മേരി ചാണ്ടിയെന്ന ചേവായൂരിലെ മരിയാ ഗോരെത്തി

By Joseph Padannamakkel

അമ്മ മതില്‍ക്കൂട്ടിനുള്ളിലെ കരളലിയിക്കുന്ന കഥകളുമായി ഒരു മുന്‍ കന്യാസ്ത്രിയുടെ ആത്മകഥാക്കുറിപ്പുകള്‍ ഉടന്‍ വെളിച്ചത്തു വരുന്നത് ലോകം ഉറ്റുനോക്കികൊണ്ടിരിക്കുകയാണ്. കഥകള്‍ വായിച്ചു രസിക്കുവാന്‍ ജനത്തിനു ഇഷ്ടം. കന്യാസ്ത്രി മന്ദിരങ്ങളില്‍ പീഡനങ്ങള്‍ സാധാരണമെന്ന് പകല്‍പോലെ കാലങ്ങളായി അറിയാം. ഉരുളുന്ന വീപ്പക്കുറ്റിയിലെ പൊള്ളുന്ന താറുപോലെ ജീവിതം ഹോമിക്കുന്ന ഈ സഹോദരികളെ രക്ഷിക്കുവാന്‍ അന്നൊന്നും ഒരു സാമൂഹിക സംഘടനയും മുമ്പോട്ടു വരുന്നതു കണ്ടിട്ടില്ല. പൊടിപ്പും പൊങ്ങലുകളും വെച്ചു കുറെ വാര്‍ത്തകള്‍ വരും. അതിന്‍റെ പേരില്‍ കുറെ മീഡിയാകളും രാഷ്ട്രീയ  സാമൂഹിക പ്രവര്‍ത്തകരും  ഒച്ചവെക്കും. സംഭവം അവിടെ  തീരും.. എഴുതുന്നവരും പുസ്തകം പ്രസിദ്ധീകരിക്കുന്നവരും കുറച്ചു പണം ഉണ്ടാക്കും. പിന്നീട് ഈ കഥയും വിസ്മൃതിയില്‍ അലിയും.

പണമുള്ള വീടുകളിലെ അവിഹിതഗര്‍ഭങ്ങള്‍ സാധാരണ പുറത്തുവരുന്നതിനുമുമ്പു ആ കഥതന്നെ നാമാശേഷമാകും. അരമനക്ക് പണം ഉള്ളടത്തോളംകാലം കന്യാസ്ത്രി മതില്‍ക്കെട്ടിലുള്ളിലെ അരമന രഹസ്യങ്ങളും ക്രൂരതകളും തുടരുക തന്നെചെയ്യും. അതിലൊരു സര്‍ക്കാരിനും ജനത്തിനും ഒരു ചുക്കും ചെയ്യുവാന്‍ സാധിക്കുകയില്ല. അഥവാ പിടിക്കപ്പെട്ടാല്‍തന്നെ ക്രൂശിക്കപ്പെട്ട ആ കുറ്റവാളി വിശുദ്ധ അല്ലെങ്കില്‍ വിശുദ്ധനായി അല്ത്താരയില്‍ സ്ഥാനം പിടിക്കും. സഭ അങ്ങനെ  സഹനത്തിന്‍റെ ദാസ്സന്‍, ദാസ്സിയെന്നു പറഞ്ഞു പണവും  കൊയ്യും.

പുരോഹിതനായിരുന്ന ഷിബുവിന്‍റെയും മുന്‍കന്യാസ്ത്രി ജസ്മിയുടെയും ആത്മകഥകള്‍ രണ്ടു വര്‍ഷത്തിനുമുമ്പു ഇതിനകം അച്ചടിച്ചു പ്രസിദ്ധീകരിച്ചിട്ടുണ്ട്. മറ്റു ഏതു സാഹിത്യകൃതികളേക്കാള്‍ ഈ പുസ്തകങ്ങള്‍ അതിവേഗത്തില്‍ പതിനായിരകണക്കിനു പതിപ്പുകളുമായി ചിലവാകുകയും ചെയ്തു. എന്നാല്‍  വായിച്ചവര്‍ക്ക് ഷിബുവിനോടോ ജസ്മിയോടോ സഹതാപം ഉണ്ടാകുവാന്‍ സാധ്യതയില്ല. പണത്തിനും അധികാരത്തിനും വേണ്ടിയുള്ള സ്വാര്‍ഥത  ഈ രണ്ടു പേരുടെയും ആത്മകഥാകുറിപ്പുകളില്‍ ഒളിഞ്ഞു കിടപ്പുണ്ട്. കൂടുതലും വ്യക്തി താല്പര്യങ്ങള്‍ക്കുവേണ്ടി അവര്‍ സഭ വിട്ടുവെന്നും  ആര്‍ക്കും മനസ്സിലാകും.

ഷിബുവെന്ന പുരോഹിതന്‍റെ കഥയെടുക്കുക. പത്താംക്ലാസ്സുമുതല്‍ സഭയുടെ പണം കൊണ്ടു  അനേകം ഡിഗ്രികള്‍ കരസ്ഥമാക്കി. പിന്നീടു സഭയുടെ സ്കൂളില്‍  ജോലിയും നേടി. കോളേജില്‍ ഉദ്യോഗം കൊടുക്കാത്തതിനാല്‍ സഭാധികാരികളുമായി അമര്‍ഷം  തുടങ്ങി. സ്വന്തം മനസാക്ഷിയെ വഞ്ചിച്ചുകൊണ്ട് സഭയുടെ കാതലായ കുമ്പസ്സാര രഹസ്യങ്ങള്‍വരെ ആത്മകഥാപുസ്തകത്തില്‍ എഴുതി. മേലാധികാരികളുടെ അനുവാദം ഇല്ലാതെ മിഡില്‍ ഈസ്റ്റ് രാജ്യങ്ങളില്‍ പോയി ജോലി മേടിച്ചു.. ഹിന്ദുവര്‍ഗീയ മൌലികശക്തികളുമായി കൂട്ടുചേര്‍ന്ന് വിരുദ്ധ അഭിപ്രായങ്ങള്‍ അവരുടെ മാധ്യമങ്ങളില്‍ എഴുതികൊണ്ടിരുന്നു. ഒടുവില്‍ ആര്‍.‍ എസ് എസ് സംഘടനകളുടെ സഹായത്തോടെ പുസ്തകവും ഇറക്കി. ഈ പുസ്തകത്തിന്‍റെ ലാഭവീതം ഇയാള്‍ പോക്കറ്റില്‍ ഇട്ടതല്ലാതെ ഏതെങ്കിലും സാമൂഹ്യക  സംഘടനകള്‍ക്ക് ഉപയോഗിച്ചതായി അറിവില്ല.  മതനവീകരണ വാദിയെക്കാളും ഇയാളെ  മതത്തിന്‍റെ ശത്രുവായി കാണുകയായിരിക്കും ഉത്തമം.

ജെസ്മിയെന്ന കന്യാസ്ത്രിയുടെ കഥയും ഏറെക്കുറെ ഇതുപോലെ തന്നെ. സഭയുടെ പണം കൊണ്ടു പഠിച്ചു കോളേജു പ്രിന്‍സിപ്പാള്‍വരെയായി. പിന്നീടു അധികാരത്തിനു വേണ്ടിയുള്ള വടംവലിയായിരുന്നു. ആശ്രമജീവിതത്തിലെ നിയമങ്ങള്‍ അനുസ്സരിച്ച് പണം കൈകാര്യംചെയ്യുവാന്‍ അനുവാദം ഉണ്ടായിരുന്നില്ല. കിട്ടുന്ന പണം സ്വന്തമായി കീശയില്‍ ഇട്ടിരുന്ന ഈ കന്യാസ്ത്രിക്ക് കന്യാസ്ത്രി ജീവിതം മുഷിപ്പായി. പാര്‍ക്കിലും മറ്റും പകല്‍ മുഴുവന്‍ ചുറ്റിനടന്നു പുരോഹിതനുമായി ലൈംഗികവേഴ്ചകള്‍ നടത്തിയ കഥയും ഇതിലുണ്ട്. ഇവരിലും കാമം മൂത്തകഥ വ്യക്തമാക്കാതെ പുരോഹിതനെതന്നെ പഴിപറയുന്ന ഒരു ആത്മകഥയാണിത്‌. വളര്‍ത്തി വിട്ട സഭയ്ക്കെതിരായി പുസ്തകം എഴുതിയുണ്ടാക്കിയ പണം ഈ മുന്‍കന്യാസ്ത്രിക്കു മാത്രമേ പ്രയോജനപ്പെട്ടുള്ളൂ.

മേരിചാണ്ടിയുടെ കഥ വിത്യസ്തമാണ്. വായിച്ചിടത്തോളം അവരുടെ കഥയില്‍ സ്വാര്‍ഥത കാണുന്നില്ല. മരിയാഗോരത്തി പുണ്യവതിയെപ്പോലെ സ്വന്തം ചാരിത്രം കാത്തുസൂക്ഷിക്കുവാന്‍   അവര്‍ പൊരുതിയ കഥ ഏവരുടെയും ഹൃദയത്തില്‍ ആഞ്ഞടിക്കുന്നതാണ്. സഭയില്‍നിന്നു പുറത്തുപോയെങ്കിലും അനാഥാലയം നടത്തി അവര്‍ സ്നേഹിക്കുന്ന യേശുവില്‍തന്നെ ഇന്നും സമാധാനംകണ്ടെത്തുന്നു. ഒരു ഉത്തമ കന്യാസ്ത്രിയുടെ ജീവിതമാണ് ഈ പുസ്തകത്തില്‍ പ്രതിഫലിക്കുന്നത്.  അതുകൊണ്ടു ഈ പുസ്തക പ്രസിദ്ധീകരണത്തില്‍കൂടി മെത്രാന്‍ പുരോഹിതവര്‍ഗം ദുഖിതരാവേണ്ട ആവശ്യമില്ല. ദുഷിച്ച അച്ചന്മാരുടെ കാമഭ്രാന്തു പൂര്‍ത്തികരിക്കുന്ന ഒരു സങ്കേതമാണ് കന്യാസ്ത്രി മഠം എന്നു ജനം വിധി എഴുതി കഴിഞ്ഞു. ഇതില്‍ നിന്നും മുക്തി നേടുവാന്‍ സഭയുടെ നവീകരണ ചിന്താഗതിക്കാരുമായി മെത്രാന്‍ ലോകം ആലോചിച്ചു തീരുമാനങ്ങള്‍ കൈകൊള്ളുകയെന്നായിരിക്കും ഇതിനുള്ള പരിഹാരമാര്‍ഗം.

സിസ്റ്റര്‍ മേരി ചാണ്ടിയുടെ ‍ നന്മ നിറഞ്ഞവരേ സ്വസ്ഥിയെന്ന ആത്മകഥാപുസ്തകം ഒരു കന്യാസ്ത്രിയുടെ നൊമ്പരപ്പെടുത്തുന്ന അനുഭവങ്ങള്‍ നിറഞ്ഞ ജീവിത കഥകളുമായിട്ടാണ് അച്ചടിച്ചു പുറത്തു വരുന്നത്‌. സഭയെ ഞെട്ടിപ്പിക്കുന്ന പൌരാഹിത്യ ലൈംഗികവാര്‍ത്തകളുമായിട്ടു  ഗ്രന്ഥപ്പുരയില്‍ സ്ഥാനം പിടിച്ചു  കഴിഞ്ഞു. നാല്‍പ്പതില്‍പ്പരം വര്‍ഷങ്ങള്‍ അമ്മ മതില്‍ക്കൂട്ടിനുള്ളില്‍ ജീവിതം ഹോമിച്ചു  സന്യാസിനി ജീവിതം ഉപേക്ഷിച്ച ഒരു കന്യാസ്ത്രിയുടെ കഥയാണ് ഇതിലെ ഉള്ളടക്കം.

ജുഗുപ്സാവഹമായ കഥകളുമായിട്ടു പതിമൂന്നു വര്‍ഷങ്ങള്‍ക്കു മുമ്പ്(1999) താന്‍ തെരഞ്ഞെടുത്ത നിത്യവൃതത്തില്‍ നിന്ന് മേരി സഭയോട് വിട വാങ്ങി.. നന്മ നിറഞ്ഞവരേ നിനക്കു സ്വസ്തി എന്ന പുസ്തകത്തിന്‍റെ തലവാചക കടലാസ്സുകള്‍ക്കായി ജനവും വാര്‍ത്താപ്രസിദ്ധീകരണങ്ങളും കാത്തിരിക്കുകയാണ്. കുന്നുകൂടിയിരിക്കുന്ന സന്യാസ്സിനീ  അന്തഗോപുരങ്ങളിലെ കളങ്കം ചാര്‍ത്തിയ വൈക്കോല്‍ക്കൂനയിലെ കച്ചിത്തുരുമ്പുകള്‍ തപ്പിയെടുക്കുവാന്‍ ഒപ്പം മതവൈരികളും വിഭിന്ന മൌലികവാദികളും, കൊഞ്ഞനം കാട്ടുന്ന മാധ്യമ ഉപനാളങ്ങളുമുണ്ട്.

സിസ്റ്റര്‍ മേരി മാനസികമായും ശാരീരികമായും അനുഭവിച്ച ജീവിതകഥകളുടെ ചുരുക്കമാണ് പുസ്തകമായി രൂപംകൊണ്ടിരിക്കുന്നത്. ഈ പുസ്തക കടലാസ്സുകള്‍ക്കുള്ളില്‍ പുരോഹിത കന്യാസ്ത്രികളും അവരുടെ മേലാധികാരികളും വില്ലന്മാരും വില്ലത്തികളുമാണ്. ഇവിടെ, സ്വന്തം പവിത്രമായ ചാരിത്രത്തെ കാത്തു സൂക്ഷിക്കുവാന്‍ കന്യാസ്ത്രി മഠം മതില്‍ക്കെട്ടിനുള്ളിലെ കാമ ഭ്രാന്തന്മാരോടുള്ള ഏറ്റുമുട്ടല്‍ ഏറെയുണ്ട്. അതെ ഈ മുന്‍ സന്യാസ്സിനിയുടെ മൊത്തം ജീവിതവും ആശ്രമ ജീവിതത്തിലെ നിലനില്‍പ്പിനു വേണ്ടിയുള്ള  പൊരുതലുകളുടെ കഥയായിരുന്നു.

തെരഞ്ഞെടുക്കപ്പെട്ട ആത്മീയ ജീവിതത്തിനു കളങ്കം വരുത്തുന്ന അനേകം കന്യാസ്ത്രി ജീവിതങ്ങളെപ്പറ്റിയും പുസ്തകം പരാമര്‍ശിച്ചിരിക്കുന്നു. ചില കന്യാസ്ത്രികള്‍ മുറികള്‍ അടച്ചു വഷളായ ലൈംഗിക പുസ്തകങ്ങള്‍ വായിക്കുമായിരുന്നു. നഗ്നരായ സ്ത്രീ പുരുഷന്മാരുടെ ലൈംഗിക ഭോഗചിത്രങ്ങള്‍ കണ്ടും ആനന്ദിക്കുമായിരുന്നു. ഇത്തരം പുസ്തകങ്ങള്‍ സുലഭമായികന്യാസ്ത്രികളുടെ കൈവശം എത്തിക്കുന്നത് പുരോഹിതരില്‍ക്കൂടിയെ സാധ്യതയുള്ളൂ. ലൈംഗിക പുസ്തകങ്ങള്‍ കന്യാസ്ത്രികള്‍ സൂക്ഷിക്കുന്നത് ഈ സിസ്റ്ററിന്‍റെ മനസാക്ഷിയെ വേദനിപ്പിച്ചിരുന്നു.കര്‍ത്താവിനു വേണ്ടി വൃതമെടുത്ത പരിശുദ്ധമായ കൈകള്‍കൊണ്ട് ഇത്തരം കാമ ലീലകളുള്ള കൊച്ചുപുസ്തകങ്ങള്‍ സ്പര്‍ശിക്കുന്നതും സിസ്റ്ററില്‍ അമര്‍ഷം ഉണ്ടാക്കിയിരുന്നു. ഇത്തരം കാഴ്ചകള്‍ നിത്യസംഭവങ്ങളും ആയിരുന്നു.

ഒരിക്കല്‍ ഒരു കന്യാസ്ത്രി മുറിയടച്ചു കുറ്റിയിട്ടു എന്നും പുറത്തുവരാതെ കഴിയുന്നതും ഈ സിസ്റ്ററിന്‍റെ  ശ്രദ്ധയില്‍പ്പെട്ടതും   പുസ്തകത്തില്‍ വിവരിച്ചിട്ടുണ്ട്. അവര്‍ സുന്ദരിയായിരുന്നു. ഏതു ജോലികളിലും ഏറെ മിടുക്കിയും. എന്നാല്‍ തിരുവസ്ത്രം ധരിച്ചുകൊണ്ട് അവളിനുള്ളിലെ മലിനമായ കാര്യങ്ങള്‍  അറിയുവാനും മേരിക്കു ജിഞാസ്സയായി.

ഒരു ദിവസം ആ സുന്ദരി അശ്ലീലം നിറഞ്ഞ മാസികകള്‍ വായിക്കുന്നതും മേരി കണ്ടു. നഗ്നരായ സ്ത്രീ പുരുഷന്മാരുടെ ലൈംഗിക വേഴ്ചയുടെ മാസിക. ഇത് കണ്ടു ദുഖിതയായി മേരി ആ കന്യാസ്ത്രിയെ ശകാരിച്ചു. ഇത്തരം ഹീന പ്രലോഭനങ്ങള്‍ സഭാവസ്ത്രത്തോടുള്ള വാഗ്ദാന ലംഘനമാണെന്നും ഓര്‍മ്മിപ്പിച്ചു. ഇങ്ങനെ ചെയ്യരുതെന്നും ഇനി ഇത്തരം അഴുക്കുനിറഞ്ഞ പുസ്തകങ്ങള്‍ കണ്ടാല്‍ മേലാധികാരി കന്യാസ്ത്രികളെ വിവരം ധരിപ്പിക്കുമെന്നും മൃദുവായി ശകാരിച്ചു. ഈ കഥ മറ്റാരോടും പറയുകയില്ലായെന്നും ഉറപ്പു കൊടുത്തു.

കോട്ടയം  ജില്ലയിലെ പാലായിലാണ് ഈ സഹോദരി ജനിച്ചത്‌. പതിമൂന്നാംവയസ്സില്‍ കന്യാസ്ത്രിയാകണമെന്നുള്ള ആഗ്രഹം അവരുടെ മനസ്സില്‍ ഉദിച്ചു. സ്വന്തം വീട്ടില്‍ നിന്നും ഒളിച്ചോടി ഒരു കത്തോലിക്കാ ആശ്രമത്തില്‍ അഭയം തേടി. ദൈവത്തിന്‍റെ ബലിപീഠം കണ്ടു

 സേവനത്തിനായി വന്ന ഈ സഹോദരി പതിറ്റാണ്ടുകളുടെ കയ്പ്പേറിയ അനുഭവങ്ങളാണ് അവിടെ ദര്‍ശിച്ചത്. ചതിയുടെയും നിരാശകളുടെയും ദുരിതങ്ങളുടെയും കഥകളാണ് ഈ പുസ്തകത്തിന്‍റെ  പേജുകളില്‍ ഏറെയും. എല്ലാം കണ്ടു സഹിക്കുവാന്‍ സാധിക്കാതെ 1999 ല്‍ ഇവര്‍ സഭാ വസ്ത്രം ഉപേക്ഷിച്ചു. എങ്കിലും വടക്കേ മലബാറിലുള്ള വയനാട്ടില്‍ സ്വന്തമായി ഒരു അനാഥാലയം നടത്തി ഇവര്‍ ഇന്നും ആതുരസേവനം നടത്തുന്നു. വീടുകള്‍ തോറും ചിലപ്പോള്‍ തനിയെ നടന്നു പിരിവുകള്‍ നടത്തിയാണ് ഇവര്‍ അനാഥക്കുട്ടികളെ പോറ്റുന്നത്. ഒരു സന്യാസിനി ആശ്രമ മതില്‍ക്കൂട്ടിനുള്ളില്‍ ചെയ്യുവാന്‍ സാധിക്കുന്ന സേവനത്തെക്കാള്‍ ദൈവത്തിനു വേണ്ടി ഈ അനാഥാലയത്തില്‍ സ്വയം ജീവിതം അര്‍പ്പിച്ചതിലും ഈ സഹോദരി അഭിമാനിക്കുന്നു. പുറത്താക്കപ്പെട്ട ഈ മുന്‍സന്യാസിനി ഇന്ന് സമൂഹം തള്ളി കളഞ്ഞ അനേക കുഞ്ഞുങ്ങളുടെ അമ്മയും കൂടിയാണ്.

അസ്സഹ്യമായഅപമാനത്തിന്‍റെയും വേദനകളുടെയും കഥകളാണ് ആശ്രമ ജീവിതത്തിനുള്ളിലുള്ളത്. ചില പെണ്‍കൊടികള്‍ ആശ്രമത്തില്‍‍നിന്നും രക്ഷപ്പെട്ടു ഒളിച്ചോടുന്നു. മറ്റു ചിലര‍ ആത്മഹത്യ ചെയ്യുന്നു. യേശുവിന്‍റെ പാതകളില്‍ ‍ സഞ്ചരിക്കണമെന്നുള്ള തീക്ഷ്ണമായ ആഗ്രഹമായിരുന്നു ഇത്രയും കാലം അവരെ അവിടെ പിടിച്ചുനില്‍ക്കുവാന്‍പ്രേരിപ്പിച്ചതും. ആദ്യമായി വൃതമെടുത്തപ്പോള്‍ ‍ അന്നു വചനം ചൊല്ലി സത്യം ചെയ്തതും തന്‍റെ  ആത്മീയ ജീവിതംമുമ്പോട്ടു കൊണ്ടുവാന്‍ ഇവരെ പ്രേരിപ്പിച്ചിരുന്നു. അന്നു ഈ സന്യാസ്സിനിയുടെ ഹൃദയത്തില്‍ ‍പതിഞ്ഞ യേശുവിന്‍റെ  പ്രതിബിംബമായിരുന്നു, മുമ്പോട്ടുള്ള ജീവിതത്തിനു ഉത്തേജനം നല്കിയതും. അതുപോലെ അനേകം അനാഥ കുട്ടികളുടെ അമ്മയായിസേവനം ചെയ്യുവാന്‍ അവസരം നേടിയതുo യേശുവിനു അര്‍പ്പിച്ച ഒരു നിയോഗമായിരുന്നുവെന്നു  ഈസഹോദരി പറയുന്നു.

പുരോഹിതര്‍ കാരണമില്ലാതെ സദാസമയവും കോണ് വെന്റിനുള്ളില്‍ ‍വരുന്നത് മേരിയില്‍ ‍വെറുപ്പുളവാക്കിയിരുന്നതും ആത്മകഥയില്‍‍ ഉണ്ട്. അച്ചന്‍ വന്നാല്‍ ‍കന്യാസ്ത്രികള്‍ ‍കൂട്ടത്തോടെ മണിക്കൂറുകളോളം ശ്രിംഗാരം നടത്തുക പതിവായിരുന്നു.

സന്യാസിനിസമൂഹത്തിനു കളങ്കം വരുമെന്നുഭയന്നു ഇവര്‍ ആദ്യമാദ്യമൊക്കെ നിശബ്ദമായി കാഴ്ചകള്‍ ‍നോക്കിനിക്കുമായിരുന്നു. അനേക തവണകള്‍ മദറിനോട് ഈവിഷയങ്ങള്‍ ചര്‍‍ച്ച നടത്തിയെങ്കിലും ആശ്രമാധികാരികള്‍ ‍ചെവി കൊള്ളാതെ ശ്രുംഗാരകാഴ്ചകള്‍‍ ഒളിച്ചു വെക്കുകയായ്രുന്നു. പലരുടെയും മുറികളില്‍ ‍യാദൃശ്ചികമായി പ്രവേശിച്ചാലും അവരില്‍ കുറ്റബോധങ്ങള്‍ കാണുക  സാധാരണമായിരുന്നു. പരിശുദ്ധിയുള്ള കന്യാസ്ത്രികള്‍ ‍വിരലില്‍ ‍ എണ്ണാന്‍പോലും ആശ്രമത്തില്‍ ‍ ഉണ്ടായിരുന്നില്ലായെന്ന സത്യവും ഈ മുന്‍‍കന്യാസ്ത്രി തന്‍റെ ആത്മകഥയില്‍ ‍വെളിപ്പെടുത്തിയിരിക്കുന്നു. കന്യകയായി ആശ്രമത്തില്‍‍ വന്നവള്‍ ‍എന്നും കന്യകയായിരിക്കണമെന്ന സ്വയം ചിന്തകള്‍ ഇവരെ ആശ്രമ ജീവിതമാകെ വെറുപ്പുളവാക്കി.

ഈ സഹോദരി സേവനം ചെയ്തിരുന്ന കന്യാസ്ത്രി മന്ദിരത്തിനു സമീപം ഒരു ഹോസ്പിറ്റലും ഉണ്ടായിരുന്നു. പള്ളിയോടു ചേര്‍‍ന്നുണ്ടായിരുന്ന ഈ ഹോസ്പിറ്റലിലെ ഒരു ഡോകടരും മറ്റൊരു കന്യാസ്ത്രിയും തമ്മിള്‍ സ്നേഹ ബന്ധത്തില്‍ ‍ എന്നും മേരി മനസ്സിലാക്കി. ഹോസ്പിറ്റലിലെ അത്യാഹിതവിഭാഗത്തില്‍ ഒരിക്കല്‍ ‍ഒരു രോഗിയെ ഗുരുതരാവസ്ഥയില്‍ ‍ കൊണ്ടുവന്നു. തത്സമയം ഡോക്ടര്‍ ‍ഹോസ്പിറ്റലില്‍ എവിടെയാണെന്നും കണ്ടെത്താനായില്ല. കന്യാസ്ത്രികള്‍ ഡോക്ടര്‍ എവിടെയെന്നു കണ്ടുപിടിക്കുവാന്‍ അതിയായി തിരക്കിട്ട് അന്വേഷണവും തുടങ്ങി. എന്നാല്‍ ‍അയാള്‍ ‍എവിടെയും ഉണ്ടായിരുന്നില്ല. കന്യാസ്ത്രിയും ഡോക്ടറും തമ്മിലുള്ള അടുപ്പം കണക്കാക്കി എവിടെയെങ്കിലും അവര്‍ ‍ മുറി അടച്ചിട്ടിരുന്നു സല്ലാപം നടത്തുന്നുണ്ടായിരിക്കുമെന്നു മേരി മനസ്സില്‍ കരുതി. അവസാനം  ഒരു മുറിയില്‍‍നിന്നും ഈ സഹോദരിയുടെ ഒതുക്കിയ പിറുപിറുത്തുള്ള സംസാരം കേട്ടു. അവരെ മുറിയില്‍നിന്നു പുറത്താക്കി, ഇത്തരം അനാശാസ്യ പ്രവര്‍‍ത്തനങ്ങള്‍ ‍ഇവിടെ സാധ്യമല്ലെന്നും മുന്നറിയുപ്പു കൊടുത്തു. ആപത്തില്‍ വരുന്ന ഒരു രോഗിയെ പരിശോധിക്കുക വൈദ്യശാസ്ത്രത്തിലെ ഒരു ഡോക്റ്ററുടെ ധാര്‍മ്മിക കടമയാണെന്നും അതു നിറവേറ്റാത്തവന്‍ ഈ ജോലിക്ക് അനുയോജ്യനല്ലെന്നും ഓര്‍‍മ്മപ്പെടുത്തി. എന്താണ് ആ മുറിയില്‍ ‍സംഭവിച്ചിരുന്നതെന്ന് വ്യക്തമല്ലെങ്കിലും സംഭവിക്കെണ്ടാത്തത് സംഭവിച്ചുവെന്നും മേരി വിചാരിക്കുന്നു.

അവരുടെ പ്രേമബന്ധം തുടര്‍ന്നതുമൂലം സഭയെ നാണം കെടുത്താതെ കുപ്പായം ഊരി പുറത്തുപോകുവാനും പലരും അവരെ ഉപദേശിച്ചിട്ടും പ്രയോജനം ഉണ്ടായില്ല. പഴയവഴിതന്നെ ആരെയും കൂസാതെ ഡോക്റ്ററും കന്യാസ്ത്രിയും ബന്ധം തുടര്‍‍ന്നു. ഒരിക്കല്‍ ആ ഡോക്റ്റര്‍ മേരിയെ  കൊല്ലുമെന്നും ഭീഷണിപ്പെടുത്തി. ആശ്രമ അധികൃതര്‍ പലരും ഇവരുടെ പ്രേമബന്ധം കണ്ണടച്ചതുമൂലം ആരും ഗൌനിക്കാതെയായി. ഒടുവില്‍ ആ കന്യാസ്ത്രി സഭാവസ്ത്രം ഉപേക്ഷിച്ചു ഡോക്ട്ടറുമായി വിവാഹിതയായി.

പെണ്‍ക്കുട്ടികളെ ബലാല്‍സംഗം ചെയ്യുന്ന പല പുരോഹിതരെയും കന്യാസ്ത്രി വളപ്പില്‍ കാണാം. അത്തരം സംഭവങ്ങളില്‍ ആരെങ്കിലും പ്രതികരിച്ചാല്‍ ‍കുറ്റവാളിയായപുരോഹിതനൊപ്പമേ സഹകന്യാസ്ത്രികളും നില്‍ക്കുകയുള്ളൂ. ഒരു പുരോഹിതന്‍റെ ബലാല്‍സംഗകഥയും പ്രതികരണങ്ങളും ഈ ആത്മകഥയില്‍ വിവരിച്ചിട്ടുണ്ട്. പുരോഹിതനെ അനുസരിക്കാത്ത കന്യാസ്ത്രികള്‍ മറ്റു അധികാരമുള്ള കന്യാസ്ത്രികളുടെ നോട്ടപുള്ളിയാക്കുമായിരുന്നു. മാനസ്സികമായി എല്ലാവിധത്തിലും ‍പീഡിപ്പിക്കുകയും ചെയ്തിരുന്നു. കന്യാസ്ത്രിയുടെ കുപ്പായം അണിഞ്ഞാല്‍ അവര്‍ പിന്നെ പുരോഹിതരുടെ ദാസ്സികളെന്നു ചില ര്‍ വിചാരിക്കുന്നു.

ഈ സഹോദരിയുടെ സന്യാസിനി ജീവിതത്തിലും ദുഖകരമായ ഒരു സംഭവം ഉണ്ടായിട്ടുണ്ട്.ആറാംവയസ്സുമുതല്‍‍ യേശുവിനെമാത്രം ഹൃദയത്തില്‍ താലോലിച്ചുനടന്ന ഈ സഹോദരി ഒരു പുരോഹിതന്‍ ‍ തന്‍റെ ചാരിത്രത്ത്തിനു കളങ്കം വരുത്തി ബലാല്‍സംഗം ചെയ്യാന്‍ ശ്രമിച്ചതും ദുഖകരമായ അനുഭവം ആയിരുന്നു. ‍മേലും കീഴും നോക്കാതെ സ്വയരക്ഷക്കുവേണ്ടി തടികൊണ്ടുള്ള സ്റ്റൂള്‍ വെച്ചു അയാളുടെ തലക്കിട്ടു അടിച്ചത് മഠം അധികാരികളെ  ഞെട്ടിച്ച ഒരു കഥയായി. അന്ന് മഠം ഒന്നാകെ ഈ സഹോദരിയെ ദ്രോഹിയായും കുറ്റവാളിയായും ചിത്രികരിച്ചു.  സന്യാസിനിമഠം അനുഷ്ടിച്ചിരുന്നതു പുരോഹിതന്‍ എന്തു തെറ്റു ചെയ്താലും പ്രതികരിക്കരുതെന്നുള്ള എഴുതപ്പെടാത്ത ഒരു നിയമമായിരുന്നു.

ഈ സഹോദരിയ്ക്ക് അന്നു പ്രായം ഇരുപതു വയസ്സു മാത്രം. ചേവായൂര്‍ മഠം ആശ്രമത്തിലാണ് ബലാല്‍സംഗത്തിന് പുരോഹിതന്‍  തുനിഞ്ഞതും പ്രഹരം കൊടുത്തതും. ഒരു സുപ്രഭാതത്തില്‍ ‍കുര്‍‍ബാനയ്ക്കുശേഷം രാവിലത്തെ ഭക്ഷണം നല്കിയപ്പോഴായിരുന്നു സംഭവം നടന്നത്. അന്ന് ഈ പുരോഹിതന്‍റെ കള്ളനോട്ടം കണ്ടപ്പോഴേ ഇവര്‍ വിറക്കുവാന്‍ തുടങ്ങിയിരുന്നു. പ്രഭാത ഭക്ഷണം കൊടുക്കാതെ പിന്‍‍വാങ്ങാന്‍ ശ്രമിച്ചു. പുരോഹിതന്‍ ‍കസ്സെരയില്‍‍ നിന്നും എഴുന്നേറ്റു വാതിലിനു കുറ്റിയിടുകയും ബലമായി കൈകളില്‍ കയറിപ്പിടിക്കുകയും ചെയ്തു. "മേരി നിനക്കു ഇതൊക്കെ അറിയത്തില്ലേ" എന്നു പറഞ്ഞു അയാള്‍ മേരിയെ മാറോടു അമര്‍‍ത്തി. തന്‍റെ നിലവിളിച്ചുള്ള കരച്ചിലിനും ആരും ചെവി കൊണ്ടില്ല. അയാളില്‍നിന്നും വിടുവിച്ചു ഓടിയഈ സഹോദരിയുടെ പിന്നാലെയും പിടിക്കുവാന്‍ വീണ്ടും വന്നു. അപ്പോഴാണ്‌ കയ്യില്‍കിട്ടിയ സ്റ്റൂള്‍ വെച്ചു പ്രതികരിച്ചു നിര്‍ദ്ദയമായി ഈ പുരോഹിതനെ മര്‍ദ്ദിക്കേണ്ടിവന്നത്. അയാളുടെനെറ്റിത്തടത്തില്‍ നിന്നും രക്തം ചീറ്റുന്നുണ്ടായിരുന്നു.

സ്വയംരക്ഷക്ക് വേണ്ടി ചെയ്തതെങ്കിലും ‍ഒരു പുരോഹിതനെന്നനിലയില്‍ ‍ഈ സഹോദരിയെ വേദനിപ്പിച്ചുവെന്നും ജീവിതകഥയിലുണ്ട്. ‍ഉച്ചത്തില്‍ കാറി പുറത്തുചാടിയ ഇവരുടെ ന്യായവാദങ്ങള്‍ ‍കേള്‍‍ക്കുവാന്‍ അന്ന് ആരും ഉണ്ടായിരുന്നില്ല. എന്നും അധികാരികളുടെ മുമ്പില്‍ ‍ഇവര് കുറ്റവാളിതന്നെയായിരുന്നു.