അല്മായശബ്ദം

പീഡനം: വികാരിയുടെ അറസ്‌റ്റ് നീളുന്നതില്‍ ദുരൂഹത

Story Dated: Wednesday, April 30, 2014 01:43

ഒല്ലൂര്‍(തൃശൂര്‍): ഒമ്പതുകാരിയെ പീഡിപ്പിച്ച തൈക്കാട്ടുശേരി സെന്റ്‌ പോള്‍സ്‌ പള്ളി വികാരി ഫാ. രാജു കൊക്കന്‌(44) പെട്ടെന്നുള്ള അറസ്‌റ്റില്‍നിന്നു രക്ഷപ്പെടാന്‍ വഴിയൊരുക്കിയത്‌ പോലീസാണെന്നു സംശയം.
പീഡനവിവരം പുറത്തായ ഉടന്‍ ഒല്ലൂര്‍ സി.ഐയുടെ നേതൃത്വത്തില്‍ പോലീസ്‌ ചോദ്യംചെയ്ായനെത്തുംമുമ്പേ വികാരി പള്ളിയില്‍നിന്നു മുങ്ങിയിരുന്നു. അറസ്‌റ്റ്‌ വിവരം ചോര്‍ന്നുവെന്നാണ്‌ ഇതു വ്യക്‌തമാക്കുന്നതെന്ന്‌ ആരോപണമുണ്ട്‌.

വികാരിയെ കുടുംബസുഹൃത്തുക്കളും ഭരണമുന്നണിയിലെ പ്രമുഖ ജനപ്രതിനിധിയും സഹായിെച്ചന്ന്‌ ആക്ഷേപമുയര്‍ന്നിട്ടുണ്ട്‌.
രാജു ആലുവയില്‍ ചെന്നിരുന്നതിനു തെളിവു ലഭിച്ച പോലീസ്‌ തിങ്കളാഴ്‌ച കീഴടങ്ങുമെന്നു ധരിച്ച്‌ കാത്തിരുന്നതു വെറുതെയായി.

ബന്ധുക്കളും പോലീസിന്‌ ഇത്തരമൊരു ഉറപ്പാണ്‌ നല്‌കിയിരുന്നത്‌. വികാരി സംസ്‌ഥാനം വിട്ടെന്നും അതല്ല ആലുവയില്‍ ഒളിവിലാണെന്നും പറയപ്പെടുന്നു. സംഭവം നടന്ന്‌ നാലുദിനം കഴിഞ്ഞിട്ടും വൈദികനെ പിടിക്കാന്‍ കഴിയാത്തത്‌ പോലീസിനു ക്ഷീണമായി.

- See more at: http://www.mangalam.com/print-edition/crime/177045#sthash.SFC1uY8H.dpuf