Translate

Friday, May 3, 2013

ചിരിക്കാം ചിരിക്കാം ചിരിച്ചുങ്കോണ്ടിരിക്കാം...

അല്മായാ ശബ്ദത്തിലെഴുതുന്നവരെല്ലാം മാനസിക പ്രശ്നങ്ങള്‍ ഉള്ളവരാണെന്ന ധ്വനിവരുന്ന ഒരഭിപ്രായം ആരോ എഴുതിക്കണ്ടു. എന്നെക്കണ്ടാല്‍ അങ്ങിനെയൊരു സംശയം മറ്റാര്‍ക്കും തോന്നരുതല്ലോയെന്നു കരുതി ശ്വാസം പിടിച്ചു രണ്ടു മൂന്നു ദിവസം നിന്നു.  അപ്പോഴാണ്‌ ഔദ്യോഗിക അല്മായാ കമ്മിഷന്‍റെ മുഖപത്രം (Laity Voice - May) മെയിലില്‍ വന്നത്. സത്യം പറയാമല്ലോ, എനിക്കെന്നല്ല ആര്‍ക്കും പിടിച്ചുനില്‍ക്കാന്‍ കഴിയണമെന്നില്ല, സര്‍വ്വ കണ്ട്രോളും പോകും.

എന്‍റെ ആര്‍ത്തലച്ചുള്ള ചിരി കേട്ട് ആദ്യം അടുക്കളയില്‍ നിന്നോടിവന്നത് ഭാര്യ തന്നെ. ചിരിയുടെ ഇടയ്ക്കു കാര്യം പറയാനേ സാധിച്ചില്ല. ഒന്നടങ്ങിയപ്പോള്‍ ഞാന്‍ പത്രാധിപരുടെ ലേഖനം കാണിച്ചുകൊടുത്തു. തലക്കെട്ട്, “അല്മായര്‍ പടിക്ക് പുറത്ത്, പിന്നെയെന്ത് അല്മായാ ശാക്തീകാരണം?” എന്ന്. സത്യമായിട്ടും ഞാനോര്‍ത്തത് ഇത് പഴയതുപോലൊരു അധരവ്യായാമം ആണെന്ന്. സംഗതി വായിച്ചു വന്നപ്പോള്‍ അല്മായാ ശബ്ദത്തിലെ കിറുക്കന്‍മാര്‍ എഴുതുന്നതുപോലെ തന്നെ... അതാണ്‌ എന്നെ ചിരിപ്പിച്ചത്.

[കുറിപ്പ്: താഴെ ബ്രാക്കറ്റില്‍ കാണുന്നത് എന്‍റെ അഭിപ്രായം, ബ്രാക്കറ്റിനു പുറത്തു കാണുന്നത് പത്രാധിപരുടെ ലേഖനത്തില്‍ നിന്നുള്ളത്, പക്ഷേ, പത്രാധിപര്‍ ബ്രാക്കറ്റിന് പുറത്താണോ ഇപ്പോളെന്നത് പറയാറായിട്ടില്ല]

ജീവിതം മുഴുവന്‍ സഭാ പ്രവര്‍ത്തനങ്ങള്‍ക്ക് വേണ്ടി ചിലവഴിച്ച ധന്യനായ ഒരല്മായന്‍ പത്രാധിപരോട് പറഞ്ഞത്രേ “അല്മായര്‍ പടിക്ക് പുറത്ത്, പിന്നെയെന്ത് അല്മായാ ശാക്തീകാരണം?” എന്ന് – അതും കഴിഞ്ഞ ഏപ്രിലില്‍ നടന്ന KCBC അല്മായാ കമ്മിഷന്‍ മീറ്റിംഗ് നടന്നുകൊണ്ടിരുന്നപ്പോള്‍ (അങ്ങിനെയെങ്കില്‍ അത് പുലിക്കുന്നന്‍ ആയിരിക്കും... അല്ലാണ്ടാരാ സഭക്കുവേണ്ടി ജീവിതം മുഴുവന്‍ ചിലവഴിച്ചത്? പക്ഷെ പുലിക്കുന്നന്‍ കടുവാക്കൂട്ടില്‍ പോകാറില്ലല്ലോ!  തോമ്മാ സ്ലിഹാ ഇപ്പൊ ജീവിച്ചിരിപ്പുമില്ലല്ലോ ...പിന്നെയാരായിരിക്കും?) 

കണ്മുമ്പില്‍ കാണുന്ന യാഥാര്‍ത്യങ്ങളുടെ നേരെ ഏറെ നാള്‍ കണ്ണടച്ചിരിക്കാനാവുമോ (ബുള്ളറ്റ് പ്രൂഫ്‌ കാര്‍ അങ്ങേരും കണ്ടു!), ഇതൊക്കെ പഠിക്കാന്‍ ആരെങ്കിലും ശ്രമിച്ചിട്ടുണ്ടോ (അപ്പോള് , കമ്മിഷന്‍ ചെയര്‍മാന്‍ വിദേശത്തു പോയത് അല്മായനുവേണ്ടിയല്ലായിരുന്നു ... ഭയങ്കരം!).

കൌണ്സില്‍ ഡിക്രികളും, ദര്‍ശനങ്ങളും പൊക്കിപ്പിടിച്ചുകൊണ്ട് നടന്നിട്ട് കാര്യമില്ല (ഇത് ആലഞ്ചേരിയെ തന്നെ ലക്ഷ്യമാക്കിയായിരിക്കണം, വിതയത്തില്‍ മരിച്ചു പോയല്ലോ).

അമ്പലത്തില്‍ പോയി തുലാഭാരം നടത്തി വന്നവനെയും സഭാധികരികളെ അപമാനിച്ചു സംസാരിച്ചവരെയും പള്ളിയില്‍ സ്വീകരിച്ചിരുത്തിയതു ശരിയല്ല തന്നെ (ജോര്ജ്ജല്ലാതെ വേറെയും ഒത്തിരിപ്പേര്‍ ഇത് ചെയ്യുന്നുണ്ടല്ലോ...ആരെ ഉദ്ദേശിച്ചായിരിക്കും ആവോ? എന്താണെങ്കിലും, ഒരു രൂപതാദ്ധ്യക്ഷനെ തെറി പറഞ്ഞവന് അടുത്ത രൂപതയില്‍ വീരചക്രം കൊടുക്കുന്നത് ഏതായാലും ശരിയല്ല.), 

സ്ടേജ് കെട്ടുക, മുത്തുക്കുട പിടിക്കുക, തോരണം കെട്ടുക, പടക്കം പൊട്ടിക്കുക തുടങ്ങിയവയാണ്, ഇടവക, രൂപതാ കൂട്ടായ്മകളിലെ അല്‍മായ ഭാരവാഹികള്‍ ചെയ്യേണ്ടത് (ഓക്കെ ... മനസ്സിലായി സെക്രട്ടറി ഇത്രയും നാള്‍ ചെയ്തതെന്താണെന്ന്),

അല്മായാ വിശ്വാസികളെ രക്ഷിക്കുവാന്‍ ഇന്നാരുണ്ട് (ആരുമില്ലേ? അല്മായാ ശബ്ദമുണ്ടല്ലോ!),

നേതൃത്വം വിശ്വാസി സമൂഹത്തിനു എന്ത് നേടിത്തരുന്നു (കൂട്ടത്തില്‍ നിന്നവര്‍ക്ക് ഒരേക്കര് പോലും കിട്ടിയില്ല, കഷ്ടം),

ഫലം തരാത്ത വൃക്ഷത്തെ വെട്ടി തീയിലിടണം (ഈശ്വരാ... കൂട്ടത്തില്‍ നടക്കുന്ന മെത്രാനോട് ഇത്രയൊക്കെ പറയാമോ?),

കുട്ടികളുടെ എണ്ണം വര്‍ദ്ധിപ്പിച്ചു വളരേണ്ടതാണോ സഭ (സംഗതി ഇങ്ങു പാലായില്‍ വന്നല്ലോ!),

സഭ സുവിശേഷവല്‍ക്കരണത്തില്‍ നിന്ന് വ്യതിചലിച്ചുവോ (റോമില്‍ പ്രോക്കൂറാ ഹൌസ് മേടിച്ചതും അല്മായാ സെക്രട്ടറി അറിഞ്ഞു - ഉറപ്പ്), 

ചില ക്രൈസ്തവരെ ജയിപ്പിക്കുവാന്‍ വേണ്ടി മാത്രം സഭ പ്രവര്‍ത്തിക്കുന്നു (തൃശ്ശൂര്‍ മെത്രാന്‍ എന്ത് പിഴച്ചു? അദ്ദേഹം പള്ളികള്‍ നിര്‍ത്തലാക്കുകയല്ലേ ചെയ്യുന്നത്?),

രാഷ്ട്രിയ നേതൃത്വം കൈപ്പിടിയിലൊതുക്കുന്നു (ചങ്ങനാശ്ശേരി വഴി..), രാഷ്ട്രിയക്കാര്‍ക്ക് ഇരുന്നു നിരങ്ങാന്‍ (കാഞ്ഞിരപ്പള്ളിയിലൂടെ) സഭ സൗകര്യം ചെയ്തു കൊടുക്കുന്നു (.... പാലായില്‍ വന്നു), 

യേശുവിനെ പൊതു സമൂഹത്തിനു കൊടുക്കാന്‍ കഴിവില്ലെങ്കില്‍ എന്ത് പ്രതിബദ്ധതയാണിവര്‍ക്കുള്ളത് (വീണ്ടും കാഞ്ഞിരപ്പള്ളിയില്‍ നിന്ന് തുടങ്ങി...), സഭാമക്കളില്‍ ഒന്നാകെ നിസ്സംഗതയും നിരാശയുമുണ്ട് (ചിക്കാഗോയിലേക്ക് ...ത്രൂ).


സഭ NGO യല്ല, പിതാവിന്‍റെ സാന്നിദ്ധ്യം എപ്പോഴും അനുഭവപ്പെടണം അല്ലാത്തത് യേശുവിലൂടെയുള്ളതല്ലായെന്നൊക്കെ വെട്ടിത്തുറന്നു ഫ്രാന്‍സിസ് മാര്‍പ്പാപ്പാ പറഞ്ഞത് തര്‍ജ്ജമ ചെയ്തപ്പോള്‍, സഭ നന്നായി പ്രവര്‍ത്തിക്കണം എന്ന് മാത്രമായിപ്പോയി.

അപ്പൊ അല്മായാ ശബ്ദത്തിന് താമസിയാതെ ഒരു പോരാളിയെക്കൂടി കിട്ടും ഉറപ്പ്. പോരെ ചേട്ടാ... പോരെ.... ഇനി വേറെ എന്ട്രന്‍സ് ടെസ്റ്റിന്‍റെ ആവശ്യമില്ല. 

6 comments:

  1. രോഷൻ രോഷാകുലനായെങ്കിലും, "ചിരിക്കാം ചിരിക്കാം ചിരിച്ചുങ്കോണ്ടിരിക്കാം"എന്നാ തലക്കെട്ടിലതു അവതരിപ്പിച്ചതിനും , അതിൽ തിരുകിവച്ച നർമ്മത്തിനും , സെൻസിബിൾ വിശകലനത്തിനും , രചനാ റെക്നോലോജിക്കും അഭിനന്ദനം ! പക്ഷെ , നമ്മെ "വട്ടുകൾ" എന്ന് ആക്ഷേപിച്ഛവർക്ക് പൂച്ചെണ്ടുകൾ കൊടുത്തു നന്ദി പറയേണ്ടുന്നതിനുപകരം , കോപിച്ചു , കോപമടക്കാൻ ചിരിച്ചു ! ക്രിസ്തുവിനും ഈകൂട്ടർ വട്ടാനെന്നും , ഭൂതങ്ങളുടെ തലവനായ mr .ബാല്സബൂലിനെ കൊണ്ടാണീ കളികളെന്നും അന്നത്തെ പൌരോഹിത്യം പറഞ്ഞിരുന്നു ! പട്ടി എല്ലാക്കാലത്തും പട്ടിതന്നെ ; അതുപൊലാണീ പൌരോഹിത്യവും ! BC / AD കാലം ഇവറ്റകളെ മാറ്റില്ല ! എന്നുംകുന്നും വേശ്യ , അവളുടെ ഭാവം /സ്വഭാവം ഒന്നുതന്നെ ! സത്യം പറഞ്ഞാലാർക്കാ രുചിക്കുക? നമ്മുടെ പാവം ഗലീലിയോ ,അയ്യോ!വയ്യാ...

    ReplyDelete
  2. ന്യൂയോര്‍ക്ക്‌: അമേരിക്ക സന്ദര്‍ശിക്കുന്ന ഡല്‍ഹി- ഫരീദാബാദ്‌ സീറോ മലബാര്‍ രൂപതാ ആര്‍ച്ച്‌ ബിഷപ്പിന് സുഹൃത്തുക്കളും അഭ്യുദയകാംക്ഷികളും ചേര്‍ന്ന്‌ മെയ്‌ 27-ന്‌ തിങ്കളാഴ്‌ച വൈകുന്നേരം 6.30-ന്‌ ഗ്രീന്‍ബര്‍ഗിലുള്ള റോയല്‍ പാലസ്‌ റെസ്റ്റോറന്റില്‍ വെച്ച്‌ സ്വീകരണം നല്‍കുന്നു. കൂടുതൽ വിവരങ്ങൾ താഴെയുള്ള ലിങ്കിൽ വായിക്കുക.
    http://www.emalayalee.com/varthaFull.php?newsId=49547

    ബഹുമാനപ്പെട്ട ശ്രീ അറക്കൻ കാഞ്ഞിരപ്പള്ളിക്ക് പണമില്ലെന്ന് പറഞ്ഞ് അമേരിക്കയിലെ എല്ലാ പള്ളികളിലും തീർഥാടനം നടത്തിയിരുന്നു. വിലകൂടിയ കാറ് മേടിച്ചകാര്യം ചില താല്പ്പരകഷികളുടെ കുപ്രചരണമെന്നാണ് അദ്ദേഹത്തിന്റെ വാദം. ആഴ്ചതോറും മെത്രാൻമാർ അമേരിക്കയ്ക്ക് ഇറക്കുമതിയുള്ളതുകൊണ്ട് അദ്ദേഹത്തിന് കാര്യമായ സംഭാവന ലഭിച്ചുവോയെന്ന് സംശയമാണ്. എന്നാലും മെത്രാൻ വീട്ടില് ചെന്നാൽ സാധാരണ എല്ലാവരും ഉദാരമായി സംഭാവന ചെയ്യാറുണ്ട്. ഒരു പത്തു പ്രാവിശ്യമെങ്കിലും ഇദ്ദേഹം അമേരിക്കാ സന്ദർശിച്ചതായി എന്റെ ഓർമ്മയിൽ ഉണ്ട്. അതുപോലെ മറ്റനേക ലോകരാജ്യങ്ങളും.

    എന്നാൽ ഡൽഹിയിൽനിന്നും ഒരു സുന്ദരക്കുട്ടൻ അമേരിക്കയിൽ ഉണ്ട്. ഇവുടുത്തെ മലയാളീ കുട്ടിപത്രങ്ങളിൽ വാർത്തകൾ നിറഞ്ഞിരിക്കുന്നു. ന്യൂയോർക്കിൽ തന്നെ വളരെ വർഷങ്ങൾ താമസിച്ചതുകൊണ്ട് എന്റെ കുടുംബം ഒഴിച്ച് മിക്ക സുറിയാനി കത്തോലിക്കാ കുടുംബങ്ങളെയും അദ്ദേഹത്തിനറിയാം. അറക്കനേപോലെതന്നെ ഇദ്ദേഹത്തിനും യാതൊരു സ്വഭാവദൂക്ഷ്യവും ഇല്ല. രണ്ടുപേരും സന്മാർഗികൾ തന്നെ. അറക്കന് പണം എന്നു കേട്ടാൽ വിധവയെവരെ കുത്തികൊല്ലാൻ മടിക്കാത്തവനെങ്കിൽ ഈ കൊച്ചുപിതാവിന് അങ്ങനെയൊരു സ്വഭാവമില്ല. നല്ല പ്രായം ആയതുകൊണ്ടും അദ്ദേഹത്തെ എല്ലാവർക്കും അറിയാവുന്നതുകൊണ്ടും നല്ലവരായ അമേരിക്കൻ മലയാളികൾ ഈ കൊച്ചുപിതാവിനെ നിരാശപ്പെടുത്തുകയില്ല.

    അറക്കന് പണം കൊടുത്താൽ കട്ടപ്പനവരെ പ്രകൃതിയെ നശിപ്പിച്ച് കെട്ടിടങ്ങൾ പണിയും. ഇദ്ദേഹത്തെ സംബന്ധിച്ച് പണം ഇന്ത്യയുടെ തലസ്ഥാനത്ത് പോകുന്നതുകൊണ്ട്‌ അങ്ങനെ പേടിക്കണ്ടാ. പണം എത്തിയാൽ ഏറ്റവും ഗുണപ്രദമാകുന്നത് മദ്യവില്പ്പന ശാലകൾക്കായിരിക്കും. അദ്ദേഹത്തിന്റെ ന്യൂയോക്കിലുള്ള ഗംഭീര സ്വീകരണം തുടരുന്നു.

    ഈ പിതാവിന്റെ ഹോബി അമ്പത്താറുകളി, റമ്മി ഇവകളെല്ലാം ആണ്. സോക്കറ് കാണാൻ ഇരുന്നാൽ പാതിരാവരെ ഇരുന്നുകണ്ട് ആ വീട്ടില് കിടന്നുറങ്ങികൊള്ളും. കള്ള് അകത്തു കയറിയാൽ ശുദ്ധപാവവുമാണ്. പാലാ അടുത്ത് സ്വദേശിയായതുകൊണ്ട് പച്ചകപ്പ കരിയാപ്പിലയിൽ ഇട്ട് ഉലത്തി മീൻ വറത്തത് കൊടുത്താൽ അദ്ദേഹത്തിന് കുശലായി. ഇദ്ദേഹത്തിന്റെ ബ്രാൻഡ് ഷിവാസ് റീഗൽ, റോയൽ സല്യൂട്ട് എന്നിവകളാണ്. കുപ്പികാണിച്ച് ചിലർ താണ മദ്യവും കുപ്പികളിൽ നിറച്ച് തിരുമേനിയെ പറ്റിക്കാറുണ്ട്. ഏഴ് പെഗ്ഗിൽ കൂടുതൽ കൊടുത്താൽ ബൈബിളിലെ വചനങ്ങളിൽകൂടി ചുറ്റുമുള്ളവരെ രസിപ്പിക്കുകയും ചെയ്യും. ചിലപ്പോൾ സുബോധം നശിച്ചാൽ പ്രാർഥനാ ചേട്ടത്തിമാർ എടുത്തുകൊണ്ടുപോയി കിടത്തികൊള്ളും.

    സീറോ മലബാറിന്റെ മെത്രാനെങ്കിലും ഡൽഹിയിൽ പദവി കിട്ടിയപ്പോഴേ തലയിലെ മയിൽ‌പ്പീലി തൊപ്പി വലിച്ചെറിഞ്ഞ്‌ ആലഞ്ചേരിയെ അപമാനിച്ചതും എവിടെയോ വായിച്ചു. ലാറ്റിൻ ബിഷപ്പിന്റെ വേഷം ഇടുന്നതിലും ആലഞ്ചേരിക്ക്‌ ഈ കൊച്ചു തിരുമേനിയോട് നീരസമാണ്.

    കള്ളടിച്ചു കഴിഞ്ഞാൽ പതിനഞ്ചാം നൂറ്റാണ്ടിലെ മാർപാപ്പാമാരുടെ വേശ്യകളുമൊത്തുള്ള നഗ്നനൃത്ത കഥകളും ചരിത്രവും തീയോളജിയും മൊത്തം കേൾക്കാം. സാധാരണ എസ്. എസ്. എൽ. സി. പി എച്ച്. ഡി പോലെയല്ല, മുക്കുടിയനെപ്പോലെ പെരുമാറുകയില്ല. കള്ളുകേറിയാൽ നല്ല ജ്ഞാനം ഉണ്ടെന്ന് ആർക്കും വ്യക്തമാകും. അന്തസുള്ള കുടുംബത്തിൽനിന്നും വരുന്ന ബിഷപ്പ് എത്ര മുഴുക്കുടിയനാണെങ്കിലും ആഭിജാത്യം കാണിക്കാതിരിക്കുമോ? അതാണ് മദ്യപാനികളുടെ പിതാവായ ശ്രീ ഭരണി.


    കൂടുതൽ മുകളിൽ കൊടുത്തിരിക്കുന്ന ലിങ്കിൽ വായിക്കുക.

    ReplyDelete
  3. സഭയിലെ ബുദ്ധിജീവികളുടെ ബ്ലോഗ്‌ എന്ന് പറഞ്ഞാണ് ആദ്യം അല്മായശബ്ദത്തെ അവഗണിച്ചത് ,
    പിന്നെ എഴുത്തുകാരെ പറ്റി അപവാദ പ്രചരണങ്ങൾ - സമനില തെറ്റിയവർ എന്നും , പിശാചു ബാധ ഉള്ളവർ എന്നും , സെക്കുലറിസത്തിന്റെ അരൂപി ബാധിച്ചവർ എന്നും - പേരിൽ തന്നെ "വട്ട്" അറ്റാച്ച്ട് ആയ വ്യാജ പ്രവാചകർ പറയുന്നുണ്ട് . ഉത്തരം മുട്ടുമ്പോൾ കൊഞ്ഞനം കുത്തുന്ന ഈ സ്വയം പ്രഖ്യാപിത അഭിഷേകഅഗ്നി ക്കാരോട് സഹതാപം മാത്രമേ ഉള്ളൂ .

    ReplyDelete
  4. https://www.youtube.com/watch?v=Uwk_tXOPkm4

    ReplyDelete

  5. അജ്ഞാനിയുടെ ശബ്ദമായ ലൈറ്റിവോയിസ് ഒന്ന് ഓടിച്ചുനോക്കി. അല്മെനിയുടെ പത്രം എന്ന് പേരുണ്ടെങ്കിലും വിവരമില്ലാത്ത പുരോഹിതരുടെ ലേഖനങ്ങൾകൊണ്ട് മാസിക നിറഞ്ഞിരിക്കുകയാണ്. വായിക്കുവാൻ വലിയ താല്പര്യം തൊന്നിയില്ല. പത്രം മുഴുവൻ കുപ്പായക്കാരെകൊണ്ട് നിറച്ചുവെച്ചിരിരിക്കുന്നു. ഇവരുടെ പ്രധാന ആരോപണം, അമ്പലങ്ങളിൽ കത്തോലിക്കൻ തുലാഭാരം നടത്തുന്നു,മുസ്ലിം പള്ളികളിൽ പോയി കത്തോലിക്കർ പ്രാർധിക്കുന്നുവെന്നൊക്കെയാണ്. എഡിറ്റോറിയലും വിവര ദോഷങ്ങൾ മാത്രം.

    മതമൌലികത എന്ന വിഷ പുക ഉള്ളിൽ കത്തിച്ചു നടക്കുന്ന ഇതിലെ എഴുത്തുകാരും പ്രവർത്തകരും എന്തുകൊണ്ട് കത്തോലിക്കാ എന്ന വാക്കിന്റെ അര്ഥം മനസിലാക്കാത്തത്? ഇങ്ങനെയുള്ളവനെ അല്മായ നേതൃത്വത്തിൽ കയറ്റി ബഹുമാനിച്ചാൽ നാളെ ഇവർ നാട്ടിൽ ഭീകരത സൃഷ്ടിക്കാനും മറക്കുകയില്ല.

    സഭാധ്യക്ഷന്മാരെ പരസ്യമായി ആക്ഷേപിച്ചവരെ, അവഹേളിച്ചവരെ സഭാവേദിയിൽ ക്ഷണിച്ചു വരുത്തുന്നതിനെ ലൈറ്റി വോയിസ് കുറ്റപ്പെടുത്തിയിട്ടുണ്ട്. ആഗോളതലത്തിൽ ലൈംഗികപീഡനങ്ങൾ നടത്തുന്ന കർദ്ദിനാൾമാർവരെ മാർപാപ്പാ വിമർശിച്ചത് പത്രാധിപരെ ഒന്ന് വായിക്കൂ. അതൊന്നും ലൈററിയുടെ എഡിറ്റർ വായിക്കാറില്ലേ. മൂന്നുലക്ഷം ജനം ലൈറ്റിവോയിസ് വായിക്കുന്നുവെന്ന് ഒരു പടുനുണയും ഇതിലെ പത്രാധിപർ തട്ടിവിട്ടിട്ടുണ്ട്.

    മുസ്ലിംപള്ളികളിൽ ക്രിസ്ത്യാനികൾ പ്രാർത്ഥിക്കുന്നുവെന്ന് മുതലകണ്ണുനീർ വീഴ്ത്തുന്ന പത്രാധിപർ ജോണ് പോൾ മാർപാപ്പാ ഇറാക്കിലെ മുസ്ലിംപള്ളിയിൽ പോയി ഖുറാനെ ഉമ്മ വെക്കുന്ന ഫോട്ടൊ താഴത്തെ ലിങ്കിൽ കാണുക. ഒരാൾ അമ്പലത്തിൽ തുലാഭാരം വെച്ചാലൊന്നും ദൈവത്തിന് തേയ്മാനം വരുകയില്ലെന്നും വക്കീലെ മനസിലാക്കൂ. ഖുറാനെ ഉമ്മവെച്ചാൽ യേശു പ്രവാചകനായി തരംതാഴുമെന്നും ചിലർ ഭയപ്പെട്ടിരുന്നു.യേശു അത്ര പെട്ടെന്ന് തേയ്മാനം വരുന്ന ദിവ്യനോ?

    മുസ്ലിമുകളുടെയും യഹൂദരുടെയും ക്രിസ്ത്യാനികളുടെയും പിതാവായ അബ്രാഹാമിന്റെ കാലടികളെ പിന്തുടർന്നു സാഹോദദര ബന്ധം പ്രകടിപ്പിക്കുക എന്നതും സഭയുടെ ലക്ഷ്യമായിരുന്നു.ഹലോ ലൈറ്റി പത്രാധിപരെ താങ്കളുടെ പത്രത്തിൽ വർഗീയത കടത്തി വിടാതിരുന്നുകൂടെ? ഇത്തരം വികാരിജീവികളുടെ സഭയിൽ വിവരം ഉള്ളവർ എങ്ങനെ സഹകരിക്കും?
    Pope kisses Koran:-
    http://fatherjoe.wordpress.com/instructions/debates/anti-catholicism/pope-john-paul-ii-kisses-the-koran/

    ReplyDelete
  6. Laity Voice ൽ ആകെയുള്ള ഒരു lay v.c.sebastian എന്നൊരു പാവയാണെന്ന സത്യം ഒരു ലക്കം വായിക്കുമ്പോൾ തന്നെ മനസ്സിലാകും. അങ്ങേരെ ഇട്ടോണ്ട് അച്ചന്മാർ കളിക്കുന്ന കളികൾ അത്ര രസകരമൊന്നുമല്ല. ഇത്തവണ v.c. sebastianനെ ഇന്റർവ്യൂ ചെയ്യുന്ന ഒരു വീഡിയോ ചേർത്തിട്ടുണ്ട്. അതിൽ laity voice ന്റെ സത്യം - അറക്കലിന്റെയും ചില അച്ചന്മാരുടെയും ഒരു ഒത്തുകളിയാണ് ഈ laity voice എന്നും താൻ അതിൽ ഒരു കരു മാത്രമാണെന്നും - പാവം ഏറ്റുപറയുന്നുണ്ട്. പിന്നെ ചൊളിവിൽ ലോകം കറങ്ങലും ഇച്ചിരെ പേരും പ്രസിദ്ധിയുമൊക്കെ കിട്ടുമെങ്കിൽ ആരാണ് സെക്രട്ടറി സ്ഥാനം വേണ്ടെന്നു വയ്ക്കുക?

    വിശ്വാസ പ്രമാണത്തെ വിശദീകരിക്കുന്ന ഒരു ലേഖനം തുടർച്ചയായി കാണാറുണ്ട്‌. എന്റെ കൊച്ചുന്നാളിൽ പള്ളിപ്രസംഗത്തിൽ കേട്ടിട്ടുള്ളതിൽനിന്നു വ്യത്യസ്തമായതൊന്നും അതിലില്ല.ബാക്കിയുള്ള കുറിപ്പുകളും തഥൈവ. ഉപയോഗശൂന്യമായ സമയം ഉണ്ടെങ്കിൽ മാത്രം തുറക്കേണ്ട ഒരു ലിങ്കാണ് Laity voiceന്റേത്.

    ReplyDelete