ധ്യാനഗുരുക്കന്മാരുടെ ശ്രദ്ധയ്ക്ക്

ഫാ. ജെയിംസ്‌ പന്നാംകുഴി ഒ.എസ്.ബി സത്യദീപത്തില്‍ പ്രസധീകരിച്ച കത്ത്

കഴിഞ്ഞ ലക്കം (42) സത്യദീപത്തില്‍ ബഹു. ജോസഫ് പാംപ്ലാനിയച്ചന്‍ എഴുതിയ ആദ്ധ്യാത്മികമേഖലയിലെ നൂതന പ്രവണതകള്‍ എന്ന ലേഖനം വായിച്ചപ്പോഴാണ് ഈ കുറിപ്പ് എഴുതുവാന്‍ പ്രേരണയുണ്ടായത്. ആധുനികലോകത്തില്‍ സഭയിലെ ആദ്ധ്യാത്മിക പ്രസ്ഥാനങ്ങള്‍ക്കു സംഭവിച്ചുകൊണ്ടിരിക്കുന്ന ന്യൂനതകള്‍, വിപത്തുകള്‍, അപകടങ്ങള്‍ തുടങ്ങിയവ എന്തെല്ലാമാണെന്ന് അച്ചന്‍ തന്റെ ലേഖനത്തിലൂടെ പറഞ്ഞു വയ്ക്കുകയായിരുന്നു. വളരെ നാളുകളായി ഇത്തരം പ്രസ്ഥാനങ്ങള്‍ സാധാരണക്കാരായ ആളുകളെ വിശ്വാസത്തില്‍ വളര്‍ത്തുന്നതിനു പകരം അന്ധവിശ്വാസത്തിലേയ്ക്കു നയിക്കുകയാണോ എന്നു സംശയിക്കേണ്ടിയിരിക്കുന്നു.

പാംപ്ലാനിയച്ചന്‍ പാപത്തെക്കുറിച്ചു പറഞ്ഞതിനോടു ചില കാര്യങ്ങള്‍ കൂടി കൂട്ടിച്ചേര്‍ക്കാന്‍ ഞാന്‍ ആഗ്രഹിക്കുകയാണ്. പല ധ്യാനഗുരുക്കന്മാരും പാപത്തെക്കുറിച്ചു വളരെ തെറ്റായ ധാരണകളാണു ജനങ്ങളില്‍ ഉണര്‍ത്തുന്നത് എന്നു കുമ്പസാരം എന്ന കൂദാശ പരികര്‍മം ചെയ്യുമ്പോള്‍ മനസ്സിലാക്കാന്‍ കഴിയും. പലപ്പോഴും പാപങ്ങളല്ലാത്തവയെയും ലഘുവായ പാപങ്ങളെയും മാരകപാപങ്ങളാക്കി അവതരിപ്പിക്കുന്നതുകൊണ്ട് ആളുകള്‍ അസ്വസ്ഥരാകുന്നു എന്നതു തിരിച്ചറിയേണ്ടതാണ്. ഉദാഹരണത്തിന്, അമ്പലത്തില്‍ പോകരുത്, അതിന്റെ മുറ്റത്തുകൂടി നടക്കരുത്, പരിസരത്തുപോലുമോ പ്രവേശിക്കരുത് എന്നൊക്കെ പറഞ്ഞാല്‍ ക്ഷേത്രപരിസരത്തുകൂടിയാണു വീട്ടിലേയ്ക്കു പോകേണ്ട വഴിയെങ്കില്‍ ആ വ്യക്തികള്‍ എന്നും പാപം ചെയ്തുകൊണ്ടിരിക്കുകയല്ലേ? അതിനോടു ചേര്‍ന്നുപോകുന്നതാണ് അരവണപ്പായസം തിന്നരുത് എന്നതും. അരവണപ്പായസം തിന്നുന്നതു ഗൗരവമേറിയ പാപമാണ് എന്നു പ്രഘോഷിക്കുന്നവര്‍ കര്‍ത്താവായ ഈശോമിശിഹായുടെ പ്രബോധനങ്ങളും പൗലോസ് ശ്ലീഹായുടെ പ്രബോധനവും മനസ്സിലാക്കാഞ്ഞിട്ടാണോ എന്നറിയില്ല. മിശിഹാ പറയുന്നു, പുറമേനിന്ന് ഉളളിലേയ്ക്കു കടന്ന്, ഒരുവനെ അശുദ്ധനാക്കാന്‍ ഒന്നിനും കഴിയുകയില്ല. ഉള്ളില്‍ നിന്നു പുറപ്പെടുന്നവയാണ് ഒരുവനെ അശുദ്ധനാക്കുന്നത് (മര്‍ക്കോ. 6:15). വീണ്ടും പൗലോസ് ശ്ലീഹാ കോറിന്തോസിലെ സഭയോടു പറയുന്നു, അവിശ്വാസിയായ ഒരുവന്‍ നിന്നെ ഭക്ഷണത്തിനു ക്ഷണിക്കുകയും പോകാന്‍ നീ ആഗ്രഹിക്കുകയും ചെയ്താല്‍ വിളമ്പിത്തരുന്നതെന്തും മനശ്ചാഞ്ചല്യം കൂടാതെ ഭക്ഷിച്ചുകൊള്ളുക. എന്നാല്‍ ആരെങ്കിലും നിന്നോട് ഇതു ബലിയര്‍പ്പിച്ച വസ്തുവാണ് എന്നു പറയുന്നുവെങ്കില്‍, ഈ വിവരം അറിയിച്ച ആളെക്കരുതിയും മനഃസാക്ഷിയെക്കരുതിയും നീ അതു ഭക്ഷിക്കരുത്. നിന്റെ മനഃസാക്ഷിയല്ല അവന്റേതാണ് ഞാന്‍ ഉദ്ദേശിക്കുന്നത് (1 കോറി. 10:27-28). ഒരു ഭക്ഷണം കഴിക്കുന്നതു പോലെ അരവണപ്പായസം കഴിച്ചാല്‍ അത് എങ്ങനെ പാപമാകും എന്നു ചിന്തിക്കേണ്ടതുണ്ട്. ഈ വചനങ്ങളുടെ അടിസ്ഥാനത്തില്‍ ഇതൊക്കെ വളരെ ഗൗരവമേറിയ പാപങ്ങളായാണു പല നൂതന വാഗ്മികളും പ്രഘോഷിക്കുന്നത്; പ്രത്യേകിച്ചും അല്മായസഹോദരന്മാര്‍. എന്നാല്‍ മറ്റു ഗൗരവമേറിയ പാപങ്ങള്‍ പലപ്പോഴും അവഗണിക്കപ്പെട്ടു പോകുന്നുണേ്ടാ എന്നതു സംശയിക്കണം. പാപികളെ സ്‌നേഹിക്കുകയും അവരോടൊപ്പം ഭക്ഷണം കഴിക്കുകയും ചെയ്തുകൊണ്ട് എല്ലാവരെയും സ്‌നേഹിക്കാന്‍ പഠിപ്പിച്ച ഈശോയുടെ പ്രബോധനങ്ങളോടു യോജിക്കുന്ന ചിന്താധാരയാണോ ഇതെന്നു പരിശോധിക്കേണ്ടതല്ലേ?

കൗണ്‍സലിംഗ് എന്ന ഓമനപ്പേരില്‍ ചിലര്‍ നടത്തുന്ന പ്രഹസനം ഗുണത്തേക്കാളേറെ ദോഷം ചെയ്യാറുണെ്ടന്നതും തിരിച്ചറിയേണ്ടതാണ്. ഒരു ഉദാഹരണം പറയാം. അടുത്തകാലത്ത് ഒരു സ്ഥലത്തു കുമ്പസാരത്തിനു പോയി. കുമ്പസാരം കഴിഞ്ഞു പുറത്തിറങ്ങിയപ്പോള്‍ ഒരു വീട്ടമ്മ എന്തോ സംസാരിക്കണം എന്നു പറഞ്ഞു കാത്തുനില്ക്കുകയാണ്. എന്താണ് എന്നു ചോദിച്ചപ്പോള്‍ വളരെ വിഷമത്തോടെ അവരുടെ കുടുംബപ്രശ്‌നം പറഞ്ഞു. മകള്‍ക്കു വിവാഹപ്രായമായിട്ടും വിവാഹം നടക്കുന്നില്ല. അതിനാല്‍ ഒരു ധ്യാനത്തിനു വിട്ടാല്‍ പ്രാര്‍ത്ഥിച്ച് ഒരുങ്ങുമല്ലോ എന്നു കരുതി ഒരു ധ്യാനകേന്ദ്രത്തില്‍ ധ്യാനത്തിനയച്ചു. ധ്യാനദിവസങ്ങളില്‍ കൗണ്‍സലിംഗ് നടത്തിയ സഹോദരന്‍ പറഞ്ഞത്രേ നിന്റെ മാതാപിതാക്കള്‍ക്കു വേണ്ടാത്ത സമയത്തുണ്ടായ കുട്ടിയാണ് നീ. അതുകൊണ്ട് നിന്നെ അവര്‍ക്ക് ഇഷ്ടമില്ല; അതാണു നിന്റെ വിവാഹം നടക്കാത്തതിന്റെ കാരണം. ഈ വാക്കുകള്‍ കേട്ട പെണ്‍കുട്ടിക്കു മാതാപിതാക്കളോട് എന്തെന്നില്ലാത്ത വെറുപ്പു തോന്നി. ധ്യാനം കഴിഞ്ഞു വീട്ടില്‍ മടങ്ങിയെത്തിയ കുട്ടി മാതാപിതാക്കളോട് ഒന്നും സംസാരിച്ചില്ല എന്നു മാത്രമല്ല അവരോടു വെറുപ്പു കാണിക്കാനും തുടങ്ങി. കാരണമന്വേഷിച്ചപ്പോള്‍ കുട്ടി കോപത്തോടെ അമ്മയോടു പറഞ്ഞതാണിവ.

ഒരു ധ്യാനകേന്ദ്രത്തില്‍ ഒരു വിരുതന്‍ പ്രസംഗിച്ചതാണ്, പിതാക്കന്മാര്‍ തനിയെ വീട്ടിലുള്ളപ്പോള്‍ പെണ്‍കുട്ടികളെ തനിയെ ആക്കിയിട്ടു പോകാന്‍ പാടില്ല. ചില സ്ഥലങ്ങളില്‍ ചില ഒറ്റപ്പെട്ട അരുതാത്ത സംഭവങ്ങള്‍ ഉണ്ടായിട്ടുണ്ടായിരിക്കാം. എല്ലാവരും അങ്ങനെയാണെന്നു കരുതി അതിനെ പൊതുവായി കാണുന്നത് എത്രമാത്രം ആശാസ്യമായിരിക്കും? ഇതു കേള്‍ക്കുന്ന ഒരു മാതാവിന്റെയും മകളുടെയും വികാരമെന്തായിരിക്കും? കുടുംബകലഹത്തിന് ഇതു കാരണമായിത്തീരില്ലേ?

ഇത്തരത്തിലുള്ള ധാരാളം തെറ്റുകളും തെറ്റിദ്ധാരണകളും നിറഞ്ഞ ധ്യാനങ്ങള്‍ ഇന്നു നടക്കുമ്പോള്‍ ഇവയെല്ലാം വിശ്വാസികള്‍ക്ക് എന്ത് ആദ്ധ്യാത്മികതയുണ്ടാക്കുന്നു എന്നതു ബന്ധപ്പെട്ടവര്‍ ചിന്തിക്കേണ്ടതാണ്.

ചരിത്രങ്ങളും അറ്റ്ലാന്റ്റായിലെ സീറോ മലബാര് കണ്വെന്ഷനും

അറ്റ്ലാന്‍റ്റായിലെ ഇന്റര്‍നാഷണല്‍ കണ്‍വെന്‍ഷന്‍ സെന്‍റ്റില്‍വെച്ചു നടക്കാന്‍ പോകുന്ന അമേരിക്കന്‍ സീറോ-മലബാര്‍ കണ്‍വെന്‍ഷന്റെ പ്രവര്‍ത്തകര്‍ പുറത്തുവിട്ട ഹ്രസ്വ പ്രസ്താവനയും കാര്യപരിപാടിയും

അതിന്റെ (program) വീഡിയോ ക്ലിപ്പും കാണുവാനിടയായി.

(പ്രസ്തുത വീഡിയോ കാണുവാന്‍ ഇവിടെ ക്ലിക്ക് ചെയ്യുക)

വന്‍ സന്നാഹങ്ങളോടെ ഒരുങ്ങുന്ന കണ്‍വെന്ഷനിലേക്ക്

അഭിവന്ദ്യ തിരുമേനിമാര്‍, കേരള രാഷ്ട്രീയ നേതാക്കന്മാര്‍, മന്ത്രിമാര്‍, അമേരിക്കയിലെയും കേരളത്തിലെയും മത-സാമൂഹിക നേതാക്കന്മാര്‍ മുതല്‍പേര്‍ പങ്കെടുക്കുന്നതായും വാര്‍ത്താ വിനിമയങ്ങളിലും ടെലിവിഷന്‍ ചാനലുകളിലും അനേക വെബ്‌പേജുകളിലുംപ്രസിദ്ധികരിച്ചിട്ടുണ്ട്. അമേരിക്കയിലെ ഷിക്കാഗോ കേന്ദ്രമായ സീറോ-മലബാര്‍ രൂപതയുടെ കീഴിലുള്ള എല്ലാ പള്ളികളും ഒത്തൊരുമിച്ചുള്ള സംയുക്ത സംരഭമാണ് ഈ കണ്‍വെന്‍ഷന്റെ ഒരുക്കങ്ങളില്‍ ഉടനീളം പ്രതിഫലിച്ചു കാണുന്നതും.

സീറോ-മലബാര്‍ സഭയുടെ  ശ്രേഷ്ഠ മെത്രാപോലീത്തായായ കര്‍ദ്ദിനാള്‍ ആലഞ്ചേരിയും ചിക്കാഗോ രൂപതാ മെത്രാന്‍ മാര്‍ അങ്ങാടിയത്തും വികാരി ജനറാള്‍ ഫാദര്‍ ആന്റണി തുണ്ടത്തിലും മറ്റു സഭാനേതാക്കന്മാരും ഒത്തൊരുമിച്ചു അമേരിക്കന്‍ ഐക്യ നാടുകളിലും കാനഡായിലും വസിക്കുന്ന സീറോ മലബാര്‍ വിശ്വാസികളെയും അവരുടെ മക്കളെയും യുവ തലമുറയെയും കണ്‍വെന്‍ഷനിലേക്ക് സ്വാഗതം ചെയ്തിട്ടുണ്ട്. അമേരിക്കയിലെ ആദികാല കുടിയേറ്റക്കാരില്‍ ഒരാളും കേരള കത്തോലിക്കാ സംഘടനകളുമായി അനേകകാല പരിചയമുള്ള  ഒരു വ്യക്തിയെന്ന നിലയില്‍ അറ്റ്ലാന്റാ കണ്‍വെന്‍ഷനില്‍ നടക്കാന്‍ പോകുന്ന ചില കാര്യങ്ങള്‍ ഈ അവസരത്തില്‍ അല്‍മായ ശബ്ദം വായനക്കാരുടെ ശ്രദ്ധയില്‍ കൊണ്ടുവരുവാന്‍ ആഗ്രഹിക്കുന്നു.

അമേരിക്കന്‍ സീറോ-മലബാര്‍ പള്ളികളുടെ ആരംഭകാല പ്രവര്‍ത്തനങ്ങളെയും ആദ്യകാല പ്രവര്‍ത്തകരെയും ഷിക്കാഗോ രൂപതയുടെ ഉദയത്തെയും അനുബന്ധിച്ചുള്ള ചരിത്രസത്യങ്ങള്‍ ഒന്നു പരിശോധിക്കട്ടെ . സീറോ മലബാര്‍ സഭയുടെ ആദ്യത്തെ ചരിത്ര കണ്‍വെന്‍ഷന്‍ ഡോ. ജെയിംസ് കുറിച്ചിയുടെ നേതൃത്വത്തില്‍ അനേക അല്‍മായരുടെ പരിശ്രമഫലമായി 1999 ആഗസറ്റ് 13-15 തിയതികളില്‍ ഫിലാഡെല്‍ഫിയായില്‍ വെച്ചു നടത്തപ്പെട്ടു. ചരിത്രത്തിന്റെ ചവിട്ടുപടിയായി അന്നു അരങ്ങേറിയ സീറോ-മലബാര്‍ കണ്‍വെന്‍ഷന്‍ ആദ്യസംരംഭം എന്ന നിലയില്‍ ഒരു വന്‍വിജയമായിരുന്നു.

അന്നത്തെ പ്രവര്‍ത്തകരുടെ രാപകലില്ലാത്ത അക്ഷീണ പരിശ്രമഫലമായി രൂപം കൊണ്ട കണ്‍വെന്‍ഷനില്‍ അമേരിക്കയിലെ വിവിധ സംസ്ഥാനങ്ങളില്‍ നിന്നായി ഏകദേശം മുന്നൂറോളം കുടുംബങ്ങള്‍ പങ്കെടുത്തു. അഭിമാനപൂര്‍വ്വം അമേരിക്കന്‍ മലയാളി കത്തോലിക്കര്‍ കാഴ്ച വെച്ച ആ കണ്‍വെന്‍ഷനില്‍ അന്നത്തെ ശ്രേഷ്ഠ മെത്രാപോലീത്താ കര്‍ദിനാള്‍ വിതയത്തിലും അമേരിക്കന്‍ കത്തോലിക്കരുടെ ആത്മീയ ചുമതലകള്‍ വഹിച്ചിരുന്ന മാര്‍ കരോട്ടംബ്രേലും ഇന്നത്തെ ശ്രേഷ്ഠ മെത്രാപോലീത്താ കര്‍ദ്ദിനാള്‍ ആലഞ്ചേരിയും ഷിക്കാഗോ രൂപതാ അധ്യക്ഷന്‍ മാര്‍ അങ്ങാടിയത്തും സന്നിഹിതരായിരുന്നു.

അന്നു കണ്‍വെന്‍ഷനില്‍ പ്രവര്‍ത്തിച്ചവരും പങ്കെടുത്തവരും അനേക കുടുംബങ്ങളുമൊത്തു പില്‍ക്കാലത്ത് സീറോ മലബാര്‍ കാത്തലിക്ക് കോണ്ഗ്രസ് (SMCC) എന്ന ഒരു സംഘടന രൂപവല്‍ക്കരിച്ചു. കൂടാതെ അമേരിക്കയില്‍ ഒരു സീറോ മലബാര്‍ രൂപതാ സ്ഥാപിതമാകണമെന്നുള്ള ആഗ്രഹങ്ങള്‍ പ്രകടിപ്പിക്കുകയും രൂപതാ സ്ഥാപനത്തിന്റെ ആവശ്യകതയെപ്പറ്റി മാര്‍ കരോട്ടംബ്രേലിനോട് അഭ്യര്‍ഥിക്കുകയും ചെയ്തു.

ചരിത്രം മാപ്പു കൊടുക്കാത്ത വിധം ഇങ്ങനെ ഒരു സ്വപ്ന

സാഷാത്ക്കാരത്തിനായി പ്രവര്‍ത്തിച്ചവരെ പുറം വാതില്‍ക്കൂടി തള്ളി കളഞ്ഞു പുരോഹിതവര്‍ഗം പിന്നീട് ഇവര്‍ക്കെതിരെ ഒരു വലയം സൃഷ്ടിക്കുകയായിരുന്നു. തങ്ങള്‍ അപമാനിതരാകുമെന്നും സ്വന്തം തലകള്‍ പുരോഹിത കഷങ്ങളില്‍ അമര്‍ത്തപ്പെടുമെന്നും അന്നത്തെ പ്രവര്‍ത്തകര്‍ക്ക് മനസിലാക്കുവാന്‍ സാധിച്ചില്ല. ഇതിലെ പ്രവര്‍ത്തകരുടെ ചിരകാല സ്വപ്നമായിരുന്ന ഷിക്കാഗോ രൂപതാ 2001-ല്‍ സ്ഥാപിതമായി.

പിന്നീട് 2001 ജൂലൈ 1-3 തിയതികളില്‍ ഷിക്കാഗോയില്‍ വെച്ച് SMCC യുടെ ഷിക്കാഗോ ചാപ്റ്റര്‍ ചെയര്‍മാനായിരുന്ന പരേതനായ ഡോ. ഉമ്മന്‍ ജോസഫിന്റെ നേതൃത്വത്തില്‍ രണ്ടാമത്തെ കണ്‍വെന്‍ഷന്‍ ഷിക്കാഗോയില്‍ വെച്ചു നടത്തുകയുണ്ടായി. ആ നാളുകളില്‍ ആയിരുന്നു ഷിക്കാഗോ രൂപതാ നിലവില്‍വന്നതും രൂപതയുടെ പ്രഥമ മെത്രാനായി മാര്‍ അങ്ങാടിയത്തിന്റെ പട്ടാഭിഷേകവും സ്ഥാനാരോഹണം നടത്തിയതും.

എന്നാല്‍ രൂപതയുടെ ആവിര്‍ഭാവത്തോടെ അല്മായരാല്‍ നടത്തപ്പെട്ടു പോന്നിരുന്ന SMCC സംഘടനക്കു കണ്‍വെന്‍ഷനുകള്‍ തുടര്‍ന്നു നടത്തികൊണ്ടു പോകുവാന്‍ സാധ്യത ഇല്ലാതെ തടസ്സങ്ങള്‍ നേരിട്ടു. മാത്രവുമല്ല ഇങ്ങനെ ഒരു രൂപതയ്ക്ക് അടിസ്ഥാനമിട്ട അല്‍മായരുടെ SMCC സംഘടനയെ രൂപതാ അടിസ്ഥാനത്തില്‍ നിര്‍വീര്യമാക്കി. പുരോഹിതരുടെ കറുത്ത കൈകള്‍ ആദികാല പ്രവര്‍ത്തകരുടെ അര്‍പ്പിത സേവനങ്ങളെ കറിവേപ്പിലപോലെ കാറ്റില്‍പറപ്പിച്ചു അധികാരം മുഴുവനായി പിടിച്ചെടുത്തു. അങ്ങനെ അല്മേനികളെ തങ്ങളുടെ വരുതിയിലുമാക്കി.

2003-ല്‍ ഒരു സീറോ മലബാര്‍ കണ്‍വെന്‍ഷന്‍ രൂപതാ അടിസ്ഥാനത്തില്‍ ന്യൂജേഴ്സിയില്‍വെച്ചു  ആഘോഷിക്കുകയുണ്ടായി. അത് പുരോഹിതര്‍ സംഘടിപ്പിച്ച ആദ്യത്തെ അല്‍മായ കണ്‍വെന്ഷനും ആയിരുന്നു.  യഥാര്‍ഥത്തില്‍ ഇതു അലമായരുടെ മൂന്നാമത്തെ കണ്‍വെന്‍ഷനാനണെന്നുള്ള സത്യം പണ്ഡിത വേഷധാരികളായ പുരോഹിതരും മനസാക്ഷി നശിച്ച ഷിക്കാഗോ രൂപതയും മറച്ചു  വെച്ചുകൊണ്ട് ഒന്നാം സീറോമലബാര്‍ കണ്‍വെന്‍ഷന്‍ ആക്കി.

ചരിത്രത്തിന്റെ ഭാഗമായ മലയാളി അല്മേനികളുടെ SMCC യെ എന്തുകൊണ്ടു ഷിക്കാഗോ അധികൃതര്‍ നിരുപാധികം തഴഞ്ഞുവെന്നു അഭിവന്ദ്യ അങ്ങാടിയത്ത് തിരുമേനിക്ക് ഒന്നു വ്യക്തമാക്കാമോ? അതിനു പ്രധാനമായി രണ്ടു കാരണങ്ങള്‍ ചൂണ്ടികാണിക്കാം. അല്‍മായ സംഘടനകളെ തകര്‍ക്കുകയെന്നുള്ള വൈദികരുടെ നിര്‍ബന്ധ ബുദ്ധിയാണ് ഒന്നാമത്തെ കാരണം. അല്‍മായ നേതൃത്വത്തില്‍ പുരോഹിതര്‍ക്ക് പരിഭ്രാന്തിയും സ്വാഭിമാനവും നഷ്ടപ്പെടുമെന്നും എന്തോ കുറവുണ്ടാകുമെന്നും അവര്‍ തെറ്റി ധരിക്കുന്നു. പുരോഹിതരെ സംബന്ധിച്ചിടത്തോളം അല്മായരില്‍ അധികാരം ചോരുന്നത് സഹിക്കുവാനും സാധിക്കുന്നില്ല.

വൈദിക മേലാളന്മാരുടെ കിരാത വ്യവസ്ഥിതിയില്‍ അല്മെനികള്‍ എന്നും അടിമകളായി കഴിയുന്നതാണ് പുരോഹിതര്‍ക്കു താല്‍പ്പര്യം. അല്മെനികളെ വൈദികര്‍ക്കു ഒരിക്കലും വിശ്വാസമില്ല. സദാ അല്മേനിയുടെമേല്‍ സംശയവും. രണ്ടാമത്തെ കാരണം മാമ്മോന്‍ പുരോഹിതനെ മത്തു പിടിപ്പിക്കുന്നതാണ്. ധനത്തിനുള്ള അത്യാഗ്രഹം പുരോഹിത ലോകത്തെ അധപതിപ്പിച്ചിരിക്കുന്നു. SMCC യുടെ നേതൃത്വത്തില്‍ കണ്‍വെന്‍ഷന്‍ നടത്തിയാല്‍ അതില്‍നിന്നു ലഭിക്കുന്ന വരുമാനം രൂപതയ്ക്ക് നഷ്ടപ്പെടുമെന്നും ഭീതിയുണ്ട്. SMCC ക്ക് കണ്‍വെന്‍ഷനില്‍നിന്നു ലഭിക്കുന്ന വരുമാനത്തിന്റെ 25 ശതമാനം മതി ബാക്കിയുള്ളത് രൂപതയ്ക്കു മുഴുവനായി എടുക്കാമെന്നും SMCC ഭാരവാഹികള്‍ രൂപതാ അധികാരികളെ അറിയിച്ചിരുന്നു. എന്നാല്‍ സ്വാര്‍ത്ഥ താല്പര്യക്കാരായ രൂപതാ അധികാരികള്‍ കണ്‍വെന്‍ഷനുകള്‍ നല്ല വരുമാന മാര്‍ഗമായി കാണുകയും SMCC യെ മാറ്റി നിര്‍ത്തി രൂപതാ അടിസ്ഥാനത്തില്‍ കണ്‍വെന്‍ഷനുകള്‍ പുരോഹിതര്‍ക്ക് പാട്ടുപാടുന്ന അല്‍മായരുടെ ചുമതലകളില്‍ ആരംഭിക്കുകയും ചെയ്തു.

2004 വര്‍ഷത്തില്‍ SMCC ന്യൂ യോര്‍ക്കില്‍വെച്ച് മൂന്നാമത്തെ സീറോ മലബാര്‍ രൂപതാ കണ്‍വെന്‍ഷന്‍ സംഘടിപ്പിച്ചു. എന്നാല്‍ 2005-ല്‍ രൂപതാ അടിസ്ഥാനത്തില്‍ മറ്റൊരു കണ്‍വെന്‍ഷന്‍ വരുന്നുവെന്ന് പള്ളികളില്‍ വിളിച്ചു പറഞ്ഞ് കണ്‍വെന്‍ഷനില്‍ സംബന്ധിക്കുവാന്‍ ഇരുന്ന കുടുംബങ്ങളെയും സംബന്ധിക്കുന്നതിനെയും നിരുത്സാഹപ്പെടുത്തി. അങ്ങനെ SMCC നടത്തുവാന്‍ ഇരുന്ന കണ്‍വെന്‍ഷനു തുരങ്കം വെച്ചു. ഷിക്കാഗോ രൂപതയുടെ പ്രചാരണ തന്ത്രങ്ങളില്‍ SMCC യുടെ കണ്‍വെന്‍ഷന്‍ പരാജയപ്പെടുകയും ചെയ്തു.  2009-ല്‍ SMCC യുടെ പത്താം വാര്‍ഷികം ഫിലാഡല്ഫിയയില്‍വെച്ചു നടത്തുകയുണ്ടായി. എങ്കിലും ഷിക്കാഗോ രൂപതയുടെ കീഴിലുള്ള പള്ളികളില്‍ എല്ലാം അന്നേ ദിവസം ഓരോരോ പ്രത്യേക പരിപാടികള്‍ സംഘടിപ്പിച്ചിരുന്നു. വളരെ ചുരുക്കം കുടുംബങ്ങള്‍ മാത്രമേ ആ കണ്‍വെന്ഷനില്‍ പങ്കെടുത്തുള്ളൂ. ആഗോള കത്തോലിക്കാസഭയില്‍ കാണുന്ന അല്മേനികളോടുള്ള സഭാധികാരികളുടെ അവഗണനകള്‍ അങ്ങാടിയത്തിന്റെ ഷിക്കാഗോ രൂപതവരെ പ്രതിഫലിക്കുന്നതും SMCC സംഘടനയെ നിര്‍വീര്യം ആക്കിയതില്‍ക്കൂടി വ്യക്തമാണ്.

രൂപതയുടെ സ്ഥാപനം മുതല്‍ രൂപത നടത്തിപ്പിനും പ്രവര്‍ത്തനങ്ങള്‍ക്കുമായി അമേരിക്കന്‍ മലയാളികള്‍ അകമഴിഞ്ഞ് രൂപതയെ സഹായിച്ചിട്ടുണ്ട്. അനുസരണയും പ്രാര്‍ഥനയും പണം കൊടുക്കലും അല്മേനിക്ക് മാത്രമുള്ളതാണ്. പണം ശേഖരിക്കുവാനും കൈകാര്യം ചെയ്യുവാനും പിന്നെ നേതൃത്വവും പുരോഹിതനു മാത്രം. അല്മേനിക്ക് പള്ളി കൃഷിയില്‍ പണം നിഷേപിക്കാം. മുതലും പലിശയും പള്ളിക്കും. ഇവര്‍ക്ക് സ്തുതി പാടുവാനും ധൂപക്കുറ്റി വീശുവാനും സ്ഥിരം അള്‍ത്താരയെ പറ്റിപ്പിടിച്ചു ജീവിച്ചുപഠിച്ച കുറെ പുണ്യ ആത്മാക്കളും പള്ളിക്കു ചുറ്റുമുണ്ട്. ഇപ്പോള്‍ ഇവരാണു അറ്റ്ലാന്റാ കണ്‍വെന്ഷന്‍ ഭാരവാഹികളും.

അറ്റ്ലാന്‍റാ കണ്‍വെന്‍ഷന്റെ ഉദ്ദേശങ്ങളെപ്പറ്റി ഫാ. തുണ്ടത്തില്‍ പറഞ്ഞത് മാര്‍ത്തോമ്മാ അപ്പസ്തോലന്റെ "വിശ്വാസം, പാരമ്പര്യം, മൂല്യം" അടങ്ങിയ കാര്യങ്ങള്‍ വിശ്വാസികളില്‍ വര്‍ദ്ധിപ്പിക്കുകയെന്നതാണ്. മാര്‍ത്തോമ്മായുടെ വരവിനെപ്പറ്റി ഇങ്ങനെ അബദ്ധങ്ങള്‍ പഠിപ്പിക്കുന്ന തുണ്ടത്തിലിനെപ്പോലുള്ളവരും കണ്‍വെന്‍ഷന്റെ തലപ്പത്തുണ്ട്. ചരിത്രത്തെ വികൃതമാക്കി അമേരിക്കയില്‍ വളരുന്ന കുഞ്ഞുങ്ങളെപ്പോലും ഇവര്‍ തെറ്റായ ചരിത്രം പഠിപ്പിക്കുകയാണ്.

തോമായുടെ പാരമ്പര്യം തോമായുടെ മാര്‍ഗവും വഴിപാടും ആണ്. 1991ലെ പൌരസ്ത്യ കാനോന്‍ നിയമപ്രകാരം അതു കേരളത്തിലെ സീറോ മലബാര്‍ സഭയ്ക്ക് ഇല്ലാതെയുമായി. വഴിപാടുകള്‍ ഭക്ഷിക്കുവാന്‍ ക്ലാവര്‍ കുരിശും വടികളുമേന്തി അഭിവന്ദ്യ തിരുമേനിമാരും, കതിനാകുറ്റി, ധുപക്കുറ്റി പിടിക്കുന്നവരും തൊട്ടുപിന്നില് വെറുംജോലി ചെയ്തു ക്ഷീണിതരായ ‍അല്‍മായ തേനീച്ചകളും ഉണ്ട്. പിന്നെ ഫാ. തുണ്ടത്തില്‍ ഉദ്ദേശിക്കുന്നത് അല്മേനികളുടെ എതിര്‍പ്പിനെ അവഗണിച്ചു മെത്രാന്റെ ശ്ലൈഹികബലം ഉപയോഗിച്ചു ഏകപക്ഷീയമായി ക്ലാവര്‍കുരിശും വിരിയും തൂക്കുന്നതാണോ? കുരിശിന്റെയും ശീലയുടെയും പേരില്‍ കുടുംബങ്ങളെ തമ്മില്‍ പരസ്പരം തല്ലിച്ചു സമാധാനം ആയി ജീവിച്ചിരുന്ന കുടുംബങ്ങളെ ഭിന്നിപ്പിക്കുന്നതാണോ?

തൂങ്ങപ്പെട്ട രൂപം കിടക്കുന്ന അള്‍ത്താരയുടെ മുമ്പില്‍ ‍ ഫാ. തുണ്ടത്തില്‍ വീഡിയോയില്‍ സംസാരിക്കുന്നത് ഒന്നു ശ്രദ്ധിക്കൂ?  ഇവരാണോ കോപ്പന്‍ പള്ളിയിലും ഗാര്‍ലാണ്ട് പള്ളിയിലും ക്ലാവര്‍കുരിശും ശീലയും തൂക്കണമെന്നു നിര്‍ബന്ധം പിടിച്ചവര്‍. ഇവര്‍ എന്തുകൊണ്ടു തെക്കുംഭാഗരുടെ (ക്നാനയ കത്തോലിക്കരുടെ) പള്ളികളില്‍ തൂങ്ങപ്പെട്ട രൂപം വെക്കുവാന്‍ അനുവദിക്കുന്നു? എന്താ വടക്കുംഭാഗക്കാര്‍ രണ്ടാം കെട്ടിലെ മക്കളാണോ? മെത്രാനായാല്‍ ക്ലാവര്‍കുരിശും വടിയും പിടിച്ചു നടന്നാല്‍ പോരാ, കുറച്ചു കൂടി വിവരവും തത്വദീക്ഷകളൊക്കെയുംവേണം. ഇല്ലെങ്കില്‍ സഭയ്ക്കുതന്നെ ഇവര്‍ അപമാനമായിരിക്കും.

അല്മേനികള്‍ക്ക് കൂദാശ സംബന്ധിച്ച കാര്യങ്ങള്‍ക്കു, പ്രത്യേകിച്ചു മക്കളുടെ വിവാഹം വരുന്ന സമയങ്ങളില്‍ മെത്രാന്റെയും പുരോഹിതരുടെയും കാലുകള്‍ പിടിക്കേണ്ട ദയനീയ സ്ഥിതിയാണ് കാലാകാലങ്ങളായി സീറോ മലബാര്‍ സഭയുടെ ചരിത്രത്തിലുള്ളത്. അല്ലെങ്കില്‍ കെട്ടു കണക്കിനു പണം പുരോഹിതന്റെ കീശയില്‍ എത്തിക്കണം.

സമാധാനമായി ജീവിച്ചിരുന്ന അമേരിക്കന്‍ പ്രവാസികളില്‍ ഷിക്കാഗോയിലെ സീറോ മലബാര്‍ രൂപതാധികാരികള്‍ പലവിധ പ്രാചീന പരിഷ്കാരങ്ങള്‍ കൊണ്ടുവന്ന് ചിന്താക്കുഴപ്പത്തില്‍ എത്തിച്ചിരിക്കുകയാണ്. അമേരിക്കയില്‍ എഴുപതുകളിലും എണ്പതുകളിലും കുടിയേറിയ പ്രവാസികള്‍ തങ്ങളുടെ അദ്ധ്യാത്മിക ആവശ്യങ്ങള്‍ക്കായി ലത്തീന്‍ രൂപതകളെ ആശ്രയിച്ചിരുന്നു. അവരുടെ മക്കള്‍ക്ക്‌ ലത്തീന്‍ ആചാരപ്രകാരം മാമോദീസാ, വിവാഹം മുതലായ ചടങ്ങുകള്‍ നിര്‍വഹിക്കുകയും ചെയ്തു. എങ്കിലും അവരുടെ വിയര്‍പ്പുഫലം ആയി നിര്‍മ്മിച്ച പള്ളികളും ഹാളുകളും ഇപ്പോള്‍ മെത്രാന്റെ അധീനതയിലും ആയി. അവരുടെ അദ്ധ്വാന ഫലം അനുഭവിക്കുന്നത് പുതിയ കുടിയേറ്റക്കാരാണ്. അടുത്ത കാലത്തായി നൂറു കണക്കിന് പുതിയ വിശ്വാസികള്‍ പള്ളി നിറച്ചും കാണാം. ഇതാണു സീറോ മലബാര്‍ സഭയുടെ ഇന്നത്തെ സ്ഥിതി.

അമേരിക്കയിലെ സീറോ മലബാര്‍ രൂപതകൊണ്ട് എന്തു നേട്ടമാണുള്ളത്? യഥാര്‍ഥത്തില്‍ സ്ഥാപിത സഭക്ക് വന്‍നേട്ടം ഉണ്ടായി. പുതിയ ഒരു മെത്രാന്‍, മെത്രാന്റെ അരമന, ഒന്‍പതു മില്യന്‍ മുടക്കി പണി കഴിപ്പിച്ച ഒരു വന്‍ കത്തീദ്രല്‍പള്ളി, അനേകം വൈദികര്‍ക്കു അമേരിക്കയില്‍ കടക്കുവാനുള്ള അവസരം. വിളവുകള്‍ കുറവെങ്കിലും കൊയ്ത്തുകാരോ അനേകര്‍, വന്‍തുകകള്‍ സമ്പാദിക്കുവാന്‍ വൈദികര്‍ക്കു കിട്ടുന്ന സുവര്‍ണ്ണാവസരം. എന്നാല്‍ സഭയുടെ ദൈവമക്കളായ അല്മേനികള്‍ പുരോഹിത മേല്‍ക്കോയ്മ മൂലം മാനസികമായ പീഡനവും അധഃപതനവും എന്നും ഏറ്റുവാങ്ങി.

ഇതിന്റെ പരിണിതഫലമായി കുടുംബങ്ങള്‍ തമ്മിലും ക്ലാവര്‍ കുരിശും വിരിയും പ്രശ്നങ്ങളാക്കി എന്നും കലഹത്തിലും. ഇതിന്റെയിടയില്‍ പക്ഷം പിടിക്കുവാന്‍ ഒരു പുരോഹിതനും കാണും. കുടുംബങ്ങള്‍ തമ്മില്‍ സമാധാനം സൃഷ്ടിക്കുന്നതിനു പകരം തമ്മില്‍ വിഭജിപ്പിച്ചു. അതിന്റെ ഫലം  കൊയ്തെടുക്കുവാന്‍ രൂപതയും ശ്രമിക്കുന്നു. അടുത്ത കാലത്ത് സഹികെട്ട മലയാളി കുടുംബങ്ങള്‍ സീറോ മലബാര്‍ പള്ളികളില്‍നിന്നും ലത്തീന്‍ രൂപതയിലേക്ക് ചേക്കേറി. രൂപതയായി രൂപതയുടെ പാടായിയെന്നു ചിന്തിച്ചു പള്ളി രാഷ്ട്രീയത്തില്‍നിന്നും ഒഴിഞ്ഞു മാറി സമാധാനമായി ചിലര്‍ ജീവിക്കുന്നു.

അല്‍മായനേതൃത്വത്തെ നശിപ്പിച്ചു പല നേതാക്കന്മാരെയും പുരോഹിത ഗുരുക്കള്‍ നല്ല അനുസരണയുള്ള കുഞ്ഞാടുകളും ആക്കി. നിര്‍ഗുണരും നിര്‍ദോഷികളും ആയ കുഞ്ഞാടുകള്‍ ഇന്ന് കണ്‍വഷന്റെ നേതൃത്വം അലങ്കരിക്കുന്നു. അവരുടെ മക്കളെ ഒന്നു സ്റ്റേജിലും കര്‍ദ്ദിനാള്‍ മെത്രാന്മാര്‍ക്കൊപ്പം ഫോട്ടോയിലും പോസ് ചെയ്തു കഴിഞ്ഞാല്‍ സ്വര്‍ഗം കിട്ടിയ സായൂജ്യവും അച്ചന്മാരുടെ നല്ലവരായ ഈ പ്രവര്‍ത്തകര്‍ക്ക് ലഭിക്കും. തേനീച്ചകളെപോലെ പണിയും എടുത്തുകൊള്ളും. തേന്‍ കുടിക്കുന്നതു ബിഷപ്പും അച്ചന്മാരും.

മെത്രാനും അച്ചന്മാരും തേനിച്ചകള്‍ക്ക് സമയാസമയങ്ങളില്‍ വേണ്ട നിര്‍ദ്ദേശങ്ങള്‍ നല്‍കി കണ്‍വഷനെ നിയന്ത്രിച്ചാല്‍ മതി. ഇവരുടെ പിന്നാലെ സഞ്ചരിക്കുന്ന അല്മെനികള്‍ മൂഢസ്വര്‍ഗത്തില്‍ തന്നെ. പുരോഹിത വലയത്തില്‍ നാളെ ചതിക്കപ്പെടുമെന്നും ഇവര്‍ അറിയുന്നില്ല. ഇവരുടെ മക്കളെ തോമ്മാ സ്ലീഹാക്ക് അടിമ വെച്ചിട്ടും പൈതൃകത്വം പഠിപ്പിച്ചിട്ടും ഒരെറ്റ എണ്ണം പോലും സീറോ മലബാര്‍ പള്ളിയിലേക്കു തിരിഞ്ഞു നോക്കുന്നില്ല. അങ്ങാടിയത്ത് പിതാവും പുരോഹിതരും ഏകദേശം ഒരു പതിറ്റാണ്ട് ശ്രമിച്ചിട്ടും ഒരു മനുഷ്യനെയെങ്കിലും പുതിയതായി ക്രിസ്ത്യാനിയും ആക്കുവാന്‍ സാധിച്ചിട്ടില്ല.

ബിലാത്തി മലയാളി വാരാന്ത്യം: Week 27 of 2012

നേതൃത്വം ടി.പി. കൊലപാതകത്തില്‍ തങ്ങള്‍ക്കു പങ്കില്ല എന്ന് ആവര്‍ത്തിച്ചു പറഞ്ഞു കൊണ്ടിരുന്നപ്പോഴാണ്, എം.എം. മണി പ്രസംഗത്തിന്റെ ലഹരിയില്‍ പലതും വിളിച്ചു പറഞ്ഞത്. അതേത്തുടര്‍ന്നുണ്ടായ നാടകീയ സംഭവങ്ങള്‍ മാധ്യമാങ്ങളിലൂടെ നമ്മള്‍ അറിഞ്ഞു. ഈയടുത്ത ദിവസം മണിയെ പോലീസ് അഞ്ചു മണിക്കൂറോളം ചോദ്യം ചെയ്യുകയുണ്ടായി. അതിന്റെ വിശേഷങ്ങളാണ് ഇത്തവണത്തെ വാരാന്ത്യത്തിലെ മണി കുടുക്കില്‍ നിന്ന് കുടിക്കിലേക്ക് എന്ന ലേഖനത്തില്‍.

മലയാള സാഹിത്യത്തിന്റെ ഒരു ഒഴിഞ്ഞ കോണില്‍ ബഹളം ഉണ്ടാക്കാതെ കേരളത്തിന് വെളിയില്‍, (ഡല്‍ഹിയിലും പിന്നീട് ബ്രിട്ടീഷ്‌ ഗയാനയിലും) ജീവിച്ച്, കേരളത്തില്‍ മടങ്ങിയെത്തി വിശ്രമജീവിതം നയിച്ചിരുന്ന അധികമാരും കേട്ടിരിക്കാനിടയില്ലാത്ത എഴുത്തുകാരനാണ് പി.ജെ. മേനോന്‍ എന്ന ജയദേവന്‍. എഴുതിയവ വളരെകുറച്ചാണെങ്കിലും വായിചിട്ടുള്ളവരുടെ ഓര്‍മ്മയില്‍ നിന്ന് മറയുകയില്ലാത്ത കൃതികള്‍. ആ ജയദേവന്‍ അന്തരിച്ചു. ഒതുങ്ങി ജീവിച്ച അദ്ദേഹത്തിന്റെ ചരമം ആഘോഷിക്കപ്പെട്ടില്ല, ഭാഗ്യം! സേതുവിന്‍റെ അനുസ്മരണം – ജയദേവനെ ഓര്‍ക്കുമ്പോള്‍.

പതിവ് വായനാവിഭവങ്ങളുമായി ഈ ആഴ്ചത്തെ ബിലാത്തി മലയാള വാരാന്ത്യം തയ്യാറായിരിക്കുന്നു.

പുതിയ ബിലാത്തി വാരാന്ത്യം ഡൌണ്‍ലോഡ് ചെയ്യുവാന്‍ ഇവിടെ ക്ലിക്ക് ചെയ്യുക.

ദശാംശം എന്നത് ഇന്ന് ഒരു തര്‍ക്ക വിഷയമാണ്

ദശാംശം എന്നത്  ഇന്ന് ഒരു തര്‍ക്ക വിഷയമാണ് . എനിക്ക് മനസിലായത്  പലതരം ദശാംശം ഉണ്ടെന്നാണ് .അന്നത്തെ പ്രാദേശിക സഭകളുടെ നടത്തിപ്പിനായി ഉണ്ടായിരുന്ന ഒരുദശാംശം , പുരോഹിതരുടെ "ഉപജീവനത്തിന് വേണ്ടി മാത്രം ". ( പലലക്കോ , രഥമോ, കൊട്ടാരമോ , ഉധ്യാനമോ , ആടംബരത്തിനോ അല്ലായിരുന്നു ).

 പിന്നെ ദൈവത്തിനുള്ളത് . ആരും നാളിതു വരെ കാണാത്ത , എല്ലാം ഉള്ള ദൈവത്തിനെന്തിന്  ദശാംശം എന്നത് ന്യായമായ സംശയം .

അപ്പോള്‍ എന്റെ കൊച്ചു പുത്തിയില്‍ ( ബുദ്ധിയില്ലത്തതുകൊണ്ട് അതെഴുതാന്‍ പറ്റില്ലല്ലോ ) മനസിലായത്  ഇങ്ങനെയാണ്  .

മത്തായി 25:31-46 വരെ വായിക്കുമ്പോള്‍ ദൈവത്തിനു കൊടുക്കുന്നതെങ്ങനെയെന്നു മനസിലാവും .

31

മനുഷ്യപുത്രൻ തന്റെ തേജസ്സോടെ സകലവിശുദ്ധദൂതന്മാരുമായി വരുമ്പോൾ അവൻ തന്റെ തേജസ്സിന്റെ സിംഹാസനത്തിൽ ഇരിക്കും.

32

സകല ജാതികളെയും അവന്റെ മുമ്പിൽ കൂട്ടും; അവൻ അവരെ ഇടയൻ ചെമ്മരിയാടുകളെയും കോലാടുകളെയും തമ്മിൽ വേർതിരിക്കുന്നതുപോലെ വേർതിരിച്ചു,

33

ചെമ്മരിയാടുകളെ തന്റെ വലത്തും കോലാടുകളെ ഇടത്തും നിറുത്തും.

34

രാജാവു തന്റെ വലത്തുള്ളവരോടു അരുളിച്ചെയ്യും: എന്റെ പിതാവിനാൽ അനുഗ്രഹിക്കപ്പെട്ടവരേ, വരുവിൻ; ലോകസ്ഥാപനംമുതൽ നിങ്ങൾക്കായി ഒരുക്കിയിരിക്കുന്ന രാജ്യം അവകാശമാക്കിക്കൊൾവിൻ.

35

എനിക്കു വിശന്നു, നിങ്ങൾ ഭക്ഷിപ്പാൻ തന്നു, ദാഹിച്ചു നിങ്ങൾ കുടിപ്പാൻ തന്നു; ഞാൻ അതിഥിയായിരുന്നു, നിങ്ങൾ എന്നെ ചേർത്തുകൊണ്ടു;

36

നഗ്നനായിരുന്നു, നിങ്ങൾ എന്നെ ഉടുപ്പിച്ചു; രോഗിയായിരുന്നു, നിങ്ങൾ എന്നെ കാണ്മാൻ വന്നു; തടവിൽ ആയിരുന്നു, നിങ്ങൾ എന്റെ അടുക്കൽ വന്നു.

37

അതിന്നു നീതിമാന്മാർ അവനോടു: കർത്താവേ, ഞങ്ങൾ എപ്പോൾ നിന്നെ വിശന്നു കണ്ടിട്ടു ഭക്ഷിപ്പാൻ തരികയോ ദാഹിച്ചു കണ്ടിട്ടു കുടിപ്പാൻ തരികയോ ചെയ്തു?

38

ഞങ്ങൾ എപ്പോൾ നിന്നെ അതിഥിയായി കണ്ടിട്ടു ചേർത്തുകൊൾകയോ നഗ്നനായി കണ്ടിട്ടു ഉടപ്പിക്കയോ ചെയ്തു?

39

നിന്നെ രോഗിയായിട്ടോ തടവിലോ എപ്പോൾ കണ്ടിട്ടു ഞങ്ങൾ നിന്റെ അടുക്കൽ വന്നു എന്നു ഉത്തരം പറയും.

40

രാജാവു അവരോടു: എന്റെ ഈ ഏറ്റവും ചെറിയ സഹോദരന്മാരിൽ ഒരുത്തന്നു നിങ്ങൾ ചെയ്തേടത്തോളം എല്ലാം എനിക്കു ചെയ്തു എന്നു ഞാൻ സത്യമായിട്ടു നിങ്ങളോടു പറയുന്നു എന്നു അരുളിച്ചെയ്യും.

41

പിന്നെ അവൻ ഇടത്തുള്ളവരോടു: ശപിക്കപ്പെട്ടവരെ, എന്നെ വിട്ടു പിശാചിന്നും അവന്റെ ദൂതന്മാർക്കും ഒരുക്കിയിരിക്കുന്ന നിത്യാഗ്നിയിലേക്കു പോകുവിൻ.

42

എനിക്കു വിശന്നു, നിങ്ങൾ ഭക്ഷിപ്പാൻ തന്നില്ല; ദാഹിച്ചു, നിങ്ങൾ കുടിപ്പാൻ തന്നില്ല.

43

അതിഥിയായിരുന്നു, നിങ്ങൾ എന്നെ ചേർത്തുകൊണ്ടില്ല; നഗ്നനായിരുന്നു, നിങ്ങൾ എന്നെ ഉടുപ്പിച്ചില്ല; രോഗിയും തടവിലും ആയിരുന്നു, നിങ്ങൾ എന്നെ കാണ്മാൻ വന്നില്ല എന്നു അരുളിച്ചെയ്യും.

44

അതിന്നു അവർ: കർത്താവേ, ഞങ്ങൾ നിന്നെ വിശക്കുന്നവനോ ദാഹിക്കുന്നവനോ അതിഥിയോ നഗ്നനോ രോഗിയോ തടവിലോ ആയി എപ്പോൾ കണ്ടു നിനക്കു ശുശ്രൂഷ ചെയ്യാതിരുന്നു എന്നു ഉത്തരം പറയും. അവൻ അവരോടു:

45

ഈ ഏറ്റവും ചെറിവരിൽ ഒരുത്തന്നു നിങ്ങൾ ചെയ്യാഞ്ഞേടത്തോളമെല്ലാം എനിക്കു ആകുന്നു ചെയ്യാഞ്ഞതു എന്നു ഞാൻ സത്യമായിട്ടു നിങ്ങളോടു പറയുന്നു എന്നു ഉത്തരം അരുളും.

46

ഇവർ നിത്യദണ്ഡനത്തിലേക്കും നീതിമാന്മാർ നിത്യജീവങ്കലേക്കും പോകും.”

ശിഷ്യൻ എന്നു വെച്ചു ഈ ചെറിയവരിൽ ഒരുത്തന്നു ഒരു പാനപാത്രം തണ്ണീർ മാത്രം കുടിപ്പാൻ കൊടുക്കുന്നവന്നു പ്രതിഫലം കിട്ടാതെ പോകയില്ല എന്നു ഞാൻ സത്യമായിട്ടു നിങ്ങളോടു പറയുന്നു.”

“ഈ ശിശുവിനെ എന്റെ നാമത്തിൽ ആരെങ്കിലും കൈക്കൊണ്ടാൽ എന്നെ കൈക്കൊള്ളുന്നു; എന്നെ കൈക്കൊള്ളുന്നവനോ എന്നെ അയച്ചവനെ കൈക്കൊള്ളുന്നു; നിങ്ങളെല്ലാവരിലും ചെറിയവനായവൻ അത്രേ വലിയവൻ ആകും” എന്നു അവരോടു പറഞ്ഞു.




. ദശംശത്തെപ്പറ്റിയുള്ള വാക്യങ്ങള്‍ കൊടുക്കുന്നു , വായിച്ചു നിങ്ങളുടെ മനോധര്മംപോലെ ചെയ്യുക .

നിയമാവര്‍ത്തനത്തിലെ ദശാംശവും കേരള കത്തോലിക്കാ സഭയും പിന്നെ സുപ്പീരിയര്‍മാരും

നിയമാവര്‍ത്തനത്തിലെ  ദശാംശവും കേരള കത്തോലിക്കാ സഭയും പിന്നെ സുപ്പീരിയര്‍മാരും 
യഹൂദ പൌരോഹിത്യ പാരമ്പര്യത്തില്‍ എഴുതപ്പെട്ട നിയമാവര്‍ത്തന പുസ്തകത്തില്‍ പറയുന്ന ദശാംശം ഈ അടുത്ത കാലത്താണ്  കത്തോലിക്കാ സഭയില്‍ ചൂഷണ മാര്‍ഗമാകാന്‍ പോകുന്നത്. അമേരിക്കയിലെ പണക്കൊതിയരായ ഇവാന്‍ജെലിക്കള്‍, പന്തക്കുസ്ത്ത , ടെലി ഇവാന്‍ജെലിക്കല്‍ തുടങ്ങിയ പ്രസ്ഥാനക്കാര്‍  ശുദ്ധമനസ്കരായ വിശ്വാസികളുടെ പണം പിഴിയാന്‍ വേണ്ടി പഴയനിയമ പത്തിലൊന്ന് പണപ്പിരിവ് സിദ്ധാന്ധം ദുരുപയോഗിച്ച്ചു കൊടീശ്വരന്മാരും ചൂഷകരും ആയി. അതിന്റെ ചുവടു പിടിച്ചു കേരളത്തിലെ പെന്തോക്കൊസ്ഥ വിഭാഗങ്ങളും ദശാംശം പിരിച്ചു പണക്കാരും എസ്റ്റേറ്റ്‌ ഉടമകളും ആയി. കത്തോലിക്കാ സഭയില്‍ ഈ അടുത്ത കാലത്ത് ചില കരിസ്മാടിക് സ്വാധീനത്തിന്റെയും പെന്തക്കോസ്ത സാമ്പത്തിക ശാസ്ത്രത്തിന്റെയും വിജയം കണ്ട കത്തോലിക്ക മെത്രാന്‍ സംഘവും ദശാംശം എന്ന പണപ്പിരിവ് ചൂഷണം ആരംഭിക്കുന്നതിന്റെ സൂചനയാണ്  പുതിയ ദശാംശ സാമ്പത്തിക വരുമാന സഭാശാസ്ത്രം. എന്നാല്‍ അതിനു കൂട്ട് പിടിക്കുന്നത്‌ ബൈബിളില്‍ നിന്നുള്ള വാക്കുകളും. താഴെ പറയുന്ന "തിരു വചന" ഭാഗമാണ് പ്രസ്തുത  വചനഭാഗം. ഈ മെത്രാന്മാര്‍ അവരുടെ ഇടയ ലേഖനങ്ങളില്‍ കൂട്ടിച്ചേര്‍ക്കാന്‍ അത്മായ ശബ്ദം ശ്രമിക്കണം. ബൈബിള്‍ ക്വോട്ട് ചെയ്യുമ്പോള്‍ മുഴുവനും വേണം. മുറിച്ചു പറയുന്നത് സത്യം മൂടിവക്കല്‍ ആണ്. സത്യം മാത്രമേ നിങ്ങളെ സ്വതന്ത്രരാക്കൂ.
നിയമാവര്‍ത്തനം 14-22 മുതല്‍ 29 വരെ ഇങ്ങനെ പറയുന്നു. ദൈവ വചനം അല്ലെ ? അനുസരിച്ചേ പറ്റൂ മെത്രാന്മാരെ.
"വര്ഷം തോറും നിന്റെ വയലിലെ സകല  ഫലങ്ങളുടെയും ദശാംശം മാറ്റിവക്കണം. നിന്റെ ദൈവമായ കര്‍ത്താവ് തന്‍റെ നാമം സ്ഥാപിക്കുന്നതിന് തെരഞ്ഞെടുക്കുന്ന സ്ഥലത്ത് അവിടുത്തെ മുന്നില്‍ വച്ചു നിന്റെ ധാന്യങ്ങളുടെയും വീഞ്ഞിന്റെയും എണ്ണയുടെയും ദശാംശവും ആടുമാടുകളുടെ കടിഞ്ഞൂലും നീ ഭക്ഷിക്കണം"
ദശാംശം മാറ്റി വക്കുന്നത് നിനക്കും നിന്റെ കുടുംബത്തിനും ഭക്ഷിച്ചു ആഘോഷിക്കാന്‍ ആണ് എന്ന് അര്‍ഥം. അല്ലാതെ മതത്തിന് വേണ്ടി ആണ് എന്ന് പറയുന്നില്ല. ഈ ഭാഗം അവര്‍ ആരെയും വായിച്ചു കേള്‍പ്പിക്കില്ല. കാരണം വരവ് ക ഇല്ല ക, ജനം ദശാംശം ചെലവു ക ആക്കും.
24 -...26 "ദൈവമായ കര്‍ത്താവ് നിന്റെ നാമം സ്ഥാപിക്കാന്‍ തെരഞ്ഞെടുത്ത സ്ഥലം നിനക്ക് ദശാംശം കൊണ്ടുപോകാന്‍ സാധികാത്ത ദൂരെ ആണെങ്കില്‍ , നീ സമൃദ്ധിയായി അനുഗ്രഹിക്കപ്പെടുമ്പോള്‍ , ആ ഫലങ്ങള്‍ വിറ്റ് പണമാക്കി  അവിടുന്ന് തെരഞ്ഞെടുത്തിരിക്കുന്ന സ്ഥലത്ത് പോകണം.അവിടെ വച്ചു ആ പണം കൊണ്ട് നിനക്ക് ഇഷ്ടമുള്ള കാളയോ ആടുകളോ  വീഞ്ഞോ ശക്തിയുള്ള ലഹരിപാനീയങ്ങളോ വാങ്ങാം.നിന്റെ ദൈവമായ കര്‍ത്താവിന്റെ മുന്‍പില്‍ വച്ചു ഭക്ഷിച്ചു നീയും നിന്റെ കുടുംബാങ്ങങ്ങളും ആഹ്ലാദിക്കുവിന്‍."
ഇത്രയും നല്ല ദൈവം വേറെ ആരുണ്ട്‌. മനുഷ്യന്‍ നല്ല ഭക്ഷണവും വീഞ്ഞും ലഹരിയുള്ള മദ്യവും കഴിച്ചു കുടുംബ സമേതം വക്കേഷന് പോയി ആഹ്ലാദിക്കാന്‍ പറയുന്ന ദൈവം. ഇവിടെ ആദ്യം നിന്റെ ദശാംശം എങ്ങിനെ നീയും നിന്റെ കുടുംബവും ആസ്വദിക്കണം എന്നാണ്. ഈ കാര്യം ഏതെങ്കിലും പാസ്ടര്‍ മാരോ മേത്രാന്മാരോ പ്രസംഗിച്ചു  കേട്ടിട്ടില്ല. അവര്‍ ഈ വക കാര്യങ്ങള്‍ പറഞ്ഞാല്‍ ദൈവദൂഷണം ആകുമല്ലോ. പത്തിലൊന്ന് പോയിട്ട് നൂറിലൊന്നു പോലും കിട്ടില്ല എന്നറിയാം.
27 -29 "നിന്റെ പട്ടണത്തില്‍ ഉള്ള ലേവ്യരെ നീ അവഗണിക്കരുത് .എന്തെന്നാല്‍ നിനക്കുള്ളത് പോലെ ഓഹാരിയോ അവകാശമോ അവര്‍ക്കില്ല. മൂന്നാം വര്‍ഷം അവസാനം ആ കൊല്ലം നിനക്ക് ഫലങ്ങളുടെ എല്ലാം ദശാംശം കൊണ്ടുവന്നു നിന്റെ പട്ടണത്തില്‍ സൂക്ഷിക്കണം.നിന്റെ പട്ടണത്തില്‍ താമസിക്കുന്ന നിനക്കുള്ളതുപോലെ ഓഹരിയും അവകാശവും ഇല്ലാത്ത ലേവ്യരും പരദേശികളും അനാഥരും വിധവകളും വന്നു അവ ഭക്ഷിച്ചു തൃപ്തി അടയട്ടെ. അപ്പോള്‍ നിന്റെ കര്‍ത്താവ് എല്ലാ പ്രവത്തികളിലും നിന്നെ അനുഗ്രഹിക്കും".
ഇവിടെയും ദശാംശം; ഒന്നുമില്ലാത്ത ലേവ്യര്‍ക്കും പാവങ്ങള്‍ക്കും ഉള്ളതാണ്. കേരള കാത്തോലിക്കാ സഭയോ അതിലെ മെത്രാന്‍മാരോ വൈദികരോ സന്യാസികളോ ഈ പറഞ്ഞ വിഭാഗത്തില്‍ പെടുന്നില്ല. പിന്നെ എങ്ങിനെ ദശാംശം എന്ന കാരുന്ന്യ പ്രവര്‍ത്തിയെ സഭകളും കാത്തോലിക്കാ സഭയും ദുര്‍വ്യാഖ്യാനം ചെയ്തു ജനങ്ങളെ ചൂഷണം ചെയ്യുന്നു.ധൂര്‍ത്ത്‌, ആഡംബരം എന്നിവ ഒഴിവാക്കി പൊതുനന്മയ്‌ക്കായി സംഭാവന ചെയ്യാന്‍ വിശ്വാസികള്‍ സന്നദ്ധരാകണമെന്നും കേരള കത്തോലിക്കാ മെത്രാന്‍ സമിതി നിര്‍ദേശിക്കുന്നു. കെ.സി.ബി.സി. ആസ്‌ഥാന കാര്യാലയമായ എറണാകുളം പി.ഒ.സിയില്‍ നടന്ന കേരളത്തിലെ മൂന്നു കത്തോലിക്കാ റീത്തുകളിലെ മെത്രാന്‍മാരുടെയും രൂപതാ വൈദിക പ്രതിനിധികളുടെയും സന്യാസസമൂഹം മേജര്‍ സുപ്പീരിയര്‍മാരുടെയും സംയുക്‌ത യോഗത്തിന്റേതാണു നിര്‍ദേശം. ഇവര്‍ മണി മേക്കിംഗ് പ്രസ്ഥാനങ്ങള്‍ ആകാന്‍ പാടില്ല എന്ന് പറയുന്ന അടുത്ത നിമിഷം  തന്നെ പുതിയ തന്ത്രങ്ങള്‍ സമ്പത്തുണ്ടാക്കാന്‍ ജനങ്ങളെ പിഴിയുന്ന നയം ആത്മീയതയുടെ മറവില്‍ മെനയുന്നതു മാമോനെ ആരാധിക്കുന്ന മഹാ പാപം ആണ്. ആരും ഒന്നും ഇനി കൊടുത്തില്ലെങ്കിലും നടന്നു പോകാന്‍ ഉള്ള പണം സഭയില്‍ കുന്നു കൂടിയിട്ടുണ്ട്. ഇങ്ങിനെ പോയാല്‍ പാശ്ചാത്യ സഭയില്‍ സംഭവിച്ച പോലെ കേരളത്തിലും പള്ളികളും സന്യാസ,രൂപ താ വസ്തുവകകളും വില്‍ക്കേണ്ടി വരും. കാരണം പാപത്തിന്റെ ശമ്പളം മരണം ആണ്. അത് സഭക്കും ബാധകം ആണ്.
നിയമാവര്‍ത്തനം "ആവര്‍ത്തിക്കേണ്ട നിയമം  ആണല്ലോ ഇത്  അതുകൊണ്ട് പഴയ നിയമത്തിലെ ഈ ഒരു നിയമം മാത്രം ആവര്‍ത്തിക്കണം എന്ന് അവര്‍ നിര്‍ബ്ബന്ധിക്കുന്നു. കഷ്ടം എന്നല്ലാതെ എന്ത് പറയാന്‍. ഞാന്‍ വിചാരിച്ചത് നമ്മുടെ മേത്രന്മാര്‍ക്ക് അല്പം കൂടി നിലവാരം ഉണ്ടെന്നാണ് . കുറഞ്ഞ പക്ഷം ഇത് വായിക്കുന്ന വൈദികര്‍ ആരെങ്കിലും ഉണ്ടെങ്കില്‍ ഈ വിവരക്കേടും പോക്കിരിത്തരവും ഇടവകകളില്‍ പ്രാവര്‍ത്തികമാക്കരുത് എന്ന് തന്നെ അല്ല രൂപ താ മീറ്റിങ്ങുകളില്‍ പ്രതിക്ഷേധിക്കുകയും വേണം. പണപ്പിരിവിന്റെ പത്തിലൊന്ന് പ്രമാണം പതിനൊന്നാം പ്രമാണം ആയി അടിച്ചെല്പിക്കുന്നതിലും നല്ലത് കഴുത്തില്‍ ഒരു തിരികല്ല് കെട്ടി കടലില്‍ ചാടുന്നതാണ്. "നിങ്ങള്‍ നിങ്ങളുടെ ദൈവമായ കര്‍ത്താവിന്റെ വിശുദ്ധ ജനമത്രേ" എന്ന നിയമാവര്‍ത്തന വചനം കൂടി ഓര്‍ക്കുക വല്ലപ്പോഴും.
ജോണച്ചന്‍

ദശാംശം -ദശാംശം

  ദശാംശം കൊടുക്കണമത്രേ !! നടക്കണ  കാര്യമാണോ അല്മായശബ്ദമേ ?
കൊച്ചി: സഭയുടെ പ്രവര്‍ത്തനങ്ങള്‍ക്കു വിശ്വാസികള്‍ വരുമാനത്തിന്റെ പത്തു ശതമാനം നല്‍കണമെന്നു ദശാംശം

ധൂര്‍ത്ത്‌, ആഡംബരം എന്നിവ ഒഴിവാക്കി പൊതുനന്മയ്‌ക്കായി സംഭാവന ചെയ്യാന്‍ വിശ്വാസികള്‍ സന്നദ്ധരാകണമെന്നും കേരള കത്തോലിക്കാ മെത്രാന്‍ സമിതി നിര്‍ദേശിക്കുന്നു. കെ.സി.ബി.സി. ആസ്‌ഥാന കാര്യാലയമായ എറണാകുളം പി.ഒ.സിയില്‍ നടന്ന കേരളത്തിലെ മൂന്നു കത്തോലിക്കാ റീത്തുകളിലെ മെത്രാന്‍മാരുടെയും രൂപതാ വൈദിക പ്രതിനിധികളുടെയും സന്യാസസമൂഹം മേജര്‍ സുപ്പീരിയര്‍മാരുടെയും സംയുക്‌ത യോഗത്തിന്റേതാണു നിര്‍ദേശം.

പള്ളികളും സ്‌ഥാപനങ്ങളും പണിയുന്നതിലെ ധൂര്‍ത്ത്‌ ഒഴുവാക്കാന്‍ നടപടി സ്വീകരിക്കണമെന്നാണു മറ്റൊരു ആഹ്വാനം. പള്ളിയെ 'കോണ്‍ക്രീറ്റ്‌ ജംഗിള്‍' ആക്കുന്ന രീതി തിരുത്തപ്പെടണം. ആവശ്യങ്ങള്‍ക്കു വേണ്ടി മാത്രമാകണം നിര്‍മാണപ്രവര്‍ത്തനങ്ങള്‍. സഭാ സ്‌ഥാപനങ്ങള്‍ പരമാവധി ജനങ്ങളുടെ ഉപയോഗത്തിനായി പങ്കുവയ്‌ക്കണം. ഞായറാഴ്‌ചയാചരണം ഇടവക കേന്ദ്രീകൃതമാകണം. ഇടവകപ്പള്ളിക്കു പുറത്ത്‌ ഞായറാഴ്‌ചകളില്‍ സമര്‍പ്പിക്കുന്ന ദിവ്യബലികള്‍ നിരുത്സാഹപ്പെടുത്തണം. ഇടവക പ്രവര്‍ത്തനങ്ങള്‍ക്കു തടസമാകുന്ന ധ്യാനകേന്ദ്രങ്ങളുടെ പരിപാടികള്‍ പുനര്‍വിചിന്തനം ചെയ്യണം. കൂദാശ നടത്തുന്ന സ്‌ഥലവും ഭരണകേന്ദ്രവും മാത്രമായി ഇടവകകള്‍ മാറുന്നത്‌ ഒഴിവാക്കണം. ഗ്രാമസഭകള്‍, റെസിഡന്‍ഷ്യല്‍ അസോസിയേഷനുകള്‍, ഗ്രന്ഥശാലാസംഘങ്ങള്‍, സഹകരണസംഘങ്ങള്‍, സഹകരണബാങ്കുകള്‍, ത്രിതലപഞ്ചായത്തുകള്‍ എന്നിവയില്‍ വിശ്വാസികള്‍ സജീവമായി പ്രവര്‍ത്തിക്കണം. രാഷ്‌ട്രീയരംഗത്തും ഗുണപരമായി ഇടപെടാനും പ്രവര്‍ത്തിക്കാനും വിശ്വാസികളെ പ്രാപ്‌തരാക്കണം.

സെക്‌ടുകളിലേക്കും സാത്താന്‍ സേവയിലേക്കും വിശ്വാസികള്‍ പോകുന്നതു തടയാനുള്ള പ്രവര്‍ത്തനം ഉണ്ടാകണം. പോയവരെ തിരികെക്കൊണ്ടുവരാന്‍ ഇടവകയുടെ മുഴുവന്‍ ശ്രദ്ധയും ഉണ്ടാകണം. ശരിയായ വിശ്വാസം വര്‍ധിപ്പിക്കുന്നതാവണം തീര്‍ഥാടനകേന്ദ്രങ്ങളിലെ അനുഷ്‌ഠാനങ്ങള്‍. അബദ്ധധാരണയ്‌ക്കും അന്ധവിശ്വാസങ്ങള്‍ക്കും കാരണമാകുന്ന അനുഷ്‌ഠാനങ്ങള്‍ക്കു പ്രോത്സാഹനം കൊടുക്കരുത്‌.

വിശ്വാസം വ്യക്‌തിപരമാണെന്നും പൊതുരംഗത്ത്‌ അതിനു പ്രസക്‌തിയില്ലെന്നും പറയുന്ന മതേതരത്വത്തെ ചെറുക്കണം. ജീവിതത്തിന്റെ എല്ലാ തലങ്ങളെയും രൂപപ്പെടുത്തേണ്ടതാണു വിശ്വാസം. പാര്‍ശ്വവല്‍ക്കരിക്കപ്പെട്ടവര്‍ക്കും ദരിദ്രര്‍ക്കും സഭയില്‍ പ്രത്യേക പരിഗണന നല്‍കണം. ഓട്ടോ ഡ്രൈവര്‍മാര്‍, അന്യസംസ്‌ഥാന തൊഴിലാളികള്‍ എന്നിവര്‍ക്ക്‌ അജപാലകശുശ്രൂഷ ഉറപ്പാക്കണം. ദളിത്‌ ക്രൈസ്‌തവരുടെ അന്തസ്‌ ഉയര്‍ത്താന്‍ പരിശ്രമിക്കണം.

യുവാക്കള്‍ക്കും മുതിര്‍ന്നവര്‍ക്കും വിശ്വാസത്തില്‍ തുടര്‍പരിശീലനം ഉണ്ടാകണം. വിശ്വാസപരിശീലനത്തിന്‌ ആധുനിക മാധ്യമങ്ങളെ ഉപയോഗിക്കണം. ശാലോം ടി വി, ഗുഡ്‌നസ്‌ ടി വി തുടങ്ങിയവ പ്രോത്സാഹിപ്പിക്കണം.

അന്യമതസ്‌ഥരുമായി ഒന്നിച്ചുള്ള പ്രവര്‍ത്തനങ്ങളും സംഭാഷണവും കരുപ്പിടിപ്പിക്കണം. സ്‌കൂളുകളില്‍ മതമൈത്രി, സമൂഹത്തില്‍ മതസൗഹാര്‍ദ സമിതി എന്നിവ തുടങ്ങണം.

അല്മായ ശബ്ദം ഇലക്ട്രോണിക് ലൈബ്രറി

സാമുവേല്‍ കൂടല്‍ രചിച്ച കവിതകളുടെ സമാഹാരം ("സാമസംഗീതം") അല്മായ ശബ്ദത്തിന്റെ ഇലക്ട്രോണിക് ലൈബ്രറിയില്‍ ചേര്‍ത്തിട്ടുണ്ട്.

Administrator,
Almaya Sabdam

ആണ്ടെ കിടക്കുന്നു ചട്ടിം കലോം....

താഴെ പറയുന്ന ലേഖന ഭാഗം Laity Voice എന്ന അല്മായാ കമ്മിഷന്റെ ഔദ്യോഗിക (Internet) പ്രസിദ്ധികരണത്തിന്റെ   (2012 ജൂലൈ  6) പത്രാധിപക്കു റിപ്പില്‍ നിന്ന്  എടുത്തതാണ്.

"......നമ്മുടെ ശുശ്രൂഷയുടെ തലങ്ങളിലെ പരിഗണനകള്‍ വിശ്വാസത്തിന്റെയും ക്രൈസ്തവ മൂല്യങ്ങളുടെയും സാക്ഷ്യങ്ങളാണോ? വിശ്വാസികളെ വിശ്വാസത്തിലെടുക്കുവാന്‍ നമുക്ക് കഴിയുന്നുണ്ടോ? പിഡനങ്ങളുടെ  നാളുകളാണ് നമ്മുടെ മുമ്പിലുള്ളത്. CBSC സ്കൂളുകളും, പ്രൊഫഷനല്‍ കോളെജുകളും, ഹൈടെക് ആശുപത്രികളും, ആധുനികതയുടെയും ആര്ഭാടത്തിന്റെയും ഒട്ടനവധി മന്ദിരങ്ങളും ചൂണ്ടിക്കാട്ടി, ഇതാണ് വിശ്വാസ സാക്ഷ്യമെന്നു പറയുന്ന ഗതികെട്ട അവസ്ഥയിലാണോ നമ്മളിന്ന്?  നമ്മുടെ സ്ഥാപനങ്ങളില്‍ പങ്കുവെക്കുന്ന ക്രിസ്തിയ സാക്ഷ്യവും മൂല്യവും വിവരിക്കാന്‍ ആര്‍ക്കിന്നു സാധിക്കും?  വിശുദ്ധരുടെ പേരില്‍ നാമകരണം ചെയ്തിരിക്കുന്ന സ്ഥാപനങ്ങളുടെ നന്മകള്‍ ചോര്‍ന്നു പോയിട്ടുണ്ടോ? ആല്മശോധന കളുടെ സമയം അതിക്രമിച്ചിരിക്കുന്നു. നിതി നിഷേധിക്കപ്പെട്ടിരിക്കുന്ന വിശ്വാസി സമൂഹത്തിന്റെ അടങ്ങാത്ത രോഷം ഉയര്‍ന്നു പൊങ്ങുന്നത് വലിയ ഭവിഷ്യത്തുകള്‍ക്ക് ഇട നല്‍കും. ക്രൈസ്തവ വിരുദ്ധ കേന്ദ്രങ്ങളുടെ അട്ടഹാസങ്ങളും അവഹേളനങ്ങളും ഒരു വശത്ത്‌  പെരുമ്പറ മുഴക്കുമ്പോള്‍ ....."

(അല്മായാ കമ്മലഷന്റെ സെക്രട്ടറി സ്ഥാനത്തും ഒരു ബിഷപ്പ് വരുമെന്നും, അല്മായനെ ഒരു പണി ഏല്‍പ്പിച്ചാല്‍ അവന്‍ പണിതരുമെന്നും ഉറപ്പായി.... അവസാനം മെത്രാന്മാരും അച്ചന്മാരും മാത്രമുള്ള ഒരു സഭയാകാന്‍ ആണോ ആവോ സിറോ മലബാറിന്റെ വിധി! ഇത്രനാളും അങ്ങേരു മിണ്ടാതിരുന്നു. കൂവിയിട്ടൊന്നും ഒരു വിശേഷവുമില്ല കൂട്ടരേ. പോത്തിന്റെ  പിന്നില്‍ പോയി വേദമോതരുത്   എന്ന് കേട്ടിട്ടില്ലേ? )

കണ്ണേ മടങ്ങുക !

                                                                സാമുവല്‍ കൂടല്‍,  കലഞ്ഞൂര്‍  
1. ലോകത്തിന്‍ പാപത്തിന്‍ ഭാരം കുരിശിലായ്
പേറിയാക്കാല്‍വരി പൂകിയോനെ
ഇന്നും പരിഹസിക്കാന്‍ ചിലര്‍ N.H-ല്‍
പദയാത്ര പോയതു ചാനല്‍ കണ്ടു!
2. മുള്‍മുടി താനേ തലയിലണിയിച്ചു
ഭാരക്കുരിശുമിഴച്ചു റോഡില്‍
മന്ദം നടന്നിടും മൂഢരെ കണ്ടുടന്‍
സെന്റ് പോളു പണ്ടു പറഞ്ഞതോര്‍ത്തു.
3. “ബുദ്ധിയില്ലാത്ത ഗലാത്യരേ നിങ്ങള്‍ക്കു
Masochism* ഇനി വേണ്ടാ, ദേവന്‍
മാനവ പാപത്തിന്‍ പീഢനമേറ്റതാല്‍
ഈ വെളളിയാഴ്ച ഏീീറ എൃശറമ്യ ആയി!
4. കാലത്തിന്‍ Good Friday “ദുഃഖവെളളിയെന്നു
മൂഢമതസ്തര്‍ പുലമ്പിയാലും,
ദുഃഖിക്കുവാനെന്തു കാരണം നമ്മുടെ
പാപ ശാപം നാഥന്‍ തീര്‍ത്തതോര്‍ത്താല്‍?
5. Good Friday മേലില്‍ “മഹാവെളളി” എന്നോര്‍ത്തു
നന്ദിതുളുമ്പും മനസ്സുകളായ്,
മന്നവന്‍ ചൊന്നമൊഴികളെ മന്നാപോല്‍
നിത്യം നുകര്‍ന്നു മരുവൂ മേന്മല്‍.
6. “കുരുന്മാരായ വഴികാട്ടികളല്ലോ”
തലമുറതോറും ഇടയരായി!
ആത്മാവിന്‍ തത്ത്വം അറിയാത്തോരെങ്ങനെ
ആത്മജ്ഞാത്തില്‍ വഴിനടത്തും?
7. ജ്ഞാനത്തില്‍ സ്‌നാനം കഴിക്കൂ ഓരോമനം
“ഞാനെന്ന മുന്തിരീല്‍ ചില്ലിയാകാന്‍”;
എങ്കിലെന്നേശുവിന്‍ പൊന്മണിച്ചൊല്ലുകള്‍
ചിത്തത്തിനെന്നും അമൃതമേകും!
8. കാല്‍വരി ത്യാഗക്കൊടുമുടിയാണതില്‍
ഏറുവാന്‍ നല്ലശമര്യനാകൂ;
“നിന്നെപോല്‍ നിന്നയല്‍ക്കാരനെ സ്‌നേഹിക്കൂ”
യേശുവിന്‍ സ്‌നേഹത്തന്‍ സാക്ഷികളായ്.
9. കര്‍ദ്ദിനാള്‍ നാട്ടും കുരിശു കാല്‍വരി’!
സഹ്യനില്‍ നീളെ ‘തലയോടിടം’?
കത്തനാര്‍ കണ്ടോ ‘കുരിശുമലകളോ’!
‘ഗാഗുല്‍ത്തായ്‌ക്കേതു പകരമാക്കും?
10. ക്രൂശില്‍മരിച്ചോന് Duplicate ആകുവാന്‍
നേരം കളായാതെ പാഴ്ജന്മമേ. . .
മൃത്യു വരുമുമ്പൊരുനേമമെങ്കിലും
ത്യാഗത്താല്‍ ‘നല്ലശമര്യനാകൂ. . .
11. “യേരുശലേം പുത്രീ, കേഴേണ്ട നീയെന്റെ
ക്രൂശിന്‍സഹനമോര്‍ത്തെന്നാകിലും
കണ്ണീരൊഴുക്കൂ നിന്‍ മക്കളെ ഓര്‍ത്തവര്‍
ചെയ്യുന്നധര്‍മ്മകര്‍മ്മങ്ങളോര്‍ത്തും.
12. ക്രൂശെടുത്തെന്നെ അനുഗമിക്കേവരും
ത്യാഗക്കുരിശു ചുമന്നീടുവിന്‍;
സ്‌നേഹത്തില്‍ നിന്നല്ലോ ത്യാഗം ജനിക്കുന്നു!
മാനവസേവ ഈശനുസേവ”

22-04-2011

*ആത്മപീഢനം - അധിദൂരപദയാത്ര, തൂക്കുവഴിപാട്, ശയനപ്രദിക്ഷിണം, തലമുണ്ഡനം,
ഭാരമേറിയ കുരിശു ചുമക്കാല്‍, ഫിലിപൈന്‍സിലെ കുരിശില്‍ തൂങ്ങല്‍, സ്വശരീരപീഢ, മലക്കയറ്റം

എണ്ണാമെങ്കില്‍ എണ്ണിക്കോ....

ഈ വര്ഷം കഴിഞ്ഞ വര്‍ഷത്തേക്കാള്‍ കൂടുതല്‍ തിരുമേനിമാര്‍ ഇവിടെ വന്നു ഞങ്ങളെ അനുഗ്രഹിക്കും എന്നാണു ഞങ്ങളുടെയെല്ലാം കണക്കുകൂട്ടല്‍.. കഴിഞ്ഞ വര്ഷം വെറും പത്തു പേരാണ് വന്നത്. ഇത്തവണ നല്ല തുടക്കമാണ്. സര്‍വകാല റിക്കാര്‍ഡ്‌ ആയിരിക്കും. ഞങ്ങളുടെ ഒക്കെ ഒരു ഭാഗ്യമേ!

ഇതാ ഒരാള്‍ കൂടി....  മാര്‍ ഇഞ്ചനാനിയില്‍.  വായിച്ചു രസിക്കാന്‍ ഇംഗ്ലണ്ട് ലെ ദുഖ്‌റാനാ തിരുനാല്‍നിന്റെ നോട്ടീസ്.


കര്‍ത്താവേ, അടുത്ത ജന്മത്തിലും എന്നെ പ്രവാസിയാക്കേണമേ....

ഒരു രഹസ്യം.

ജൊസഫ് മറ്റപ്പള്ളി

ആരാണ് ഏറ്റവും സന്തോഷമുള്ള വ്യക്തി? എന്താണ് സന്തോഷത്തിന്റെ രഹസ്യം?  ഏറ്റവും സന്തോഷമുള്ള വ്യക്തികള്‍  സിറോ മലബാര്‍ കത്തോലിക്കര്‍ ആവാനേ വഴിയുള്ളൂ എന്നാണു ഞാന്‍ ചെറുപ്പത്തില്‍ കരുതിയിരുന്നത് - അങ്ങിനെയായിരുന്നു ഞാന്‍ പഠിച്ചതും മനസ്സിലാക്കിയതും. പക്ഷെ, കോളേജില്‍ പഠിക്കുന്ന കാലത്ത് ഈ ചിന്താഗതിക്ക് മാറ്റം വന്നു. ഒരു തികഞ്ഞ മതവിശ്വാസി, അതേതു  മതത്തില്‍പ്പെട്ടതാണെങ്കിലും, സന്തോഷവാനായിരിക്കാം എന്ന് അന്ന് ഞാന്‍ കരുതി. കുറേക്കൂടി മുന്നോട്ടു പോയപ്പോള്‍, മതങ്ങളും സന്തോഷവും തമ്മില്‍ ഞാന്‍ ചിന്തിച്ചതുപോലെ പോലെ അത്ര ഇഴുകിചേര്‍ന്നല്ല  കഴിയുന്നതെന്ന് മനസ്സിലായി. എങ്കിലും ഞാന്‍ ചോദിച്ചുകൊണ്ടെയിരുന്നു, ആരായിരിക്കണം ഏറ്റവും നല്ല സന്തോഷവാന്‍?

ഈ ചോദ്യത്തിനുത്തരം തേടി,  ആദ്യം ഞാന്‍ അന്വേഷിച്ചത് ഏറ്റവും കൂടുതല്‍ കാലം ജിവിച്ചിരുന്നിട്ടുള്ള വ്യക്തികളെയാണ്. അതിനു കാരണം, ഏറ്റവും കൂടുതല്‍ സന്തോഷം അനുഭവിക്കുന്നവനെ ദിര്‍ഘകാലം ഇവിടെ ആരോഗ്യത്തോടെ ജിവിക്കാനും കഴിയൂവെന്ന ലളിതമായ ഒരു തത്വമാണ്. ആ അന്വേഷണം ഏറ്റവും ദിര്‍ഘകാലം വിവാഹ ജിവിതം നയിച്ച വ്യക്തികളിലെക്കായി. അങ്ങിനെയാണ്, ലോകത്തിലെ പതിനേഴാം റാങ്കുകാരനുമായി ഒരു മാധ്യമം നടത്തിയ അഭിമുഖം ഞാന്‍ വായിക്കാന്‍ ഇടയായത്. വിചിത്രമായിരുന്നവരുടെ ജിവിതം. എങ്ങിനെയോ പരസ്പരം കണ്ടുമുട്ടി ഇഷ്ടപ്പെട്ടു, എവിടെയോ രജിസ്ടര്‍ ചെയ്തു, ഒപ്പം ചേര്‍ന്ന് ജീവിതവും തുടങ്ങി. ഔദ്യോഗികമായി ഒരു വിവാഹമോ തല്‍സംബന്ധമായ എന്തെങ്കിലും ചടങ്ങുകളോ നടത്തിയതായി അവര്‍ക്ക് ഓര്‍മ്മയില്ല .... പക്ഷെ അവര്‍ ആജിവനാന്തം സ്നേഹിച്ചു ജിവിച്ചു. പള്ളിയേയും പട്ടക്കാരെയും പറ്റിയൊക്കെ പറയാതിരുന്നതുകൊണ്ട്, അവരുടെ സന്തോഷത്തിന്‍റെ  രഹസ്യം, എല്ലാത്തിനെയും സ്വികരിച്ചും എല്ലാറ്റിനെയും സ്നേഹിച്ചും ഉള്ള ഒരു ജിവിതമായിരുന്നിരിക്കാം എന്ന് ഞാന്‍ അനുമാനിച്ചു.  ഒന്നാം റാങ്കുകാരന്‍ എന്ത് പറയുന്നു എന്ന് അറിയാനായി ഗിന്നസ് ബുക്കിലെക്ക് ഞാന്‍ മടങ്ങി. ആ ദമ്പതികളെപ്പറ്റി വായിച്ചപ്പോഴാണ് മറ്റൊരു തമാശ. അവര്‍ ഇരുവരും നല്ല ദൈവ വിശ്വാസികളായിരുന്നു,  പക്ഷെ ഇരുവരും രണ്ടു ക്രൈസ്തവ വിഭാഗങ്ങളില്‍പ്പെട്ടവരായിരുന്നു താനും, ജീവിതകാലം മുഴുവന്‍ അവരവരുടെ വിശ്വാസവുമായാണ് കഴിഞ്ഞതും. ഒരു പ്രത്യേക മതമല്ല സന്തോഷത്തിനു കാരണമെന്ന് കാണാന്‍ ബാക്കിയുള്ളവരുടെ കഥകളും കൂടി ധാരാളം മതിയായിരുന്നു.

എന്‍റെ ചോദ്യങ്ങള്‍ക്ക് വ്യക്തമായ ഉത്തരങ്ങള്‍ കിട്ടാതിരുന്നതുകൊണ്ടാണ് എന്‍റെ അന്വേഷണം ഏറ്റവും സന്തോഷവാന്മാരായ സമൂഹങ്ങളിലേക്ക് തിരിഞ്ഞത്.  ആ പോക്കിലാണ് കഴിഞ്ഞ ദശകത്തിന്റെ അവസാനം ഭാഗത്ത് നടത്തപ്പെട്ട ഒരു വലിയ അന്തര്‍ദ്ദേശിയ സര്‍വ്വേ എന്‍റെ ശ്രദ്ധയില്‍പ്പെട്ടത്. 128 രാജ്യങ്ങളിലായി നടത്തിയ ഈ സര്‍വ്വേ പ്രകാരം ലോകത്തിലെ ഏറ്റവും സന്തുഷ്ടരായി കണ്ട രണ്ടു രാജ്യങ്ങള്‍ ഡെന്‍മാര്‍ക്കും, ഫിന്‍ലാന്‍ഡും  ആയിരുന്നു. എന്നെ നിരാശപ്പെടുത്തിയത്, ഇന്ത്യയുടെ സ്ഥാനം ദരിദ്ര  രാജ്യമായ എത്യോപ്യാക്കും, കലാപകലുഷിതമായ ലിബിയായ്ക്കും ഒക്കെ വളരെ പിന്നില്‍ ആയിരുന്നു എന്ന വസ്തുതയാണ്.

ലോകത്തിലെ വിശിഷ്ട മതങ്ങളെന്നു അഭിമാനിക്കുന്ന ഒന്നിന് പോലും ഒരു ജനതയെയും ആദ്യപത്തില്‍ എത്തിക്കാന്‍ കഴിഞ്ഞില്ല.  ദൈവത്തെ അറിയുന്നവനെ ഭൂമിയില്‍ സ്വര്‍ഗ്ഗം പണിയാന്‍ കഴിയൂവെന്ന  യേശുവിന്‍റെ കാഴ്ചപ്പാട് എത്ര സത്യമാണെന്ന് ഞാന്‍ ചിന്തിച്ചു. ഉള്ളില്‍ സന്തോഷമുള്ളവന്റെ  മുഖത്തു അത് തിരിച്ചറിയാം; പുറമേ കാണുന്നത് ദുഃഖമാണെങ്കില്‍ ഉള്ളിലും അതായിരിക്കണം. ഭാരതം സന്തോഷത്തിന്റെയും  സംതൃപ്തിയുടേയും  ലോകത്തുനിന്ന് വളരെ അകലെയാണെന്നു കാണുന്നുവെങ്കില്‍ അതിന് ഒരൊറ്റ അര്‍ത്ഥമേയുള്ളൂ, മതങ്ങള്‍ വാഗ്ദാനം നല്‍കിയ സ്വര്‍ഗ്ഗരാജ്യം  വെറും മിഥ്യയായിരുന്നുവെന്നുതന്നെ. സന്തോഷവും, ശാന്തിയുമൊക്കെ ദൈവിക വരങ്ങളാണ്, അവയ്ക്ക് നമുക്കര്‍ഹാതയുമുണ്ട്, പക്ഷെ അതന്വേഷിക്കുന്നവനെ ലഭിക്കൂ. പാരമ്പര്യം അന്വേഷിക്കുന്നവന്  പാരമ്പര്യം കിട്ടും, സത്യം അന്വേഷിക്കുന്നവന്‍ സത്യം കണ്ടെത്തും, സന്തോഷം അന്വേഷിക്കുന്നവന്‍ സന്തോഷത്തിനും യോഗ്യതനേടും.

വീണ്ടുവിചാരങ്ങള്‍

വീണ്ടുവിചാരങ്ങള്‍

ജല്‍ത്രൂദ് വട്ടമറ്റം, 

തൊമ്മന്‍കുത്ത്

കുഞ്ഞാടുകള്‍

വലതുവശത്തരമനയില്‍
വലിയ കൊള്ളക്കാര്‍
ഇടതുവശത്തിടവകയില്‍
ചെറിയ കൊള്ളക്കാര്‍
ഇടയില്‍ തൂങ്ങിമരിക്കുന്നു
നല്ലിടയന്‍മാര്‍,
അടിയില്‍ വിശന്നുമരിക്കുന്നു
കുഞ്ഞാടുകളും.

നല്ല ഇടയന്മാര്‍

കുമ്പിടാത്ത ധനികനെ
കുമ്പിട്ടും കുശലം പറഞ്ഞും,
കുമ്പിടുന്ന ദരിദ്രനെ
കണ്ടില്ലെന്നു നടിച്ചും കണ്ണടച്ചും 
കടന്നുകളയുന്നവരോ
കര്‍ത്താവിനു നല്ലിടയന്മാര്‍ ?

മറയുന്ന ദേവാലയങ്ങള്‍

ഓഡിറ്റോറിയങ്ങളുയരുമ്പോള്‍
ദേവാലയങ്ങള്‍ മറയുന്നു.
ദേവാലയങ്ങള്‍ മറഞ്ഞാലെന്ത്
ഭണ്ഡാരം മറയാതിരുന്നാല്‍ മതി.

തീര്‍ത്ഥാടനം

വിശക്കും ജനത്തെ കണ്ടിട്ടു
വിശപ്പിന്നൊന്നും നല്‍കാതെ
വിശുദ്ധ നാട്ടില്‍ പോയീടില്‍
വിശുദ്ധരായി മാറിടുമോ?

പൊട്ടിക്കരച്ചില്‍

പള്ളിതന്‍ മുന്നിലൊരു ബോര്‍ഡ്
പരിപാവനമാം പള്ളിപ്പരിസരത്ത്
യാചകപ്പരിഷകള്‍ക്കു നിരോധനം
സ്വര്‍ഗ്ഗകവാടത്തിന്‍ മുന്നിലൊരു ബോര്‍ഡ്
എന്റെ പാവപ്പെട്ട കുഞ്ഞാടുകളെ
തള്ളിക്കളഞ്ഞ കപടഭക്തര്‍ക്കു നിരോധനം
ഉള്ളില്‍ തെണ്ടികളുടെ പൊട്ടിച്ചിരി!
വെളിയില്‍ ഭക്തരുടെ പൊട്ടിക്കരച്ചില്‍!!

യേശുനാഥന്‍ എവിടെ?

വിശ്വസിക്കരുതു വിമതക്രൈസ്തവരെ
വികാരിയച്ചനുദ്‌ഘോഷിക്കുന്നു.
വിശ്വാസികളുടെ ഉള്ളിലൊരു സന്ദേഹം
യേശുനാഥനവിടെയോ, ഇവിടെയോ?

(ഋതത്തിന്റെ ഫെയ്‌സ്ബുക്ക് ഗ്രൂപ്പില്‍ നിന്ന്)

ഇടയനില്ലാത്ത ലോകം

അല്മായാ ശബ്ദത്തില്‍ സിറോ മലബാര്‍ സഭയുടെ നാനാവിധമായ പ്രശ്നങ്ങള്‍ കൈകാര്യം ചെയ്യുന്നു. പലതും പങ്കുവെയ്ക്കാനും മനസ്സിലാക്കാനും വായനക്കാര്‍ക്ക്  കഴിയുന്നുമുണ്ട്.  ഒരു വലിയ മലയോടു തന്നെയാണ് KCRM പ്രവര്‍ത്തകര്‍ പൊരുതുന്നത്, എന്നും അറിയാം. അതുകൊണ്ട് പേടിക്കണ്ട, അന്തശ്ചിദ്രം സഭാക്കകത്തുതന്നെ വേണ്ടത്രയുണ്ട്; സഭയുടെ നാശത്തിനു വൈദികരും ബിഷപ്പന്മാരും ധാരാളം മതിയെന്ന് തന്നെയാണ് ഇപ്പോഴത്തെ പോക്ക് കാണുമ്പോള്‍ തോന്നുന്നത്.

ഇതിനോടൊപ്പം നാം ഗൌരവമായി ചിന്തിക്കേണ്ട ഒരു അടിസ്ഥാന പ്രശ്നം ആരും കണ്ടില്ലെന്നു നടിക്കരുതെന്ന് ഞാന്‍ ആഗ്രഹിക്കുന്നു. സഭാ പ്രശ്നങ്ങളില്‍  വൈകാരികമായി മുഴുകി യുദ്ധ സന്നാഹങ്ങള്‍ ഒരുക്കുമ്പോള്‍, നമ്മുടെ അത്മിയ വളര്‍ച്ചയുടെ  കാര്യം നമ്മള്‍ മറക്കുന്നുവോ എന്ന് സംശയിക്കെണ്ടിയിരിക്കുന്നു. യേശുവെന്ന സദ്ഗുരു ലോകത്തിനു നല്‍കിയ സന്ദേശം ഹൃദയത്തില്‍ പകര്‍ത്തി ജിവിക്കുന്ന നിരവധി ആളുകള്‍, ഇന്ന് കേരളത്തില്‍ നിശ്ശബ്ദതയുടെയും സേവനത്തിന്റെയും പാതയില്‍ ജിവിക്കുന്നുണ്ട്. ആ പാത അതുപോലെ പിന്തുടരണമെന്ന് അല്ല ഞാന്‍ പറയുന്നത്. പക്ഷെ, ഓരോരുത്തര്‍ക്കും നല്‍കപ്പെട്ടിട്ടുള്ള ദൌത്യം നന്നായി പൂര്‍ത്തിയാക്കാന്‍ വിശ്വാസികളെ സഹായിക്കുക എന്ന ജോലിയും നാം ഏറ്റെടുക്കേണ്ടതുണ്ട് എന്നാണെന്റെ അഭിപ്രായം.

ഇവിടെ നിസ്സംശയം പറയാവുന്ന ഒരു കാര്യമുണ്ട്, ആത്മ രക്ഷ തേടി സഭയെ നമ്പരുത്; അത് ആത്മഹത്യാപരം തന്നെ. പൊന്‍കുന്നം ഫൊറോനായുടെ കിഴിലുള്ള ഒരു പഴക്കം ചെന്ന ഇടവകയില്‍  ഈ അടുത്ത കാലം വരെ വികാരിയായിരുന്ന ഒരു പേരുകേട്ട ധ്യാന പ്രസംഗകനുണ്ടായിരുന്നു.  പള്ളി മുറ്റത്തു പന്തല്‍ കെട്ടി നാട് മുഴുവന്‍ ഇളക്കി വരപ്രസാദ ധ്യാനം മുറക്ക് നടത്തികൊണ്ടിരുന്ന ആ വൈദികന്‍ ഇപ്പോള്‍ ഒളിവിലാണ് - ഒരു കൊച്ചു കന്യാസ്ത്രി രണ്ടു മാസത്തിനുള്ളില്‍ ഒരു ദിവ്യ ശിശുവിന് ജന്മം കൊടുക്കും.  ചിന്തിക്കുന്നതും, പറയുന്നതും, പ്രവൃത്തിക്കുന്നതും തമ്മില്‍ ഒരു ബന്ധവുമില്ലാത്ത ഇത്തരം പ്രവാചകന്മാര്‍ ഭരിക്കുന്ന പ്രസ്ഥാനത്തിനു ഒരുത്തരെയും രക്ഷയിലേക്കു നയിക്കാനാവില്ല. ആചാരങ്ങള്‍ മാറി, അനുഷ്ടാനങ്ങള്‍ മാറി, ക്രമങ്ങള്‍ മാറി, സര്‍വ്വതും മാറി; ഇപ്പോഴും മാറാത്തത് ഒന്ന് മാത്രം - പിരിവ്. 

ഈ സാഹചര്യത്തിലാണ്, ശ്രി. ജയിംസ്  കോട്ടൂരിന്റെ സമിപ കാല ലേഖനങ്ങളിലേക്കു ഞാന്‍ ശ്രദ്ധ ക്ഷണിക്കുന്നത്. സഭയിലെ അനാചാരങ്ങളിലേക്ക് വിരല്‍ചൂണ്ടി ഒതുക്കത്തില്‍, മാന്യമായി കാര്യങ്ങള്‍ പറഞ്ഞിട്ട് ഒരു ഫലവും കാണാത്തത് കൊണ്ടുതന്നെയാണ്, അദ്ദേഹവും തുറന്നെഴുതി തുടങ്ങിയത്. സിറോ മലബാര്‍ സഭ ഇവിടെ ഇന്ത്യയില്‍ ആണ് ആയിരിക്കുന്നത്, പക്ഷെ പിതാക്കന്മാരെ കാണണമെങ്കില്‍ ജര്‍മ്മനിയിലോ ഉസ്ബെക്കിസ്ഥാനിലോ ചെല്ലണം. ആ യാത്രകള്‍ ഒന്നും യേശുവിലേക്ക് ഒരാളെപ്പോലും അടുപ്പിക്കാന്‍ അല്ല എന്നോര്‍ക്കണം - ഒന്നുകില്‍ പിരിവിന്‌, അല്ലെങ്കില്‍ സുറിയാനി ക്രമം അത് ഇല്ലാത്ത കോണില്‍ കൂടി അടിച്ചേല്‍പ്പിക്കാന്‍;  ഒരു ചില്ലി പൈസാ പോലും സംഭാവനയായി സ്വികരിക്കാതെ ഒരൊറ്റ ഇടയനും മടങ്ങുന്നില്ല. കഞ്ഞിരപ്പള്ളി രൂപതയില്‍, വൈദിക  വിദ്യാര്‍ഥികളെ പഠിപ്പിക്കാന്‍, ഒരു മൂലധനം ആയി  share കള്‍ അമേരിക്കയില്‍ പിരിവ് നടത്തിയ ഒരു വൈദികനെയും നേരിട്ടറിയാം.

ശ്രി. ജയിംസ് കോട്ടൂര്‍ സൂചിപ്പിക്കുന്ന തരത്തിലുള്ള 'Forget the Churches , Follow Christ ' ഇന്നൊരു ആഗോള ജിവിതരിതി തന്നെയാണ്. കത്തോലിക്ക ഉന്നത വിദ്യാഭ്യാസ വിദ്യാര്‍ഥികളില്‍ ബഹു ഭൂരിപക്ഷവും ഈ ഗണത്തില്‍ പെട്ടവരാണ്. ഇടവക ഗണത്തില്‍ 50 % എങ്കിലും വരും ഇവരുടെ സംഖ്യ. ആരിവരെ നയിക്കും? യേശു കണ്ണീര്‍ ഒഴുക്കികൊണ്ട് വിലപിച്ചത് ഇടയനില്ലാത്ത ഈ ജനത്തെ പ്പറ്റിയാണ്. സഭയെന്ന ഇജിയന്‍ തൊഴുത്ത് വൃത്തിയാക്കി ജിവിതം പാഴാക്കാതെ, അതിലും ഫലദായകമായ യേശു മാര്‍ഗ്ഗത്തിലേക്ക് ആയിരങ്ങളെ നയിക്കാന്‍ കഴിയണം നമുക്ക്. മുമ്പോട്ട്‌ വരുന്നവരുടെ കൂട്ടത്തില്‍ എല്ലാ സഭക്കാരും കാണും; ജീവിക്കാനുള്ള വ്യഗ്രത ആര്‍ക്കാണ് ഇല്ലാത്തത് ?

ഉന്നത വിദ്യാഭാസ രംഗത്ത് സ്വകാര്യ സ്ഥാപനങ്ങളില്‍  വിജയശതമാനം   കുറയുന്നതിനെപ്പറ്റി സ്വര്‍ണ്ണവടി കുത്തി നടക്കുന്ന ഒരു വന്ദ്യ പിതാവ് ഇയ്യിടെ പറഞ്ഞത് ശ്രദ്ധിച്ചോ? സര്‍ക്കാര്‍ കോട്ടയില്‍ വിദ്യാര്‍ഥികളെ പ്രവേശിപ്പിക്കുന്നത് കൊണ്ടാണത്രേ വിജയ ശതമാനം കുറയുന്നത്. സര്‍ക്കാര്‍ സ്ഥാപനങ്ങളില്‍ ഒരു പ്രശ്നവും ഇല്ലായെന്നത്‌ പോട്ടെ, മാനെജ്മെന്ടു തിരുകി കയറ്റുന്ന എല്ലാവരും ഫസ്റ്റ്ക്ലാസ്സിലാണോ ജയിക്കുന്നത്?  സര്‍ക്കാര്‍ കോട്ടയില്‍ വരുന്നവര് മുഴുവന്‍ (ക്രിസ്ത്യാനികള്‍ അല്ലെങ്കില്‍ പ്രത്യേകിച്ചും)   കിഴങ്ങന്മാരോ, ഉഴപ്പാനായി ജനിച്ചവരോ  ആണെന്ന് വ്യംഗ്യം.  ഈ കണ്ടുപിടുത്തത്തിന് ഒരു പത്രോസ് അവാര്‍ഡ് തന്നെ കൊടുക്കാം. കാര്യവും കാരണവും മറകൂടാതെ പറയുന്ന ശ്രി. വെള്ളാപ്പള്ളി നടേശന്‍ എത്ര ഭേദം. ഇതേ ചങ്ങനാശ്ശേരി രൂപത തന്നെയാണ് ചങ്ങനാശ്ശേരിയില്‍ ഉള്ള മറ്റൊരു സന്യാസ സഭയുടെ വൈദിക വിദ്യാര്‍ഥികള്‍ക്ക്, സ്വന്തം മാനെജുമെന്ടിലുള്ള വിദ്യാലയങ്ങളില്‍ പ്രവേശനം കൊടുക്കരുത് എന്ന് ഒരിക്കല്‍ തിരുമാനിച്ചത് (പിന്നിടത് മാറ്റി). ക്രിസ്ത്യാനികള്‍ ആണെങ്കില്‍ തന്നെ  എരന്നു   തിന്നണം എന്ന് അവര്‍ക്ക് നിര്‍ബന്ധവുമുണ്ട്. ആട്ടിന്തോലിട്ട ഈ ചെന്നായ്ക്കളുടെ ഇടയില്‍ ജിവിക്കുന്ന അലമായന്, അതുകൊണ്ട് തന്നെ സ്വര്‍ഗ്ഗ രാജ്യം കിട്ടിയേക്കാം. 

കൊച്ചിയിലെ ജൂതരുടെ ഈ ചിത്രം കാണൂ , തെറ്റിദ്ധാരണ മാറ്റൂ .

ഇതിനു മുമ്പും പരാമര്‍ശിച്ചിട്ടുള്ളത് ആവര്‍ത്തിക്കട്ടെ , യഹൂദര്‍ എല്ലാം വെളുത്ത തോലിയുല്ലവരാണെന്ന ധാരണ തെറ്റാണ് .കുറഞ്ഞപക്ഷം കൊച്ചിയിലെ യാഹൂധരെങ്കിലും . വ്യക്തിപരമായി കൊച്ചിയിലെ ഒരു ജൂത കുടുംബത്തെ കണ്ടതാണ് . അവര്‍ സാധ മലയാളികലെപ്പോലെ എല്ലാ നിറത്തോടു കൂടിയവരും ഉണ്ട് . പിന്നെ ഇതിനേക്കാള്‍ അബദ്ധമാകും ക്നാനയക്കാരുടെ രക്തത്തില്‍ കലര്പ്പില്ലെന്നു ക്നാനയക്കാര്‍ തന്നെ അവകാശപ്പെടുമ്പോള്‍.

കൊച്ചിയിലെ ജൂതരുടെ ഈ ചിത്രം കാണൂ .