ്പാക്കണമെന്ന അഭിപ്രായത്തിലാണ്‌. യാക്കോബായ- ഓര്‍ത്തഡോക്‌സ്‌ വിഭാഗങ്ങള്‍ പരസ്യ നിലപാട്‌ സ്വീകരിച്ചിട്ടില്ലെങ്കിലും പരസ്‌ഥിതി സംരക്ഷണത്തിനു മുന്‍തൂക്കം കൊടുക്കണമെന്നു വാദിക്കുന്നു. കര്‍ഷകര്‍ക്കു ദ്രോഹപരമായ സമീപനം ഉണ്ടാകരുതെന്നും ഇരുസഭകളും പറയുന്നു.
ഗാഡ്‌ഗില്‍ റിപ്പോര്‍ട്ട്‌ നടപ്പാക്കുന്നതിനെതിരേ സംസ്‌ഥാനത്ത്‌ മലയോര മേഖലകളില്‍ ശക്‌തമായ എതിര്‍പ്പ്‌ ഉയര്‍ന്ന സാഹചര്യത്തിലാണു താരതമ്യേന ഇളവുകള്‍ ഉള്ള കസ്‌തൂരി രംഗന്‍ റിപ്പോര്‍ട്ട്‌ നടപ്പാക്കാന്‍ കേന്ദ്ര സര്‍ക്കാര്‍ തീരുമാനിച്ചത്‌. ഇതിന്റെ പേരില്‍ ഉണ്ടായ കോലാഹലമാണു കഴിഞ്ഞ തെരഞ്ഞെടുപ്പില്‍ യു.ഡി.എഫിനെ വിഷമിപ്പിച്ചത്‌.
ഇടുക്കിയില്‍ ഹൈറേഞ്ച്‌ സംരക്ഷണസമിതിയുടെ രൂപീകരണത്തിന്‌ വഴിയൊരുക്കിയതും കസ്‌തൂരിരംഗന്‍ റിപ്പോര്‍ട്ട്‌ നടപ്പാക്കാനുളള തീരുമാനമായിരുന്നു.
ഷാലു മാത്യു
- See more at: http://www.mangalam.com/print-edition/keralam/190721#sthash.X8BN9jlo.dpuf
http://www.mangalam.com/print-edition/keralam/190721

അഭയക്കേസില്‍ നിര്‍ണായക വെളിപ്പെടുത്തല്‍: തൊണ്ടിമുതല്‍ തിരിച്ചുനല്‍കിയില്ല: റിട്ട. ജീവനക്കാരന്റെ മൊഴി

കോട്ടയം: ദുരൂഹമായ അഭയക്കേസില്‍ വീണ്ടും നിര്‍ണായക വെളിപ്പെടുത്തല്‍. ക്രൈംബ്രാഞ്ച്‌ ഏറ്റെടുത്ത കേസിലെ എട്ട്‌ തൊണ്ടിമുതല്‍ തിരികെ നല്‍കിയില്ലെന്ന്‌ ആര്‍.ഡി.ഒ. കോടതി റിട്ട. ജീവനക്കാരന്‍ മൊഴി നല്‍കി. തിരിച്ചു ലഭിക്കാതിരുന്ന തെളിവുകള്‍ നശിപ്പിച്ചെന്ന്‌ എഴുതിവയ്‌ക്കുകയായിരുന്നുവെന്നും സി.ബി.ഐയ്‌ക്കു മുമ്പാകെ നല്‍കിയ മൊഴിയില്‍ പറയുന്നു. തെളിവുകള്‍ ക്രൈംബ്രാഞ്ച്‌ നശിപ്പിച്ചെന്ന വാദത്തിന്‌ ഇതോടെ വീണ്ടും ജീവന്‍ വച്ചിരിക്കുകയാണ്‌.
ആക്‌ഷന്‍ കൗണ്‍സില്‍ കണ്‍വീനര്‍ ജോമോന്‍ പുത്തന്‍പുരയ്‌ക്കല്‍ നല്‍കിയ പുനഃരന്വേഷണ ഹര്‍ജിയെത്തുടര്‍ന്ന്‌ സി.ബി.ഐ. നടത്തുന്ന അന്വേഷണത്തിന്റെ ഭാഗമായുള്ള ചോദ്യംചെയ്യലിലാണു നിര്‍ണായക മൊഴി. കേസ്‌ അന്വേഷണത്തിന്റെ ഭാഗമായി ക്രൈംബ്രാഞ്ച്‌ ഏറ്റെടുത്ത തൊണ്ടിമുതലുകള്‍ യഥാര്‍ഥത്തില്‍ തിരികെ നല്‍കിയിരുന്നില്ല.
എന്നാല്‍, ആര്‍.ഡി.ഒ. കോടതിയിലെ ജീവനക്കാര്‍ കേസില്‍ നിന്നു രക്ഷപ്പെടാന്‍ തൊണ്ടിമുതല്‍ തിരികെ ലഭിച്ചതായി രജിസ്‌റ്ററില്‍ എഴുതുകയായിരുന്നു. ഇക്കാര്യം ഫയലില്‍ രേഖപ്പെടുത്തിയിരുന്നില്ല. ശിരോവസ്‌ത്രം, അടിവസ്‌ത്രം, ചെരുപ്പ്‌ എന്നിവ ഉള്‍പ്പെടെയുള്ള തൊണ്ടികളാണ്‌ തിരികെ നല്‍കാതിരുന്നത്‌. ഒരു ഡയറി മാത്രമാണു തിരികെ നല്‍കിയതത്രേ.
തുടരന്വേഷണത്തിന്റെ ഭാഗമായി സി.ബി.ഐ. ഡിവൈ.എസ്‌.പി: ദേവരാജന്‍ കഴിഞ്ഞ 13ന്‌ റബര്‍ ബോര്‍ഡ്‌ ഗസ്‌റ്റ്‌ ഹൗസില്‍ വച്ച്‌ ആര്‍.ഡി.ഒ. കോടതിയിലെ സൂപ്രണ്ട്‌, ക്ലര്‍ക്ക്‌, സിസ്‌റ്റര്‍ അഭയയുടെ മൃതദേഹം മുങ്ങിയെടുത്തയാള്‍ എന്നിവരെ ചോദ്യം ചെയ്‌തിരുന്നു. ഇതിനിടെയാണ്‌ കൈയബദ്ധം പറ്റിപ്പോയെന്ന മുഖവരയോടെ മുന്‍ ക്ലര്‍ക്ക്‌ വെളിപ്പെടുത്തല്‍ നടത്തിയത്‌.
കേസ്‌ ഏറ്റെടുത്തപ്പോള്‍ ക്രൈംബ്രാഞ്ച്‌ തൊണ്ടിമുതലുകള്‍ ആര്‍.ഡി.ഒ. ഓഫീസില്‍ നിന്നു കൊണ്ടുപോയിരുന്നു. എന്നാല്‍ ഇതുവരെയും അവ തിരിച്ച്‌ ഓഫീസിലെത്തിക്കാതിരുന്ന ്രെകെംബ്രാഞ്ച്‌, അതു തിരിച്ചേല്‍പ്പിച്ചെന്ന നിലയില്‍ രേഖയുണ്ടാക്കി. ഫലത്തില്‍ ആ തൊണ്ടിമുതലുകള്‍ ക്രൈംബ്രാഞ്ച്‌ നശിപ്പിച്ചെന്ന നിഗമനത്തിലാണു പിന്നീട്‌ കേസ്‌ അന്വേഷിച്ച സി.ബി.ഐ എത്തിച്ചേര്‍ന്നിരുന്നത്‌. എന്നാല്‍ തിരികെയെത്താത്ത തൊണ്ടി എങ്ങനെ നശിപ്പിക്കുമെന്ന ചോദ്യം ഉയരുകയാണ്‌. കേസുമായി ബന്ധപ്പെട്ട കോട്ടയം മെഡിക്കല്‍ കോളജിലെ പോസ്‌റ്റുമോര്‍ട്ടം, തിരുവനന്തപുരം അനലറ്റിക്കല്‍ ലാബിലെ പരിശോധനകള്‍ എന്നിവ നേരത്തേ തന്നെ വിവാദമായിരുന്നു. കേരള പോലീസ്‌ നേരിട്ടു നടത്തിയ തെളിവു നശിപ്പിക്കലാണ്‌ ഇപ്പോള്‍ പുറത്തുവന്നിട്ടുള്ളതെന്ന്‌ ആരോപണമുയര്‍ന്നു. മൊഴിയുടെ അടിസ്‌ഥാനത്തില്‍ സൂപ്രണ്ടിനെയും ചോദ്യം ചെയ്‌തതായാണ്‌ സൂചന. ആക്‌ഷന്‍ കമ്മിറ്റി കണ്‍വീനര്‍ ജോമോന്‍ പുത്തന്‍പുരയ്‌ക്കലിനെ ഇതുവരെയും ചോദ്യം ചെയ്യാത്ത സാഹചര്യത്തില്‍ അദ്ദേഹം ഇന്ന്‌ കോടതിയില്‍ ഹാജരായേക്കും.
- See more at: http://www.mangalam.com/print-edition/keralam/190713#sthash.afGHKdd0.dpuf
http://www.mangalam.com/print-edition/keralam/190713

ഇന്ത്യന്‍ വൈദികനെ അഫ്‌ഗാനില്‍ തട്ടിക്കൊണ്ടുപോയി

മധുര/കാബൂള്‍: ഇന്ത്യന്‍ വൈദികനെ അഫ്‌ഗാനിസ്‌ഥാനില്‍ താലിബാന്‍ തീവ്രവാദികള്‍ തട്ടിക്കൊണ്ടുപോയി. തമിഴ്‌നാട്ടിലെ മധുരയിലുള്ള ജസ്യൂട്ട്‌ പ്ര?വിന്‍സിലെ അംഗമായ ഫാ. അലക്‌സിസ്‌ പ്രേംകുമാ (47)റിനെയാണു തട്ടിക്കൊണ്ടുപോയത്‌. അഭയാര്‍ഥി കുട്ടികള്‍ പഠിക്കുന്ന ഹെറാത്തിലെ സ്‌കൂളില്‍നിന്നാണ്‌ ആയുധധാരികള്‍ ഇദ്ദേഹത്തെ തട്ടിക്കൊണ്ടുപോയത്‌. മോചനത്തിന്‌ കേന്ദ്ര-സംസ്‌ഥാന സര്‍ക്കാരുകള്‍ ഇടപെടണമെന്ന്‌ ബന്ധുക്കള്‍.
തമിഴ്‌നാട്ടിലെ ശിവഗംഗ ജില്ലയിലെ ദേവക്കോട്ടൈയില്‍നിന്നുള്ള അലക്‌സിസ്‌, സന്നദ്ധ സംഘടനയായ ജെസ്യൂട്ട്‌ റെഫ്യൂജീ സര്‍വീസ്‌ (ജെ.ആര്‍.എസ്‌.) ന്റെ അഫ്‌ഗാനിസ്‌താനി-ലെ പ്രവര്‍ത്തനങ്ങള്‍ക്കു മേല്‍നോട്ടം വഹിച്ചിരുന്നു. ദിണ്ഡിഗലിലെ ദളിതുകള്‍, ആദിവാസികള്‍, ശ്രീലങ്കന്‍ അഭയാര്‍ഥികള്‍ എന്നിവര്‍ക്കിടയില്‍ ഒരു ദശാബ്‌ദത്തോളം പ്രവര്‍ത്തിച്ചശേഷമാണ്‌ അഫ്‌ഗാനിലെത്തിയത്‌. മൂന്നുവര്‍ഷമായി അഫ്‌ഗാനിസ്‌താനിലുണ്ട്‌. കുടുംബാംഗങ്ങള്‍ കടുത്ത ദു:ഖത്തിലാണെന്നും അലക്‌സിസിന്റെ മോചനം എളുപ്പം സാധ്യമാക്കണമെന്നും പിതാവ്‌ എ.എസ്‌.എം. ആന്റണി ആവശ്യപ്പെട്ടു. സംഭവം നടന്ന്‌ 24 മണിക്കൂര്‍ കഴിഞ്ഞിട്ടും ഇദ്ദേഹം എവിടെയാണെന്നു കണ്ടെത്താന്‍ കഴിഞ്ഞിട്ടില്ലെന്നു സഹോദരി സഹായ മേരി പറഞ്ഞു. കുടുംബാംഗങ്ങള്‍ ശിവഗംഗ കലക്‌ടര്‍ക്കു പരാതി നല്‍കി.
ഹെറാത്തില്‍ സഹായ പ്രവര്‍ത്തനങ്ങള്‍ നടത്തിയ ഇന്ത്യക്കാരനെ തീവ്രവാദികള്‍ തട്ടിക്കൊണ്ടുപോയെന്നും ഇക്കാര്യം ഹെറാത്ത്‌ ഗവര്‍ണര്‍ സയിദ്‌ ഫാസുള്ള സ്‌ഥിരീകരിച്ചിട്ടുണ്ടെന്നും ഇന്ത്യന്‍ വിദേശകാര്യ മന്ത്രാലയ വക്‌താവ്‌ പറഞ്ഞു. കേന്ദ്ര സര്‍ക്കാര്‍ അലക്‌സിസിന്റെ പേര്‌ ഔദ്യേഗികമായി പുറത്തുവിട്ടിട്ടില്ല. അഫ്‌ഗാനില്‍ ഇന്ത്യക്കാര്‍ക്കെതിരായ ആക്രമണങ്ങള്‍ അടുത്തിടെ വര്‍ധിച്ചിട്ടുണ്ട്‌. രണ്ടാഴ്‌ചമുമ്പ്‌ ഇന്ത്യന്‍ കോണ്‍സുലേറ്റിനുനേരെയും തീവ്രവാദികള്‍ ആക്രമണം നടത്തിയിരുന്നു.
- See more at: http://www.mangalam.com/print-edition/international/190754#sthash.TLY7KBpD.dpuf
http://www.mangalam.com/print-edition/international/190754

Tuesday, June 3, 2014

കുര്‍ബാനയും ഇനി മൊബൈലില്‍


കോട്ടയം: ദേവാലയത്തില്‍നിന്നിറങ്ങി കുര്‍ബാന ഇനി മൊബൈലിലും. സംസ്ഥാനത്താദ്യമായി കുര്‍ബാന മൊബൈലില്‍ കാണാന്‍ പുതുപ്പളളി ഓര്‍ത്തഡോക്സ ്വലിയ പള്ളിയാണ് സൗകര്യമൊരുക്കിയത്. ഞായറാഴ്ചത്തെ കുര്‍ബാനയാണ് ആന്‍ഡ്രോയിഡ് ആപ്ളിക്കേഷനിലൂടെ മൊബൈലിലത്തെുന്നത്. വിദേശത്തുള്ളവര്‍ക്കടക്കം കുര്‍ബാന കാണാന്‍ ഏറ്റവും സൗകര്യപ്രദമായ മാര്‍ഗമെന്ന നിലയിലാണ് ഈ സംവിധാനമെന്ന് പള്ളി ഭാരവാഹികള്‍ പറഞ്ഞു. കുര്‍ബാനയില്‍ പങ്കെടുക്കുന്ന ബന്ധുക്കളെയും വിദേശത്തിരുന്ന് മൊബൈലിലൂടെ കാണാന്‍ കഴിയും. ഗൂഗ്ള്‍ പ്ളേ സ്റ്റോറില്‍നിന്ന് പുതുപ്പള്ളി പള്ളിയെന്ന ആപ്ളിക്കേഷന്‍ ഡൗണ്‍ലോഡ് ചെയ്തശേഷം ദേവാലയത്തില്‍ കുര്‍ബാന നടക്കുന്ന സമയത്ത് പ്ളേ ചെയ്താല്‍ ‘പ്രാര്‍ഥനകളും വൈദികനും’ കൈയിലത്തെും. ഡൗണ്‍ലോഡ് സൗജന്യമാണ്.
കോട്ടയത്തെ ഗ്രീന്‍ പിക്സല്‍ ടെക്നോളജി എന്ന സ്ഥാപനമാണ് ഇതിന്‍െറ ശില്‍പികള്‍. വ്യത്യസ്തമായി എന്തെങ്കിലും ചെയ്യണമെന്ന ചിന്തയാണ് ഇത്തരമൊരു ആശയത്തിന് പിന്നിലെന്ന ്കമ്പനി ചീഫ് എക്സിക്യൂട്ടീവ് ഓഫിസര്‍ എം.രഞ്ജിത് പറഞ്ഞു. ഇന്ത്യയില്‍ തന്നെ ആദ്യമായാകും ദേവാലയത്തിനായി ഇത്തരമൊരു ആപ്ളിക്കേഷന്‍ രൂപപ്പെടുത്തുന്നത്.
http://www.madhyamam.com/news/290091/140603

ക്രിസ്തീയത നഷ്ടമായ സഭാനേതൃത്വത്തിന് മദമിളകുന്നു


കൊല്ലം പട്ടണത്തിൽനിന്നും 10 കി.മീ. അകലെ അഷ്ടമുടിക്കായലിന്റെ ഓരത്ത് സുഖശീതളമായ കുളിർത്തെന്നലിന്റെ തലോടലേറ്റ് അധ്വാനിച്ചു അത്താഴത്തിനുള്ള വക കണ്ടെത്തുന്ന സാധുമനുഷ്യർ വസിക്കുന്ന പ്രകൃതിരമണീയമായ ഒരു ഗ്രാമമാണ് കുരീപ്പുഴ. എന്നാൽ ഇന്ന് അവിടത്തെ കാറ്റിൽ ചോരയുടെ ചൂരും കണ്ണീരിന്റെ ഉപ്പും ആത്മനിന്ദയുടെ ചുടുനിശ്വാസവും കലർത്തിയ സംഭവത്തിന്റെ നിജസ്ഥിതി അറിയാനും സെന്റ് ജോസഫ് ഇടവകയിലെ വിശ്വാസികളിൽ ആശ്വാസവും ആത്മവിശ്വാസവും പകരാനും പീഡിതരുടെ പക്ഷം ചേരുമെന്ന് പ്രഖ്യാപിക്കാനുമാണ് കേരള സഭാ നവീകരണ പ്രസ്ഥാനത്തിന്റെ സ്റ്റേറ്റ് ഓർഗനൈസർ സെക്രട്ടറി റെജി ഞള്ളാനി, സത്യജ്വാല എഡിറ്റർ ജോർജ് മൂലേച്ചാലിൽ, ജോർജ് ജോസഫ് എന്നിവർ അവിടെ എത്തിയത്. ഇടവക പ്രതിനിധികളെ കണ്ട് സംസാരിച്ച് കഴിയുമെങ്കിൽ സംഘടനയുടെ കൊല്ലം യൂണിറ്റിനു രൂപംകൊടുക്കാമെന്നു കരുതി എത്തിയ ഞങ്ങളെ പ്രതീക്ഷിച്ച് ഒന്നര മണിക്കൂർ വൈകിയും ഒരു വൻജനാവലി കാത്തു നിൽക്കുന്നതാണ് ഞങ്ങൾ കണ്ടത്. അതിൽ പകുതിയിലേറെ സ്ത്രീകളും!
തങ്ങളുടെ സംരക്ഷകനെന്നു കരുതി സ്നേഹിക്കുകയും ബഹുമാനിക്കുകയും ചെയ്തിരുന്ന കൊല്ലം ബിഷപ്പ് സ്റ്റാൻലി റോമനും കുറെ തെമ്മാടിപുരോഹിതരും നിയമാനുസൃതഗുണ്ടകളെക്കൊണ്ട് തങ്ങളെ അടിച്ചമർത്തിയതിന്റെ ബാക്കിപത്രം അവർ ഞങ്ങളുടെ മുന്നിൽ നിരത്തി. 19 വയസു മുതൽ 70 വയസുവരെയുള്ള 9 പേർ- ഗുരുതര പരിക്കേറ്റ 2 പേരുൾപെടെ- ജയിലിൽ; 50ഓളം പേർ പരിക്കേറ്റ് പണിയെടുക്കാൻ വയ്യാതായി; കാറുകളും ബൈക്കുകളുമായി 29 വാഹനങ്ങൾ പൊലീസ് കസ്റ്റഡിയിൽ. ഇരു മുന്നണികളും മൽസരിച്ച് വോട്ടുപിടിച്ചതിന്റെ അടയാളങ്ങൾ ഇപ്പോഴും തെളിഞ്ഞു നിൽക്കുന്ന ഭരണകക്ഷിക്ക് മുൻതൂക്കമുള്ള അവിടെ വോട്ടുകുത്തിയവരോടല്ല മറിച്ച് നോട്ടുകെട്ടുള്ളവരോടാണ് തങ്ങളുടെ കൂറ് എന്ന് പ്രഖ്യാപിച്ചിരിക്കുന്നു നട്ടെല്ലില്ലാ രാഷ്ട്രീയക്കാരും മൂടുതാങ്ങി മാധ്യമങ്ങളും!
11.45നു ഇടവകയുടെ പാരിഷ് ഹാളിൽ യോഗം ആരംഭിച്ചു. പള്ളിക്കമ്മിറ്റിക്കാരനായ ഇടവകാംഗം സ്വാഗതം ആശംസിച്ചു. ഇടവക സംരക്ഷണ സമിതി പ്രസിഡന്റ് അധ്യക്ഷത വഹിച്ചു. ജോർജ് ജോസഫാണ് ആദ്യം സംസാരിച്ചത്. സഭയ്ക്ക് ചരിത്രവഴികളിൽ സംഭവിച്ച മൂല്യച്യുതിയും അപഭ്രംശവും ചൂണ്ടിക്കാണിച്ച്, യേശു ഇല്ലാത്ത സഭയെ നവീകരിച്ച് യേശു പാതയിൽ എത്തിക്കാനായി വിശ്വാസികളുടെ ജാഗ്രതയും ഐക്യവും കൂടിയെ കഴിയൂ എന്നു അദ്ദേഹം വ്യക്തമാക്കി. ജനാധിപത്യത്തിനും പീഡിതപക്ഷപാതിത്തത്തിനും വേണ്ടിറ്റി വാദിച്ച യേശുവിന്റെ പിൻഗാമികൾ ഏകാധിപത്യത്തിലേയ്ക്കും ആഡംബരത്തിലേയ്ക്കും മാറി രാജഭരണം നടപ്പാക്കിയതിന്റെ ദുരന്തമാണിന്നു നാമനുഭവിക്കുന്നതെന്നു വ്യക്തമാക്ക പ്പെട്ടു. എട്ടാം നൂറ്റണ്ടുവരെ വിവാഹാന്തസ് സ്വീകരിച്ചിരുന്ന സഭാധികാരികൾ അതു നിഷേധിക്കപ്പെട്ടതുവഴി അസന്മാർഗികതയിലേയ്ക്കും ധൂർത്തിലേയ്ക്കും വഴിതെറ്റിയത് തിരുത്തപ്പെടണം. പതിനൊന്നാം നൂറ്റണ്ടിൽ കുമ്പസാരം ഏർപ്പെടുത്തുക വഴിയുണ്ടായ സദാചാരഭ്രംശം സങ്കല്പാതീതമാണ്. സ്വയം ശ്രേഷ്ടത കൽപ്പിക്കുന്നവർ അതു പ്രവൃത്തിയിൽ വരുത്തുമ്പോൾ മാത്രമെ ശ്രേഷ്ടതയ്ക്ക് അർഹത നേടുന്നുള്ളു. അതിനാൽ യേശുവിന്റെ പിൻഗാമികൾ യേശുവിന്റെ പാതയിലൂടെ ചരിക്കുമ്പോൾ മാത്രമെ ആദരിക്കപ്പെടുകയുള്ളു. സഭാവിശ്വാസികൾ അടിമകളല്ല. അങ്ങനെ ധരിച്ചുവശായതാണ് ഇന്നത്തെ അധികാരികൾക്ക് പറ്റിയ തെറ്റ്. അവർക്ക് ചരിത്രം ചവറ്റുകുട്ടയിലേ സ്ഥാനം കല്പിക്കൂ... സഭാമേധാവികളുടെ അഹന്തയും ആഡംബരവുംമൂലം തകർന്നടിഞ്ഞ പശ്ചാത്യസഭ ഇതിനു നല്ല ഉദാഹരണമാണ്. അവർതന്നെ ശ്രേഷ്ട പൈതൃകത്തിനുടമകളായിരുന്ന ഭാരതസഭയുടെ പരമ്പര്യങ്ങളെ അട്ടിമറിച്ചുകൊണ്ട് കാനോൻനിയമം വഴി സർവാധികാരികളായി. ഇതവസാനിക്കണം. സഭയിൽ ജനാധിപത്യം തിരികെ കൊണ്ടുവരണം. വിശ്വാസികളുടെ സ്വത്തിനു വിശ്വാസികൾ ഭരണാധികാരികളാകണം. ഇതാണു ചർച്ച് ആക്റ്റ് വിഭാവനം ചെയ്യുന്നത്. ഇന്ത്യൻ ഭരണഘടനാനുസൃതം ഇതു നടപ്പായാൽ മാത്രമേ പുരോഹിതാതിക്രമം നിയന്ത്രിക്കപ്പെടുക യുള്ളു. അതിനു വേണ്ടിയുള്ള പരിശ്രമത്തിലാണ് നവീകരണപ്രസ്ഥാനം എന്നു വ്യക്തമാക്കിക്കൊണ്ട് അദ്ദേഹം അവസാനിപ്പിച്ചു.
തുടർന്ന് ജോർജ് മൂലേച്ചാലിൽ സംസാരിച്ചു. കുരീപ്പുഴ ഇടവകാംഗങ്ങളുടെ ഐക്യവും ത്യാഗസന്നദ്ധതയും മഹത്തരമാണെന്നും മാതൃകയാക്കേണ്ടതാണെന്നും അദ്ദേഹം നിരീക്ഷിച്ചു. തികച്ചും സമാധാനപരമായ മാർഗത്തിലൂടെ വിശ്വാസികളുടെ പ്രശ്നങ്ങൾക്ക് പരിഹാരം കാണണമെന്നു അദ്ദേഹം നിർദ്ദേശിച്ചു. ഇത്തരം സംഭവങ്ങൾ നമ്മുടെ കണ്ണു തുറപ്പിക്കാൻ ഉതകുമെന്നും എല്ല ഇടവകയിലും വിശ്വാസികളുടെ കൂട്ടയ്മ ഇതുവഴി ശക്തിപ്പെടുമെന്നും അദ്ദേഹം പ്രത്യാശിച്ചു. കാഞ്ഞിരപ്പള്ളി സംഭവവും മാർച്ചും അദ്ദേഹം അനുസ്മരിച്ചു. നമ്മുടെ ആശയങ്ങളും മറ്റു മാധ്യമങ്ങൾ തമസ്ക്കരിക്കുകയോ ലഘൂകരിക്കുകയോ ചെയ്യുന്ന സംഭവങ്ങളും വാർത്തകളും സമൂഹത്തിലെത്തിക്കാൻ നമ്മുടെ സ്വന്തം മാസിക ‘സത്യജ്വാല’ വളർത്തി, പ്രചരിപ്പിക്കണമെന്നും അൽമായ ശബ്ദം ബ്ലോഗ് സന്ദർശിച്ച് കൂടുതൽ അറിവു നേടാനും അദ്ദേഹം ആഹ്വാനം ചെയ്തു.
പിന്നീട് റെജി ഞള്ളാനി പ്രാർഥനനിർഭരമായ ഒരു പ്രഭാഷണമാണ് നടത്തിയത്. ഉണ്ടായ ദുരന്തങ്ങൾക്കും ദുരിതങ്ങൾക്കും പൊരുതിയും അറുതിയും തേടി മാതാവിനോട് പ്രാർഥിച്ചുകൊണ്ടാണ് അദ്ദേഹം തുടങ്ങിയതു തന്നെ. തുടർന്ന് ‘എത്രയും ദയയുള്ള മാതാവേ’ എല്ലാവരും ചേർന്ന് ചൊല്ലി. തന്റെ ബൈബിൾജ്ഞാനം വെളിവാക്കിക്കൊണ്ട് പുരോഹിതവർഗത്തിന്റെ തട്ടിപ്പും കുതന്ത്രങ്ങളും അദ്ദേഹം തുറന്നുകാട്ടി. വട്ടായിധ്യാനം പോലുള്ളവയിൽ നിന്നുള്ള സാമ്പത്തികലാഭം മാത്രമാണ് പുരോഹിതരുടെയും മെത്രാന്റെയും ലക്ഷ്യമെന്നും അതിനായി അവർ കാട്ടിക്കൂട്ടുന്ന കുതന്ത്രങ്ങൾക്ക് ഉദാഹരണമാണ് സാക്ഷ്യം പറച്ചിലെന്നും അദ്ദേഹംചൂണ്ടിക്കാട്ടി. മലാക്കിയുടെ വാക്യങ്ങൾ ഉദ്ധരിച്ച് പുരോഹിതർ ശപിക്കപ്പെട്ടവരാണെന്ന് അദ്ദേഹം സ്ഥാപിച്ചു. സ്ഥൈര്യലേപനം സ്വീകരിച്ചതിലൂടെ നാമെല്ലാം അഭിഷിക്തരാണെന്നും അതു പുരോഹിതർ മാത്രമാണെന്ന വാദം സ്വാർഥലക്ഷ്യത്തോടെയുള്ള തെറ്റിദ്ധരിപ്പിക്കലാണെന്നും അദ്ദേഹം തെളിയിച്ചു. എല്ലാദിവസവും പള്ളിയിൽ പോയി ദുഷ്ടവൈദികരുടെകുർബാനയിൽ പങ്കെടുക്കുന്നത് ശാപം വരുത്തിവെക്കുമെന്ന് ഒരു പുരോഹിതൻ തന്നെ ഉപദേശിച്ചത് അദ്ദേഹം ചൂണ്ടിക്കാട്ടി. തന്റെ കണ്ണുതുറപ്പിച്ചത് ആ പുരോഹിതൻ തന്നെ ഉന്നയിച്ച ബിവിറേജസ് കോർപ്പറേഷന്റെ ഔട്ട്ലറ്റിലെ ക്യൂവിൽ കാണുന്നവരിൽ കൂടുതൽ ആളുകൾ ക്രിസ്ത്യാനികളല്ലേ, മദ്യവ്യാപാരികൾ കൂടുതലും ക്രിസ്ത്യാനികളല്ലേ, കുടുംബകലഹത്തിൽ നമ്മുടെ ആളുകളല്ലേ മുൻപന്തിയിൽ, കുറ്റവാളികൾ കൂടുതൽ ക്രിസ്ത്യാനികളല്ലേ എന്നിങ്ങനെയുള്ള ചോദ്യങ്ങളാണെന്ന് അദ്ദേഹം അനുസ്മരിച്ചു. റീത്തുവ്യത്യാസവും ജാതിതിരിവും നമ്മെ തമ്മിലടിപ്പിക്കാൻ പുരോഹിതർ കണ്ടത്തിയ മാർഗങ്ങളാണെന്നും അവയെല്ലാം മാറ്റിവെച്ച് ക്രിസ്തുവിൽ നാമൊന്നിക്കണമെന്നു അദ്ദേഹം ആഹ്വാനം ചെയ്തു. ജയിലിലുള്ള നമ്മുടെ സഹോദരങ്ങൾക്ക് ചൊവ്വാഴ്ചയെങ്കിലും ജാമ്യം കിട്ടിയില്ലെങ്കിൽ പ്രത്യക്ഷസമരപരിപാടികൾ ആരംഭിക്കുമെന്ന മുന്നറിയിപ്പും അതിനായി സംഘടനയുടെ എല്ലാ പിന്തുണയും വാഗ്ദാനം ചെയ്തുകൊണ്ടും, സമാപന പ്രാർഥനയും എല്ലാവരും ചേർന്ന് ജപമാലയും ചൊല്ലി അദ്ദേഹം സമാപിപ്പിച്ചു.
പിന്നീട് നവീകരണ പ്രസ്ഥാനത്തിന്റെ കൊല്ലം ജില്ലാക്കമ്മിറ്റി രൂപീകരണം നടന്നു. സർവശ്രീ. ഔസേപ്പ് ആൻഡ്രൂസ്(പ്രസിഡന്റ്), മാനുവൽ തോമസ് (ജനറൽ സെക്രട്ടറി), ജോസ് ജോൺസൺ(സെക്രട്ടറി), വിൽസൺ വിൻസെന്റ്(ട്രഷറർ), ജാൻസി ജോൺസൺ(വൈസ് പ്രസി), കുഞ്ഞുമോൾ ജോർജ്ജ്(ജോ. സെക്ര.) ആന്റണി ടെറൻസ്(വൈസ് പ്രസി.), ജോസ് ആൻഡ്രൂസ്(ജോ. സെക്ര.) എന്നീ ഭാരവാഹികളടങ്ങുന്ന 15 അംഗ ജില്ലാക്കമ്മിറ്റിക്കാണ് രൂപം കൊടുത്തിരിക്കുന്നത്.
നവീകരണപ്രസ്ഥാനത്തിന്റെ സാന്നിധ്യത്തിനും സഹകരണത്തിനും നിഷ്ളങ്കവും വികാരഭരിതവും പ്രകാശപൂർണമായ നയനങ്ങളോടെയും പ്രത്യാശാഭരിതമായ ഹൃദയങ്ങളോടെയും ഇടവകാംഗങ്ങൾ നന്ദി അറിയിച്ച് പാരിഷ് ഹാളിൽ നിന്ന് ഞങ്ങളിറങ്ങുമ്പോൾ സമയം ഉച്ചകഴിഞ്ഞ് 3 മണി.
സ്നേഹത്തിന്റെയും ത്യാഗത്തിന്റെയും സാഹോദര്യത്തിന്റെയും മാംസമായ വചനത്തിന്റെ പിൻഗാമികളായി ‘വാണരുളുന്ന’ മെത്രാൻ-പുരോഹിതഗുണ്ടകൾ നേരിട്ടു ചെയ്യാനാഗ്രഹിച്ചത് പൊലീസിനോടാജ്ഞാപിച്ച് ചെയ്യിച്ച സംതൃപ്തിയിൽ ഉറഞ്ഞുതുള്ളിയ അഭശപ്ത നിമിഷങ്ങൾ മടക്കയാത്രയിൽ ഒപ്പം വന്നവർ കണ്ഠമിടറി വിവരിച്ചു. അരമനവാസിയായി അഹന്തമുറ്റിയ ജോണിയെന്ന തെമ്മാടി പുരോഹിതൻ, തങ്ങളുടെ സഹോദരനായ ബൈജു എന്ന ചെറുപ്പക്കാരനെ ചൂണ്ടിക്കാണിച്ച് അടിച്ചുകൊല്ലാൻ ആജ്ഞാപിച്ചത് കേട്ട് പൊലീസുകാർ അവനെ മർദ്ദിച്ച് മൃതപ്രായനാക്കിയത് ആസ്വദിക്കുക ആയിരുന്നത്രെ യുവവൈദികർ. ബൈജു ബിഷപ്പിനു പരാതി അയച്ചതാണു വിരോധത്തിനു കാരണം. ഭീഷണിയുടെ സ്വരമുള്ള മറുപടിക്കത്ത് അരമനയിൽ നിന്നു കിട്ടിയിരുന്നത്രെ! ഗുരുതരമായി പരുക്കേറ്റ ആ ചെറുപ്പക്കാരൻ എട്ടു ദിവസമായി ജയിലിലാണ്. കേസു നടത്തിപ്പിനും ചികിൽസയ്ക്കും പണിയെടുക്കാൻ വയ്യാതായവർക്കു ചെലവിനുമായി പള്ളിഫണ്ടു തന്നെ ചെലവഴക്കാനുള്ള ധീരമായ നിലപാട് അവർ സ്വീകരിച്ചു കഴിഞ്ഞു. വിങ്ങുന്ന ഹൃദയത്തിനു പുഞ്ചിരിയുടെ മുഖാവരണം തുന്നുന്ന അവരുടെ കണ്ണിൽനിന്നും നിശ്ചയദാർഡ്യത്തിന്റെ സ്ഫുലിംഗങ്ങൾ പ്രസരിക്കുന്നത് ദർശിച്ചുകൊണ്ട് ഞങ്ങൾ മടക്കയാത്രയാംഭിച്ചു. ഒരു ചോദ്യം മനസിനെ ഇപ്പോഴും മഥിക്കുന്നു, സ്വയം തീർത്ത അരക്കില്ലത്തിൽ പൊലീസിനെ കാവൽ നിർത്തിയും മാധ്യമങ്ങളെ സ്വാധീനിച്ചുമുള്ള ഈ രാജഭരണം ഇനിയും എത്ര നാൾ?

അഭിവന്ദ്യ പിതാക്കന്മാര്‍ സമക്ഷം കുരീപ്പുഴ ഇടവക ജനങ്ങള്‍ സമര്‍പ്പിക്കുന്ന പ്രാര്‍ത്ഥന



25.5.14 ല്‍  കൊല്ലം ബിഷപ്പ് ഹൗസിന് മുമ്പില്‍ കുരീപ്പുഴ ഇടവക വിശ്വാസികളെ പോലീസ് ക്രൂരമായി തല്ലി ചതച്ചതുമായി ബന്ധപ്പെട്ട് ഉണ്ടായ ഇടവകയിലെ ചില വിഷയങ്ങളിലേക്ക് അങ്ങയുടെ ശ്രദ്ധ സാദരം ക്ഷണിക്കുന്നു.  ഒരു ദേവാലയ നിര്‍മ്മാണവും ഒരു വൈദീകന്റെ സ്ഥലമാറ്റവും മാത്രമല്ല കഴിഞ്ഞ  കുറെ വര്‍ഷങ്ങളായി കുരീപ്പുഴ ഇടവകയില്‍ ചില വ്യക്തികള്‍ മാറി മാറി വന്ന ഒന്ന് രണ്ട് വൈദീകരുടെ ഒത്താശയോടെ വന്‍ സാമ്പത്തീക തിരുമാറികളും തന്നിഷ്ടങ്ങളും നടത്തിയിരുന്നു. സത്യസന്ധരും ആത്മാര്‍ത്ഥതയുമുള്ള വൈദീകര്‍ വന്ന് നല്ല കാര്യങ്ങള്‍ ചെയ്യുമ്പോള്‍ അവര്‍ക്കെതിരെ ഭീഷണി ഉയര്‍ത്തുകയും എന്ത് വിലകൊടുത്തും അവരെ അടിച്ചമര്‍ത്തി  അവഹേളിച്ച്  ട്രാന്‍സ്ഫര്‍ ചെയ്യിക്കുന്ന പ്രവണതയാണ് നടന്നു വരുന്നത്. അതിന് കൊല്ലം രൂപതയിലെ ഏതാനും വൈദീകരും പൂര്‍ണ്ണ  പിന്തുണയാണ്. നല്ലവരായ വൈദീകരെ സംരക്ഷിക്കുകയും അവരോടൊപ്പം നിന്ന് ഇടവകയുടെ വികസനത്തിന്  പ്രവര്‍ത്തിക്കുന്ന നാട്ടുകാരെയും പലവിധത്തില്‍ ഈ കള്ളകൂട്ടാളികള്‍ വിഷമിപ്പിക്കുന്നു.
കുരീപ്പുഴയിലെ ഇപ്പോഴത്തെ ഇടവക വികാരി ഫാദര്‍ ജോസഫ് ഡാനിയല്‍ ചാര്‍ജ്ജെടുക്കുമ്പോള്‍ ഇടവകയില്‍ ഭരണം കൈയ്യാളിയിരുന്ന ചില വ്യക്തികള്‍ വന്‍ സാമ്പത്തിക അഴിമതിയാണ് നടത്തിയിരുന്നത്. പ്രശസ്തനായ ഒരു ആഡിറ്ററെ കൊണ്ട്  ഈ കാലയളവിലെ കണക്കുകള്‍ ആഡിറ്റ് ചെയ്യിപ്പിച്ച റിപ്പോര്‍ട്ട് അംഗീകരിക്കാതെ രൂപതയിലെ നാല് വൈദീകര്‍ ചേര്‍ന്ന് നടത്തിയ  അന്വേഷണ റിപ്പോര്‍ട്ടില്‍ ഒരു ചാര്‍ട്ടേര്‍ഡ് അക്കൗണ്ടന്റ് കണ്ടുപിടിച്ച പല വന്‍ കള്ളത്തരങ്ങളും മറച്ച് വച്ച്  വെറും 65,000/-(അറുപത്തി അയ്യായിരം)രൂപയുടെ മാത്രം തിരുമറിയായി കാണിച്ച്  ഒതുക്കി തീര്‍ക്കാന്‍ ശ്രമിച്ചു. അതിനെതിരെ നിലപാട് എടുത്ത ഫാദര്‍ ജോസഫ്  ഡാനിയലിനേയും കമ്മിറ്റി അംഗങ്ങളെയും  കൊല്ലം മെത്രാന്‍ നിരന്തരം മാനസികമായി പീഡിപ്പിക്കുകയും പെട്ടന്നൊരു അവസരത്തില്‍ അച്ചനെ മാറ്റാനും ശ്രമിച്ചു അതിനെ എതിര്‍ത്ത ഇടവക ജനങ്ങള്‍ ഒന്നടങ്കം 2013 നവംബര്‍ 25-ാം തീയതി കൊല്ലം അരമനയില്‍ തടിച്ചു കൂടി വൈകിട്ട് നാല് മണിവരെ ഇവരെ കാണാന്‍ കൊല്ലം മെത്രാന്‍ കൂട്ടാക്കിയില്ല തുടര്‍ന്ന്  എ.സി.പി ജേക്കബ്ബ് സാര്‍ ഇടപ്പെട്ട് മെത്രാന്‍ വരികയും ദേവാലയം നിര്‍മ്മാണം പൂര്‍ത്തിയാകുംവരെ ജോസഫ് ഡാനിയല്‍ അച്ചനെ മാറ്റില്ലായെന്ന് ഉറപ്പ് നല്‍കുകയും ചെയ്തു. എന്നാല്‍ പുതിയ ദേവാലയ നിര്‍മ്മാണത്തില്‍  കോടികളുടെ  വരവ് ചിലവ് ഉള്ളതിനാല്‍ സാമ്പത്തിക തിരുമറിയില്‍ ആര്‍ത്തിപൂണ്ടവര്‍ ജോസഫ് ഡാനിയല്‍ അച്ചനും നിലവിലെ കമ്മിറ്റി അംഗങ്ങളും തുടര്‍ന്നാല്‍ ഒന്നും കൈയിട്ട് വാരാന്‍ കഴിയാത്തതിനാല്‍  ബിഷപ്പ് ഹൗസിലെ ചില വൈദീകരുടെ ഒത്താശയോടെ  വീണ്ടും നിര്‍ബന്ധിത സ്ഥലമാറ്റത്തിന്  ഒരുങ്ങി. കത്തോലിക്ക സഭയുടെ എല്ലാ നിയമങ്ങളും മാറ്റിവച്ച്  വളരെ രഹസ്യമായി സ്ഥലമാറ്റ ഉത്തരവ് 2014 മേയ് 24-ാം തീയതി ശനിയാഴ്ച രാത്രി കുരീപ്പുഴ പള്ളിയില്‍ എത്തിച്ച് 25-ാം തീയതി ഞായറാഴ്ച കാലത്ത്  ദിവ്യബലി മദ്ധ്യേ അറിയിക്കുകയായിരുന്നു. അതും 26-ാം തീയതി തീരുമാനം നടപ്പിലാക്കാനും കൊല്ലം ബിഷപ്പ് സ്ഥലത്ത് ഇല്ലാത്ത ഈ അവസരത്തില്‍ വളരെ രഹസ്യമായി ഇത്ര ധൃതിപിടിച്ച്  ഇങ്ങനെയൊരു ഉത്തരവ്  വായിച്ചതിനെതിരെ കൊല്ലം ബിഷപ്പ്  കുരീപ്പുഴ  ഇടവക ജനങ്ങള്‍ക്ക് നല്‍കിയ വാക്ക്  പാലിക്കാത്തതില്‍ പ്രതിഷേധിച്ച് വളരെ ശാന്തരായി ആബാലവൃദ്ധ ഇടവക ജനങ്ങള്‍ കൊല്ലം ബിഷപ്പ് ഹൗസിലേക്ക് റാലിയായി എത്തി. എന്നാല്‍ ബിഷപ്പ് ഹൗസിന് ഒരു കിലോമീറ്റര്‍ ദൂരെത്തന്നെ റോഡിന് കുറുകെ റോപ്പ് കെട്ടി വന്‍ പോലീസ് സന്നാഹത്തോടെ ഇവര് തടഞ്ഞു. ഇടവക ജനങ്ങള്‍ റോഡിലിരുന്ന് പ്രാര്‍ത്ഥന ചൊല്ലി ഇതിനിടെ പോലീസ് ഉദ്യേഗസ്ഥരുടെ സമര്‍ദ്ദത്തിനു വഴങ്ങി രൂപതയുടെ ബിഷപ്പിന്റെ സെക്രട്ടറി ഫാദര്‍ സന്തോഷും കടവൂര്‍ ഇടവക വികാരി ഫാദര്‍ ജോളി എബ്രഹാമും ബിഷപ്പ് ഹൗസിലെ പ്യൂണും കൂടി ഇടവക ജനങ്ങളോട് സംസാരിക്കാന്‍ വന്നു. ബിഷപ്പ് സ്ഥലത്തില്ല വന്നിട്ട് നിങ്ങള്‍ വന്ന വിവരം അദ്ദേഹത്തെ അറിയിക്കാം എന്ന് പറയുകയും ഫാദര്‍ ജോളി ഏബ്രഹാം ഇടവക ജനങ്ങളെ പരിഹസിക്കുന്ന രീതിയില്‍ സംസാരിക്കുകയും ചെയ്തു. യാതൊരു തീരുമാനവും  എടുക്കാന്‍ കഴിയാത്തവര്‍ ഇങ്ങനെ വന്ന് സംസാരിച്ചതു തന്നെ ആയിരകണക്കിനു വന്ന വിശ്വാസികളെയും സ്ഥലത്ത് ഉണ്ടായിരുന്ന പോലീസ് ഉദ്യേഗസ്ഥരെയും പരിഹസിക്കുന്നതിന് തുല്യമാണ്. ബിഷപ്പ് സ്ഥലത്ത് ഇല്ലാത്തപ്പോള്‍ ഉത്തരവാദിത്വങ്ങള്‍ ഉള്ള വൈദീകര്‍ അരമനയില്‍ ഉണ്ടായിട്ട് ഇങ്ങനെയൊരു നാടകം എന്തിനു കളിച്ചു. കൂടാതെ അപ്പോള്‍ അരമനയില്‍ ഉണ്ടായിരുന്ന ഫാദര്‍ ജോളി ഏബ്രഹാം ഉള്‍പ്പടെ ചില വൈദീകര്‍ അവരെ അടിച്ചു ഒതുക്കി കൊള്ളൂവെന്ന്  പോലീസിന് നിര്‍ദ്ദേശം കൊടുത്തു തുടര്‍ന്ന്  അക്ഷമരായി പൊരിവെയിലത്ത്  വിശ്വാസികളെ  പിരിഞ്ഞു പോയില്ലായെങ്കില്‍ ലാത്തി വീശുമെന്ന ബാനര്‍ പോലീസ് ഉയര്‍ത്തി കാട്ടി. അതുകണ്ട് പേടിച്ച സ്ത്രീകളും കുട്ടികളും നാലുപാടും നിലവിളിച്ചു കൊണ്ട് ചിതറിയോടി ഈ ഓട്ടത്തിനിടയില്‍ പലരും താഴെ വീണു  അവര്‍ക്ക് മുകളിലൂടെ പോലീസ് അതിഭീകരമായ രീതിയില്‍  ലാത്തികൊണ്ട് അടിക്കുകയും റോഡില്‍ വലിച്ചിഴക്കുകയും ചെയ്തു. സ്ത്രീകളെ പിടിച്ച് വലിച്ചിഴച്ചതില്‍ വനിതാ പോലീസ് നോക്കി നില്‍ക്കെ  പുരുഷ പോലീസുക്കാരാണ് അല്‍പ്പ നിമിഷത്തിനകം  ഗ്രനേയ്ഡ് പൊട്ടിച്ച് ഭീതി പരത്തി ഗ്രനെയ്ഡ് പൊട്ടി കലിന് ഗുരുതരമായ പൊള്ളലേറ്റ ഒരു കൊച്ചു കുട്ടിയെ പോലും ആശുപത്രിയില്‍ കൊണ്ടു പോകാന്‍ വന്ന ആംബുലന്‍സില്‍ നിന്ന് പിടിച്ചിറക്കി തുടര്‍ന്ന് പോലീസുകാര്‍ കിട്ടിയവരെയെല്ലാം യാതൊരു ദയയും ഇല്ലാതെ  ബലമായി ജീപ്പില്‍ കയറ്റി കൊണ്ടുപോയി  ഇടവക സംരക്ഷണ സമിതി പ്രസിഡന്റ് ശ്രീ.ബൈജു വിന്‍സെന്റിനെ ക്രൂരമായി മര്‍ദ്ദിച്ച് 'നീയാണ് എല്ലാത്തിനും നേതൃത്വം കൊടുത്തത്' എന്ന് പറഞ്ഞ് പോലീസ് കൊണ്ടുപോയി.അദ്ദേഹം ജില്ലാ ആശുപത്രിയില്‍ ചികിത്സയിലാണ്. അവിടുന്ന് നിര്‍ബന്ധിച്ച് ഡിസാചാര്‍ജ് ചെയ്യാന്‍  രാത്രിയില്‍ ശ്രമം നടന്നു അവിടെ തടിച്ചു കൂടിയവരുടെ എതിര്‍പ്പിനെ തുടര്‍ന്ന് ജില്ലാ ആശുപത്രിയില്‍ കിടത്തിയിരിക്കുകയാണ്. ജില്ലാ ആശുപത്രിയില്‍ കിടക്കുന്നവര്‍ക്ക് ശരിയായ ചികിത്സ പോലും നിഷേധിച്ചിരിക്കുകയാണ്. ഇതേ അവസരത്തില്‍  പോലീസ് ഉദ്യോഗസ്ഥര്‍  ബെന്‍സിഗര്‍ ഹോസ്പ്പിറ്റലില്‍ എ.സി റൂമില്‍ വൈദീകരുടെ സംരക്ഷണയില്‍ സുഖ ചികിത്സയിലാണ്. ഇതോടൊപ്പം  ഇടവകയിലെ  പത്തോളം പേരെ  ജില്ലാ ആശുപത്രിയില്‍ കിടത്തിയിരിക്കുകയാണ്. സ്ത്രീകളും കുട്ടികളും ഉള്‍പ്പടെ അന്‍പതോളം പേരെ  രാത്രി വളരെ വൈകിയും കൊല്ലം ഈസ്റ്റ് പോലീസ് സ്റ്റേഷനില്‍ ആയിരുന്നു. ഇത് കൂടാതെ  മറ്റ് നിരവധി പേര്‍ പോലീസ് കസ്റ്റഡിയിലാണ്. വിശ്വാസികള്‍ അരമനയില്‍ എത്തിയ നിരവധി വാഹനങ്ങള്‍ പോലീസ് ബലം പ്രയോഗിച്ച്  കസ്റ്റഡിയില്‍ എടുത്തിരിക്കുകയുമാണ്. 25-ാം തീയതി രാത്രി മുതല്‍ ഇടവക ജനങ്ങള്‍ ഒന്നടങ്കം രാത്രിയും പകലും പ്രാര്‍ത്ഥന നിരതരായി പള്ളി അങ്കണത്തില്‍  തന്നെ കഴിയുകയാണ്.
ഇന്നും ദേവാലയ മുറ്റത്ത്  ഞങ്ങള്‍ തടിച്ചു കൂടി ഇരിക്കുകയാണ്. ഞങ്ങളുടെ ഒന്‍പത് സഹോദരങ്ങള്‍ ജയിലുമാണ്. അതിനാല്‍ എത്രയും വേഗം ഞങ്ങള്‍ക്ക് ഒരു സമാധാനം ചെയ്തു തരണമെന്ന് താഴ്മയായി അപേക്ഷിക്കുന്നു.

കുരീപ്പുഴ ഇടവക ജനങ്ങള്‍


തട്ടിപ്പ് പൊളിയുന്നു !

ഒരാഴ്ച മുമ്പ് മാര്‍ തട്ടില്‍ നടത്താന്‍ പോകുന്ന ഇഗ്ലണ്ട് സന്ദര്‍ശനത്തെപ്പറ്റിയും, അദ്ദേഹത്തെ സ്വീകരിക്കാന്‍ വേണ്ടി വീടൊന്നിനു 50 പൌണ്ട് വെച്ച് പിരിക്കാന്‍ തീരുമാനിച്ചതിനെപ്പറ്റിയും അദ്ദേഹം അവിടെ വന്ന് എന്താണ് പറയാന്‍ പോകുന്നതെന്നതിനെപ്പറ്റിയും അത്മായാ ശബ്ദം എഴുതിയിരുന്നു. ഈ പിരിവ് ചോദ്യം ചെയ്യാന്‍ അവിടെ ആളുണ്ടായി പിരിവ് 35 പൌണ്ട് ആയി കുറയുകയും ചെയ്തു. ബിഷപ്പ് വന്നാല്‍ 1500 പൌണ്ട് എങ്കിലും കൊടുത്തു വിടുകയാണ് രീതി എന്ന വ്യാഖ്യാനം ആണ് ഇപ്പോള്‍ കേള്‍ക്കുന്നത്. ഒരു കോടി രൂപയോളം ചെലവ് ചെയ്ത് അയ്യായിരം പാപ്പാമാരെ തെരുവില്‍ ഇറക്കി ബോണ്‍ നത്താലെ എന്ന ക്രിസ്മസ് പരിപാടി നടത്തിയ തൃശ്ശൂര്‍ മെത്രാന് സംഭാവന കൊടുക്കേണ്ടത് തന്നെയാണ്. വളരെ ദാരിദ്ര്യത്തിലാണ് ഓരോ രൂപതയും ഇവിടെ കഴിയുന്നത്‌.
ഈ പണവും കൊടുത്ത് ബ്രിട്ടണിലെ സിറോ മലബാര്‍ വിശ്വാസികള്‍ നേടാന്‍ പോകുന്നത് വന്‍ വിനയായിരിക്കും എന്ന് അത്മായാ ശബ്ദം മുന്നറിയിപ്പ് തരുന്നു. അവിടെ ഒരു രൂപത ഉണ്ടാകണം, പള്ളി കത്തിദ്രല്‍ ആകണം, അരമന ഉണ്ടാകണം .... അങ്ങിനെ ആവശ്യങ്ങള്‍ നിരവധി ഉണ്ടാകും. അമേരിക്കയില്‍ നവാഗതരായ പ്രവാസികളെപ്പോലും പിഴിഞ്ഞാണ് സഭ മുന്നേറിയത്. ഭൂരിഭാഗം വിശ്വാസികളുടെയും ക്രെഡിറ്റ് കാര്‍ഡ് അക്കൌണ്ടുകള്‍ പള്ളിക്ക് സറണ്ടര്‍ ചെയ്യപ്പെട്ടും കഴിഞ്ഞു. ഈ മഹാവിപത്ത് കൊണ്ട് എന്ത് നേട്ടമാണ് വിശ്വാസ ജീവിതത്തില്‍ ഉണ്ടാകാന്‍ പോകുന്നത്? അമേരിക്കന്‍ അനുഭവം പങ്കു വെച്ചാല്‍ സഭ കൂടുതല്‍ അപഹാസ്യമായി എന്നെ പറയാന്‍ പറ്റൂ.

ചോദ്യം ചെയ്യാന്‍ ഒന്നു രണ്ടു പേര്‍ മുന്നോട്ടു വന്നപ്പോള്‍ ബ്രിട്ടണിലെ മെത്രാന്‍റെ പരിപാടികളും മാറി. ജെര്‍മ്മനിയില്‍ ഒരു മെത്രാന്‍റെ നേരെ പഴത്തൊലി വരും എന്നുറപ്പായപ്പോള്‍ അങ്ങേരുടെ പരിപാടി തന്നെ മാറി. വിശ്വാസ ജീവിതത്തിന്‍റെ ഭാഗമല്ല മെത്രാന്മാരുടെ തെണ്ടല്‍ എന്ന് ബോദ്ധ്യമുള്ള വിശ്വാസികള്‍ നട്ടെല്ലു നിവര്‍ത്തി നിന്ന് പോരാടട്ടെ, അതിന്‍റെ ഫലവും അവിടുണ്ടാകും – ഉറപ്പ്. യു കെ യില്‍ നിന്നൊരാള്‍ നാട്ടില്‍ വാങ്ങിയ കെട്ടിടം വെഞ്ചരിക്കാന്‍ യുകെയില്‍ നിന്നുള്ള നോ ഡ്യുസ് സര്‍ട്ടിഫിക്കറ്റ് ഇല്ലാത്തതിന്‍റെ പേരില്‍ ഇവിടുത്തെ വികാരി പോയില്ല. അടുത്ത കാലത്തെ സംഭവമാണിത്. തല അറക്കവാളിനു കീഴില്‍ വെച്ചു കൊടുത്ത അനുഭവം ബ്രിട്ടണിലെ വിശ്വാസികള്‍ക്ക് ഉണ്ടാകാതിരിക്കട്ടെ. 

Monday, June 2, 2014

അഴിമതിക്കെതിരെ നിരാഹാരസമരം പ്രഖ്യാപിച്ച കോളജ് അധ്യാപകനെ സസ്പെന്‍ഡ് ചെയ്ത് ഭ്രാന്താശുപത്രിയിലടച്ചു



പറവൂരില്‍ കന്യാസ്‌ത്രീയെ മറ്റൊരു കന്യാസ്‌ത്രീ ചുട്ടുകൊല്ലാന്‍ ശ്രമിച്ചു


Story Dated: Sunday, June 1, 2014 07:17          Mangalam News

പറവൂര്‍: പറവൂരിലെ കന്യാസ്‌ത്രീ മഠത്തില്‍ കന്യാസ്‌ത്രീ വിദ്യാര്‍ത്ഥിനി മറ്റൊരു കന്യാസ്‌ത്രീ വിദ്യാര്‍ത്ഥിനിയെ ചുട്ടുകൊല്ലാന്‍ ശ്രമിച്ചു. പറവൂര്‍ സെന്റ്‌ആന്‍സ്‌ കോണ്‍വെന്റില്‍ നടന്ന സംഭവത്തില്‍ 40 ശതമാനം പൊള്ളലേറ്റ ഡെല്‍സിയെ ആശുപത്രിയില്‍ പ്രവേശിപ്പിച്ചു. ഇവര്‍ക്കൊപ്പം താമസിച്ചു വന്ന റേച്ചലാണ്‌ അറസ്‌റ്റിലായിരിക്കുന്നത്‌.
മൂന്ന്‌ ദിവസം മുമ്പ്‌ നടന്ന സംഭവത്തില്‍ റേച്ചലിനെ കൂടുതല്‍ ചോദ്യം ചെയ്‌തതില്‍ നിന്നുമാണ്‌ സത്യം പുറത്ത്‌ വന്നത്‌. ഏഴ്‌ പേര്‍ താമസിച്ചിതുന്ന കോണ്‍വെന്റില്‍ മൂന്ന്‌ പേര്‍ അടുത്ത സുഹൃത്തുക്കളായിരുന്നു. സംഭവം നടന്ന ദിവസം റേച്ചല്‍ സ്‌റ്റോര്‍ റൂമില്‍ നിന്നും മണ്ണെണ്ണ എടുത്തു കൊണ്ടുവന്ന്‌ ഡെല്‍സിയെ തീ കൊളുത്തുക ആയിരുന്നു. റേച്ചലിനെ കോടതിയില്‍ ഹാജരാക്കിയിട്ടുണ്ട്‌.
വ്യക്‌തി വൈരാഗ്യമാണ്‌ സംഭവത്തിന്‌ പിന്നിലെന്നാണ്‌ പോലീസ്‌ നിഗമനം. കൂട്ടത്തിലെ മൂന്നാമത്തെയാള്‍ കൂടുതല്‍ അടുപ്പം കാണിക്കുന്നതിലെ വൈരാഗ്യമാണ്‌ പ്രശ്‌നമായതെന്നും പോലീസ്‌ പറയുന്നു. ശരീരത്ത്‌ കടുത്ത ചൂട്‌ അനുഭവപ്പെട്ടതിനെ തുടര്‍ന്ന്‌ അലമുറയിട്ട ഡെല്‍സിയെ മറ്റുള്ളവര്‍ എത്തി ആശുപത്രിയില്‍ എത്തിക്കുകയായിരുന്നു. സ്വാഭാവിക സംഭവമെന്ന്‌ കരുതിയ സംഭവം റേച്ചലിനെ കൂടുതല്‍ ചോദ്യം ചെയ്‌തതോടെയാണ്‌ പുറത്ത്‌ വന്നത്‌.

Sunday, June 1, 2014

വൈദികരേ, നിങ്ങൾ ഉണരുവിൻ!



ചാക്കോ കളരിക്കൽ

ഏകദേശം മുപ്പത് വർഷങ്ങൾക്കു മുമ്പ് ചങ്ങനാശേരി മെത്രാപ്പൊലീത്ത മാർ പവ്വത്തിലിൻറെ നേതൃത്വത്തിൽ സീറോ മലബാർ കത്തോലിക്കാ സഭയെ കൽദായ സഭയുടെ ഭാഗമാക്കാനും കൽദായ ആരാധനക്രമം സഭയിൽ നടപ്പിലാക്കാനും മാർത്തോമ്മാ കുരിശ് എന്ന പേരുനല്കി പേർഷ്യൻ കുരിശിനെ പള്ളികളിൽ പ്രതിഷ്ഠിക്കാനുംവേണ്ടി ആരംഭിച്ച വിപ്ലവം റോമിലെ പൌരസ്ത്യസംഘത്തിൻറെ  പിൻബലത്താൽ ഭാഗികമായി വിജയിച്ചു. സഭയിൽ നടന്ന ഈ ആശയകലാപത്തിൻറെ പരിണതഫലമായി കുറെ മെത്രന്മാർ ഒരു ചേരിയിലും മറ്റു മെത്രാന്മാർ മറുചേരിയിലുമായി. സഭയിലെ ഈ വിഭാഗീയചിന്തയിൽ മെത്രാന്മാരും വൈദികരും അല്മായരും ഒന്നുപോലെ അകപ്പടേണ്ടിവന്നു. ഈ ദുരന്തത്തിൻറെ ഫലമായി അന്നുവരെ സഭയിൽ ഉണ്ടായിരുന്ന ഐക്യവും അച്ചടക്കമനോഭാവവും സഭക്ക് നഷ്ടപ്പെട്ടു. ഏതു മെത്രാനും എന്തു തോന്ന്യാസം കാണിക്കാനും വിളിച്ചുപറയാനും രാഷ്ട്രിയക്കളി കളിക്കാനും സഭയുടെ ഈ തകർച്ച കാരണമായി. ഈ അടുത്ത കാലത്തായി സഭയിൽ വളരെ അപലപനീയമായ പല സംഭവങ്ങളും നടക്കുകയുണ്ടായി. തലോർ ഇടവക പ്രശ്നം, ഞാറക്കൽ സ്കൂൾ പ്രശ്നം, പ്രൊഫ. ടി. ജെ. ജോസഫിൻറെ  കൈ വെട്ടിമാറ്റിയ സംഭവം, അദ്ദേഹത്തിൻറ്റെ ഭാര്യ സലോമിയുടെ ആത്മഹത്യ, വൃദ്ധരായ മോനിക്കാദമ്പതികളുടെ ഇരുപത്തഞ്ചുകോടി രൂപ വിലമതിക്കുന്ന ഭൂമി കാഞ്ഞിരപ്പള്ളി രൂപത തട്ടിയെടുത്ത അനീതി, ഗാഡ്ഗിൽ കമ്മറ്റി റിപ്പോർട്ടിനെതിരായി ഇടുക്കി, കാഞ്ഞിരപ്പള്ളി, താമരശേരി മെത്രാന്മാരുടെ അനാവശ്യവും നിരുത്തരവാദിത്വപരവും നിന്ദ്യവുമായ ഇടപെടൽ എല്ലാം ഇതിന് ഉദാഹരണങ്ങളാണ്. മാർത്തോമ്മാ നസ്രാണികളുടെ പൂർവ പാരമ്പര്യവും പൈതൃകവുമായിരുന്ന പള്ളി പൊതുയോഗ തീരുമാനപ്രകാരമുള്ള പള്ളി സ്വയംഭരണത്തെ നിർത്തൽചെയ്ത് വികാരിയെ ഉപദേശിക്കുവാൻമാത്രം അവകാശമുള്ള പാശ്ചാത്യ രീതിയിലുള്ള പാരിഷ്കൗണ്സിൽ മെത്രന്മാർ ഏകപക്ഷിയമായി സഭയിൽ നടപ്പിലാക്കി. ഓരോ രൂപതയിലേയും കോടിക്കണക്കിനുള്ള സ്വത്തിൻറെയും അനുദിന വരവുചെലവിൻറെയും യാതൊരു കണക്കും അതിൻറെ  യഥാർത്ഥ ഉടമസ്ഥരായ സഭാപൌരരെ സഭാധികാരം അറിയിക്കുന്നില്ല. അക്ഷന്തവ്യമായ ഒരു തെറ്റാണിത്. ഇന്നുള്ള സീറോ മലബാർ മെത്രാൻ സിനഡ് സീറോ മലബാർ സഭാ സിനഡല്ല. സീറോ മലബാർ സഭാസിനഡ് എന്നു പറയുന്നത് മെത്രാന്മാരും വൈദിക-സന്യസ്ത-അല്മായ പ്രതിനിധി കളുമടങ്ങുന്ന സഭയുടെ മഹാസമ്മേളനമാണ്. നാളിതുവരെ അങ്ങനെയൊരു സീറോ മലബാർ സഭാസിനഡ് സഭ രൂപീകരിച്ചിട്ടില്ല. സഭയിലെ ഇത്തരം നീറുന്ന പ്രശ്നങ്ങളെപ്പറ്റി കൂടിയാലോചനകൾ നടത്താൻ അല്മായരും അവരുടെ സംഘടനാഭാരവാഹികളും സഭാമേലദ്ധ്യക്ഷന്മാരോട് പലവട്ടം നേരിട്ടും കത്തുവഴിയും ആവശ്യപ്പെട്ടിട്ടും അവർ ഇന്നുവരെ അതിന് മൌനം പാലിക്കുകയാണ് ചെയ്തിട്ടുള്ളത്. മേൽവിവരിച്ച ദുഃഖസത്യങ്ങളെ തിരിച്ചറിയുമ്പോഴാണ് സഭാനവീകരണത്തിൽ വൈദിക പങ്കാളിത്തത്തിൻറെ  പ്രസക്തി മനസ്സിലാക്കാൻ കഴിയുന്നത്.

എഴുപത്തിമൂന്ന് വയസുള്ള ഒരു സന്യാസ വൈദികൻ എനിക്ക് ഇങ്ങനെ എഴുതി: "ലോകത്തെമ്പാടുമുള്ള സീറോ മലബാർ സഭ വഞ്ചിച്ചു പണം പിടുങ്ങുന്ന ഒരു പ്രസ്ഥാനമാണ്. നിങ്ങളേപ്പോലുള്ളവർ യഥാർത്ഥ പുനരവലോകനത്തിലൂടെ മെത്രാന്മാരെയും വൈദികരെയും വെല്ലുവിളിക്കണം. വേറൊരു കുറുക്കുവഴി ഇക്കാര്യത്തിലില്ല." ആയിരക്കണക്കിന് വൈദികരും സന്യസ്തരും സീറോ മലബാർ സഭയിൽ ഇന്ന് സേവനം ചെയ്യുന്നുണ്ട്. ഇടയ്ക്കിടെ വികല വൈദികർ ഉണ്ടെന്നിരുന്നാലും ബഹുഭൂരിപക്ഷം വൈദികരും നല്ലവരും സേവനപ്രിയരുമാണ്. സാധാരണ ജനങ്ങളുടെ ഇടയിലുള്ള അവരുടെ സേവനങ്ങൾ സ്തുത്യർഹവും വിലതീരാത്തതുമാണ്. ഈ വൈദികർ പല വെല്ലുവിളികളെയും നേരിരേണ്ടിവരുന്നുണ്ട്. സീറോ മലബാർ സഭയിലെ മെത്രാന്മാർ അവരുടെ രൂപതകളിലെ കൊച്ചു കൊച്ചു ചക്രവർത്തിമാരാണ്. അവർ പൌരസ്ത്യ കാനോൻ നിയമത്തിന്റെ പിൻബലത്തിൽ നിയമ നിർമ്മാതാക്കളും അധികാര നിർവാഹകരും നീതിന്യായ പാലകരുമായി സഭയെ ഭരിക്കുന്നു. കോർപ്പറേഷൻ മോഡലിലുള്ള രൂപതാഭരണത്തിൽ സഭാശുശ്രൂഷ എന്ന കർമ്മം തമസ്ക്കരിക്കപ്പെടുന്നു. മെത്രാൻറെ കീഴിലുള്ള വൈദികരെ സഭാശുശ്രൂഷയിലെ സഹപ്രവർത്തകരായി കാണാതെ കൊർപ്പറേഷനിലെ ചോട്ടാമാനേജർന്മാരായി കാണുമ്പോൾ ധാരാളം വൈദികർ അസംതൃപ്തരാകും. മെത്രാൻ വൈദികർക്ക് സ്ഥലംമാറ്റം നല്കുമ്പോൾ അർഹതപ്പെട്ട ഇടവക കിട്ടാതെവരുകയും മെത്രാനിഷ്ടമുള്ളവർക്ക് ആ ഇടവക മെത്രാൻ നല്കുകയും ചെയ്യുമ്പോൾ വൈദികരിൽ മോഹഭംഗം ഉണ്ടാകുക വെറും സ്വാഭാവികമാണ്. സഹപുരോഹിതരുടെ തൊഴിൽപരമായ അസൂയയും മെത്രാന്റെ പാദസേവനവും ഒരു വൈദികനെ നിരുത്സാസാഹപ്പെടുത്തുന്ന ഘടകങ്ങളാണ്. കുടുംബജീവിതംപോലെതന്നെ ഒരു വൈദികന്റെ  ഇടവകജീവിതത്തിലും ഉയർച്ചകളും താഴ്ച്ചകളുമുണ്ട്. അതിനു കാരണം ഇടവകകൾ പരിപൂർണ്ണമല്ല എന്നതുതന്നെ. നല്ല ദിവസങ്ങളും ചീത്ത ദിവസങ്ങളും ഒരു വൈദികൻറെ ജീവിതത്തിലുണ്ട്. വെല്ലുവിളികളും അതേസമയം സാധ്യതകളും അവരുടെ ജീവിതത്തിൻറെ ഭാഗമാണ്. വിവാഹം കഴിക്കുകയില്ലന്നുള്ള പ്രതിജ്ഞയോ സഭാസിദ്ധാന്തങ്ങളോ അല്ല ഒരു പുരോഹിതനെ തളർത്തുന്നത്; മറിച്ച് , സ്വന്തം മെത്രാൻറെയും പുരോഹിതസഹോദരങ്ങളുടെയും ചതിയും വഞ്ചനയും കപടതയുമാണ്. ബഹുഭൂരിപക്ഷം വൈദികരും തങ്ങളുടെ വൈദികാന്തസ്സിൽ സന്തുഷ്ടരാണ്. വൈദികനടുത്ത ശുശ്രൂഷയിൽ അവർ അഭിമാനം കൊള്ളുന്നു. കൂദാശാപരികർമ്മത്തിലും രോഗികളെ സന്ദർശിക്കുന്നതിലും വിശ്വാസത്തെ സംരക്ഷിക്കുന്നതിലും കുട്ടികളുടെ നല്ല വളർച്ചയിലും അവർ സന്തോഷവാന്മാരാണ്. എന്നാൽ സോവിയറ്റുയൂണിയനിലെ ഉദ്യോഗസ്ഥ മേധാവിത്വ സ്വഭാവമുള്ള രൂപതാഭരണരീതിയിൽ വൈദികർ അസന്തുഷ്ടരാണ്.

'ആമേൻ' മൂളുന്ന  സഹായികളെയല്ല  ഒരു മെത്രാനുവേണ്ടത്. സത്യസന്ധരും അർപ്പിതമനോഭാവമുള്ളവരും അചഞ്ചലരുമായ  ഉപദേശകരെയാണ് മെത്രാനാവശ്യം. ഒരു വികാരിക്ക് തന്റെ   മെത്രാനെ നേരിൽ കാണാൻ കഴിയണം. ഇടനിലക്കാരുടെ  ഇടപെടൽമൂലം മെത്രാന് നല്കേണ്ട സന്ദേശം നഷ്ടപ്പെടാൻ പാടില്ല. അപ്പനും മകനും പോലെയുള്ള ഒരു ബന്ധമായിരിക്കണം മെത്രാനും ക്ളെർജിയും തമ്മിലുള്ള ബന്ധം. കാരണം, വൈദികർ മെത്രാന്മാരുടെ ആത്മീയ മക്കളും സഹപ്രവർത്തകരുമാണ്. പട്ടം കിട്ടിയ, മെത്രാന്റെ ഒരു കീഴ്ജീവനക്കാരനല്ല, വൈദികൻ. കൂടുതൽ ശബളമോ അവധിയോ ബ്രഹ്മചര്യം ഇല്ലാതാക്കുന്നതോ ഹയരാർക്കി വേണ്ടന്ന് വെയ്ക്കുന്നതോ ഒന്നും ഒരു വൈദികനെ സന്തോഷവാനാക്കുമെന്ന് എനിക്ക് തോന്നുന്നില്ല. മെത്രാൻറെയും സഹപ്രവർത്തകരുടെയും വിശ്വാസികളുടെയും സ്നേഹമാണ് ഈ അജപാലകരുടെ സന്തോഷം. സഭയിലെ കീറാമുട്ടികളായ പല പ്രശ്നങ്ങളിലും ക്ളെർജി അസന്തുഷ്ടരാണ്.  ഇടവകാംഗങ്ങൾക്ക് ഇഷ്ടമില്ലെങ്കിലും കൽദായ ആരാധനക്രമവും പൌരസ്ത്യ കാനോൻനിയമവും പള്ളികളിൽ നടപ്പിലാക്കാനും പേർഷ്യൻ കുരിശ് പള്ളികളിൽ പ്രതിഷ്ഠിക്കാനും സഭാധികാരം ക്ലെർജിയോട് ആവശ്യപ്പെടുന്നത് ഇതിനുദാഹരണങ്ങളാണ്. വൈദികർ ഒരു വിശ്വാസകൂട്ടായ്മയിലാണെന്ന് തിരിച്ചരിയുന്നതിനാലാണ് അവർ ഏത് ബുദ്ധിമുട്ടുകളെയും ഇന്ന് തരണം ചെയ്തുകൊണ്ടിരിക്കുന്നത്. ഒരു മെത്രാനോട് വിയോജിക്കുകയോ അദ്ദേഹത്തിൻറെ  ഇംഗിതത്തിനും പോളിസിക്കും എതിരായി പ്രവർത്തിക്കുകയോ ചെയ്യുമ്പോഴേ സാരമായും വേഗതയിലും ഒരു വൈദികനെ ശിക്ഷിക്കുന്നത് തെറ്റാണ്. പരസ്പരധാരണ സൃഷ്ടിച്ചെടുക്കാനാണ് ഒരു മെത്രാൻ ശ്രമിക്കേണ്ടത്. അവിടെയാണ് യേശുവിന്റെ സ്നേഹചൈതന്യം വ്യക്തമാകുന്നത്. വരാനിരിക്കുന്ന ജീവിതത്തിലെ അനന്തമായ ആനന്ദത്തിനുവേണ്ടി പരിശ്രമിക്കുമ്പോഴും, ഈ ലോകത്തിലെ നീതിയെ നിഷേധിക്കുമ്പോൾ, ആർക്കാണെങ്കിലും അതൃപ്തി ഉണ്ടാകും. വികാരി നല്ലവനെങ്കിൽ അദ്ദേഹത്തെ അഭിനന്ദിച്ചുകൊണ്ട് മെത്രാന് വിശ്വാസികൾ കത്തെഴുതുന്നത് വികാരിയെ സംബന്ധിച്ചിടത്തോളം പ്രോത്സാഹജനകമാണ്.

മാർത്തോമ്മാ നസ്രാണികൾക്ക് എന്നും അഭിമാനമായിരുന്നത് പൊതുയോഗതീരുമാനപ്രകാരമുള്ള അവരുടെ ആഭ്യന്തര സ്വയം പള്ളിഭരണ സമ്പ്രദായമായിരുന്നു. സീറോ മലബാർ സഭയ്ക്ക് സ്വയംഭരണാധികാരം റോമിൽനിന്ന് ലഭിച്ചപ്പോൾ മാർത്തോമ്മാ ക്രിസ്ത്യാനികളുടെ ഈ പഴയ പാരമ്പര്യം പുന:സ്ഥാപിക്കുമെന്ന് നസ്രാണികൾ കരുതി. പക്ഷെ മെത്രാന്മാർ വികാരിയെ ഉപദേശിക്കുന്ന പാശ്ചാത്യ രീതിയിലുള്ള പാരിഷ് കൌണ്സിലാണ് നടപ്പിലാക്കിയത്. മെത്രാന്മാരുടെ ഈ നിലപാടിനോട് വിയോജിക്കുന്ന വൈദികർ സഭയിൽ ഇന്ന് ധാരാളമുണ്ട്. അതുപോലെതന്നെ ഈ അടുത്ത കാലത്ത് നടന്ന കൽദായവൽക്കരണത്തെ എതിർക്കുന്ന നല്ല ശതമാനം വൈദികർ സഭയിൽ ഇന്നുണ്ട്. തല്ഫലമായി പല രൂപതകളിലും തോന്നുന്ന രീതിയിലുള്ള ബലിയർപ്പണവും മറ്റ് ആരാധനാസമ്പ്രദായങ്ങളും ഇന്ന് നിലനില്ക്കുന്നു. നമുക്ക് സ്വന്തവും തദ്ദേശീയവുമായ ഒരു ആരാധനക്രമം രൂപപ്പെടുത്തിയെടുക്കുന്നതിന് സഭയിലെ വൈദികർ സന്നദ്ധരാണന്നുള്ളകാര്യം തീർച്ചയാണ്. ആദിമകാലങ്ങളിൽ റോമാസാമ്രാജ്യത്തിൽ രൂപംകൊണ്ട പൌരസ്ത്യസഭകൾക്കുവേണ്ടി പുതിയ കാനോൻ നിയമങ്ങൾ 1991-ൽ റോം പ്രസിദ്ധീകരിച്ചു. ചരിത്രപരമായി ചിന്തിച്ചാൽ, റോമൻ പൌരസ്ത്യസഭകളുടെ ഭാഗമല്ലാത്ത, മാർത്തോമ്മാ അപ്പോസ്തലനാൽ സ്ഥാപിതമായതുമായ നസ്രാണി സഭക്കും ബാധകമാക്കി ഈ കാനോൻ നിയമം റോം പ്രഖ്യാപിച്ചു. തല്ഫലമായി വൈദികർ രൂപതക്കുവേണ്ടി പട്ടം സ്വീകരിക്കുകയും രൂപതയുടെ അംഗമാകുകയും ചെയ്യുന്നു. രൂപതാർത്തിയിലുള്ള ഏതു് ഇടവക പള്ളിയിലും മെത്രാനദ്ദേഹത്തെ നിയമിക്കാം. ഇക്കാരണത്താൽ ഇടവകാംഗങ്ങളിൽ നിന്നും ഉത്തമരായ വൈദികാർത്ഥികളെ തെരഞ്ഞെടുത്ത് ആ ഇടവകക്കാർ പണം മുടക്കി പട്ടത്തിനു പഠിപ്പിച്ച് ആ ഇടവക്കുവേണ്ടി പട്ടം സ്വീകരിച്ച് ആ ഇടവകയിൽ ശുശ്രൂഷചെയ്യുന്ന ദേശത്തുപട്ടക്കാർ എന്ന മാർത്തോമ്മാ പൈതൃകത്തെ നശിപ്പിച്ച് രൂപതക്കുവേണ്ടി പട്ടമേറ്റ് മെത്രാനുവേണ്ടി ജോലിചെയ്യുന്ന ഗുമസ്ഥൻ രീതിയിലേക്ക് സഭ അധ:പ്പതിച്ചുപോയി. ദേശത്തുപട്ടക്കാർ എന്നും ഇടവകാംഗങ്ങളുടെ കൂടെയായിരുന്നു. അദ്വിതീയസ്ഥാനമായിരുന്നു ഈ ദേശത്തുപട്ടക്കാർക്ക് ഇടവകയിൽ ഉണ്ടായിരുന്നത്. അപ്പോൾ മെത്രാന്റെ കീഴിൽ മെത്രാന്റെ ഇംഗിതത്തിനനുസൃതമായി വെറും അച്ചനായി ജോലി ചെയ്യുന്നതിൽ സങ്കടപ്പെടുന്ന വൈദികരും ധാരാളം കാണും. നസ്രാണി പാരമ്പര്യമനുസരിച്ച് പട്ടക്കാരും എണങ്ങരും വർഗ്ഗവ്യത്യാസമില്ലാതെ ഒറ്റക്കെട്ടായി പ്രവർത്തിച്ചിരുന്ന ഒരു കാലം ഉണ്ടായിരുന്നെന്ന് നാം ഓർമ്മിക്കണം. ആ സ്വരുമയുടെ അഭാവമാണ് അല്മായർ ബഹുമാനരഹിതമായി വൈദികരോട് പെരുമാറുന്നതിന്റെ ഒരു കാരണം.

ഇത്തരം ഗുരുതരമായ പ്രശ്നങ്ങൾ സഭയിൽ നിലനില്ക്കുന്നത് കാണുന്ന വൈദികരും അല്മായരും സഭയുടെ നന്മയ്ക്കായി സഭയെ കാലോചിതമായി നവീകരിക്കണമെന്ന് ആത്മാർഥമായി ആഗ്രഹിക്കുകയും അതിനായി മുറവിളികൂട്ടുകയും ചെയ്യുന്നത് വെറും സ്വാഭാവികമാണ്. സഭ എന്നു പറഞ്ഞാൽ അഭിഷിക്തർ മാത്രമാണന്നും അവരാണ് സഭയെ ഭരിക്കേണ്ടതെന്നും ശേഷിച്ച 99% വരുന്ന വിശ്വാസികൾ വെറും ഏഴാംകൂലികളാണന്നും അനുസരിക്കേണ്ടവരാണന്നുമുള്ള അഹങ്കാരചിന്തയുടെ ധാരാളിത്തം സീറോ മലബാർ മെത്രാന്മാരിൽ ഇന്ന് കൂടുതലായി കാണുന്നുണ്ട്. സഭയിൽ കാലോചിതമായ മാറ്റങ്ങൾ വരുത്തണമെന്ന് ചിന്തിക്കുന്നവരെ സഭാദ്രോഹികളായിട്ടാണ് മേലധ്യക്ഷന്മാർ നോക്കിക്കാണുന്നതുതന്നെ. അവരുടെ ആവലാതികൾക്കോ വേവലാതികൾക്കോ നിവേദനങ്ങൾക്കോ സഭാധികാരം യാതൊരു പരിഗണനയും നല്കാറേയില്ല. ഇടുക്കി ബിഷപ്പ് മാത്യു ആനിക്കുഴിക്കാട്ടിൽ  കോണ്ഗ്രസ് സ്ഥാനാർത്ഥിയുടെ മുഖത്തുനോക്കി അധിക്ഷേപിച്ചു പറഞ്ഞത് ഇതാണ്: " അധികാരം കിട്ടിയാൽ പിന്നെ തണ്ടാ......മന്ത്രി, എം. പി., എം. എൽ . എ . ഒക്കെ ആയാൽ പിന്നെ എല്ലാമായി..." ഈ മെത്രാനോട് തിരിച്ചു ചോദിക്കേണ്ടതും ഇതുതന്നെയല്ലേ? എം. പി. യെ ജനങ്ങൾ തിരഞ്ഞെടുക്കുന്നു. ഈ മെത്രാനെയൊ? ആരു  തിരഞ്ഞെടുത്തു? ഈ മെത്രാൻ 75 വയസ്സുവരെ ഒരേ ഇരുപ്പാ. വൈദികരും അല്മായരും അയാളെ സഹിച്ചേ പറ്റൂ! കേരളമെന്ന സുന്ദരമായ നാട്ടിൽ ജനിച്ച നമ്മൾ പ്രാഥമിക മര്യാദപോലും ഇല്ലാത്ത ഈ മെത്രാന്മാരെ എന്തിന് സഹിക്കണം?

നല്ലവരായ വൈദികരേ, നിങ്ങൾ ഉണരുവിൻ. സഭയിൽ നീതിക്കുവേണ്ടി നിങ്ങൾ പോരാടുവിൻ. നിങ്ങൾ സേവനം ചെയ്യുന്ന, നിങ്ങൾ ശുശ്രൂഷിക്കുന്ന, നിങ്ങൾ സ്നേഹിക്കുന്ന നിങ്ങളുടെ ആത്മീയ സഹോദരീസഹോദരന്മാരോട് ഒത്തുചേർന്ന് നമ്മുടെ സഭയുടെ നന്മക്കുവേണ്ടി നിങ്ങൾ പ്രയത്നിക്കുവിൻ.  സഭാനവീകരണത്തിനായി ആത്മാർഥമായി പരിശ്രമിക്കുന്നവരെ നിങ്ങൾ പ്രോത്സാഹിപ്പിക്കുവിൻ. സഭാനവീകരണക്കാരെ സഭാധികാരം സഭാവിരോധികളായി മുദ്രകുത്തുമ്പോൾ നിങ്ങൾ അവർക്ക് അത്താണിയാകുവിൻ. നിങ്ങളുടെ നിസംഗത സഭയുടെ പരാജയമാണന്ന് നിങ്ങൾ തിരിച്ചറിയുവിൻ. നിങ്ങളുടെ മൌനം സഭയ്ക്ക് നഷ്ടമാണ്. നിങ്ങളുടെ പ്രസംഗപീഠങ്ങളുപയോഗിച്ച് സഭയെ നേർവഴിക്കുകൊണ്ടുവരുവാൻ  അല്മായരെ നിങ്ങൾ സന്നദ്ധരാക്കുവിൻ.

നിങ്ങളിൽത്തന്നെ പേരുദോഷം കേൾപ്പിക്കുന്ന വൈദികരെ വൈദികാന്തസിൽനിന്നും പുറത്താക്കാൻ നിങ്ങളുടെ മേലധികാരികളിൽ നിങ്ങൾ സമ്മർദം  ചെലുത്തുവിൻ. 'കൊക്കന്മാർ' നിങ്ങൾക്ക് നാണക്കേടാണ് വരുത്തിവെക്കുന്നത്. മെത്രാന്മാരോട് നിങ്ങൾ വിധേയത്വം പ്രതിജ്ഞ  ചെയ്തിട്ടുണ്ടെങ്കിലും സഭയിൽ വൃത്തികേടുകൾ നടക്കുമ്പോൾ ഉറക്കെ ശബ്ദിക്കാൻ  നിങ്ങളുടെ നീതിബോധം നിങ്ങളെ പ്രാപ്തരാക്കട്ടെ.