വീണ്ടും തൃശ്ശൂര്‍ മാതൃക!

വളരെയേറെ വിവാദമായ കഴിഞ്ഞ വര്‍ഷത്തെ ക്രിസ്മസ് ബോണ്‍ നത്താലെ ഈ വര്‍ഷവും തൃശ്ശൂരില്‍ ആഘോഷിക്കുന്നു. ഗിന്നസ് ബുക്കില്‍ ഇടം തേടുകയെന്നതാണ് ലക്‌ഷ്യമെന്ന് കൃത്യമായി നോട്ടിസില്‍ പറഞ്ഞിരിക്കുന്നു. ഡിസംബര്‍ 19 മുതല്‍ ജനുവരി 15 വരെയാണ് തൃശ്ശൂര്‍ ശക്തനില്‍ ഈ പരിപാടി നടത്തുന്നത്. അത്യപൂര്‍വ്വ മാമാങ്കം എന്ന് രൂപത വിശേഷിപ്പിക്കുന്ന ‘BUON, NATALE’ യില്‍ പതിനായിരത്തിലധികം ക്രിസ്മസ് പാപ്പാമാരും, അയ്യായിരത്തിലധികം നര്‍ത്തകരും, ആയിരക്കണക്കിന് മാലാഖാമാരും അമ്പരപ്പിക്കുന്ന നിശ്ചല ദൃശ്യങ്ങളും ഉണ്ടാകുമെന്ന് സംഘാടകര്‍ അറിയിക്കുന്നു. പെറ്റ് ഷോ, മത്സരങ്ങള്‍, കരോള്‍ ഘോഷയാത്ര തുടങ്ങി മറ്റു പരിപാടികളും ഒപ്പം ഉണ്ടാവും.