'’കാനോൻ നിയമങ്ങൾ സിവിൽ നിയമങ്ങൾക്കു തുല്യമല്ല''

'കാനോൻ നിയമങ്ങൾ സിവിൽ നിയമങ്ങൾക്കു തുല്യമല്ല'

ബർ യൂഹാനോൻ റമ്പാൻ (ഡയറക്ടർ, MACCABI), ഫോൺ: 9645939736

(റമ്പാച്ചന്റെ ഈ പ്രഭാഷണഭാഗമടങ്ങുന്ന വീഡിയോ കാണാൻ,  ലിങ്ക് സന്ദർശിക്കുക)

https://youtu.be/hlz86vFLLRI

1960 മാർച്ച് 14-നു മുംബൈ ഹൈക്കോടതി നടത്തിയിട്ടുള്ള ഒരു വിധിയുണ്ട്. അതിനെതിരെ സുപ്രീം കോടതിയിൽ അപ്പീൽ കൊടുക്കാൻ ആർക്കും ധൈര്യമുണ്ടായിട്ടില്ല. അതിൽ ഇങ്ങനെ വ്യക്തമാക്കിയിട്ടുണ്ട്: ''ഒരു സഭയുടെയും കാനോൻ നിയമങ്ങൾ instrument of trust ആയി കണക്കാക്കാനാവില്ല.'' സഭകൾക്കുള്ളിൽ സഭകൾ ഉണ്ടാക്കുന്ന സഭാനിയമങ്ങളെ അവയുടെ സ്വത്തു ഭരിക്കുന്നതിനുള്ള നിയമമായി കണക്കാക്കാനാവില്ല എന്നർഥം. ഭരണഘടനയിലെ ആർട്ടിക്കിൾ 26 ഡി പ്രകാരം നിയമസഭയിൽ പാസ്സാക്കുന്ന സിവിൽനിയമത്തിന്റെ അടിസ്ഥാനത്തിലേ സഭാസ്വത്തുക്കൾ ഭരിക്കാൻ പാടുള്ളു. ജസ്റ്റീസ് വി. ആർ. കൃഷ്ണയ്യർ തയ്യാറാക്കി സർക്കാരിനു സമർപ്പിച്ചിട്ടുള്ള തികച്ചും ജനാധിപത്യസ്വഭാവമുള്ള ചർച്ച് ബിൽ - 2009 പാസ്സാക്കിയാലേ, അതിന്റെ അടിസ്ഥാനത്തിലേ, സഭകളിലെ അഴിമതിയും സഭകൾ തമ്മിലുള്ള സ്വത്തുതർക്കങ്ങളും ശാശ്വതമായി പരിഹരിക്കാൻ സാധിക്കുകയുള്ളൂ എന്ന ബോധ്യം ജനങ്ങൾക്കും സർക്കാരിനും ഉണ്ടായേ മതിയാവൂ.