ലോകത്തിന്റെ വെളിച്ചം

Sicily Varghese

ഫ്രാൻസിസ് മാർപ്പാപ്പ - ലോകത്തിന്റെ പുതിയ വെളിച്ചം
വിശ്വാസങ്ങളിലും ആചരാനുഷ്ടാനങ്ങളിലും അസാരം വൈവധ്യം പുലർത്തുന്ന ഒരു ജനതയെ സംബന്ധിച്ചിടത്തോളം ആശ്വാസദായകമാണ് പോപ്പ് ഓരോ അവസരത്തിലും നടത്തുന്ന പ്രസ്താവനകൾ
ക്രിസ്തു മതത്തെക്കുറിച്ച് ,ഈശ്വരവിശ്വാസത്തെക്കുറിച്ച്, നീരീശ്വ രന്റെ മോക്ഷപ്രാപ്തിയെക്കുറിച്ച് എല്ലാം ഫ്രാൻസിസ് മാർപ്പാപ്പ യുടെ കണ്ടെത്തലുകൾ മാനവരാശിക്ക് പുതു വെളിച്ചവും പുത്തൻ ഉണർവ്വുമാണ് നൽകുന്നത് .ഏതൊരു മനുഷ്യന്റെയും ആത്യന്തിക ലക്ഷ്യം മോക്ഷ പ്രാപ്തിയാണ്.ദൈവമുണ്ട് ,ദൈവമില്ല എന്നു പറയുന്നവരും , 'സത്യമില്ല' എന്നു പറയുന്നില്ല . സത്യത്തെ ഈശ്വരനായി കാണുന്നവർ ധാരാളം .ദൈവവിശ്വാസം ഓരോ വ്യക്തിയുടെയും കാര്യമാണ്. എന്ന് അസന്നിഗ്ത്തമായി മാർപ്പാപ്പ പറയുന്നതിൽ സമാധാനത്തിന്റെ സാഹോദര്യത്തിന്റെ ഏറ്റം ഔന്നത്യ ഭാവമാണ് ദർശിക്കുന്നത് . ലോകസമാധാനത്തിന് അടിത്തറയാണ് ആ വാക്കുകൾ .....''ഒരു ദൈവമേയുള്ളു .അവൻ എല്ലാവർക്കുംവേണ്ടി തന്നെത്തന്നെ മോചന മൂല്യമായി നൽകി യേശുവിന്റെ ഈ വചനം സഭ പൂർണമായ അർത്ഥത്തിൽ ഉൾക്കൊ ണ്ടിട്ടുണ്ടോ എന്ന സ്വയം വിമർശനത്തിനുള്ള നാന്ദിയയിട്ടു വേണം പോപ്പിന്റെ പ്രസ്താവനയെ സഭ കാണാൻ .ഓരോ മതങ്ങൾക്കും വ്യത്യസ്തമായ ആചാരങ്ങളും അനുഷ്ടാനങ്ങളും പ്രതീകങ്ങളുമാണ് ഉള്ളതെങ്കിലും അവയിലെ കാതലായ മൂല്യങ്ങൾ ഒന്ന് തന്നെയാണ്. സ്വന്തം മതത്തിലെ നന്മകളെ പുകഴ്ത്തുന്നതിനൊപ്പംതന്നെ നന്മയല്ലത്ത കാര്യങ്ങൾ തിരിച്ചറിയാനും ശുദ്ധികരിക്കാനും മതനേതാക്കൾക്കാകണം. ഇപ്പോഴിതാ സഭയിലെ ആഡംബര ഭ്രമത്തെക്കുറി ച്ച് മാർപ്പയ്ക്ക് സൂചിപ്പിക്കേണ്ടി വന്നിരിക്കുന്നു .വൈദീകരും സിസ്റ്റെഴുസും സമൂഹത്തിനു മാതൃക ആവുന്നില്ല എന്നത് കഷ്ടമാണ് .രാജ്യഭരണകർത്താക്കളെപ്പോലെയോ അതിലും മോടിയായോ സുഖ സൌകര്യിങ്ങൾ ഏർപ്പെടുത്തുന്നതിൽ സഭ ഒട്ടും പിന്നിലല്ലന്നുള്ളത് വിശ്വാസികൾക്ക് വലിയ ഉതപ്പാണ്.വൻ തോതിൽ പിരിച്ചും സംഭാവനകൾ സ്വീകരിച്ചും ആർഭാടത്തിന്റെയും പണക്കൊഴുപ്പിന്റെയും ഉത്തമോദാഹരണങ്ങളായി നാടിന്റെ നാനാദിക്കിലും തലയുയർത്തി നിൽക്കുന്ന പള്ളികൾ ആതാതു പ്രദേശത്തെ ജനങ്ങളെ ക്രിസ്തീയ വിശ്വാസത്തിന്റെ വിശ്വസനീയതക്ക് കോട്ടം തട്ടിക്കുകയല്ലാതെ ആക്കം കൂട്ടില്ല എന്നത് യാഥാർത്യമാണ് അത്രതന്നെ പ്രാധാന്യ മർഹിക്കുന്ന ഒന്നാണ് വിലകൂടിയ വാഹനങ്ങൾ സഭാശു ശ്രൂഷകർ ഒഴിവാക്കണം എന്ന മാർപ്പായുടെ പ്രസ്താവന എല്ലാ മതവിഭാഗക്കാരും ദൈവദത്തരാണ് എന്ന മഹനീയ കാഴ്ച്ച പ്പാടിലേക്ക് ലോകം എത്തപ്പെടുന്നതിനു വഴി കാട്ടിയാവട്ടെ ഈ പുതിയ വെളിച്ചം.