മരിയാ തോമസ് പീടികയ്ക്കല്‍
''പള്ളിക്കച്ചവടക്കാരെ
ചാട്ടവാര്‍കൊണ്ടടിച്ചോടി-
ച്ചരുളും ക്രിസ്തുവെന്നുള്ളില്‍
പള്ളികൊള്ളുക സര്‍വദാ!''
കുഞ്ഞുണ്ണി മാഷു പാടുമ്പോള്‍
പാടുന്നെന്‍ ബാക്കിയിങ്ങനെ:
തെറ്റു തെറ്റെന്നറിഞ്ഞിട്ടും
തന്റെ തെറ്റിന്നു മറ്റാരോ
മാപ്പുചോദിക്കുമെന്നോര്‍ത്താം
പണ്ടാരോ ചെയ്ത തെറ്റിന്നായ്
മാര്‍പ്പാപ്പാ മാപ്പുചോദിപ്പൂ
മാപ്പു നല്കുന്നതെങ്ങനെ?
വചനം മാംസമാക്കീടാന്‍
വരം നമ്മള്‍ക്കുമുണ്ടല്ലോ
ബന്ധിതര്‍ക്കായ് മോചനം നാം
ശ്രമിച്ചാലേ ലഭ്യമാകൂ.
എമ്മാനുവേലെന്ന വാക്കിന്‍
അര്‍ഥം നാം നിത്യമോര്‍ക്കണം:
ദൈവം നമ്മോടൊപ്പമുണ്ട്
നീതിക്കായി ശ്രമിക്കുമ്പോള്‍!
No comments:
Post a Comment