'സ്ത്രീയേ ഇതാ നിന്‍ മകന്‍' യേശു ക്രൂശതില്‍
ജീവന്‍ വെടിഞ്ഞിടും വേളയില്‍ ചൊന്നതാം
വാക്കുകള്‍ മാറ്റൊലിക്കൊള്ളുന്നു, നമ്മുടെ
മുമ്പില്‍നിന്നീ വൃദ്ധ ''നിങ്ങളെന്‍ മക്കളെ-
ന്നോര്‍ത്തു നയിക്കുമീ രൂപ'താ'മാര്‍ച്ചിതില്‍
ചേരുകില്ലേ നിങ്ങ''ളെന്നു ചോദിക്കവെ.
'അമ്മേ,യിതാ നിന്റെ മക്ക'ളെന്നിന്നു നാം
ഈയമ്മയോടു ചൊന്നീടേണ്ടയോ? മക്ക-
ളില്ലാത്തവര്‍ക്കൊക്കെ യമ്മയാകേണ്ടതാം
യേശുവിന്‍ വധുവാം സഭ മക്കളെ
ചൂഷണംചെയ്തു കൊഴുക്കവെ, മോണിക്ക
അമ്മയാണിന്നു നമുക്കെന്നു കാണുക!
അമ്മ നയിക്കുമീ ധര്‍മ്മയുദ്ധത്തില്‍ നാം
അമ്മയോടൊത്തു നിന്നീടുക, ചൂഷിത-
വേഷത്തിലാം യേശുവിന്നു ജീവിപ്പതെ-
ന്നോര്‍മ്മിച്ചു ജീവിച്ചിടുമ്പൊഴാം സ്വര്‍ഗമീ
ഭൂവില്‍വരുന്നതും മാതൃരൂപം ഭൂവി-
ലീ സഭയ്ക്കുണ്ടായിടുന്നതും - ഓര്‍ക്കുക!
ജീവന്‍ വെടിഞ്ഞിടും വേളയില്‍ ചൊന്നതാം
വാക്കുകള്‍ മാറ്റൊലിക്കൊള്ളുന്നു, നമ്മുടെ
മുമ്പില്‍നിന്നീ വൃദ്ധ ''നിങ്ങളെന്‍ മക്കളെ-
ന്നോര്‍ത്തു നയിക്കുമീ രൂപ'താ'മാര്‍ച്ചിതില്‍
ചേരുകില്ലേ നിങ്ങ''ളെന്നു ചോദിക്കവെ.
'അമ്മേ,യിതാ നിന്റെ മക്ക'ളെന്നിന്നു നാം
ഈയമ്മയോടു ചൊന്നീടേണ്ടയോ? മക്ക-
ളില്ലാത്തവര്‍ക്കൊക്കെ യമ്മയാകേണ്ടതാം
യേശുവിന്‍ വധുവാം സഭ മക്കളെ
ചൂഷണംചെയ്തു കൊഴുക്കവെ, മോണിക്ക
അമ്മയാണിന്നു നമുക്കെന്നു കാണുക!
അമ്മ നയിക്കുമീ ധര്‍മ്മയുദ്ധത്തില്‍ നാം
അമ്മയോടൊത്തു നിന്നീടുക, ചൂഷിത-
വേഷത്തിലാം യേശുവിന്നു ജീവിപ്പതെ-
ന്നോര്‍മ്മിച്ചു ജീവിച്ചിടുമ്പൊഴാം സ്വര്‍ഗമീ
ഭൂവില്‍വരുന്നതും മാതൃരൂപം ഭൂവി-
ലീ സഭയ്ക്കുണ്ടായിടുന്നതും - ഓര്‍ക്കുക!
No comments:
Post a Comment