Translate

Tuesday, December 12, 2017

പരിണാമസിദ്ധാന്തം സത്യമോ?



ജോസഫ് മറ്റപ്പള്ളി ഫോണ്‍: 9495875338

ബൈബിളിലെ കണക്കുപ്രകാരം ആദം മുതല്‍ വംശാവലി യേശുവിലെത്തുമ്പോള്‍, 77-ഓളം തലമുറകളാകും. ഒരു തലമുറയ്ക്കു വേണ്ട (22-32) വര്‍ഷങ്ങള്‍ എന്നതിനെ ഈ 77 കൊണ്ടു ഗുണിച്ചാല്‍ (77 × 32) 2464 എന്നു കിട്ടും. യേശുമുതല്‍ ഇന്നുവരെയുള്ള 2017 വര്‍ഷങ്ങള്‍കൂടി ഇതിന്റെ കൂടെക്കൂട്ടിയാല്‍ 4481 എന്നു കിട്ടും. ഒപ്പം, ഒരു ഇളവായി (Grace/Tollerance) 2000 കൂടി കൂട്ടിയേക്കുക  = 6481. ഇത്രയും കാലമേ ആയിട്ടുള്ളോ ഭൂമിയില്‍ മനുഷ്യനുണ്ടായിട്ട്? എവിടെയോ പിശകുണ്ട്, ഉറപ്പ്!
ഇതുപോലത്തെ ഗുരുതരമായ പിശകുകള്‍ പഴയനിയമത്തിലെ മിക്കവാറും കഥകളിലുമുണ്ട്. ഈജിപ്തിന്റെ അടിമത്തത്തില്‍നിന്ന് ഇസ്രായേല്‍ ജനതയുടെ പുറപ്പാടിന്റെ കഥ മറ്റൊരുദാഹാരണം (ഈ കഥ ഒന്നിലേറെപ്പേര്‍ എഴുതിയതാണെന്നൊരു വ്യാഖ്യാനമുണ്ട്; ആഇ 5-6 നൂറ്റാണ്ടുകളിലാണത് രൂപപ്പെട്ടതെന്നും കരുതപ്പെടുന്നു). പത്തു ലക്ഷത്തിലേറെപ്പേരെ ഈജിപ്തില്‍നിന്നിറക്കി ദൈവം എന്തുമാത്രം പീഡിപ്പിച്ചു! ദൈവത്തോടരിശം തോന്നാതെ അതു വായിച്ചുതീര്‍ക്കുക വയ്യ.  മരുഭൂമിയില്‍ നാല്‍പ്പതു വര്‍ഷം! ദിവസം വെറും ഒരു ലിറ്റര്‍ വെള്ളംമാത്രമേ അവര്‍ ഉപയോഗിച്ചിരുന്നുള്ളുവെങ്കില്‍പ്പോലും, എന്തുമാത്രം വെള്ളം അവര്‍ക്കു വേണ്ടിയിരുന്നു! എല്ലാം മിഥ്യയാണെന്നോ സത്യമാണെന്നോ പറയാന്‍ ഞാനാളല്ല. വലിയ തത്ത്വങ്ങളുടെ ഈറ്റില്ലമായി പഴയനിയമത്തെ എടുക്കുകയും, അതിലെ ഉദാത്തമായ സാരാംശങ്ങള്‍ ഗ്രഹിക്കാന്‍ നാം തയ്യാറാവുകയും ചെയ്താല്‍ സംഗതി പക്ഷേ എളുപ്പമായി. അങ്ങനെയൊരു വിട്ടുവീഴ്ചയ്ക്കു നാം തയ്യാറല്ല - അവിടെയാണ് പ്രശ്‌നം! ശിക്ഷിക്കുന്ന ദൈവത്തെ കാണിച്ചു ഭയപ്പെടുത്തണമെങ്കില്‍ പഴയനിയമം വേണ്ടേ?
ഇതുപോലെതന്നെ കുഴക്കുന്നതാണ് ഉല്‍പ്പത്തിയുടെ പുസ്തകത്തിലുള്ള ദിവസക്കണക്കും. സ്രഷ്ടാവിന്റെ ഒരു ദിവസമെന്നത് വെറും 24 മണിക്കൂറായാണ് പല വൈദികരും എടുത്തിരിക്കുന്നത്. മനുഷ്യന്‍ പരിണാമപ്പെടുകയായിരുന്നുവെന്ന ഫ്രാന്‍സീസ് മാര്‍പാപ്പായുടെ പ്രഖ്യാപനം ആര്‍ക്കും മനസ്സിലാകാതെ പോയതും അതുകൊണ്ടാണ്. ഭാരതീയ കാലഗണനം അനുസരിച്ച് ഒരു മനുഷ്യവര്‍ഷം = ഒരു ദേവദിവസം, 360 ദേവദിവസം = ഒരു ദേവവര്‍ഷം, 4800 ദേവവര്‍ഷം = കൃതായുഗം, 3600 ദേവവര്‍ഷം = ത്രേതായുഗം, 2400 ദേവവര്‍ഷം = ദ്വാപരയുഗം, 1200 ദേവവര്‍ഷം = കലിയുഗം, നാലു യുഗങ്ങള്‍ ചേര്‍ന്നത് മഹായുഗം, 2000 മഹായുഗങ്ങള്‍ = ഒരു ബ്രഹ്മദിനം, 360 ബ്രഹ്മദിനം = ഒരു ബ്രഹ്മവര്‍ഷം, 1000 ബ്രഹ്മവര്‍ഷം = ബ്രഹ്മാവിന്റെ ആയുസ്സ്.
ഈ കാലക്കണക്ക് അവിടെ നില്‍ക്കട്ടെ, നമുക്കു വേറൊരു ചിന്തയിലേക്കു പോകാം. ചലനമില്ലാതെ യാതൊന്നിനും ഇവിടെ ആയിരിക്കാനാവില്ല. ഭൂമിക്കു സ്വയം ഒന്നു കറങ്ങാന്‍ 24 മണിക്കൂര്‍ വേണം - അതാണ് ഭൂമിയുടെ ഒരു ദിവസം. പ്രപഞ്ചത്തില്‍ 24 മണിക്കൂര്‍ ഒരു ദിവസമായിട്ടുള്ളത് ഭൂമിയെന്ന ഗ്രഹത്തിനു മാത്രമാകാം. സൂര്യന് സ്വന്തം അച്ചുതണ്ടില്‍ ഒന്നു കറങ്ങാന്‍ 22.5 കോടി വര്‍ഷം വേണം, സൗരയൂഥവും കറങ്ങുന്നുണ്ട്, ക്ഷീരപഥവും കറങ്ങുന്നുണ്ട് - അതിനാല്‍ത്തന്നെ അവക്കെല്ലാം വ്യത്യസ്ത അളവുകളുള്ള ദിവസങ്ങളുമുണ്ട്. എത്രയോ സഹസ്രാബ്ദങ്ങള്‍ ചേരുന്നതാവണം ക്ഷീരപഥത്തിന്റെ ഒരു ദിവസം. അതിരുകളില്ലാത്ത പ്രപഞ്ചത്തിന്റെയെല്ലാം അധിപനായിരിക്കുന്ന ദൈവത്തിന്റെ ഒരു ദിവസമെന്നത് ബ്രഹ്മാവിന്റെ ഒരു വര്‍ഷമായി എടുത്തുകൂടേ? അത്രയും കാലം പോരേ, മാര്‍പാപ്പാ പറഞ്ഞതുപോലെ മനുഷ്യനു പരിണാമപ്പെടാന്‍? ശാസ്ത്രം തെളിയിച്ച പരിണാമസിദ്ധാന്തത്തോട് മല്ലിടുകയല്ല, പകരം പഴയനിയമകഥകളെ താത്വികമായി മനസ്സിലാക്കുകയാണ് ചെയ്യേണ്ടത്. പരിണാമസിദ്ധാന്തം സത്യമോയെന്നതിനെപ്പറ്റി പലയിടത്തും ചര്‍ച്ചനടക്കുന്നതുകൊണ്ടാണ് എന്റെ എളിയ ചിന്ത ഞാനിവിടെ പങ്കുവയ്ക്കുന്നത്, അവിടെയെല്ലാം സമയത്തെപ്പറ്റിയും പരാമര്‍ശമുണ്ടാകുന്നുണ്ട്.
സമയമെന്നതിനൊരു നിര്‍വ്വചനമുണ്ട് - 'Space between two experiences'. മതവും ശാസ്ത്രവും ഒന്നാണ്, രണ്ടിനെയും മനസ്സിലാക്കാന്‍ കഴിയാത്തവര്‍ സമാന്തരമായും സഞ്ചരിക്കുന്നു. അവര്‍ അനേകരെ ആ വഴി നയിക്കുകയും ചെയ്യുന്നു - ഈ കാലഘട്ടത്തിന്റെ ഏറ്റവും വലിയ ദുരന്തം അതുതന്നെയാണ്.

Saturday, December 9, 2017

നമ്മുടെ കണ്ണു തുറപ്പിക്കാനുള്ള ഒരു വാട്സ്ആപ് പോസ്റ്റ്

ഭാഷ അൽപ്പം കടന്നു പോയെങ്കിലും വാട്ട്സാപ്പിൽ ഷെയർ ചെയ്തു കിട്ടിയ ഈ കുറിപ്പിൽ നമ്മുടെ കണ്ണു തുറപ്പിക്കാനുള്ള, നനയിക്കാനുള്ള, നമ്മോട് തന്നെ പുച്ഛം തോന്നാനുള്ള വകയുണ്ട്.

ഓഖി ദുരന്തവുമായി ബന്ധപ്പെട്ട് കേരളത്തിൽ മാത്രം നൂറ് കോടിയിലധികം രൂപയുടെ നാശനഷ്ടമുണ്ടായതായി കണക്കാക്കപ്പെടുന്നു. ജീവൻ നഷ്ടപ്പെട്ടവരിൽ ബഹുഭൂരിപക്ഷവും ലത്തിൻ കത്തോലിക്ക വിഭാഗത്തിൽ പ്പെട്ട സാധുക്കളായ മത്സ്യത്തൊഴിലാളികളാണ്. അവരുടെ ജീവനോപാധികളായ വലയും വള്ള വുമൊക്കെ നഷടപ്പെട്ടിട്ടുണ്ട് - അനേകം വീടുകൾ നശിക്കയും കേടുപാടുകൾ സംഭവിക്കയും ചെയ്തിട്ടുണ്ട്.

സംസ്ഥാനത്ത ക്രൈസ്തവർക്കിടയിലെ ഏറ്റവും പാവപ്പെട്ട  ജനതയാണ് ലത്തീൻ കത്തോലിക്കർ . അവർക്ക് പണം കായ്ക്കുന്ന സ്വാശ്രയ കോളജുകളോ സൂപ്പർ സ്പെഷ്യാലിറ്റി ആശുപത്രികളാ ,ഇല്ല. മറ്റ് സഭകളിലെ വിശ്വാസികളിൽ നിന്ന് വ്യത്യസ്തമായി  ലത്തീൻ കത്തോലിക്കർ ദരിദ്രരും സാമ്പത്തികമായി പിന്നോക്കം നിൽക്കുന്നവരുമാണ്.
കോടി ക്കണക്കിന് രൂപയുടെ സമ്പത്തുക്കൾ കൈയ്യാളുന്ന .സീറോ മലബാർ കത്തോലിക്ക  സഭയും  മലങ്കര കത്തോലിക്കാ സഭയും  മറ്റ് കാക്കത്തൊള്ളായിരം സഭകളും കൂടി വിചാരിച്ചാൽ ദുരിതമനുഭവിക്കുന്ന , ജീവനോപാധി നഷ്ടപ്പെട്ടവരുടെ പുനരധിവാസം  വളരെ എളുപ്പത്തിലാക്കാൻ കഴിയും. കേരളത്തിലെ ക്രിസ്ത്യൻ  സഭകൾ  ഇക്കാര്യത്തിൽ ആത്മാർത്ഥമായ ശ്രമം  നടത്തുമോ എന്ന് കണ്ടറിയണം - പണക്കാർക്കാണ്  ഇത്തരമൊരു ആപത്ത് സംഭവിക്കുന്നതെങ്കിൽ    നാട്ടിലെ സകല മെത്രാന്മാരും അവരുടെ തിണ്ണയിൽ ഹാജരാക്കും.
പണക്കാർക്കു വേണ്ടി മെത്രാന്മാർ എന്ത്  നിയമ ലംഘന പണിയും ഏറ്റെടുക്കുമെ ന്നുറപ്പാണ്. 2014ൽ മുത്തൂറ്റ് മിനി  ഗ്രൂപ്പിന്റെ ഉടമസ്ഥതയിൽ ആലപ്പുഴ ജില്ലയിലെ നെടിയ തുരുത്ത് ദ്വീപിൽ കുവൈറ്റിലെ കാപ്പി കോ ഗ്രൂപ്പുമായി ചേർന്ന് നിയമ വിരുദ്ധമായി  നിർമ്മിച്ച ബനിയൻ ട്രീ എന്ന 7 സ്റ്റാർ  റിസോർട്ട്  പൊളിച്ചു കളയാൻ സുപ്രീം കോടതി ഉത്തരവായി.  200 കോടി മുടക്കി പണിത ഹോട്ടലിന്റെ നിർമ്മാണം സകല പാരിസ്ഥിതിക നിയമങ്ങളും കാറ്റിൽ പറത്തിക്കൊണ്ടായിരുന്നു.   സുപ്രീം കോടതി വിധിക്കെതിരെ സംസ്ഥാന      സർക്കാർ ഇടപെടണമെന്നാവശ്യപ്പെട്ട് കുറെ മൊതലാളിമാരും ഒരു പിടി രാഷ്ട്രീയക്കാരും വിവിധ സഭകളിലെ 25 ലധികം ബിഷപ്പുമാരും ചേർന്ന് ഒപ്പിട്ട ഭീമ ഹർജി സർക്കാരിന്  സമർപ്പിച്ചു. രാഷ്ടീയക്കാരും ബിസിനസുകാ രും ഒപ്പിട്ടത് മനസിലാക്കാം. ഈ കച്ചവടത്തി ൽ മെത്രാന്മാർക്ക് എന്ത് കാര്യം?  സുറിയാനി   ക്രിസ്ത്യാനിയായ ഒരു  blade  മൊതലാളി യുടെ അനധികൃത സ്വത്ത് നിലനിർത്തി കൊടുക്കാനുള്ള  ഒത്തു, കളിയാണ്  ബിഷപ്പുമാര്  നടത്തിയത്.  ഒന്നു രണ്ട്   കർദിനാളന്മാർ,  പ്രത്യക്ഷത്തിൽ കീരിയും പാമ്പുമായ ശ്രേഷ്ഠനും പരിശുദ്ധനും ആ യ കാതോലിക്ക മാർ,  മാർത്തോമമ മെത്രാപ്പോലീത്ത  തുടങ്ങി സകലരും ഒപ്പിട്ട കൂട്ടത്തിലുണ്ടായിരുന്നു. സമ്പന്നന്മാർക്കു വേണ്ടി  എന്നും എന്തും  ചെയ്യാൻ ഇവർ സദാ ഒരുക്കമാണ്.
മലയോര കർഷകർക്കും റബർ കൃഷിക്കാർക്കും വേണ്ടി സമരവും ധർണയും ഇടയലേഖനമിറക്കലുമൊക്കെ നടത്തു ന്ന കേരള കത്തോലിക്ക  ബിഷപ്പ് സ്  കൗൺസിൽ - KCBC  പാവപ്പെട്ട മത്സ്യത്തൊഴി ലാളിക്കു വേണ്ടി   ഒരു ചെറുവിരലെങ്കിലും  അനക്കുമോ? അരമനകളിൽ    തിന്ന്  കൊഴു,ത്ത് കഴിയുന്ന ഒരു  മെത്രാൻ പോലും   ദുരിതമനുഭവിക്കുന്ന മത്സ്യതൊഴിലാ ളികളെ തിരിഞ്ഞു നോക്കിയിട്ടില്ല.  ദോഷം പറയരുതല്ലോ  അതീവ സമ്പന്നന്മാരായ  ബിഷപ്പുമാരിലൊ രാളായ പട്ടം കർദിനാൾ മാർ ക്ലിമീസ് തുറ ഏരിയാ യിൽ ഒന്ന് കറങ്ങിയടിച്ചു പോയിട്ടുണ്ട്. പിന്നെയാരും  ആ വഴി പോയിട്ടില്ല. ഇപ്പോൾ കൊച്ചി യിൽ നടക്കുന്ന KCBC മീറ്റിംഗിൽ മരിച്ചവർക്കു വേണ്ടി അനുശോചനം  നടത്തി പിരിഞ്ഞു. മരിച്ചവരെ നേരെ സ്വർഗത്തിലേക്ക് കേറ്റി  വിടാനുള്ള കൂട്ടപ്രാർത്ഥന ഇന്ന് വൈകുന്നേരം വല്ലാർപാടം ബസ് ലിക്കയിൽ മെത്രാൻ മാര് നടത്തുന്നുണ്ട്.   മുക്കുവ ക്രിസ്ത്യാനിക്ക് ഇത്രയും പോരെ?
നൂറ് കണക്കിന് കുഞ്ഞുങ്ങൾ അനാഥരായി, അവരുടെ  വിദ്യാഭ്യാസം മുടങ്ങി, വീടുകൾ നഷ്ടമായി, വിധവമാരുടെ നിലയ്ക്കാത്ത കരച്ചിൽ, അമ്മമാരുടെ നെഞ്ചു പൊട്ടുന്ന തേങ്ങലുകൾ  ഇതൊന്നും  ഈ കാട്ടു കള്ളന്മാരെ നൊമ്പരപ്പെട്ടു ത്തുന്നില്ലെന്ന് ഓർക്കുമ്പോൾ ലജ്ജ തോന്നുന്നു.  മനുഷ്യ രക്തം ഊറ്റിക്കുടിക്കുന്ന രക്ത രക്ഷസിനു പോലും മനസലിവുണ്ടാകുന്ന കാഴ്ചയാണ് കടപ്പുറത്ത് ഇപ്പോൾ നടക്കുന്നത്.
എത്ര സുഭിക്ഷതയിലും സുഖലോലുപത യിലുമാണ് കേരളത്തിലെ മെത്രാന്മാർ ജീവിക്കുന്നത്. അവർ കോടികൾ ഇട്ട് അമ്മാനമാടുന്നു. വട്ടിപലിശക്ക് പോലും പണം കടം കൊടുക്കുന്ന വീരന്മാരുണ്ട് റിയൽ എസ്റ്റേറ്റിൽ പണം നിക്ഷേപിച്ചിട്ടുള്ള വരുണ്ട്. പത്തു പുത്തൻ കിട്ടുന്ന ഏത് കച്ചവടത്തിലും ഇവർ പണമിറക്കും.   എല്ലാ മെത്രാൻമാരും
ആഡംബര കാറുകളിൽ പായുകയാണ് പണം വെട്ടിപ്പിടിക്കാൻ. സംസ്ഥാനത്ത് വിവിധ സഭകളിലായി ഏതാണ്ട് 235 ലധികം ബിഷപ്പുമാരുണ്ട്. ഇവരുടെ കാറുകളുടെ വില ഒന്ന് പരിശോധിക്കണം.
ഇവരുടെ സാമ്പത്തിക ധാരാളിത്തത്തിന്റെ ഒരു കൊച്ച് സംഭവം ഇതാ.  ഇക്കഴിഞ്ഞ ദിവസം  തിരുവനന്തപുരം ആസ്ഥാനമായ
സി എസ് ഐ സൗത്ത് കേരള ബിഷപ്പ് തന്റെ ഏറ്റവും പുതിയ ഇന്നോവ ക്രിസ്റ്റ കാറിന് ഭാഗ്യ നമ്പരായ KLOl CD 999 എന്ന നമ്പർ കിട്ടാൻ മുക്കാൽ ലക്ഷം രൂപയാണ് മുടക്കിയത്.  തിരുവനന്തപുരം RTO: ഓഫീസിൽ സഭാ ട്രഷററുടെ പേരിൽ 75000 രൂപ കെട്ടിവെച്ചാണ് ഭാഗ്യ നമ്പർ നേടിയത്.  കർത്താവിനേക്കാൾ 999 എന്ന നമ്പരിലാണ്  തിരുവനന്തപുരത്തെ ഈ പുണ്യപുരു ഷന് വിശ്വാസം. ഇയാളുടെ അരമനയിൽ നിന്ന് കേവലം ഏഴ് കിലോമീറ്റർ അപ്പുറത്തുള്ള കടപ്പുറത്താണ് കുഞ്ഞുങ്ങൾ ഒരു നേരത്തെ ആഹാരത്തിനായി നിലവിളിക്കുന്നത്.
ഇങ്ങനെ ലക്ഷങ്ങളുടെ ആഡംബര കാറും മദ്യവും മദിരാക്ഷിയുമായി ചുവന്ന കുപ്പായമിട്ട് നടക്കുന്ന നികൃഷ്ട ജീവികൾ ആരുടെ മോചനത്തിനും മോക്ഷത്തിനുമാണ് ഈ നെട്ടോട്ടമോടുന്നത്. ?
ഈ ദുഷ്ടന്മാരേക്കാൾ എത്രയോ എത്രയോ നന്മയുള്ളവരാണ് നമ്മുടെ രാഷ്ട്രീയ നേതാക്കൾ . എല്ലാ. പാർടികളിലും പെട്ടവർ കടപ്പുറത്തുണ്ട് .. എന്തൊക്കെ കുറവുകൾ ഉണ്ടെങ്കിലും നമ്മുടെ മന്ത്രിമാരും പ്രതിപക്ഷ നേതാക്കളും ഈ പാവങ്ങളോടൊപ്പം ചേർന്നു നിൽക്കുന്നതാണ് അൽപ്പമെങ്കിലും ആശ്വാസം പകരുന്നത്. -

Thursday, December 7, 2017

KCRM -NORTH AMERICA മൂന്നാമത് ടെലികോൺഫറൻസ്


പ്രിയ സുഹൃത്തുക്കളെ,

 കെ. സി. ആർ. എം - നോർത്ത് അമേരിക്ക (KERALA CATHOLIC CHURCH REFORMATION MOVEMENT - NORTH AMERICA) യുടെ മൂന്നാമത് ടെലികോൺഫറൻസ് , ഡിസംബർ 13, 2017 (December 13, 2017) ബുധനാഴ്ച നടത്തുന്നതാണെന്നുള്ള വിവരം എല്ലാവരെയും സ്നേഹപൂർവ്വം അറിയിച്ചുകൊള്ളുന്നു.

അടുത്തകാലത്ത് (Oct. 09, 2017) ഫ്രാൻസിസ് മാർപാപ്പ സീറോ-മലബാർ സഭയുടെ അജപാലന ശൂശ്രുഷാതിർത്തി ഇന്ത്യ മുഴുവനുമായി വർദ്ധിപ്പിച്ചുകൊണ്ടും, സീറോ-മലബാർ സഭാധ്യക്ഷൻ മാർ ജോർജ് ആലഞ്ചേരിയെയും സീറോ-മലബാർ മെത്രാൻ സിനഡിനെയും ദൗത്യം ഭരമേല്പിച്ചുകൊണ്ടുമുള്ള ഒരു കത്ത്ഇന്ത്യയിലെ എല്ലാ മെത്രാന്മാർക്കും (LETTER OF THE HOLY FATHER POPE FRANCIS TO THE BISHOPS OF INDIA, കത്ത്കഴിഞ്ഞ എൻറെ ഈമെയിലിൽ അറ്റാച് ചെയ്തിരുന്നു) അയച്ച വിവരം നമുക്കെല്ലാവർക്കും അറിവുള്ളതാണല്ലോ. ഇന്ത്യ മുഴുവനിലുമുള്ള സീറോ-മലബാർ കുടുംബ പശ്ചാത്തലമുള്ള സഭാംഗങ്ങൾക്ക് അജപാലന സേവനത്തിനായി വഴി വെട്ടിത്തുറക്കുകയാണെന്നും മറിച്ച് പുതിയ അധികാരം (power) നൽകുന്നതായി അതിനെ വ്യാഖ്യാനിക്കരുതെന്നും ഇന്ത്യയിലുള്ള മൂന്ന് റീത്തുകളും സഭാ പൗരർക്ക് ബുദ്ധിമുട്ടുകളൊന്നും ഉണ്ടാക്കാതെ "സന്തോഷകരമായ സഹകരണ" ത്തിലൂടെ (joyful collaboration) സഭാപരമായ കാര്യങ്ങളെല്ലാം നടത്തികൊടുക്കണമെന്നും കത്തിൽ മാർപാപ്പ ഊന്നിപ്പറഞ്ഞിരുന്നു.

എന്നാൽ മാർപാപ്പയുടെ കാത്തുകിട്ടാനിരിക്കുകയായിരുന്നുയെന്ന് തോന്നിപ്പോകുന്നു, 'മാറൻ മാർ ജോർജ് കർദിനാൾ ആലഞ്ചേരി, അഖിലേന്ത്യായുടെ മെത്രാപ്പോലീത്തയും വാതിലു' മെന്നെല്ലാം സഭാധികാരത്തിന് എഴുതിപിടിപ്പിക്കാൻ. സീറോ-മലബാർ സഭയെ ആഗോള കത്തോലിക്കാസഭയിലെ ഒരു സ്വയംഭരണാധികാരമുള്ള സഭയായി 25 വർഷങ്ങൾക്കുമുമ്പ് ഉയർത്തപ്പെട്ടിട്ടും നാളിതുവരെ സീറോ-മലബാർ സഭാസിനഡ് (മാർത്തോമാക്രിസ്ത്യാനികളുടെ മഹായോഗം) സ്ഥാപിച്ചിട്ടില്ലെന്നു മാത്രമല്ലാ പള്ളി പള്ളിക്കാരുടെ സ്വത്തായിരുന്നത് നമ്മുടെ സ്വതന്ത്ര ഇന്ത്യയിൽ കാനോൻ നിയമത്തിൻറെ ബലത്തിൽ ഇടവകക്കാരോട് ആലോചിക്കാതെ മെത്രാൻ സ്വയം കൈയ്യേറുകയും മാർത്തോമ്മാ ക്രിസ്ത്യാനികളുടെ എക്കാലത്തെയും പള്ളിഭരണ സംമ്പ്രദായമായിരുന്ന പള്ളിപൊതുയോഗത്തെ നിർജീവമാക്കി പകരം പാശ്ചാത്യ പള്ളിഭരണ സംമ്പ്രദായമായ പാരിഷ്കൗൺസിൽ ഇടവകകളിൽ ആരംഭിക്കുകയും ചെയ്തു. സഭയിലെ നിയമ നിർമ്മാതാക്കളായ മെത്രാന്മാർ യേശുവിൻറെ സ്നേഹത്തിൻറെ വഴിമാറി അധികാരത്തിൻറെ പുതിയ വഴിയിലൂടെ സഞ്ചരിക്കാൻ ശ്രമിക്കുന്നത് നസ്രാണി ക്രിസ്ത്യാനികളെ നാശത്തിൻറെ വഴിലേക്കു നയിയ്ക്കാനുള്ള പുറപ്പാടാണ്.

മേല്പറഞ്ഞ ആശയത്തെ മുൻനിറുത്തി, നമ്മുടെ വരുന്ന ടെലികോൺഫറൻസിൻറെ വിഷയം ചുരുക്കമായി : " സീറോ-മലബാർ സഭയിലെ മെത്രാന്മാരുടെയും വൈദികരുടെയും അധികാരവും മാർത്തോമ്മാ ക്രിസ്ത്യാനികൾക്ക് പള്ളിഭരണത്തിൽ സംഭവിച്ച അപചയവും".

വരും ദിവസങ്ങളിൽ നിങ്ങളെല്ലാവരും വിഷയത്തെ സംബന്ധിച്ച് പഠിച്ച് ടെലികോൺഫറെൻസിൽ പങ്കെടുത്ത് ചർച്ച സജിവമാക്കണമെന്ന് അഭ്യർത്ഥിക്കുന്നു.

ടെലികോൺഫറസ്വിവരങ്ങൾ ചുവടെ ചേർക്കുന്നു.

 
December 13, 2017 (Wenesday) evening 9 PM (Eastern Standard Time - New York Time).

Moderator: Mr. A. C. George

All are welcome to attend the Teleconference.

Please call preferably from your home land phone to enter the Teleconference Number: 1-712-770-4160   On prompt enter access code 605988#

Please see your time zone and enter the teleconference accordingly.

Time: Evening- 9 PM (Eastern Standard Time)

9:00 PM Eastern time

8:00 PM Central time

7:00 PM Mountain time

6:00 PM Pacific time

 For more information, please contact: Chacko Kalarickal (586-601-5195) and Jose Kalliduckil (773-943-0416)

 സ്നേഹാദരവുകളോടെ,

 ചാക്കോ കളരിക്കൽ, 13337 Windham Drive, Washington Township, MI 48094-3175

Mobile: 586-601-5195, Email: ckalarickal10@hotmail.com

 
December 06, 2017

Sunday, December 3, 2017

കത്തോലിക്കാസഭ ആത്മീയവ്യവസായത്തിലെ ആഗോളകുത്തക


പ്രൊഫ. സെബാസ്റ്റ്യന്‍ വട്ടമറ്റം ഫോണ്‍: 9495897122


യൂറോപ്പിനെ ഇളക്കിമറിച്ച എല്ലാ പുരോഗമനസാംസ്‌കാരികസുനാമികളെയും അതിജീവിച്ച ഒരേയൊരു ആഗോളപ്രതിഭാസമാണ് കത്തോലിക്കാസഭ. അതിനുള്ളിലെ അധികാരഘടന ജനാധിപത്യവിരുദ്ധവും ദൈവാധിപത്യത്തിന്റെ(തിയോക്രസി) ഉത്തമ മാതൃകയുമാണ്. സര്‍വ്വാധിപനായ ദൈവത്തിന്റെ ദൃശ്യരൂപമാണ് പോപ്പ്. കേരളത്തിലെ കത്തോലിക്കാ പള്ളികളില്‍ മുഴങ്ങുന്ന ഒരു പ്രാര്‍ത്ഥനാമന്ത്രമുണ്ട്, 'രാജ്യവും ശക്തിയും മഹത്വവും അങ്ങയുടേതാകുന്നു'എന്ന്. 'അങ്ങ്'ന് ഇങ്ങു വന്ന് കാര്യങ്ങള്‍ നടത്താനാവാത്തതുകൊണ്ട് എല്ലാം പോപ്പിനെ ഏല്‍പിച്ചിരിക്കുന്നു. അതാണ് ഇന്നാട്ടിലെ പള്ളിവക സ്വത്തുക്കളുടെ മുഴുവന്‍ അവകാശി  ഒരു വിദേശരാഷ്ട്രത്തലവനായ പോപ്പ് ആണ് എന്നു പറയുന്നതിന്റെ ലോജിക്ക്. പോപ്പുമുതല്‍ ഇടവകപ്പട്ടക്കാരന്‍വരെ, വത്തിക്കാന്‍ മുതല്‍ ലോകത്തെമ്പാടുമുള്ള ഇടവകപ്പള്ളികള്‍വരെ, വ്യാപിച്ചുകിടക്കുന്ന അതിശക്തമായ ഒരു അധികാരവലക്കെട്ടും  വിശ്വാസപ്രമാണങ്ങളിലുറപ്പിച്ച കാനോന്‍ നിയമസംഹിതയും അതിനുണ്ട്.
            കാനോന്‍ നിയമം എത്രമാത്രം ഏകാധിപത്യപരമാണെന്നു തെളിയിക്കുന്ന അനേകം വകുപ്പുകളില്‍ ഒന്നിവിടെ ഉദ്ധരിക്കാം: ''രൂപതാമെത്രാന്‍ തന്നെ ഭരമേല്‍പ്പിച്ചിരിക്കുന്ന രൂപതയെ, നിയമനിര്‍മ്മാണാധികാരത്തോടും നിയമനിര്‍വ്വഹണാധികാരത്തോടും നിയമവ്യാഖ്യാനാധികാരത്തോടുംകൂടി ഭരിക്കുന്നു'' (പൗരസ്ത്യ കാനോന്‍ നിയമം, 191-ാം വകുപ്പ്). പോപ്പിന്റെ പ്രതിനിധിയായി രൂപത ഭരിക്കുന്നയാളാണ് മെത്രാന്‍. അയാളില്‍ നിയമത്തിന്റെ നിര്‍മ്മാണവും നിര്‍വ്വഹണവും വ്യാഖ്യാനാവകാശംപോലും കേന്ദ്രീകരിച്ചിരിക്കുന്നു. ഇത്തരം സ്വേച്ഛാധികാരസ്വരൂപങ്ങള്‍  തങ്ങളുടെ കീഴിലുള്ള കുഞ്ഞാടുകളെ വോട്ടുബാങ്കാക്കി രാഷ്ട്രീയരംഗത്തു നടത്തുന്ന കളികള്‍ നമ്മുടെ ജനാധിപത്യസംവിധാനത്തെത്തന്നെ ദുര്‍ബ്ബലപ്പെടുത്തിക്കൊണ്ടിരിക്കുന്നു.
പൗരോഹിത്യവും ബ്രാഹ്മണ്യവും
            സഭാധികാരശ്രേണിയിലെ കണ്ണികളായവര്‍ക്ക് പൗരോഹിത്യമെന്ന ദൈവികപരിവേഷം കല്‍പിക്കപ്പെടുന്നു. ഈ പൗരോഹിത്യവും ഇന്ത്യയിലെ ബ്രാഹ്മണ്യവും തമ്മില്‍ വലിയ വ്യത്യാസമില്ല. ബ്രാഹ്മണ്യം ജന്മസിദ്ധമെങ്കില്‍ പൗരോഹിത്യം ദൈവദത്തം - അധികാരത്തിന്റെ മേല്‍ത്തട്ടുകളില്‍ നിന്ന് കിട്ടുന്നത്, അത്രമാത്രം. വത്തിക്കാന്‍ കേന്ദ്രീകരിച്ചുള്ള ഈ അധികാരശ്രേണിയാണ് പൊതുവേ സഭ എന്നറിയപ്പെടുന്നത്.
            ഈ അധികാരസഭയ്ക്കു താഴെ പൗരോഹിത്യമുള്ള സന്യാസസഭാംഗങ്ങളും അതില്ലാത്ത സന്യാസ-കന്യാസ്ത്രീ വൃന്ദങ്ങളുമടങ്ങിയ വിശാലമായ ഒരു ഇടത്തട്ടുണ്ട്. ഇക്കൂട്ടരാണ് മഹത്തായ മനുഷ്യസേവനപ്രവര്‍ത്തനങ്ങളിലൂടെ സഭയ്ക്കാകമാനം സല്‍പേരും സ്വാധീനവുമുണ്ടാക്കിക്കൊടുക്കുന്നത്. സഭാവിമര്‍ശകര്‍ പൊതുവേ അവരെ അവഗണിക്കുകയും ചെയ്യുന്നു.
            അടുത്തകാലത്ത് അന്തരിച്ച സിസ്റ്റര്‍ മേരി ലിറ്റി അംഗപരിമിതരെ സംരക്ഷിക്കുന്നതിനായി കുന്നന്താനത്ത് ദൈവപരിപാലന സഭ സ്ഥാപിച്ച വലിയൊരു മനുഷ്യസ്‌നേഹി ആയിരുന്നു. പ്രവര്‍ത്തനം തുടങ്ങിയ കാലത്ത് അവരെ സന്ദര്‍ശിച്ച ഈ ലേഖകന്‍ അവരോടു പറഞ്ഞതിതാണ്, ''നിങ്ങളെപ്പോലുള്ള മനുഷ്യസ്‌നേഹികളെ കരുതിയാണ് സാധാരണ വിശ്വാസികള്‍ മെത്രാന്മാരെ കല്ലെറിയാത്തത്'' എന്ന്.
            കുറ്റിക്കോണത്തുള്ള അവരുടെ ഒരു ബ്രാഞ്ച് ഈയിടെ ഈ ലേഖകന്‍ സന്ദര്‍ശിക്കുകയുണ്ടായി. പരസഹായമില്ലാതെ ജീവിക്കാന്‍ കഴിയാത്ത 45 മനുഷ്യജീവികളുടെ സകല കാര്യങ്ങളും നോക്കി പരിചരിക്കുന്നത് വെറും 5 കന്യാസ്ത്രീകളാണ്. അവരുടെ മുഖത്തെ പ്രകാശവും അന്തേവാസികളുടെ സന്തോഷവും എന്നെ അത്ഭുതപ്പെടുത്തി.  കാമോര്‍ജ്ജത്തിന്റെ ഉദാത്തീകരണത്തെക്കുറിച്ചുള്ള ഫ്രോയിഡിയന്‍ ചിന്തയാണ് മനസ്സില്‍ വന്നത്. സ്‌നേഹത്തിനു വേലികെട്ടാതെ എല്ലാവരിലേക്കും തിരിച്ചു വിടുന്നവര്‍ക്കുദാഹരണമായി അദ്ദേഹം ചൂണ്ടിക്കാട്ടിയത് ഫ്രാന്‍സീസ് അസ്സീസിയെ ആയിരുന്നു. മനുഷ്യസ്‌നേഹപ്രചോദിതമായ ഇത്തരക്കാരുടെ ബ്രഹ്മചര്യത്തെ അധികാരശ്രേണിയില്‍പ്പെട്ട പുരോഹിതരില്‍ കെട്ടിയേല്‍പ്പിക്കപ്പെടുന്ന കന്യാത്വത്തില്‍നിന്നു വേറിട്ടുകാണണം.    
            ഈ രണ്ടാം തട്ടില്‍ പെട്ടവരുടെയുംമറ്റും സേവനങ്ങളെയും ധനാഗമമാര്‍ഗ്ഗമായി മാറ്റാനുള്ള വിദ്യയും സഭ വികസിപ്പിച്ചെടുത്തിട്ടുണ്ട്. അതാണ് പുണ്യാളനിര്‍മ്മാണവും തിരുശേഷിപ്പു വ്യവസായവും. വത്തിക്കാനില്‍ ഒരാള്‍ പുണ്യാളന്‍/പുണ്യാളത്തി ആയി പ്രഖ്യാപിക്കപ്പെടുമ്പോള്‍ ലോകമെങ്ങും കോടിക്കണക്കിനു തിരുശേഷിപ്പു കേന്ദ്രങ്ങള്‍ തുറക്കപ്പെടുന്നു. അവയിലൂടെ ശുദ്ധാത്മാക്കളായ കോടാനുകോടി വിശ്വാസികളുടെ ചില്ലിക്കാശുകള്‍പോലും വത്തിക്കാന്‍ ബാങ്കിലേക്ക് ഒഴുകിയെത്തുന്നു. വളരെ പുരോഗമനപരമായ പ്രസ്താവനകള്‍ നടത്താറുള്ള ഇപ്പോഴത്തെ ഫ്രാന്‍സീസ് പോപ്പാണ് പുണ്യാളനിര്‍മ്മാണത്തില്‍ സര്‍വ്വകാലറിക്കാര്‍ഡിട്ടിരിക്കുന്നത് എന്നത് ആരെയും വിസ്മയിപ്പിക്കുന്ന ഒരു വസ്തുതയാണ്.
സഭയും കുഞ്ഞാടുകളും   
ഇനി നമുക്ക് കുഞ്ഞാടുകളെന്നോ വിശ്വാസികളെന്നോ വിളിക്കപ്പെടുന്ന അല്‍മേനികളിലേക്കു വരാം. ഇവര്‍ പൊതുവേ മാനസികമായി പുരോഹിത ഇടയന്മാരുടെ അനുസരണയുള്ള കുഞ്ഞാടുകള്‍തന്നെയാണ്. ഫാദര്‍ കാപ്പന്‍ ഒരിടത്തു സൂചിപ്പിക്കുന്നതുപോലെ, ഇവര്‍ നിരന്തരം പാപം ചെയ്തും പ്രായശ്ചിത്തമായി പള്ളിക്കു പണം കൊടുത്തുമാണ് സഭയെ വലിയ സാമ്പത്തികശക്തിയായി നിലനിര്‍ത്തുന്നത്. പാപവും പണവും മുടങ്ങാതിരിക്കുന്നതിനായി അവര്‍ പാപികളാണെന്ന കാര്യം പുരോഹിതന്മാര്‍ സദാനേരവും അവരെ ഓര്‍മ്മിപ്പിച്ചുകൊണ്ടേയിരിക്കുന്നു. അങ്ങനെയാണ് ആത്മീയവ്യവസായത്തില്‍ ലോകത്തിലെ ഒന്നാംകിട കോര്‍പ്പറേറ്റ് സ്ഥാപനമായി സഭ വളര്‍ന്നിരിക്കുന്നത്.
ജനത്തെ ചൊല്‍പ്പടിക്കു നിര്‍ത്തുന്നതിനുള്ള സോഷ്യല്‍ ടെക്‌നോളജിയുടെ കാര്യത്തില്‍ സഭയെ വെല്ലുന്ന വേറൊരു സംവിധാനവും ഈ ഭൂമുഖത്തില്ല. ആഴ്ചയിലൊരിക്കല്‍ കോടിക്കണക്കിനു പള്ളികളില്‍ നടക്കുന്ന പ്രസംഗങ്ങളും മതപഠനക്ലാസുകളും മൊത്തത്തില്‍ വലിയൊരു ബ്രെയിന്‍വാഷിംഗ് മെഷീനാണ്. ഇതിലൂടെ കുഞ്ഞാടുകളില്‍ നിര്‍മ്മിക്കപ്പെടുന്ന വിധേയത്വമാണ് സഭയുടെ സംഘശക്തിക്കാധാരം. സംഘമനശ്ശാസ്ത്രതത്വങ്ങള്‍ സ്ഥാപിക്കുന്നതിന് ഒരു ഉദാഹരണമായി സഭയെ തിരഞ്ഞെടുക്കാന്‍ ഫ്രോയിഡിനെ പ്രേരിപ്പിച്ചതും മറ്റൊന്നുമല്ല.
വിശുദ്ധരെ വാഴിക്കലും വിധേയത്വനിര്‍മ്മാണത്തിനായി സഭ സമര്‍ത്ഥമയി പ്രയോഗിക്കുന്നു. കുട്ടനാടുകാരനായ പുത്തന്‍പറമ്പില്‍ തൊമ്മച്ചനാണ് കേരളത്തില്‍ വിശുദ്ധ പദവിയിലേക്കടുത്തുകൊണ്ടിരിക്കുന്ന ആദ്യകുഞ്ഞാട്. അദ്ദേഹത്തിന്റെ ജീവചരിത്രത്തില്‍ ഏറെ പ്രാധാന്യത്തോടെ വിവരിക്കുന്നത് അദ്ദേഹം മെത്രാനും അച്ചന്മാര്‍ക്കും എത്രമാത്രം കീഴ്‌പ്പെട്ടു ജീവിച്ചു എന്നുള്ളതാണ്. മെത്രാന്‍ അദ്ദേഹത്തോടു വളരെ നിന്ദ്യമായി പെരുമാറുന്നതു വിവരിക്കുമ്പോഴും അതു കഥാപുരുഷനെ പരീക്ഷിക്കാനായിരുന്നു എന്ന ന്യായീകരണമാണു നല്‍കപ്പെടുന്നത്. മെത്രാനു തെറ്റു ചെയ്യാനാവില്ലല്ലോ. ഒരു പള്ളിയോഗത്തില്‍ താമസിച്ചെത്തിയ തൊമ്മച്ചനോടു വികാരിയച്ചന്‍  കല്‍പിച്ചത്  ഓരോ അംഗത്തിന്റെയും മുന്നില്‍ മുട്ടുകുത്തി മാപ്പിരക്കാനാണ്. അതദ്ദേഹം അതേപടി അനുസരിക്കുകയും ചെയ്തുവത്രേ. അല്‍മേനി വിശുദ്ധനാകണമെങ്കില്‍ ഈ പുരോഹിതപീഡനമൊക്കെ സഹിച്ചേപറ്റൂ എന്നര്‍ത്ഥം.
1918-ല്‍ ചില അല്‍മായ നേതാക്കളൊത്തുകൂടി കുഞ്ഞാടുകള്‍ക്കായി 'കത്തോലിക്കാ മഹാജനസഭ' എന്ന സംഘടനയ്ക്കു രൂപം നല്‍കി. ഇതിനു സഭയുടെ അംഗീകാരം കിട്ടാന്‍ അവരുടെ നേതാവ് തെള്ളിയില്‍ മാത്തൂച്ചന്‍ അന്നത്തെ ബിഷപ് പഴേപറമ്പിലിനെ സമീപിച്ചു. കുറേയേറെ നേരം മാത്തൂച്ചനെ മുട്ടിന്മേല്‍ നിര്‍ത്തിയ ശേഷമാണ് മെത്രാന്‍ പ്രസാദിച്ചതും സംഘടനയ്ക്ക്  അംഗീകാരം നല്‍കിയതും. അതും രണ്ടു വ്യവസ്ഥകള്‍ക്കു വിധേയമായി: ''ഒന്ന്: സഭയുടെയോ വൈദികരുടെയോ കാര്യങ്ങളില്‍ സംഘടന ഇടപെടരുത്. രണ്ട്:  സംഘടനയുടെ അധ്യക്ഷന്‍ ബിഷപ്പുതന്നെ ആയിരിക്കും.''
ഇതൊരു പഴയ കഥ. പക്ഷേ, ഒരു നൂറ്റാണ്ടു കഴിഞ്ഞിട്ടും അതിനൊരു തുടര്‍ച്ചയുണ്ട്. ആ പഴയ സംഘടനയുടെ വര്‍ത്തമാനരൂപമാണ് 'കേരള കത്തോലിക്കാ കോണ്‍ഗ്രസ്'. അതിനെ ശക്തിപ്പെടുത്തുന്നതിനേക്കുറിച്ചൊരു വാര്‍ത്ത ഒരിക്കല്‍ (6-8-14) മാതൃഭൂമി പത്രത്തില്‍ വന്നു. 'ഫൊറോന തലത്തില്‍ സംഘടനയ്ക്കു നേതൃത്വം നല്‍കാന്‍ കഴിവുള്ള വൈദികരെ ഡയറക്ടര്‍മാരായി കണ്ടെത്തണം' എന്നായിരുന്നു അവരുടെ തീരുമാനം. എന്തുകൊണ്ട് നേതാവായി ഒരു അല്‍മേനി പാടില്ല എന്നു ചിന്തിക്കാന്‍ കഴിയാത്തവണ്ണം വേരുറപ്പാര്‍ജ്ജിച്ചിരിക്കുന്നു പുരോഹിതരോടുള്ള കുഞ്ഞാടുകളുടെ അടിമമനോഭാവം. സാമ്പത്തികകാര്യങ്ങളിലെങ്കിലും സഭയില്‍ സുതാര്യത വരുത്താനുദ്ദേശിച്ചുള്ളതാണ് ജസ്റ്റീസ് വി. ആര്‍. കൃഷ്ണയ്യര്‍ ചെയര്‍മാനായുള്ള കമ്മീഷന്റെ ചര്‍ച്ച് ആക്ട്(കേരള ക്രൈസ്തവസഭയുടെ വസ്തുക്കളും സ്ഥാപനങ്ങളും സംബന്ധിച്ച ട്രസ്റ്റ് ബില്‍). അതു നടപ്പാക്കണമെന്നാവശ്യപ്പെടാന്‍പോലും കുഞ്ഞാടുകള്‍ക്കിന്നു ധൈര്യമില്ല.
(തുടരും)                  
കടപ്പാട്: 2017 മെയ് ലക്കം 'യുക്തിരേഖ'