ഇതു പോരാട്ടത്തിന്റെ ഒരു തുടക്കം മാത്രമാണ്

Adv Indulekha Joseph (from face book)

22 മണിക്കൂർ മുമ്പ് · 

സിസ്റ്റർ മേരി സെബാസ്റ്റിയന് അവരുടെ സേവനങ്ങൾ പരിഗണിച്ചു സഭ 5 ലക്ഷം രൂപ നഷ്ടപരിഹാരം നൽകി. 

സിസ്റ്ററിന്റെ ധൈര്യത്തിന് മുമ്പിൽ സഭ അടിയറവു പറഞ്ഞു. കന്യാസ്ത്രീ മഠങ്ങളുടെ അകത്തളങ്ങളിൽ വീർപ്പുമുട്ടി കഴിയുന്ന സ്ത്രീകളുടെ ദീനരോദനം നമുക്ക് കേട്ടില്ല എന്ന് നടിക്കാനാവില്ല. നമ്മുടെ മറിയ സിസ്റ്റർ തന്നെ സഹികെട്ടിട്ടാണ് ഈ അഞ്ചു ലക്ഷം രൂപക്ക് സമ്മതം മൂളിയത്. ഹയർ സെക്കന്ററി സ്കൂൾ ടീച്ചർ ആയ അവരെ പണികളഞ്ഞു വീട്ടിൽ ഇരുത്തുമെന്നു പറഞ്ഞു സഭയിലെ മേലാളന്മാർ ഭീഷണി പെടുത്തി. ഇത്തരം ഇത്തരം  ഭീഷണിക്കു മുന്നിൽ അവരെ പോലൊരു സ്ത്രീക്ക് എന്ത് ചെയ്യാൻ കഴിയും?മാനസികമായി നിരന്തരം പീഡിപ്പിക്കുന്ന ഒരു അവസ്ഥയിൽ ഇനിയും സമരമുഖത്ത് തുടർന്നാൽ താൻ മരിച്ചു പോകും എന്ന അവസ്ഥ എത്തിയപ്പോഴാണ് സഭയുടെ ഈ തുച്ഛമായ തുക കൈപ്പറ്റി സിസ്റ്റർ പിന്മാറിയത്. ഇന്നു രാവിലെ ഫോണിൽ എന്നോട് സംസാരിച്ച സിസ്റ്ററിന്റെ വാക്കുകൾ. "കാലങ്ങൾ കഴിഞ്ഞു ഇന്നു ഞാൻ ആദ്യമായി സമാധാനത്തിന്റെ സ്വാതത്ര്യത്തിന്റെ സന്തോഷം അറിഞ്ഞു. " സിസ്റ്ററിന്റെ സന്തോഷത്തിൽ ഞാനും പങ്കു ചേരുന്നു. ഇതു പോരാട്ടത്തിന്റെ ഒരു തുടക്കം മാത്രമാണ്. നിശ്ശബ്ദരാക്കപ്പെട്ട ഈ നിരാലംബർക്കു വേണ്ടി ശബ്‌ദിക്കുവാൻ എന്റെ അവസാന ശ്വാസം വരെ ഞാൻ പോരാടും. ഞങ്ങളുടെ സംഘടനയായ കെ. സി. ആർ. എം. പോരാടും.അതിനു എന്ത് വില തന്നെ കൊടുക്കേണ്ടി വന്നാലും.