Translate

Tuesday, February 11, 2020

കെസിആർഎം നോർത് അമേരിക്കയുടെ ഇരുപത്തിനാലാമത് ടെലികോൺഫെറൻസ് ഫെബ്രുവരി 12, 2020-ന്


ചാക്കോ കളരിക്കൽ

കെസിആർഎം നോർത്ത് അമേരിക്കയുടെ ഇരുപത്തിനാലാമത് ടെലികോൺഫെറൻസ് ഫെബ്രുവരി 12, 2020 (February 12, 2020) ബുധനാഴ്ച വൈകീട്ട് ഒമ്പതുമണിക്ക് (09 PM EASTERN STANDARD TIME) നടത്തുന്നതാണെന്നുള്ള വിവരം എല്ലാവരേയും അറിയിച്ചുകൊള്ളുന്നു.
വിഷയം: 'കേരളത്തിലെ കന്ന്യാസ്ത്രികൾ നേരിടുന്ന പ്രതിസന്ധികൾ’. വിഷയം അവതരിപ്പിക്കുന്നത്: അഖില കേരള ചർച്ച് ആക്ട് ആക്ഷൻ കൗൺസിലിൻറെ (AKCAAC) ജനറൽ സെക്രട്ടറി ശ്രീ ജോസഫ് വെളിവിൽ (Joseph Velivil). അദ്ദേഹത്തെ സംബന്ധിച്ച കൂടുതൽ വിവരങ്ങൾ ജനുവരി 28-ലെ ടെലികോൺഫെറൻസ് ക്ഷണക്കുറിപ്പിൽ നൽകിയിരുന്നു.

 
കേരളത്തിലെ കന്ന്യാസ്ത്രികൾ നേരിടുന്ന പ്രതിസന്ധികൾ അനവധിയാണ്. അധികാരികളിൽനിന്നുള്ള മാനസിക പീഡനത്തെയും പുരോഹിതരിൽനിന്നുള്ള ലൈംഗികാക്രമണങ്ങളെയും തുടർന്ന് സഭാവസ്ത്രം ഉപേക്ഷിച്ച് പെരുവഴിയിലേയ്ക്ക് വെറുംകൈയ്യോടെ ഇറങ്ങേണ്ടിവരുന്ന നിസ്സഹായരായ സ്ത്രീകളുടെ ദയനീയമാ അവസ്ഥയെ സംബന്ധിച്ച് മനസ്സിലാക്കുകയും അവരെ തൻറെ കഴിവിൻറെ പരിധിയിൽ നിന്നുകൊണ്ട് സഹായിക്കുകയും ചെയ്തുകൊണ്ടിരിക്കുന്ന ഒരു സുമനസ്ക്കനാണ് ശ്രീ ജോസഫ് വെളിവിൽ. കൂടാതെ, കന്ന്യാസ്ത്രികൾ നേരിടുന്ന ബുദ്ധിമുട്ടുകളെയും പ്രതിസന്ധികളെയും അദ്ദേഹം ആഴത്തിൽ പഠിച്ചിട്ടുണ്ട്. ആ വിഷയത്തിൽ പതിറ്റാണ്ടുകൾ പയറ്റി തെളിയുകയും ചെയ്തിട്ടുണ്ട്. സഭ അതിൻറെ മൂല്യങ്ങൾക്കനുസൃതമായി കന്ന്യാസ്ത്രികളോട് പെരുമാറുകയും പുരോഹിത ലൈംഗിക പീഡനങ്ങളെ എത്രയും വേഗം പരിഹരിച്ച്‌ കുറ്റവാളികളെ മാതൃകാപരമായി ശിക്ഷിക്കുകയും ചെയ്തിരുന്നെങ്കിൽ കന്ന്യാസ്ത്രികൾക്ക് അവർ അർഹിക്കുന്ന നീതി ലഭിക്കുമായിരുന്നു. വിശ്വാസികൾക്കും പുരോഹിതർക്കും സഭാധികാരികളുടെ നീതിപൂർവമായ അത്തരം നീക്കം ആശ്വാസകരമാകുമായിരുന്നു. കത്തോലിക്ക സഭയുടെ സൽപ്പേരിന് കളങ്കം വരാതെ സൂക്ഷിക്കുകയും ചെയ്യാമായിരുന്നു.

സംഘടിത സഭയുടെ ശക്തികൊണ്ട് നിസ്സഹായരായ കന്ന്യാസ്ത്രികളെ എങ്ങനെയെല്ലാം ഉപദ്രവിക്കുമെന്നും വേട്ടയാടുമെന്നും അവർ നേരിടുന്ന പ്രശ്നങ്ങൾ എന്തെല്ലാമെന്നും ശ്രീ ജോസഫ് വെളിവി ൻറെ പ്രഭാഷണത്തിൽ വിശദീകരിക്കുന്നതായിരിക്കും. അദ്ദേഹത്തെ ശ്രവിക്കുന്നതിനും പിന്നീടുള്ള ചർച്ചയി പങ്കെടുക്കുന്നതിനും നിങ്ങളെല്ലാവരേയും ഫെബ്രുവരി 12-ലെ ടെലികോൺഫെറൻസിലേയ്ക്ക് സ്നേഹപൂർവം ക്ഷണിച്ചുകൊള്ളുന്നു.
ടെലികോൺഫെറൻസ് വിവരങ്ങൾ ചുവടെ ചേർക്കുന്നു.
ഫെബ്രുവരി 12, 2020 Wednesday evening 09 pm EST (New York Time)
Moderator: Mr. A. C. George
The number to call: 1-605-472-5785; Access Code: 959248#
Please see your time zone and enter the teleconference accordingly.

No comments:

Post a Comment