സീറോ മലബാര്‍ സഭയിലെ വര്ണവിവേചനം.

പരേതനായ കുട്ടപ്പന്റെ സംസ്കാരത്തോട് ബന്ധപെട്ടുണ്ടായ വിവാദം എന്നില്‍ ഉണ്ടാക്കിയ ചില ചിന്തകളാണ് ഇവിടെ പങ്കിടുന്നത്.  ചരിത്രപരമായ കൃത്യത ഒട്ടും അവകാശപെടുന്നില്ല.  അതിനെക്കുറിച്ച്‌ അറിയാവുന്നവര്‍ എഴുതുന്നതില്‍ വരുന്ന തെറ്റുകള്‍ തിരുത്തണം എന്ന് അഭ്യര്‍ത്ഥന ഉണ്ട്.

കുട്ടപ്പന്‍ ഒരു ദളിദ്‌ ക്രിസ്ത്യനി ആയിരുന്നു എന്ന് വിശ്വസികട്ടെ.  സഭയെ സംബന്തിചിടത്തോളം അക്കൂട്ടര്‍ ഇന്ന് ഒരു ബാധ്യതയാണ്.  ബ്രിട്ടീഷ്‌കാര്‍ അന്നത്തെ പിന്നോക്ക ജാതിക്കാരെ പരിവര്‍ത്തനം ചെയ്യിച്ചപ്പോള്‍ സഹിക്കാന്‍ വയ്യാതെ, കൂടുതലൊന്നും ആലോചിക്കാതെ, നമ്മളും കിട്ടിയവരെ എല്ലാം ഒപ്പം കൂട്ടി.  അന്നേ നമ്മുടെ അച്ചായന്മാര്‍ പരാതിപെട്ടിരിക്കണം.  (തകഴിയുടെ കയറില്‍ നിന്നും അല്പം വിവരം ലഭ്യമാണ്).  പക്ഷെ അന്ന് വാശിയ്ക്ക് Convert ചെയ്തു.  CSI സഭയില്‍ ഇന്ന് ദളിതര്‍ പുരോഹിതരും മെത്രാന്മാരും ആയിട്ടുണ്ട്‌.  പക്ഷെ സീറോ മലബാര്‍ സഭയില്‍ ഒരു വൈദികന്‍ എങ്കിലും ഉണ്ടോ എന്ന് സംശയമാണ്.  മെത്രാന്‍ ഇല്ല എന്നുള്ളത് തീര്ച്ചയും.

Convert ചെയ്യാതിരുന്നെന്കില്‍ അവര്‍ക്ക് കിട്ടേണ്ടിയിരുന്ന സംവരണം അവര്‍ക്ക് നഷ്ടമായി.  പകരം നാം അവര്‍ക്ക് എന്ത് കൊടുത്തു?  കത്തോലിക്കാസ്ഥാപനങ്ങളില്‍ എങ്കിലും അവര്‍ക്ക് സംവരണം നല്‍കിയോ?

ഇന്ന് അവര്‍ സഭയ്ക്ക് ഒരു ബാധ്യതയായിരിക്കുകയാണ്.  അവര്‍ ഇട്ടെച്ചും പോകുന്നെങ്കില്‍ പോകട്ടെ എന്ന നിലപാടിന്റെ ഒരു ഭാഗമാണ് ഇതൊക്കെ.  ഒരു പുരോഹിതന്റെ ക്രൂരത മാത്രമായി ഇതിനെ കാണരുത്.

ക്നാനായ സമുദായത്തിലെ Racism ചര്‍ച്ച ചെയ്യപെടുന്നുണ്ട്.  സീറോ മലബാറിലേതും ചര്ചാവിഷയമാകണം.