അല്മായശബ്ദം

ഈ തീരുമാനം ഇനി ആർക്കു വേണ്ടി ? പറയൂ പുരോഹിതരെ ?

By  George Kuttikattu

ജീവിതം വഴിമുട്ടിയ പ്രൊ.ടി.ജെ.ജോസഫിന്റെ കുടുംബത്തിന്റെ ഏക ആശ്രയമായിരുന്ന സലോമിയുടെ ആത്മഹത്യയിലൂടെ ഒഴുകിയ ചുടു രക്തം രുചിച്ച സീറോമലബാർ സഭയുടെ മെത്രാന്മാരുടെയും വൈദികരുടെയും പൈശാചി ക പ്രവത്തികൾ തീരുന്നില്ല. അത് തുടരുകയാണ്.സലോമിയുടെ മൃതദേഹത്തിൽ ചവിട്ടി നിന്ന് അവരിപ്പോൾ ടി.ജെ ജോസഫിനെ തിരിച്ചെടുക്കുന്നു പോലും ! ഇതാരെ ബോദ്ധ്യപ്പെടുത്താൻ ? മനസാക്ഷിയില്ലാത്ത ഇവരുടെ ഇടയലേഖനങ്ങൾ ഇനി മുതൽ ചവറ്റുകൊട്ടയിൽ സ്ഥാനം പിടിക്കും. സലോമിയുടെ രക്തം ഈമ്പി ഈമ്പി കുടിച്ച പിശാശുക്കളായ ഇവരുടെ ഇപ്പോഴത്തെ  രക്തകണ്ണീർ പൊഴിക്കൽ ടി.ജെ ജോസഫിനെയോ അദ്ദേഹത്തിൻറെ എല്ലാമായിരുന്ന രക്തസാക്ഷിയായിത്തീർന്ന പ്രിയ ഭാര്യയുടെ ആത്മാവിനെയോ ജനസമൂഹത്തിന്റെയൊ താല്പ്പര്യങ്ങളെ സഫലീകരിക്കുകയില്ല. ഇനി ആര്ക്കുവേണ്ടി ഈ തീരുമാനം.? മെത്രാന്മാർക്കും പുരോഹിതന്മാർക്കും ഇനി പെരുവഴിയിൽ ഇറങ്ങാൻ പറ്റാത്ത അവസ്ഥ ഇവർ തന്നെ സൃഷ്ടിക്കുന്നു. നികൃഷ്ടജീവികൾ എന്നവരെ പേര് വിളിച്ചതിന് അവർ ഉത്തരവാദികൾ. മെത്രാന്മാരും പുരോഹിതന്മാരും ഇനി മുതൽ പണപ്പിരിവിനു വേണ്ടി യൂറോപ്പിലെത്തിയാൽ അപ്പോൾ വിവരം അറിയേണ്ടി വരും. സലോമിയുടെ മരണത്തിനു ഉത്തരവാദിത്വം ഏറ്റെടുത്തു പൊതുജനങ്ങളോട് മാപ്പ് പറഞ്ഞു സ്ഥാനം രാജി വയ്ക്കണം. കോടതിവിധിയെപ്പോലും മാനിക്കാത്ത ഇവർ ടി.ജെ.ജോസഫിന്റെ കൈ വെട്ടിയ മതഭ്രാന്തരായ ഭീകരരേക്കാൾ ഭീകരന്മാർ തന്നെ.